السلام عليكم

والله ماردني للتعب النفسي ألا الحالة المأسوف عليها التي تمر بها كل إمرأة سعوديه حظها شين
المسيكينه مايهنى لجفنها نوم لا ليل ولا نهار
ماغير تفكر [وش ناقص عجينة اللقيمات عشان تضبط]
قسم بالله قلق الرجاجيل قـــــــلــــــــــــــق
ورا ماياكلون تمر ويشربون مويه يامال اللي مانيب قايله
ولا ما يرتاحون ألا لين يشوفون السفره على إمتداد مرأى العين
لا ومن زود الطناخه اللي فيهم يطلبون على الفطور برتقال وفواكه يقال لهم كريمين وهم من جنبها
ولا يجيهم حب المطابخ ألا برمضان
إذا دخل رجال بالمطبخ كأني شايفه جني
بسم الله معصب وحالته لله تقول يجاهد في الشيشان
ماودي ألا فالعته بالسحله اللي بيدي

المهم خلكم من مقدمتي الفاشله كالعاده

أترككم مع رمضاني اللي على كيفي< الحمد لله والشكر

بأبدأ من الفجر لأني أكون مواصله
طبعا أرقى فوق للدور الثاني وأول ما يأذن أشرب مويه بعدها أصلي ركعتين سنة وركعتين الفجر ثم أجلس في الصاله أشغل الجوال على قصيدة
يانجد ماتشكي من الهم والجور
سلمان حي وجالس بالامارة
^
مرره تجنن بصوت المنشد فهد مطر
وآخذ دقيقتين وأروح عند البنات في الغرفه ونهستر على هالصبح ضحك على غير سنع وسوالف
نفضفض وكل وحده تقول أحلامها وتتحسر على عمرها وحظها
واللي تتذكر الماضي والمواقف البايخه اللي صارت لها
نجلس على هالوضع لين تصير الساعه 5 ونص بعدها نشغل اللاب توب ونتابع أي فيلم وأنصحكم بالأفلام المصريه الكوميديه السياسيه قسم بالله تفطس ضحك من جد بايعينها بتراب
وإذا إنتهى الفيلم كل وحده تدور النوم ويخمدون إلى أن يشاء الله
وأنا أفتح لعبة [Mahjog Titans] وأحط السماعات بأذني على شيلة [يانجد]
تقريبا الساعه 9 بعدها أقفل النت وأنام على صوت السماعات بس أسمعه من بعييييد لأني حزتها في سابع نومه
ما أصحى إلا على فتحة الباب ما أعرف أنام ألا والباب مسكر أصلا ما أرتاح في أي مكان ألا والباب مسكر مدري هل هو مرض نفسي أو حالة ميأوس منها
بس على فكرة الرسول صلى الله عليه وسلم كان يقول بمعنى الحديث إن الشخص لا ينام ألا ويرد بابه عليه
أهلي يصحوني على آذان العصر بس ما أصحصح ألا على الساعه 4 ونص بعد طقاق وهواش ماله داعي بصراحه
يعني وشفيها ليا نمت ساعة زمان بتطير الدنيا مثلا!
ساعتها أصحى غصب وأتوضى وأصلي الظهر أربع ركعات وبعدها أربع ركعات العصر وبعدها ألبس نظارتي على الطاير وأنزل تحت بسرررعه
وأدخل على أمي في الصاله وأنا راسي بالأرض وخايفه من التهزيء كلها كلمتين كفيله بأنها تنزل دموعي وتذكرني بحظي الردي
وأسمعها تقول: سوي المريسه
المريسه هذي طول الله عماركم على طاعته
هي [عصيري الخاص] تتكون من: كيسة تمر صغيرة ونصف كأس تانج وحبتين كبيرة ليمون.
الطريقه: يمرس التمر باليد مع قليل من الماء ثم يصفى بالمصفاة ثم يوضع بجيك كبير ويعصر الليمون ويوضع في الجيك مع التانج ثم يعبى ماء بارد جدا مع قطع الثلج ويخلط جيدا ويوضع بالثلاجه
بعدها يصير حضر تجول في المطبخ من لدن شخصي للعيال
يروح أجر صيامي في الهواش مدري يستخفون دمهم على أيش
المهم نجهز كل أبو شيء لتقديم سفرة أفضل
وتبدأ حوسة قبل المغرب بعشر دقايق
الصراخ ذيك الحزة مصرح للجميع
طبعا الرجال يضايقونا بعجلتهم وإحنا نتحلطم وشوي ونكفخهم بس نتذكر إنا صايمين فنهون ونتعوذ من ابليس
أهم شيء ما أطلع المريسه من الثلاجه ألا إذا سمعت الأذان عشان تكون باااااااارده
أسمع الله أكبر ويالله بسرعه أفتح الثلاجه وآخذ [المريسه حصريا مع متآبعه]
وأروح عند أهلي بالدكه الجو رهيييييب
شجر والأرض مرشوشه بالماء والهواء يرد الروح والأحلى من هذا كله الأكل الشهي
أسمي بالله وأقول اللهم إني لك صمت وعلى رزقك أفطرت
وآكل فردة رطب وأصب لي كأسا من عصيري وآكل السمبوسه وفطاير الدجاج واللقيمات بالشيرة والمطبق والمكرونة
كل شيء بوقت واحد وأكره نفسي إذا شبعت لأن ماودي أشبع بس الشكوى لله
مره من المرات في رمضان لما خلصت الفطور قلت: ذهب الظمأ وأبتلت العروق و(ذهب) الأجر إن شاء الله< شيء طيب جدا
المفروض إني أقول وثبت الأجر إن شاء الله بس الله يخلف علي
بعد ما أخلص فطور أرقى للدور الثاني وأصلي المغرب ثلاث ركعات وركعتين سنة وبعدها أخمد نص ساعة< يعني أطس أنام
بس فجأة أتذكر المسلسلات اللي متابعتها وأنزل بسرررعه للصاله
عشان يمديني ألحق على الأحداث
طبعا لازم الواحد مايتابع شيء ألا وهو شبعان وأنا حزتها بصراحه أكون جوعانه
آخذ لفه في المطبخ وأشيك على كل الأكل وأنا عارفه إني بالأخير راح أشرب شوربة الخضار باللحم< يالبيه
أشرب بعدها كاس لبن أو تانج وما أكثر
بعدها أروح أتكي بالصاله ونتنح كلنا عند القنوات اللي تبي الفطين واللي تبي بيني وبينك
عاد أنا أحب أتابع كل شيء فما تفرق عندي
أهم شيء أشوف مسلسل شر النفوس والبارونات وليس سرابا السوري
إذا خلصت المسلسلات المتتالية تنفك أزمة التتنيحه عندي وأبدا أسترجع بالذاكرة أنا مين ووين جالسه
نسيت أقولكم تراني صليت العشاء قبل غلطة نوف أربع ركعات وركعتين سنة وركعة وتر
بعد التلفزيون
أنتقل لسور بيتنا وأجلس بالدكه وسوالف وفللة حجاج وأكل وعصيرات وشاهي وحليب أهم شيء الشاهي بالحليب وسكر زيادة
ماتمر ثلث ساعة ألا وأنا ناطه بالصاله وأجلس عند أحسن مكان وأتكي بالمركى وأستنى مسلسل فضه قلبها أبيض وليا بدا ناديت اللي بالدكه
وأتنح يجي ساعة بعدها تنفك الأزمة وأروح للسور الثاني عشان شبكة النت وأدخل النت ساعة من 2 إلى 3
بعدها ينادوني للسحور وأطلع عندهم بالدكه وأتسحر الكبسة اللي تبرد القلب يارب لك الحمد
طبعا مسوين جدول للسحور عشان مايتلخبط الدور
إذا خلصت حمدت ربي وصعدت فوق وصليت كم تسليمة بعدها أنزل تحت للنت بس يقهر الصفحه يبيلها ساعتين عشان تفتح
وعيوني تروح فيها وأنا أقرا كله لعيون منتدى المجلس العام لبى قلبه
بعدها أركض بسرررعه للدكه عشان أبوي يصحى على الساعه 3 ونص ويعصب على كل شيء الله يطول لي بعمره ويحسن خاتمته
وأحط سحوره وأحط لأمي سحورها
وأجلس عندهم لو يحتاجون كاس مويه ولا كاس مريسه ولا فيمتو
بعدها أدق على العيال يتسحرون لأنهم يلعبون كوره برا
وأحط لهم سحورهم
وكاس المويه بيدي طول الوقت وأنا أشرب وأتمشى في البيت أو أجلس بالصاله أتابع أي شيء لين يأذن الفجر

إلى هنا إنتهيت بحمد الله ورعايته


""""""""""""""""""""""

تهقون إن يومي طبيعي؟
بصراحه أشك في ذلك!
ما شاء الله علي أنصحكم بمتابعة الأفلام وإحنا برمضان!
والقرآن ماذكرته أبد لأني أقرا في اليوم صفحتين أو ثلاث بس!
ولا خليت مسلسل ما تابعته!
وصلواتي مهيب في وقتها!
مدري هل أنا أستنى ملك الموت ياخذني وأنا على هالحال!
ولا بيتعدل الوضع في الأيام الجايه ومن هالساعه!
نقول إن شاء الله
أتمنى من العلي القدير إنه يكفيني شر نفسي ويهديني
ويثبت قلبي على طاعته .. اللهم آمين

يا قراء وكتاب أرقى منتدى كل الشكر والتقدير لمعاليكم
دمتم في حفظ الله.

لحظه باجي انتحر معك..

هونت..

هلا وغلا متابعه..ورده

وين الغيبه يا بنت .؟؟ ان شاءالله تكوني بصحه وسلام..

إقتباس مره من المرات في رمضان لما خلصت الفطور قلت: ذهب الظمأ وأبتلت العروق و(ذهب) الأجر إن شاء الله< شيء طيب جدا المفروض إني أقول وثبت الأجر إن شاء الله بس الله يخلف علي

ههههههههههههههههههههههههههههههههههههههههههههههه

الله يرجك يا بنت على ما انتي مرجوجه...


يا بنت الحلال يومك طبيعي ..فاغلب الشعب صار كذا صلاة الظهر يصليها مع العصر ..والقران يتحمس له اول اسبوع برمضان ..والكل يتابع مسلسلات..

لكن انتي ما كتبتي هالموضوع الا بعد ما جلستي مع نفسك وفكرتي ..وحصلتي نفسك مقصره بهالامور..
الان..لماذا لا تفكرين بوقت محدد لقراءه القران؟؟
لماذا لا تقنعين نفسك ان تضعي المنبه على الساعه 12 وتصحين لصلاة الظهر..؟؟


الاغلب يمر بفتره القصور اللي مريتي بها الان..لكن الواجب عليك بعد ان عرفتي بتقصيرك ان تغيري من نفسك..



متابعه..ورده
تفاولين على نفسك كثير ..والظاهر والله اعلم ان يبيلك جلد..

لا تفالين على نفسك..

الله يسعدك ويوفقك..ورده









سلااااااااااااااااااااااااااااام

إقتباس مدري هل أنا أستنى ملك الموت ياخذني وأنا على هالحال! ولا بيتعدل الوضع في الأيام الجايه ومن هالساعه! نقول إن شاء الله أتمنى من العلي القدير إنه يكفيني شر نفسي ويهديني ويثبت قلبي على طاعته .. اللهم آمين

اللهم اميييييييين......................

>>>>> غير يوم الواحد داش وهو فاطر >>> توها فاطرة

إقتباس لحظه باجي انتحر معك..

قبل كل شي يا بوناصر ومتابعه ...
خلونا نحدد طريقة الانتحار مع بعض ..

بس بقوللكم شي ...
ما حكم الانتحار ؟؟؟



::
ندخل في المقدمة

وهالريايل ما ينفع وياهم الا العين الحمره ...>>>

خلصنا من المقدمة ... فخلينا ندخل في الموضوع ...

::

افااا يا وخيتي والله اني اعرفج زين ما زين ... مب هاي متابعه اللي انا اعرفها ..

حتى كتاباتج احس انه مالج نفس فيها ...

الله يهديج ...
وهالفترة اعتقد كلنا مرينا فيها ...

لكن بامر الله كلنا اتجاوزناها الحمدلله ...

::

لا تييبين كلمة الانتحار ... لأنه مثل ما سمعت انه اي وحده اتقول بنتحر ...
يكتب عنده الله منتحره ...

بعيد الشر عنج ان شاء الله ..

إقتباس مدري هل أنا أستنى ملك الموت ياخذني وأنا على هالحال!

بعد عمر طويل ان شاء الله ...
لا تستعيلين يومج وانا اختج

إقتباس ولا بيتعدل الوضع في الأيام الجايه ومن هالساعه! نقول إن شاء الله

ان شاء الله باذن الله بتعدل ..

إقتباس أتمنى من العلي القدير إنه يكفيني شر نفسي ويهديني ويثبت قلبي على طاعته .. اللهم آمين

اللهم آاااااامين ... اللهم آااااااامين ..
ويبتنا كلنا ع طاعته يارب ..

::

|||| اختج دلووووووعة الامارات ||||

.

.

هلا وغلا متابعه + ورده


وين تنتحرين الله يهديك ماله داعي اليأس
كلنا نخطي ونعصي مافيه أحد معصوم لكن إذا رجعنا لله رجعه صادقه من قلوبنا
تتدبل كل خطايانا حسنات وش ودنا بـ أكثر من كذا !


بعدين إحنا بـرمضان مفروض تتركين عنك كل شي يضيع وقتك وتحطين أهتمامك لـشي واحد (كيف تستغلين رمضان) حتى الساعات اللي نضيع وقتنا فيها بالنت مفروض نخففهآ !

كلها كم يوم وينتهي رمضان ونتحسف الله يغفر لنا ويرحمنا !


متآبعه بـصمت رجعه بعد غيبه نسأل الله لنا ولكِ الهدايه
وترا التفكير بـ الشي المكتوب بالعنوان مو زين !



مع التحيه

هلا متابعووه وين انتي غاطسه فيه اشتقنا لهبالتس

جد جد منتي متابعه بصمت الأوليه هبالتس خف وصايره ثقل يعني

افهم من هذا كله إن سن العقل طلع لتس

الله يكوون بعونك يامتابعه واذكري الله لاتتهورين وتطبين من فوق السطح

تسوينها ..!!

ورمضان ماتغير لكن أطباع الناس تغيرت .. قليل من يستغل الشهر لطاعه ربه

وأعتقد إنك الحين تعانين من ضيق الوقت برمضان وهذا اللي مضيق خلقك

لو حطيتي من أولوياتك القرآن رااااح تتراجعين عن اللي كتبتيه ..!!

وعلى فكرة ياوخيتي أنتي الحين تسمعين أغاني وتشوفين أفلام والصلاة موب بوقتها

هذا وأنا أخوتس سبب ضيقتك .. جربي من اليوم تصلين الفجر بوقتها وأقري قرآن

واذكري أذكار وابتعدي عن المسلسلات قدر الأمكان صلي التراويح وبكل وقت

استغفري وصلي عالنبي فوالله ياوخيتي رااااح ينشرح صدرك بإذن المولى ..!!

مثلاً أنا عندك سابقاً كنت مثل حالتك اغاني ومهمل صلاتي .... الخ

هجرت الأغاني وعدلت من وضعي الديني وأنا ماقوولك إني مطووع لاوالله

عندنا معاصي مالله بها عليم .. لكن الواحد في أمور الدين وأموره مع الله مايحاول

يتخطى الخطوط الحمراء وتخيلي قداامك واادي عميق مهما حاولتي تتجاوزيه طحتي

وهذا تماماً الخط الأحمر .. !!

أمرك سهل ويسير أختي بس يبيله قلب قووي وعازم على ترك وتغيير

حياته للأفضل .. والله يسهل أمرك ويشرح صدرك وينور قلبك ...!!





الله يوفقنا ويهدينا وياااك متابعه ورده

مافي أحد مرتاح والجميع يعانون من ضيقه الصدر لكن انتي مشكلتك استسلمتي للضيقه وصرتي تفكرين بالشي اللي يضايقك لين تمكنت منك أكثر .. حاولي ترفهين عن نفسك بأي شي ولا تفكرين بالشي اللي يضايقك
انا اذا ضاق صدري من أحد في البيت أقفل جوالي وأسحب على البيت والناس عشان ما أفكر بشي كذا احس اني أهدأ وحالتي تصير أحسن

لأن الواحد اذا ضايقه شي في نفس لحظه الزعل يتشتت تفكيره
لكن لما يهدأ بعد فتره ويرجع يفكر بنفس الشي يلاحظ أنه يبدأ يتعامل مع المشكله بعقل ومنطق

والشي هذا جربته ويصير لي كثير .. لما أزعل من شي أول شي أسويه اطلع من البيت ليييييين أهدأ ثم أرجع اتعامل مع المشكله

ردي هذا يامتابعه مو على الموضوع فقط .. ردي على حالتك الصعبه اللي لاحظتها في فتره سابقه
الله يعينك وتذكري قول الله تعالى (ألا بذكر الله تطمئن القلوب) صدق الله العظيم

هلا متابعة هلا بك يا غلاهم ..

رغم أني داخله ع السريع بس شدني سطر ودي أعلق عليه ..

بعيداً عن كوننا برمضان ,,,

الصلاة على وقتها ,

كيف تجمعين الظهر والعصر ؟؟

صدقيني لو الواحد يحرص على الصلاة وعلى قراءة الأذكار بتطمئن نفسه وبترتاح حتى لو كنت شايله هموم الدنيا كلها ..

رددي دائماً (( رب اجعلني مقيم الصلاة ومن ذريتي ربنا وتقبل دعاء))

هذا تعقيب سريع ولي عودة بإذن الله تعالى ياغاليه..

هلا بك اختي متابعة بصمت ...

كل منا يشكو قسوة قلبه .. ولكن رجاءنا بالله كبير ..

ولما قسا قلبي وضاقت مذاهبي ** جعلت الرجاء ربي لعفوك سلما
تعاظمني ذنبي فلما قرنته ** بعفوك ربي كان عفوك اعظما ..


وفقنا الله واياك لطاعته ,,

واهديك والاحبة هذا الموضوع الجميل ..

حتى تكون اسعد الناس

دمتم بخير ,,,

برايفيت

الانتحار معصية عظمى .. وجريمة كبيرة ..@@ !!

إقتباس وأول ما يأذن أشرب مويه

أهلا متابعه .. ~

بداية الاذان معناهـ أن وقت الصيام بدأ

وليس كما يعتقد البعض إنه مع نهاية الاذان

ياليت تنتبهين لهالنقطه

وشكرا

^
^

كنت بعقب على هالنقطة


متابعة وينكـ واحشتني وقسم

لايضيق صدركـ يالغلا ولاشي الصلاة حطي جمبكـ المنبه وحطي ببالكـ انكـ بتصحين وان شاء الله بتصحين على صوته

المسلسلات الي متابعتها مو كنها واجد؟

خصصي لكـ وقت لقراءة القرآن وان شاء الله بيمديكـ ،، تونا على بداية الشهر يمديكـ تلحقين الي فات

مادري احس بين سطوركـ حالة يأس تمرين فيها الله يشرح لكـ صدركـ يارب وينورلكـ دربكـ

اعذريني عالمرور السريع فديتكـ