09/09/2008, 06:18 AM
|
زعيــم فعــال | | تاريخ التسجيل: 06/02/2008
مشاركات: 218
| |
أراهن على فوز المنتخب على الإمارات(رداً على كل متشائم ومتعالم) اخواني مشجعين المستديرة .... أمسي عليكم بالخير جميعاً واحد واحد ... شباب أنا أراهن أول شي على مستوى المنتخب بشكل عام بالتصفيات ... وأراهن أيضاً بصعود المنتخب والتأهل بإذن الله ... أنا عارف ان المعارضين واجد لكن صراحة أن مقتنع اقتناع قبل ان السعودية ماتلعب كورة جيدة ومستواها مهزوز ولعبنا طقها والحقها مافيه تكتيك ولا فكر ... أما الآن فأنا متفاءل جداً من المنتخب وأراهن جميع من يخالفني بتخطي الامارات والفوز باذن الله ... وهالحدس هذا (اللي مو فاهم معنى الحدس * الحدس = الاحساس ) جاي من عدة أمور ... تشكيلة المنتخب السعودي مختارة بعناية ومتعوب عليهم ( لا احد يجي يقول وين فلان وين فلان ) الموجودين بالمنتخب هم افضل الموجود تقريباً ( وحط بالك على كلمة تقريبا ) اذا جيت لتشكيلة المنتخب فهي مريحة جدا قلوب الدفاع عندك / رضا تكر واسامه هوساوي ياويلي عليهم بس قسم بالله ماهم سهلين هالثنين ...تكر ثقة وممتاز بخانة الدفاع واسامة مقاتل وارتقاء ممتاز للكرات العالية ... ( يبي يجي احد يقول اسامه نكبنا والا تكر نكبنا *** اقول اللي مايخطي ماهو انسان ... وايالا لاعب الارجنتين جاب العيد في المنتخب اكثر من مره جاب مطمات =تخيل جاب قول على فريقه 3 مرات =وفلت كور لمهاجمين اكثر من مره ** لذلك كل لاعب يخطي واتحداك تقول لاعب ما اخطا ... وافضل لاعبين بالعالم اخطئوا ) الأظهرة / عندك يسار مصدر الثقة عبدالغني اللي الكثير شان عليه حمله مدري ليه كأنهم كارهينه (بقول نقطة عن حسين ... حسين من اللاعبين اللي مستواه ثابت طوال مسيرته الكروية ...ينزل بسيط ويرتفع بسيط وهذا بشهادة كبار المحللين )**نفس طريقة ياسر القحطاني مستواه ثابت نوعا ما ... غير متذبذب كثير ... يمين عندك الشاب النجم عبدالله شهيل صانع هدفنا والمتحرك دائما ... ولو اني افضل البحري عليه لكن يبقى شهيل كويس وماسك مكانه بشكل جيد ... المحاور / عزيز (محور ثابت) عزيز عاد مايبغى له مدح اثنوا عليه كبار المدربين تدري وش يقول احد المدربين عنه ؟؟؟ يقول اتحدى مدرب يلعب بتشكيلة بدون الاستعانه بعزيز ... احمد عطيف (محور متحرك) جيد لا لا مو جيد ممتاز وماهر وحركي ويشغل الخصم بتحركاته وصانع لعب جيد مع ان هذا الشي ليس من مهامه يلعب كورة سهله مع اخوه عبده طقطقه بنص الملعب النص / الشلهوب يسار كويس صانع لعب ذكي ماهر خبرة افضل الموجود في خانته ... عبده يمين كويس صانع لعب ذكي ماهر النص يؤدون مهامهم بشكل ممتاز الهجوم / راح يكون ياسر افضل لاعب في اسيا ... ماراح امدحه القناص مدحوه ناس كبار وخافوا منه ناس كبار ... سعد الحارثي / رغم تحفظي على مستواه وقناعتي بأنه ليس لاعب مباراة كامله وأنه لاينفع إلا كورقة رابحة يلعب اخر ربع ساعة .... إلا انني اقول انه من افضل الموجود ... ( لايكون احد نصراوي ويزعل يقول ليش مامدحت الحارثي .. انا مامدحت الحارثي ليس لانه نصراوي ... ومدحت البحري فوق لو تتذكر ... بس اقول الحق انا ) مالك معاذ الغزال الاسمر ياليت يلعب عشان يفكنا من التفكير بمستوى المنتخب من ناحية الهجوم مع القناص ... بشكل عام .... الجوهر المظلوم ماراح يقصر ... وعنده الكثير للمنتخب ... على فكرة فكرة كلامي كله من محللين كبار ليس من نسج خيالي او ترتيب احرف مني ... واتمنى من يرد ان يرد بشكل هادف بعيدا عن الاستهزاء الغير مقبول من أي شخص ولأي شخص ... وأن يكون الرد بشكل لائق ومؤدب ... ولكم خاالص حبي وتقديري وعلى التأهل سألاقيكم ... |