بعد مبارات منتخبنا السعودي مع ايران بانت حقيقة منتخبنا واداءه الباهت والعشوائية الواضحة لعب بدون فكر ولاخطة معينة تغييرات غريبة اختيار لاعبين من الاصل غريب بالعربي كل شيء غريب في كرة القدم السعودية من اتحاد واندية واعلام الموضوع يريد تغييرات جذرية في كل شيء مع احترامي كل رجالات الرياضة هنا
بداية من الاسماء المتكررة داخل الاتحاد السعودي التي عفا عليها الزمن
الاصلاح لابد منه ونزع جلد الاتحاد السعودي ضروري حاجه غريبة كل ما شكلت لجنة الاسماء تتكرر يعني مين يحاسب مين رئيس لجنة تحصله عضو في لجنه اخرى حتى الانتخابات الاخيرة الاسماء طلعت علينا من الاندية يعني النادي يخطىء موجود له عضو بالاتحاد يدافع عنه لنكون صريحين لو مره واحدة لابد من الخبراء الاجانب ولا اعتقد غازي القصيبي راح يمنعهم !
ثانيا اسغرب من اللجنة الفنية بداية الدوري الاندية تلعب مباراتين بعدها توقف ياخوان ليه الدوري مايبدأ بعد العيد مو افضل
ثالثا نتكلم عن المنتخب مايفكر الي مخلي الجوهر مدرب مع احترامي له مايكفي فضيحة المنتخب عام 2002 نبغا مدرب اجنبي فاهم كوره صح مانبغى المدرب هذا ماجازلنا جب مدرب الهلال ولا جب مدرب الشباب اتركو الاندية تستقر مع مدربيها وش فايدة كومة الاعضاء والمشرفين وشلة ليه مايجيبون مدربين يبحثون ويدورون عن الاصلح لمنتخبنا


عندي كلام كثير وفيني عتاب كثير على المسؤولين لكن اتمنى مااكتبه ويكتبه غيري يقرأ بعين محب .....

اخي ndaglbi
اتفق معك في نقاط واختلف في البعض ، كلامك الآن لايسمن ولا يغني من جوع

فنقدك هذا أشبه بمن يتولون يوم الزحف في الحرب الضروس الطاحنه !

منتخبنا الآن محتاج وقفه صادقه من إعلام ومشجعين وقيادة حكومةً وشعباً ، وليس نقد لازع مبني على نزع جلدة الإتحاد الآسيوي عن بكرةِ أبيه !!

بالمختصر : انت ساند وشجع وإذا ماتأهل المنتخب وخيّب آمالنا لكل مقامٍ مقآل
أتمنى تلاشي الأمور المؤثره على نفسية اللاعبين ولاتنسى إن المدرب ناصر قد إكتسب خبرات من المدربين الذين مروا عليه بحكمه مساعداً لهم ؛ ربما هي كفيلة بنقلنا إلى جنوب أفريقيا بإذن الله

دعوا هذة وتلك وساندوا الأخضر (والوعد قدام)

تقبل ردي ونقدي بصدر رحب
دمتم بود

شكرا لمروركم والاختلاف في الرأي لايفسد للود قضية
لكن مدرب اخطأ وواضح ما عنده شيء يقدمه للمنتخب جديد والمدربين الي تقول زاملهم ليش مابقوا بالمنتخب
الى دليل على عدم نجاحهم يعني زامل مدربين غير ناجحين
صحيح لازم نوقف مع المنتخب الحين لكن السكوت على الاخطاء جريمه بحق الوطن
الان في وقت لتغيير لم نلعب الا مباراة واحدة وتعادل مثل الهزيمة تكفون وش راح نسوي قدام ايران في ايران وقدام كوريا

المنتخب بحاجة لكوادر تفهم كوره مثل سامي الجابر فكر ودراية وخبرة

شباب والله المنتخب قدم كل اللي عنده يمينن بالله ان الجوهر ضبط المنتخب واقسم بالله لو الجوهر لعب الشوط الثاني مثل الشوط الأول كان 4 او 5 ياخي الحكم حاقد على المنتخب السعودي من مباراة المنتخب في نهائي آسيا يوم بلنتي خالد عزيز والحين بلنتين للسلطان والله حرام عليكم تبون المنتخب يقطع نفسه علشان يفوز ياخي انظرو زي نظرة اوروبا
ارجو من الجماهير الفاهمة تقدر الوضع

اسمحولي يا شباب
صاحب الموضوع عنده حق
اذا بغيت الفوز في المستقبل لازم تنظر لاخطاء الماضي
مباراتنا اللي راحت تشكيلة مهزله
وتضييع وقت من لاعبينا في اخر الدقايق وخطه دفاعيه بحته
كأننا نلعب مع البرازيل في ارضهم


والله اني خايف منك يا ناصر الجوهر
ان هالتصفيات هاذي عدت على خير فصدقوني التصفيات النهايئة بناكل هوا

التحكيم يا جماعة عيب النصر اكثر فريق احتج على التحكيم مااستفاد اي حاجه لازم نكبر عقولنا ونعرف الخلل الحقيقي وين

اخوي كلامك عين العقل....

بس من يسمع ومن بيرد عليك.... تعبنا من الحكي عن الاتحاد السعودي

والقائمين عليه بس لاحس ولاخبر..............

وزي ماقلت عن اللجان اللي تصير سبحان الله كن مابه الا هم....

من لجنه الى لجنه....ونفس العقليات ونفس الفكر.... حق ابو 20 سنه مضت.\

نبي ناس محترفه نبي شباب متحمسين نبي ناس وخبرات اجنبيه نحتاجها

زي ماجبتو خبير اجنبي للجنة الحكام..... حطو بكل لجنه كم من عضو اجنبي...