((يوميات رمضانيه" 7")) يـ abo_nasser انت راقل ما يصحش تخاف من الحئنه..!! - نادي الهلال السعودي - شبكة الزعيم

المنتدى الاستشاري · #1 08/09/2008, 04:05 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "السابع"
المتميز"abo_nasser"
لك يحكي لنا احداث يومه مع شهر رمضان المبارك ..

بسم الله الرحمن الرحيم
السلام عليكم ورحمة الله وبركاته

بدا يومي لما صحيت الساعه 2 فجراً توضيت وتعطرت ومشطت شعري

..واتجهت للصاله حصلت فيها الوالد والوالده

يتقهوون
..تكيت معهم وتقهويت
بعدها احتضنت لاب توبي ولسان حاله يقول(يرحم ابوك خلها اليوم اجازه)

دخلت المجلس

ثمن فتحت المسن(اوف لاين)

بعد ما رديت على كم موضوع
فتحت صفحة البلياردو وانا العب مع شنب جاء اخوي يناديني للسحور.
.ما كلفت على نفسي الا اني طلعت من اللعبه على طول
(اخوي اذا قرات يومي فاتمنى منك السموحه)

..تسحرت كبسة لحم ثم حليت واكملتها بكاس من الماء..

رجعت لجهازي العزيز حتى اذان الفجر توضيت وصليت
وقرات قران الى حدود الساعه 6 بعدها عدت لجهازي
ودخلت البلياردو وكان شعاري (البنات بالليل عشان لا اجرح صيامي)

لعبت مع التماسيح بس مليت بسرعه لعبهم جاف واغلبهم يفوزون علي

فتخليت عن مبدأي ولعبت مع سحالي وطقطقت عليهم وفزت عليهم بالراحه

عند الساعه 9 صباحاً تركت الجهاز ونمت.
.صحيت 12 الظهر اخذت شاور سريع بعدها لفيت بالبيت ما حصلت الا امي

بالمطبخ اول ما شافتني صارت عيونها كذا..

وقالت:فلاح صاحي الحين..؟؟

وانا اضحك على مزاجي الخايس قلت:والله طار النوم..

قالت:احسن

..على الاقل تصلي الظهر بوقتها..

سولفت مع الوالده شوي الى اذان الظهروصليت بعدها دخلت النت
..وانبسطت لما شفت المتواجدين بروم البلياردو48
تذكرت ايامي انا وسلوم

كنت انا واياه نفحط فيه لوحدنا..

اذن العصر رحت اصلي وجلست بالمسجد اقرا قران رجعت البيت
حصلت اختي مستقبلتني بورقة طلبات
طبعا اخذت الورقه ورحت لامي اقراها عليها
عشان اتاكد لا تكون اختي تنصب علي ببعض الاغراض

كالعاده فيه كم طلب واضح ان اختي العزيزه صرفته من عندها بس مشيتها

.
.طلعت انا واخوي الصغير اخذنا الطلبات بعدها رحنا نجيب تميس وفول للوالد

رجعت البيت وادخل النت .
.دخلت موضوع وليد وليتني ما دخلته

بعدها قفلت الجهاز وقريت قران للاذان افطرت ثلاث تمرات
واتبعتها بكاس سن كويك واخرمن الماء
ثم اكملت التمرات المتاحه لي واختتمتها بكاس اخر من الماء..

بعدها اتجهت للمسجد صليت
وجلست اتابع مسلسل عيال قريه(ما اسمجهم)

بعدها حان وقت الفطور الكبير
اهم صنفين عندي السمبوسه والشوربه والحمدلله كانت متواجده

اثناء الفطور تابعت مدحت والشيخه الفت

بعد الفطور جلست ادردش مع اخواني ذبه من هنا وذبه من هونيك

اذن العشاء وطلعت انا واخوي الكبير للمسجد
..واحنا عند باب البيت شفنا كفر سيارة اخوي مبنشر(منفقع)

كان عندي علم ان اخوي مواعد اخوياه بعد الصلاه
..فقلت لنفسي تجي مني احسن

.
.قلت لاخوي بعد الصلاه خذ سيارتي او سيارة الدشير الصغار وانا بغير الكفر ..

كنت انتظر من اخوي شكر وثناء لكن الرد كان:اصلا هذا اللي بيصير

رحت اصلي للعشاء واتبعتها ركعتين من التروايح
ورجعت البيت ابدل ثوبي
وادور لبس خفيف عشان الجو مكتوم ورطوبه وحياة بقعا

..
جاء اقتراح من اخوي الصغير ان البس سروال سنه وفانيله علاق..

قلت طس مناك ..والا قسم لاخليك انت واخوك الثاني تفكون الكفر.
.بعدها سحب نفسه وطس..

بعد تدوير وتفكير لبست فانيله كت

وطلعت للقراج اخذ العده منه

واتجهت للكفر جلست تقريبا خمس دقايق وانا اناظر الكفر ابي اتذكر
هل فك الصاموله يمين او يسار؟؟

حاولت بس خفت لاعدم الصاموله ..اتصلت على اخوي وعلمني
..بعدها فرمت ام الصواميل الا وحده ما ادري وش في امها مو راضيه تفك..

وانا داخل جو مع هالصومله المعفنه جاء جارنا اللسلوس(مباحث)

جلس يسولف معي شويتين وانا احرث بهالصومله
وفي الاخير فكت معي بعد عناء طويل..

غيرت الكفر المعفن وفي تلك اللحظه اللي بيشوفني
بيقول :نعيما يابوناصر

..على باله اني ماخذ دش سريع ..

كانت الرطوبه محتفله فيني .
.اتجهت البيت ومن غبائي رحت اوقف قدام المكيف

..
.رحت بعدها اتسبح (اتروش)

ثم رميت جسمي على سريري عزيز

ونمت لكن ما صحيت الا الحراره مرتفعه
وجسمي منهد بسبب وقفتي قدام المكيف..

(تقريبا 1 ونصف)

بعدها اخذني اخوي وعلى المستشفى
قالي الدكتور المناوب الحراره مرتفعه ولازم ابره فولتارين.
.قلت: عدل بدل يا دكتور..قال:ايه عدل بدل يا بني.؟؟

قلت:يعني ما فيه حبوب او شراب؟
قال:انت راقل يا ابني..ما يصحش تخاف من الحئنه..

قلت بيني وبين نفس:الله يجعلها بوجهك..

جت ذيك الممرضه التحيفه..الله يسعد امها

واعطت المحروسه الحئنه..

طلعت لاخوي وانا امسك الجدار..قال :وشفيك ..قلت :الله ينعن امها واليد

حسيت بدوخه غير طبيعيه..

جلس يضحك علي انا ومشيتي..

بعدها اتجهت للبيت ثم الى السرير..

والحمدلله الحين الصحه تمام..

هنا انتهى اليوم ,واتمنى لكم قراءه بدون غثيان..

والمعذره على طول اليوم ..
بس هذا اليوم الوحيد اللي فيه اكشن والا الباقي نوم ونت بث..

كل الشكر لحكومتنا العزيزه..

ورمضان كريم..

كل الشكر

للمتميز**][ "abo_nasser .♥][ **
والحمد لله على سلامتك

وانتظرونا غداَ مع
المـتميز .F I N A L

أرق التحايا وأطيبها من
مشرفيي واستشاريي
المجلس العام

جرح يشكي · #2 08/09/2008, 04:13 AM

اجل عندكم رطووبه

يوم تحييييييييييييييييف

ناتظار فاينل ورده

عاشقة الزعيم15 · #3 08/09/2008, 04:16 AM

يوم جميل ورائع ومميز وتحييف وكل ابو شي حلوو
يعطيك الف عافيه ياارب

^ العنود ^ · #4 08/09/2008, 04:20 AM

^^^^^^^^^^^^

سجن بريمان يرحب بك

يوميات جميله خااالص

وليد القحطاني · #5 08/09/2008, 04:22 AM

هلا والله أبو وناصر

ماشاء الله عليك يومك صار كله تغيير كفرات

ياخوي قسماً بالله امس كنت واقف عند اشارة واشوف العالم يطاعون فيني

قلت يمكن انا مشهور ولا شئ

المهم فتحت الاشارة والسيارة طايحة من ع يمين

الكفر اللي قدام ع يمين واللي ورى ع يمين كلها مبنشرة

ابو ناصر انتبه لا ينفقع الكفر في وجهك

الشيخة ألفت

الشيخ مصلح

شكرا مشرفين واستشاريين

S K Y · #6 08/09/2008, 04:27 AM

إقتباس


	جت ذيك الممرضه التحيفه..الله يسعد امها واعطت المحروسه الحئنه

ههههههههههههههههههههههههههه
مريض وتقزقز في الممرضات أجل لو انك صاحي وش بتسوي

بصراحه انبسطت بالقرائه الله يعطيك العافيه والحمد لله على سلامتك ماتشوف شر
تقبل مروري

الـمـشـاغـب · #7 08/09/2008, 04:29 AM

يومية رائعة كما توقعت أبوناصر

بس عندي سؤال لو سمحت ..!

إقتباس


	جت ذيك الممرضه التحيفه..الله يسعد امها واعطت المحروسه الحئنه..

موب أنت المريض؟

طيب من هي المحروسة اللي عطوها الحؤنة بدالك؟

شي غريب

وما زالت الأخطاء الطبية متواصلة للأسف

أموت وأعرف من هي ذي المحروسة شكل عندها واسطة

الله يسعدك يا أبوناصر أنت ويومك المؤكشن

راااااااااائع يا فتى

ترى أمس بغيت أدق عليك وأسولف معك عشان يصير لي نصيب في اليومية بس هوّنت

شكراً لك، ورده

رعبوبة الزعيم · #8 08/09/2008, 04:36 AM

هـلابك ابو ناصر ورده

يومياتك فيها من الاكشن الشي الكثير

.. بداية من صكت البلياردوا
في وجه الرجال

وبنشرت الكفر

لما ارتفاع درجت حرارتك

ماتشوف شر ان شالله ..خذ منها درس للمستقبل علشان ماتوقف بوجه
المكيف مره ثانيه ..
غير كذا تراه يسبب ابو الوجه .. انتبه مره ثانيه

الله يبعدنا وياكم عن هذي الامراض ..

يوميات فري نايس ورده

الله يعطيك العافيه ..

Je t'aime Hilal · #9 08/09/2008, 04:38 AM

أهلاً بأبو ناصر منور ورده

إقتباس


	السلام عليكم ورحمة الله وبركاته

وعليكم السلام ورحمة الله وبركاته

إقتباس


	عشان اتاكد لا تكون اختي تنصب علي ببعض الاغراض

وإذا صار يمكنها نفسها في شي عاد أنتم لاتدققون

إقتباس


	وجلست اتابع مسلسل عيال قريه(ما اسمجهم)

ولا بعد فيها اليوم مباراة الهلال والنصر الله يقطع بليسهم ذكرونا بمباريات الهلال من زمان عنها

إقتباس


	اثناء الفطور تابعت مدحت والشيخه الفت

إقتباس


	واتجهت للكفر جلست تقريبا خمس دقايق وانا اناظر الكفر ابي اتذكر هل فك الصاموله يمين او يسار؟؟

ههههههههههه
تصير مع الواحد بعض الأحيان يتنح

إقتباس


	.اتجهت البيت ومن غبائي رحت اوقف قدام المكيف .. .رحت بعدها اتسبح (اتروش) ثم رميت جسمي على سريري عزيز ونمت لكن ما صحيت الا الحراره مرتفعه وجسمي منهد بسبب وقفتي قدام المكيف..(تقريبا 1 ونصف)

الله يهديك أجل معرق وتروح تقعد قدام المكيف
عالعموم الحمد لله على السلامة ماتشوف شر ولاعاد تعود لها

يوم تحيف يابو ناصر الله يحلي أيامك كلها

إقتباس


	وانتظرونا غداَ مع المـتميز .F I N A L

بالإنتظار

إقتباس


	أرق التحايا وأطيبها من مشرفيي واستشاريي المجلس العام

الله يعطيكم العافية ورده

hilalemooot · #10 08/09/2008, 04:57 AM

.
.

السلام عليكم

الله يعطيك العافية ابو ناصر .. يوم حافل ماشاء الله .. وسلامتك ما تشوف شر يارب

مشرفي & مستشاري المجلس .. شكراً لكم

ورده

.
.

الـسـلـطـان · #11 08/09/2008, 05:23 AM

إقتباس

الرسالة الأصلية كتبت بواسطة المنتدى الاستشاري


	فتحت صفحة البلياردو وانا العب مع شنب

ما قلتلي

في أي روم تلعب

تراني مبتدأ في اللعبه

وكل من هب ودب فقع وجهي

إذا تبني تلقاني في روم 84

إقتباس

الرسالة الأصلية كتبت بواسطة المنتدى الاستشاري


	جت ذيك الممرضه التحيفه..الله يسعد امها واعطت المحروسه الحئنه..

ما دامها ممرضه اللي عطتك إياها

أهون من ممرض يعطيك إياها

يومك راح كله في تغيير الكفر

بس أحسن من ما يروح في الشتشته

وع طاري الشتشته

إيش صار بحملتنا يا شباب

حق (( نبي شات ))

ننتظر فاينل غدا

وها هي ترجع الكفه للرجال مرة أخرى

الغدير الازرق · #12 08/09/2008, 05:27 AM

مرحبااااا أبو ناصر

حيييه يالذيب .. يوميات حلوووة وفلاوويه

وماتشوووف شر إن شاء الله وحمدلله على سلامتك

وعلى سلامة المحروسة

مشكوور ابو ناصر على هاليوميات ماقصرت يابعدي

بانتظار يوميات أخونا فاينل ,,

مشرفي وإستشاري المجلس العام كل الشكر لكم

المحبره · #13 08/09/2008, 05:34 AM

صباح الخير أبو ناصر ..

ماشاء الله .. وش هاليوم !! متقلب

بالأول تغيير كفرات .. وبالأخير حؤن

وممرضات

بس صدق تخاف من الحؤنة

ياشين الأخو اذا قعد يتفلسف وأنا طالبته أغراض

ياخي جبها وأنت ساكت ماله داعي تفهم كل شي

مشكور وماقصرت .. ورده

بانتظار فاينل ..

الهنوووف · #14 08/09/2008, 05:36 AM

وعليكم السلام ورحمه الله وبركاته
:::::>>> كل يوم ترد السلام ومحد سلم

هلا بالتحيف

إقتباس


	ودخلت البلياردو وكان شعاري (البنات بالليل عشان لا اجرح صيامي) لعبت مع التماسيح بس مليت بسرعه لعبهم جاف واغلبهم يفوزون علي فتخليت عن مبدأي ولعبت مع سحالي وطقطقت عليهم وفزت عليهم بالراحه

ههههههههههههههههههههههههه
هههههههههههه

حلوة

إقتباس


	وادور لبس خفيف عشان الجو مكتوم ورطوبه وحياة بقعا.. جاء اقتراح من اخوي الصغير ان البس سروال سنه وفانيله علاق.. قلت طس مناك ..والا قسم لاخليك انت واخوك الثاني تفكون الكفر.

لاتسمعك حتحت على اللبس ههههههههههه
ترى ماتطلع رومانسي

إقتباس


	قال:انت راقل يا ابني..ما يصحش تخاف من الحئنه.. قلت بيني وبين نفس:الله يجعلها بوجهك.. جت ذيك الممرضه التحيفه..الله يسعد امها واعطت المحروسه الحئنه.. طلعت لاخوي وانا امسك الجدار..قال :وشفيك ..قلت :الله ينعن امها واليد

ياحيف بس تخاف من ابره
>>>>>>علمي نفسك
مهما نكبر تظل الحئنه على قوله الدكتور ازمه لنا

اعقل ياولد

\

/
يوميات تحيفه ع صاحبها

عوافي خيو
وماتشوف شرر وخلك راقل

الهنووف

كانت

هنا

ورحلت

حتى ظلالي هلالي · #15 08/09/2008, 05:41 AM

إقتباس


	السلام عليكم ورحمة الله وبركاته

وعليكم السلام ورحمهـ
بالزحلطن كل ابوهم

إقتباس


	ومشطت شعري

والله ياخوفي ورى هالشعر صقعهـ بالوسط

ويقول مشطت

إقتباس


	فتحت صفحة البلياردو وانا العب مع شنب جاء اخوي يناديني للسحور. .ما كلفت على نفسي الا اني طلعت من اللعبه على طول (اخوي اذا قرات يومي فاتمنى منك السموحه)

وش دخل اخوكـ يسامحكـ ..!!

..
..

اسمحول لي اتوقف هنا

فيهـ مقلب بايخ مسوى فيني

مقدر اكمل الرد

ابو ناصر لحد هنا يكفي والسموحهـ ورده
بس يومكـ تحيف