والله انا أشوف أن الكابتن حسين ..

على الظروف اللي صارتله .. ظروف السفر .. ولا تقولون لي مو متعبه ..

ويظهر بهالأداء الرآئع .. رغم أنه صارله سنه ونص من استبعد من المنتخب ..

هذا معناه شي واحد .. أنه كابتن قدير .. ولاعب عنده خبره ومهاره عآليه .. ويستاهل شارة المنتخب بجداره ..

::

رغم أني للأمانه ما شفت حلقه كل الرياضه .. إلاأنـي أستبعد أن الأخ سليمان المطويع يسوي هالشي ..

لأنه أعلامـي قدير .. ومحترم .. ويقدر كل اللاعبين السعوديين ..

ولا يفرق بين لاعبين الخبره أو الشباب أو الناشئين ..

وهذي وجهة نظري اتمنى تتقبلها أخوي ..

لو سمحتوا مافي امس ولا تمريرة خاطئة من ابو عمر


ولاعب خبرة وضروري بالمنتخب بهالوقت


صرآآآآآآآآآآآحة ابوعمر ابدع امس

لا تزعل ياخوي ..

بس واللّه إنه صادق

حسين عبدالغني لم يقدم شيء اليوم أبدا ً ..!!

جميع الهجمات الايرانيه من الجهه اليسرى والهدف من الجهه اليسرى والضغط من الجهه اليسرى والنوم في الجهه اليسر لاكن حسين عبد الغني ماعليه شرهه الشرهه على الي ملعبه
كله عشان يقولون ان المنتخب السعودي يملك محترفين في اوربا خيب عليكم يالجحلط
والله انهم رفعو ضغطي وافشل لا عب في المباراه وسبب الخساره هو حسين عبد الغني

تخليصته لكورنر الهدف مالها داعي.. كان ممكن عزيز يطلعها آوت..
لاعب متسرع وأحمق.. يكفي إنه أول لاعب عصب على ربعه في المباراة.. وليه يا عبدالغني وش شايف نفسك تعصب على السناترة وتخبط الكوره في الأرض جعلها تفقع وجهك.. كل الهجوم جاي من جهتك ولو انك في ربع مستوى الشهيل والسناترة كان ما أكلنا الهدف..

أنا في الملعب اشوف عبدالغني تارك الجناح اليمين يستلم مرتاح.. ياخي انشب في حلقه لا يستلم فقعت مرارتنا.. ناشب في حلق السناتره ومشغلهم العصبية..

يا ناس انتم تجاملون هاللاعب وما أدري على ايش.. لاعب منتهي.. حتى في سويسرا ناكبهم..

لاعب همجي وتذكروا كاس العالم في ألمانيا..
آآآآخر الدقايق والسعودية فايزة الرجال تارك الظهير اليسار وراح يشوت فاول عند الجناح اليمين.. كن ما فيه الا هو يشوت فاولات..
اللللللللللللللللللللللله يفكنا منه يا رب..

اللاعب ما سوى شي ابد اتوقع لأنه توه منظم اتوقع يبغاله صبر شوي

والله الرجال ماكذب

ماحاسها الا حسين

لا يستغرب هذا من المطيويع ..

هو يؤدي دوره على أكمل وجه .. ويقوم بمهمته بإتقان !! ..
لذلك لا تتعب نفسك بما يقوله وسيقوله ..
لأن هذه هي سياسة القناة .. لن تتغير إلا بتغير من يقوم عليها ..


أما عبدالغني .. أو قائد المنتخب حسين عبدالغني ..
فقد كانت عودته سليمة .. وحضوره جيد جداً رغم ابتعاده ..
أعاد الهيبة للظهير الأيسر .. ولقيادة المنتخب ..


بالتوفيق له ولزملائه .. وننتظر منه الأكثر والأجمل ..


وبالنسبة لكلامك عن المعلقين فهذا معروف منذ زمن ..

تابع أي لقاء للمنتخب في قناة غير سعودية ستجد الحماس والمعلومة والوطنية ..
وتابعها في قناتك السعودية .. لن تجد إلا التعصب والنفاق والرتابة والصراخ المفتعل !! ..

والأستديوهات كذلك ..

في قناتك تحليل ممل وروتيني ومكرور ومُعد مسبقاً .. لا يوجد سوى صوت واحد ورأي واحد !! ..
وفي باقي القنوات تجد التحليل الفني المحايد .. تسمع كل الأصوات بكل حرية ..


ويا قلب لا تحزن ،،

:
:.:
:. ورده .:
:. حسين مادري وش فيه وقت المباراة مرتبك .:
:. ورده .:
:.:
:

إقتباس الرسالة الأصلية كتبت بواسطة C.Ronaldo-17-7 لو سمحتوا مافي امس ولا تمريرة خاطئة من ابو عمر ولاعب خبرة وضروري بالمنتخب بهالوقت صرآآآآآآآآآآآحة ابوعمر ابدع امس

انت شكلك ماشفت مباراة البارح

إقتباس الرسالة الأصلية كتبت بواسطة متجدد لا بالله مهوب عيب ماقال الا الصدز وناخوكـ عبدالغني ماسوا اي شي للأخضر البارح !! الا كم فرصه طلعها ، بالمقابل تخبطاته واجده !!

الصراحه انت........

بصرآحه حسين كان سئ جدا

ولا تمريره صح والدليل انه كان معصب في الشوط الثـآني

لكن مانلومه توه راجع وما كان مع المنتخب في المعسكر

إقتباس الرسالة الأصلية كتبت بواسطة أزرق والقلب أبيض واقسم بالله بقولها بصدق يكفي اسم (حسين عبدالغني ) بالتشكيله لاعب كبير وخبره ولاعب حماسي وقائد للمنتخب وش تبون بعد على الاقل نبي لاعب كبير وخبره في التشكيله. احمدو ربكم حسين موجود.

وحنا وش ذبحنا الا ذا الكلام وخبرة ومادري ايش واخرتها ناكلها

يااخي ترى الخبرة مهب كل شي واتضح هذا في مباراة ايران شف الشهيل رغم انه صغير وش سوى وحسين وش سوى

يعاب على الكابتن حسين عبدالغني انه ما شارك في اي كوره هجوميه

بمعني انه لم يعكس ولا كوووره

وكلنا شفنا عبدالله شهيل ويش سوى ووين وصل وكلهم اظهره

لكن حتى ما نضلم اللاعب الاوربي

ممكن هذا ايعاز من المدرب

وشكراااا