افلقوني إذا تأهل المنتخب هم ومعسكراتهم الطويلة الي ما تدري وش يبون بالنهاية ما أقول إلا الله يفشلكم بس (( أمحق من تطور )) - نادي الهلال السعودي - شبكة الزعيم

هلالي الرعب · #1 07/09/2008, 08:07 AM

بسم الله الرحمن الرحيم
.
مدري أقول لكم هاردلك التعادل والأ أقول لكم هاردلك الخروج حتى لو كان الوقت بدري ومع هالمستوى الله يخارجنا بس والله حرام هالحضور كله من الجماهير الي ترك أشغاله والي ترك
بيته وألي وألي وبالنهاية تعادل !! الله يفشلكم بس ..
.
والله العظيم لو هالمنتخب يخلون الاعبين الدوليين مع أنديتهم ويجمعون لهم منتخب يجلسون يلعبون
مع بعض طول الوقت كان أبرك لنا وأبرك للمنتخب على الأقل طول السنة بيتفاهمون لكن مع
هالمدرب الجباان بمعنى الكلمة وبعض أشباه الاعبين الي موجودين أفلقوني لو تأهل المنتخب ولو
تأهل بيكون بحسنة أحد المنتخبات !!! بالله كيف راح يتطور المنتخب وهو قاعد على النظام القديم
الي فشلونا فيه هالمنتخب وإداراته ياناس الهند صارت أحسن مننا منتخبنا يجلس معسكر بالشهور
وغيره من المنتخبات قبل ثلاث أيام من المباراة يجتمعون الاعبين !!!!
.
متى راح تصيرون مثلهم بتقولون وش دخل هذا الشي بقول لكم المنتخب أستهلك كل طاقات الاعبين وكرفوهم كرف كيف بيقدمون راح يقدمون المستوى أو النتيجه !!! إذا بالشوط الثاني ماعاد فيه لياقه
يرحم والدينكم إذا مع إيران وبين أرضكم وبين جماهيركم صار فيكم كذا أجل لا رحتو لعبتو مع الإمارات ببلدهم أو إيران ببلدهم والا كورية الجنوبية والشمالية ببلدهم وش بتسوون !!!! الجواب بين قوسين (( فضيحة الموسم لنا )) ...
.
إلى متى والمنتخب على هالحال ضيعتوا الاعبين بالإصابات وكرفتوهم وهم المساكين ما مداهم يخلصون من البطولات لأنديتهم إلا سحبتوهم من أذنهم ودردووب علطول معسكر !!! ياعالم ترا
الاعبين بشر مهوب بهايم الله يعزكم !!! ...
.
أنا من زمان وأنا أعرف أن الإدارات المسئولة عن المنتخب في وادي والمنتخب بوادي ثاني والسبب
واضح وش راح ترجى من منتخب يحضر لاعبين بمجرد أنهم جابوا هدف أو هدفين والا أبدعوا مباراة
والأ مباراتين مع أنديتهم ويستدعى للمنتخب على ما أظن هالشي يكفي أن عقليات المنتخب ضعيفه ويبيلها ناس شابه تدمج الفكر الراقي والمتطور مو الفكر الهدام والإستغلالي الي يقوم فيه البعض منهم !
.
وين عقليات المدربين وتفكيرهم الي أسميه شخمطه وخربطه !!! لاعب مدافع وبمكان حساس يلعب برجله اليمنى ويكون قلب دفاع بجهه اليسار !!! ياحبيبي يا ناصر الجوهر كان أنت والأ أنجوس القديم
إذا كان الاعب هذا أوروبي ويلعب برجله اليمين وتلعبه بجهه اليسار بقولك يصير وينفع لكن لاعب سعودي وتسوي فيه كذا عز الله جاب العيد والدلائل واضحة والمقصود هنا هوساوي أو رضا تكر في بعض المباريات ومو تقليل بالاعبين السعوديين !!! لكن كمنطق الاعب الأوروبي يتميز بصفات منها :
.
1 - ينتظم بالنوم وحريص على هالشي .
.
2- منتظم بأكله وشربه .
.
3- منتظم بتمارينه وتركيزه عالي .
.
4 - لاعب قتالي ويلعب بثقه كبيره .
.
5 - يعلم أن إدارات المسئولة عنه عقابها شديد لو أخل بأي شي .
.
على ما أظن يكفي الي ذكرته .
.
الاعب السعودي مميزاته وسلبياته الي أكثر من الإيجابيات :
.
1- أنتظام بالنوم أسبوع وأسبوعين قوة خربطة إلا القليل منهم المنتظمين .
.
2- خربطة بالأكل والشرب وبالنادي يحرق ويهلك نفسه عشان يضيع الي أكله بداخل التمارين .
.
3- يتمرن ولكن أكثر التمرين أنواع النكت والضحك وتنفيذ التمارين بدون جدية في أكثر الأحيان
وبعضهم منتظمون بكل شي وهؤلاء القلة منهم فقط .
.
4- قليل من السعوديين الذي يكون لعبه قتالي وقليل الي ثقته بنفسه كبيره والأكثرتلقاه جبان ما يشارك بفاعليه وأرتباكه واضح .
.
5 - يعلم أن إدارات المسئولة عنه داجه بالعقابات وما فيه صرامه ومحاسبه عشان كذى نشوف أكثر الاعبين متهاونين .
.
يعني بالفم المليان وعلى بلاطة على قولتهم منتخبنا الوطني ((( يفشل )))
.
.
.
هذا رأيي الشخصي وأحترم جميع آرائكم