سعد . . يا سعد صدقني مشكلتك نفسيه مو بدنيه >: تعلم من ياسر يا بعدي + حلول تأهيليه للمنتخب
بسم الله الرحمن الرحيم
هارد لك التعادل واللهـ نتجيه ما توقعناهـا لكن اللهـ المستعان
سعد آآآآآآهـ منكـ بس . . . صحيح محارب لكن ما قلنا شي. .
بس هذا ما يخليك تعكس ادائك داخل الملعب . .
سعد و سعد . . من عرفت سعد يلعب مع المنتخب من ايام كاس العالم والمباريات الوديه وكاس اسيا وغيرهن
ومواضيع منتدى المنتخب السعودي كلهااااا عن سعد بعد كل مباراهـ
مادري هل هذا حب فيه؟؟ ام ايييييييييهـ ؟؟؟؟؟؟
سعد باختصار . . انت :
لاعب قامته طويله + جسم قووي جدا سترونج بدي + مقاتل عالكورهـ . . لو ريو فرديناند يلعب ضدكـ كان هزمتهـ
لكن تدري وش مشكلتكـ . . . ما في لاعب بالدنيا ما عندهـ مهاراتـ وباالذات انت . .
مشكلتكـ الثقهـ . . واتحدى كل واحد يدخل ويقرا موضوعي يقول غير هالكلام
سعد من بدت الانتقادات تنكب عليه من هالمنتدى مو بس هنا الشارع الرياضي واخصصصصصصصص حنا يالهلاليين وهو يلعب عالوواااقف ولا يتحرك بس يوصل كور
بالله . . اضرب لكم مثال
ياسر يالبى قلبهـ 
وش وصله للنجوميه . . وش وصله لأفضل لاعب بأسيا هل هو به زود عن سعد .؟؟؟ عندهـ مهارات زيدان مثلا؟؟؟؟ سلمك اللهـ ياسر لاعب جريء وواثق من نفسه ويسجل اهداف ولا يحتري الفرص تجي لمهـ ولا يحتري الشلهوب ولا عطيف يعطيه الكورهـ ولا يرفع لهـ ناقصك الثقه والجرأة لا تحتري احد يصنع لك هدف انت اصنع من اللا شي شي
تلاحظون
اي كورهـ تجي يكون ثابت بمكانهـ يدور احد يناول له الكرهـ
عمري ما شفته اندفع للمرمى ولا سحب يمين ويسار ولا زي كذا
كريستيانو رونالدو اللاعب الاول بالعالم حاليا يلعب بمانشستر يونايتد من اقوى انديه اوروبا وعمره 19 يعني بزر والمفروض يعرف انه بزر ولا فيه خبره ولا هم يحزنون يعني طبق تعليمات المدرب والعب زي الناس ولازم يعرف انه ببريطانيا وان مشجعين الانغليز ما يرحمون مهوب مثلنا انتقادات وسب يمكن يذبحونك ولا يخطفونكـ ولا يكسرون سيارتكـ ومع ذلك وصل به الجرأة . . اناني + تسحيب ومهارات + مراوح + يشوت من برى الصندوق غير انظباطي << ببداياته طبعا كان ورع ما عليه من احد بيكهام وهو بيكهام محبوووب الانجليز ما يسويها خخخخخخخ
كلها ثقهـ وجرأة اللاعب هي اللي توصله للنجوميه لا تحسب احد بيجيبها لكـ
هدفك على ايران اسمح لي ما اظن انهـ 90% من مجهودكـ
تمريرهـ شهيل تحسب لهـ 60% ولك الباقي لأن اي واحد يجيبها
وغلطه الشاطر بعشرهـ تذكر نفس اللعبه يوم اسبانيا الكورهـ وين راحت
يا بعدي يا سعد انت لاعب صغير بالسن كل المواصفات تمتلكها فل اوبشن
ناقصك تشغلها بسسسسسسسسس
ناقصك ترفع ثقتك بنفسك
انت منتب لاعب وسط يستلم ويمررر الكورهـ
انت مهاجم تستلم الكورهـ اندفع انطلق اذا فيه مساحه جيدهـ ناول لا تناظر وراكـ
سحب يمين يسار سدح المدافعين مثل ياسر
تلعم من ياسر يا حبيبي
ما عليك من احد مهوب قايلين شي
هذاهـ عطيييييف مع انه مادري وش يبي هو ومرواوحه كل شوي تنقطع
ما حد قاله شي
صحيح العين عليكـ . . لكن ولوووو مهوب علشان تسكت الجمهور علشان لا يدورون شي عليكـ تقوم تناول الكورهـ وتمشي
سحب . . انقطعت. . . . معليش . . .
منتب مارادونا ولا بيليهـ
كريستيانو اكثر واحد تنقطع منه الكورهـ ومع ذلك ما يأس
انت تحاول تبعد عن الانتقادات وتبي تمشي اللعب كأنك لاعب عادي يؤدي المطلوب منه وبس
لا ما نبي كذا
نبيكـ تؤدي مستواك نبيك تؤدي مهاراتك نبي تصنع الفرص لنفسك تخلق الفرص
ولا تلتفت للانتقادات السخيفه . .
ثاااااااانياااا :<
المفروض من المدرب ناصر الجوهر الله يخليه خخخخخخخ
يسوي دورهـ خاصه للدفاع ويجيب مدرب خاص اوروبي فاهم
لان مشكله الكرات العرضيه ما تنحل الا بهالطريقه
لازم تنبه اللاعبين تفقههم . . تعطيهم محاضرهـ تعلمهم درووس
مو توجيهات وتمرين عالكرات العرضيه وبس
يا شيخ ما في منتخب يبي يتأهل ودفاعه كذا
واتحداكـ اذا منتخب يلعب ضدنا وما يسجل هدف عن طريق كرات عرضيه لأانها مطبوووخه وعارفين نقطه ضعفنا وكل العالم عارفينها تونس - كوريا - اسبانيا - اوكرانيا - العراق - المانيا خخخخخخخ وكل المباريات المهمه اكبر دليل
لازم مدرب مختص يعطي محاضره للاعبين وبالأخص تكر وهوساوي لأانهم هم السناتر
ثالثا :<
نور وما ادراك ما نور . . لو نبي نجنس لاعب بمواصفات نور محنا بلاقين
وناصر الجوهر يتفرج خخخخخخخخخ
عطيف والشلهوب ما يصلحون مع بعض واخص عطيف لانه لا يصلح كصانع لعب
والشلهوب مهمته صناعه اللعب ويؤديها بنجاح بعكس عطيف اللي بس فلتر يوصل الكور من المحور للشلهوب من ثم للهجوم غير انه لا تقدم بدى يتفنن ويقتل الهجمه
وبألأخير تروووح الهجمه في خبر كان
معليش اي مدرب بالعالم يا ناصر لو أنه العجلاني خخخخخخخخ
بيضم نور ويلعبه اساسي
ونقطه اخرى
ياسر مصاب ومسوي عمليه بكتفه قبل شهرين تروخ تلعبه باخر عشرين دقيقه ومع من
مع الجلوووف لاعبين ايران
وياسر معروف عنه انه لاعب استحواذي ويحتك مع المدافعين ويقاتل للوصول للمرمى
المفروض يكون رأس حربه لحاله يستقبل وانت حاطه مهاجم ثاني مع سعد اللي هو اصلا مهاجم ثاني ؟؟؟
لكن اختصارا . . و زبده . . ولب الموضووع سعد . . غير طريقه لعبك وابعد عن الخوووف اللي مربكك انت لاعب دولي ومحترف وش خايف منه العب بروحك نبي هدف زي هدف الكويت يوم تنطلق وتسحب بالدفاع نبي ترجع الثقه بنفسك وياليت كلامي يوصل لكـ دفاعنا لازم اعادهـ تأهيل ولازم ياخذون دورهـ ومحاضرات تطبيقيه للكرات العرضيه . .
عبدهـ عطيف المفروض يكون احتياطي كما شفناه في كاس اسيا
ولاعب مثل محمد نور يكون موجود اساسي مع المنتخب
. .
واسف عالإطاله
تحياتي
الوضع العادي
