(( يوميات رمضانيه "6" )) DR.KHALID ..ومعاناتة مع المصري - نادي الهلال السعودي - شبكة الزعيم

المنتدى الاستشاري · #1 07/09/2008, 03:39 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "السادس"
المتميز" DR.KHALID "
لك يحكي لنا احداث يومه مع شهر رمضان المبارك ..

السلام عليكم .. صبحكم الله بالخير

خير ليش تطالعون ؟ << قافلة عقب المباراة

اولاً الف شكر للإخوان في المنتدى الاستشاري

على اتاحتهم هالفرصة لي
..
ثانياً .. هارد لك النتيجة .. الي م كانت ترقى لمستوى تطلعاتنا كمحبين للأخضر ..
بس قدر الله وم شاء فعل .. والحمدلله على كل شيء
..
وأيضاً هارد لك للمنتخب الاماراتي والبحريني .. ومبروك للمنتخب القطري

..
ثالثاً .. ي الله ي رب انه يرج المصري الي كان جالس جنبي في المباراة .. ومن أول المباراة وهو يدعي على ياسر

.. وانا اقول ليش؟
قال ياسر وابوتريكة دول لاعبين دول ؟؟ وانا اقول ايه والله صدقت .. قسم ان جدتي منيرة مهاراتها اكثر منهم

.
. ومستوى التهديف عندها 9 من 10 << ويننج 3

<< هي هي بسك بثارة

>> طيب

بسم الله نبداء ..
طبعاً راح ابداء من صلاة الفجر ..
قبل الصلاة دق علي واحد من الشباب .. قال بعد الصلاة ابيك بمووضوع مهم جداً لا تنام .. قلت طيب !
واحتري واحتري بعد الصلاة .. الين نمت عالجدار

.. وفي النهاية لاهو الي دق ول خلاني انام ..
طبعاً وانا نايم عالجدار م حسيت الا بشيء يمغصني في بطني

.. يوم فتحت ..
طلعت رجل ابوي الله يسلمه يبيني اقوم اصلي الظهر ..

تتسألون ليش يترفس فيني .. مع انه فيه طرق احسن

..
انا اقوله شف .. سو كل شيء الا انك تطفي المكيف او تسحب البطانية وانا نايم ..
فتوصل الله يطول بعمره الى حل كويس

..

قمت صليت الظهر .. ورجعت .. قعدت عالنت شوي ..
بعدها رحت تقهويت مع اهلي << ي فقشك ي اخي

..
بعدها حاولت انام الى العصر .. تقلبت كثير وللأسف م جاني نوم .. يوم جت الساعة 2.30 قلت قم بس م راح تنام...

فتحت المسن لقيت خالي .. قعدت اسولف معه شوي ..
تعرفون المسكين عزوبي..
اهله في ولاية ميتشغن وهو متعزب(ن) في أريزونا

سولفت معه شوي الى اذان العصر
قومني ابوي للعصر .. بس بطريقة مؤدبة شوي .. حسيت اني بشر

..
صليت العصر ..
قريت قرآن شوي بعد الصلاة ..
شوي جاني اخوي الي اكبر مني قال بسألك سؤال .. قلت سم ؟
قال: الحين زوجتي عادي تكشف عند ابوي ؟
وانا فطست ضحك بوجهه

..
قلت : ي اخي طيب اعرس اول بعدين يصير خير ..
قال انت معليك جاوب بس .. قلت ايه يجوز << الله يجزاك خير .. الا من متى وانت تفتي

قال : شفت انه م عندك سالفة .. م يجوز .. الموهيم اننا تقريبا نصف ساعة واحاول اقنعه يقول لا ..
طبعا انا منب متأكد بس اذكر اني سمعت ..

رحنا سألنا الوالد قال ي اخي م ابي اشوف زوجة احد

.. قلنا طيب بس يجوز ؟
قال ايه يجوز .. وانا الي اعطيه نظرة .. قلت : ل عمرك تتحدى

..

الموهيم قعدت مع الاهل للمغرب .. افطرنا ..
ورحت كعادتي الكريمة نمت بعد المغرب

..
أذن العشاء قمت صليت ..
ورجعت اخذت شور ورحت الملعب يحدوني الامل والـ شسمه للفوز ..
قعدت شوي بلحالي طفشت ..
اشين شيء لي رحت المباراة بلحالك
..
دقيت على اخوي قال شفنا عند بوابة 54 .. وانا الي اروح عندهم
م يمزحون حاجزين 13 مقعد الله يسلمهم

..
تابعت المباراة وانا اهج من هالمصري .. وكل م هجيت جاء جنبي ..
طيب ايه رأيك بطلال المشعل ؟
ي ليل القرف ..

شيبي ذا ..

قال انتوا اعلامكم يخرب اللاعبين وقعد يدن على راسي .. الين قلت بروح اشري موية وقمت من عنده

..
وجاء قول سعد الحارثي .. وفرحنا فرحن فريحن .. وجاء قول ايران قسم بالله اني بغيت احط حرتي بالمصري .
. بس اشوا اني تمالكت اعصابي << ارحمنا ي نسيم حميد

..

ومباشرةً قمت بعد قول ايران .. يوم نزلت للبوابة .. يوم ناظرت جنبي الا المصري نفسه قسم بالله ..
قال .. انا قاي من ام الحمام عشان نخسر ؟

بغيت اقول ي خوي حد غصبك تجي ..
الموهيم اني صرفت نفسي ورحت السيارة .. وأخذت عشاء .. ورجعت البيت وتعشيت..
وجيت وبسرعة كتبت اليوميات ..
لاني حاس اني مصختها .. يقولون اخر موعد الساعة 10 وانا توي اسلم الساعة 1

..
وهذي صور من الملعب

شوفوا كيف التناسق .. ياسر مالك ياسر مالك

^^^^^^
يمديكم عـ اللقطة

ختاماً
أسف عالاطالة
وآسف عالتاخير
والعذر والسموحة أحس يومي يجيب النوم

تمنياتي لكم بدوام الصحة والعافية

وكل رمضانٍ وأنتم إلى بارئكم أقرب

أخوكم الكبير : خالد<< كنك تحتك بأحد ؟

كل الشكر
للمتميز**][ "DR.KHALID .♥][ **

وانتظرونا غداَ مع
المـتميز . abo_nasser

أرق التحايا وأطيبها من
مشرفيي واستشاريي
المجلس العام

الســفيرة · #2 07/09/2008, 03:41 AM

صباح الخير

يعطيكـ العافية خيوو يومكـ كله اكشن ^_^

.......................

عدنا ,,

إقتباس


	هارد لك النتيجة .. الي م كانت ترقى لمستوى تطلعاتنا كمحبين للأخضر .. بس قدر الله وم شاء فعل .. والحمدلله على كل شيء

ايييه ياني مت قهر

والا هالحكم لو اني حاضرة المباراة بس كان ابن امه الي يفكه مني

>> يازينكـ وانتي ساكته

إقتباس


	طبعاً وانا نايم عالجدار م حسيت الا بشيء يمغصني في بطني .. يوم فتحت .. طلعت رجل ابوي الله يسلمه يبيني اقوم اصلي الظهر ..

واااو الوالد ماعنده وقت

بس شكل نومكـ ثقيل عشان كذا استخدم هالاسلوب

إقتباس


	سولفت معه شوي الى اذان العصر قومني ابوي للعصر .. بس بطريقة مؤدبة شوي .. حسيت اني بشر ..

هههههههههههههههاااي الله يعيينكـ

إقتباس


	الموهيم قعدت مع الاهل للمغرب .. افطرنا .. ورحت كعادتي الكريمة نمت بعد المغرب ..

ماشاء الله تباركـ الله كل يومكـ نوم

إقتباس


	تابعت المباراة وانا اهج من هالمصري .. وكل م هجيت جاء جنبي .. طيب ايه رأيك بطلال المشعل ؟ ي ليل القرف .. شيبي ذا ..

ياشين الناشبين وخاصة بهالاجواء ودكـ تطالع وهم يهذرون على راسكـ >_<

لقطة احترافية

امتعتنا بيومياتكـ دكتور وبانتظار المتميز ابو ناصر

جرح يشكي · #3 07/09/2008, 03:44 AM

يوووووووووووووووووووووووهـ كنت جنبي

انا مكاني قريب من مكانك

لي عوده ورده

عدنا

يووووم رااااااااااااااايق رااااااااااايق من جد

اهنيك عليه .. بس نومه بعد المغرب اليييييييييييييييييييييمه .. انا مفكر اسويها

قصماً بالله يجيني خمووووووووول موب طبيعي .. موب من الاكل لاني ما أكل شي اللهم فنجال قهوه مع تمره وكم حبة لقيمات وبس .. من جد يبي لنا حل

لا تذكرني بـ المباره ,, قسم بالله اني كرهت عمري .. تدري اني ما طلعت من الملعب الا 1 اللي حسبي الله ونعم الوكيل على اللي مقفل على سيارتي .. اخر شي طمرتها الرصيف وتعورت شوووي

وهارد لك يا كابتن .. عاد وانا داخل لموضوع قلت اكيد بحصل بيت والا بيتين لك

صح لسانك << تعود

ننتظر يوم ابو ناصر .. واقول لـ القائمين على الاستضافه خلو الموضوع مشفر .. لا تسمحون لمن دون الـ 18 عام الدخول الى الموضوع

^ العنود ^ · #4 07/09/2008, 03:49 AM

شوف الايام الهاديه مو مثلك يومك حت حت

يومك حلو هادي ,,

وهاردلك للمنتخب

بكره الشيخ مدحت ,, وزرعه

كان هنا · #5 07/09/2008, 03:52 AM

الله يصلحك نومك كلها يوم ..
أقصد يومك كله نوم

..
الله يخلف على دكاترتنا

..

يوم حلو وممتع صراحتن .. وعوضنا عن يوم التكرونية السامج ..
شوفوا ياناس .. يوم خفيف ظريف وتلخيص مافيه احسن منه ..

الله لا يحرمنا منك ياخي

..

F I N A L · #6 07/09/2008, 04:02 AM

أهلاً وسهلاً دكتور خالد ,

شكلي راح أستخدم أسلوب أبوك في تصحيتكم من النوم ^_^

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه
خالد
ورده

بـنـ**الزعيم**ــت · #7 07/09/2008, 04:09 AM

لي عوده
..............................
عوده بعد قرائه الموضوع

إقتباس


	قال: الحين زوجتي عادي تكشف عند ابوي ؟ وانا فطست ضحك بوجهه .. قلت : ي اخي طيب اعرس اول بعدين يصير خير .. قال انت معليك جاوب بس .. قلت ايه يجوز << الله يجزاك خير .. الا من متى وانت تفتي قال : شفت انه م عندك سالفة .. م يجوز .. الموهيم اننا تقريبا نصف ساعة واحاول اقنعه يقول لا .. طبعا انا منب متأكد بس اذكر اني سمعت .. رحنا سألنا الوالد قال ي اخي م ابي اشوف زوجة احد .. قلنا طيب بس يجوز ؟ قال ايه يجوز .. وانا الي اعطيه نظرة .. قلت : ل عمرك تتحدى

هههههههههههههههههههههههههههههههههههههههههههههههههههههههههههههههههههههههههههههههههههههه ههههههاااااي
الله يروجك يااااشيخ احلف انك ماتدري لاأنت ولا اخووك ههههههههههههههههههههههههههههههههه

يوميااات مختصره و جميله الا انت بالملعب ماشفت خااالي << احلفي بس

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

ورده

شكر لكم من القلب

ورده
باإنتظار ابو نااصر

كَلْ اَلْـ حَ ـيَاةْ · #8 07/09/2008, 04:16 AM

{أهم شئ بالحياة اللي جاب هدف السعوديه

}

يعني لازم تقهرونا يعني..
هاللقطه تخلي اللي مايحب الملاعب

يحبه غصب..

ياخي ابوك فله عليه طرق تقويم ...

شكلي بطبقها اليوم بخوي لاقومته للصلاة

انتم يالعيالين ماينفع معكم الا الدبج بالقومه والا ماهناش ..

لاتحمسين ياخيه ..

طيب أنآ ابسأل ..هالحين المصري.. جاي من سوق الحمام .. يشجع السعوديه .!؟
دامه يشجع وراه يذب بياسر ياحياة الشقى

أجل زوجتي تكشف لأبوي ... خخخخخخ ..
بالله ياكره اللي يحاج وهو مايدري من وين هابه

كان رنيته كف باللهي .؟!

ورده يوم تحيف..
ورده ونوم تحيف..
ورده ومصري اتحف واتحف..
واخو أتحف واتحف ...

وحظ أوفر للشعب السعودي عامه ...

ونعيش وناكل غيره ..
بس يسجل

سعد هدف

الله يسعدك دختورنا الفاضل ...

ورده .. بإنتظار أبو ناصر..

فجر الرياض · #9 07/09/2008, 04:17 AM

هلا بـ الدكتور خالد

هاردلك للمنتخب ان شاء الله يعوضونها

إقتباس


	طبعاً وانا نايم عالجدار م حسيت الا بشيء يمغصني في بطني .. يوم فتحت .. طلعت رجل ابوي الله يسلمه يبيني اقوم اصلي الظهر ..

هههههههههههههـ

هي قويه بس اهم شي عند ابوك انك تصلي بأي طريقه تقويم اهم شي الصلاة ماتفوتك

إقتباس


	رحنا سألنا الوالد قال ي اخي م ابي اشوف زوجة احد

اخوك معليش يعني بس عليه سؤال

دكتور خالد
يومك هادي وحلو واستمتعنا فيه يعطيك العافيه ورده

"هلاليه أنا " · #10 07/09/2008, 04:23 AM

يسعد صباحك دكتور خالد ورده

ياحلاة أيامكم موب مثل أيام البنات نمت وصحيت متأخره

ورحت المطبخ اجهز السفرة

يووم حلوو كثير أستمتعنا بأوله ووسطه وكدرنا آخره

هاردلك للأخضر وبالتوفيق له في الجايات

ألف شكر لك

أطيب التحايا وأصدقها

S K Y · #11 07/09/2008, 04:33 AM

تصدق كنت جالس حولك .. ؟؟ قريب من الشله في زاويه المدرج اللي يستهبلون على العسكر واللي تحت .. كان معي واحد جايبه بالغصب لأنه من عشاق منتخب ايطاليا < بكيفه هو ؟؟ مافيها ميول هذي

بس اللي قهرني لما شالوا العسكر اللوحه الكبيره حقت مجلس الجمهور الهلالي اللي كانت معلقه

بالنسبه ليومك كان لطيف وجميل وياليته أكتمل بفوز المنتخب
الله يعافيك اخوي خالد تقبل مروري المتواضع

فتاه هلاليه · #12 07/09/2008, 04:35 AM

هلا بالدكتوور ...

لي عودهـ...ورده

---------------------------------------------------------------------------------------
بااكـ..
ماطولت كلها 5دقايق ورجعت ...

إقتباس


	السلام عليكم .. صبحكم الله بالخير

وعليكم السلام...
صبحك الله بالنور ..

إقتباس


	قال ياسر وابوتريكة دول لاعبين دول ؟؟ وانا اقول ايه والله صدقت .. قسم ان جدتي منيرة مهاراتها اكثر منهم .

هذي بداية بثارته ونشبته هالمصري..

كان قلت له لا مب دوليين بس يستهبلون علينا شوي ..

إقتباس


	تطفي المكيف

لاااااااااااااااااااا انا اكثر شيء بالدنيا اكرهه اذا جاء احد يقومني ويطفي المكيف هذاك اليوم اقوم والاخلاق قااافله ...

إقتباس


	رحنا سألنا الوالد قال ي اخي م ابي اشوف زوجة احد

والله ابوك انواع التزبيد...

إقتباس


	طيب ايه رأيك بطلال المشعل ؟ ي ليل القرف .. شيبي ذا ..

قله يسلم عليك ولا يكثر..

إقتباس


	قال .. انا قاي من ام الحمام عشان نخسر ؟

خسروووه اللي منب قايله ...قله تعادلو ماخسروووووووووووا......

دكتورنا .......الف شكر على اليوم الممتع استمتعت وانا اقرا ....

وهاردلك للمنتخب وخيرها بغيرها ويعوضونها انشاء الله صح كنا نطمح بالفوز بس ماكتب ربي...

كل الود..

الغدير الازرق · #13 07/09/2008, 04:37 AM

هلا بدكتووور خالد ماشفتني جالس تحت الساعة طوالي

شفت المشجع اللي قاعد يدخن انا جمبه <<

راااااجع لك بعد الصلاة ياعسل

........

هلا وسهلا دكتورنا خالد .. مبارك عليك الشهر ,,

يووم جميل ومليان اكشن بس غريبه كيف اسمحولك تسلم يومياتك

قبل المدة بساعه

من احسن مافي يومياتك إنها طازه حقت اليوم

وبالنسبه للمباراة للأسف مارحت مع إني كنت ناووي احرك من البيت بعد التراويح

للملعب بس اتصل علي اخوي وقال لاتجي ترى الملعب فل

إلا كانك تبي تجلس

مع الرابطة الأيرانيه

والحمدلله عوضناها بجلسة البيت مع الأهل والأستمتاع

والتلذذ بأكل العصيدة والعريكة على أجواء المباراة

معوض خييييييييير منتخبنا إن شاء الله في المباريات القادمة

ماتحس إني احتليت موضوعك

عالعمووم مشكوور اخوي خالد

على هاليوميات الكويسه عوضتنا خيير عن

يوميات البنات السامجه أكل ومرعى وقلة صنعى

والشكر للمشرفين والأستشاريين عسى الله يقويكم ,,

بانتظار يوميات التحيف أبو ناصر

الحلا مبتليها · #14 07/09/2008, 04:37 AM

صباح الخيرات والتعادلات

عوافي ع هاليوم الجونان...

لي عوده بأذن الله..

،،،،،،،،،،،،،،،،،،،،،،،،، ~,,~ ،،،،،،،،،،،،،،،،،،،،،،،،،،،،

بااااااااك....

إقتباس


	ومن أول المباراة وهو يدعي على ياسر

خيييييير

مابقى الا ياسر آآآآآآآآه ليتني رايحه الملعب
كان صقعت راسه بالعجره حقت اخوي لين ينسى انه مصري

والله يالمنتخب

اليوم مانقصه الا المدرب الاوروبي

شف قطر فازو بثلاثه مدربهم كووشخه مره

إقتباس


	طلعت رجل ابوي الله يسلمه يبيني اقوم اصلي الظهر

ههههههههههههههههههههههههههههههههه

والله اني ارج رج مو طبيعي

..الله يوسع صدرك بالعافيه
الله يمتع والدلك بالصحه والعافيه... والله يرزقك بره

اتذكر يوم من ايام سفرتنا

كنا طالعين بس قلنا بنرجع ناخذ بريك ساعه ثمن بنطلع نتعشاء
اختكم

ف الله الي هي انا<< احلفي عاد

من دخلت الاوتيل ماشفت الا سريري

قدامي شخرت والله ماجبت خبر احد
المهم جاء ابوي

يقومني عشان نطلع ..... عاد انا اذا نمت ماعرف... اومي من ابوي

اقول كلام مايقوله الا المحششين

قالي يالله قومي بنطلع المهم انا حاقرته بدون قصد مع التعمق ف النوم

عاد ابوي قمه الوناصه عنده

انه يقومني من نومي ويهبل فيني بجميع الوسائل اللي تجيب للنايم العصبيه

لاني كل مره اسوي اكشن

تدري وش الاكشن هالمره
قلتله تدري اني اذا عصبت اصير اقوى وحده ف العالم

عقب هالكلام صحيت وطلعت معهم

واشوف ابوي واخوي يقولون لي اجل اقوى وحده ف العالم ياسوبر ماان
وانا ياعمري مدري وش القصه

ولين وقتك هذا وهم ماسكينها علي

إقتباس


	قومني ابوي للعصر .. بس بطريقة مؤدبة شوي .. حسيت اني بشر

هههههههههههههههههههههه

ياحليل ابوك اوب صاحي قسم بالله وسع صدري

صراحه استمتعت ف يومك صح انه خفيف بس فيه رجه

تحياتي لك ..

{ ورده }

ربطـه و شبـاصه · #15 07/09/2008, 05:01 AM

صبااااحك خيير DR.KHALID ورده

إقتباس


	ثالثاً .. ي الله ي رب انه يرج المصري الي كان جالس جنبي في المباراة .. ومن أول المباراة وهو يدعي على ياسر .. وانا اقول ليش؟ قال ياسر وابوتريكة دول لاعبين دول ؟؟ وانا اقول ايه والله صدقت .. قسم ان جدتي منيرة مهاراتها اكثر منهم . . ومستوى التهديف عندها 9 من 10 << ويننج 3

LoOoOoOoL

الله !!
اجل اذا ياسر وأبو تريكه مالهومش في الكوره ، مين اللي لهومش

قلووووب من هنا إلى الكـ(ق)ــاااهرهـ

إقتباس


	طبعاً وانا نايم عالجدار م حسيت الا بشيء يمغصني في بطني .. يوم فتحت .. طلعت رجل ابوي الله يسلمه يبيني اقوم اصلي الظهر .. تتسألون ليش يترفس فيني .. مع انه فيه طرق احسن .. انا اقوله شف .. سو كل شيء الا انك تطفي المكيف او تسحب البطانية وانا نايم .. فتوصل الله يطول بعمره الى حل كويس ..

والله الرفسة أرحم بملييون مره من سحب البطانيه والا تطفية المكيف والا فتح الستــارهـ

<-= (صج عذااب

)
أبووك ديموقراطي الله يخليه لك ويطوّل بعمرهـ ورده

إقتباس


	رحنا سألنا الوالد قال ي اخي م ابي اشوف زوجة احد .. قلنا طيب بس يجوز ؟ قال ايه يجوز .. وانا الي اعطيه نظرة .. قلت : ل عمرك تتحدى ..

هههههههههههههههههههههههههههههههههه

وش عندهـ آل الشيخ

~

~
يوومك كوكتييل ورده
وأزين مافيه ريحة الفوول والطعميه

شكراً ، د/خالد وكل عام وأنت بخيرٍ، وهاردلك ورده