نقـــاط مــن المبـــاراه..!! - نادي الهلال السعودي - شبكة الزعيم

هينري11 · #1 07/09/2008, 03:24 AM

*افتقدنا دور كريري في المحور الدفاعي لان زي ما يقولون اليد الوحده ما تصفق يا عزيز

*الشلهوب بدا في العوده لمستواه لكن صراحه الا الان مستواه ما وصل للتوب
*احمد عطيف يعاب عليه الارتباك في اول المباراه وعدم اغطية مكانه زين
لانه يتقدم كثير وما يرجع

*الجوهر غلط انه طلع السلطان صحيح انه ضيع هجمات لكنه كان مشغل الدفاع الايراني

*عبده عطيف مستواه ينخفض ويلاحض عليه الاستعراض الزايد والجماهير ما قصرت نفخته بعد هدف قطر

*عبد الغني ,الصراحه الزوري كان راح يادي احسن منه موب عشانه محترف تجيبونه خلوه في ناديه ابركله

*هوساوي,مدري وش فيه خبط لو انه ملعب عبد ربه احسن

*تكر,مستواه يطمن لكن يعاب عليه الكروت الصفره وكثرة الانبراشات

*سعد,ادائه جيد لكن عيبه يموت الهجمه صحيح انه جاب هدف لكن وقف هدفين او 3
ببطئ الحركه والرد السريع للتمريره

*النجعي صراحه بدع في صد الفاول وتخليص العرضيات والهدف ليس غلطته

*الشهيل,مستواه جيد لكن لو يرجع ويغطي منطقته راح يكون

*الجوهر ,يعاب عليه ان تغيراته فيها اخطاء كثيره يعني الشلهوب والسطان كانو منشطين الخط الامامي

من دخل بدالهم ؟؟!

ياسر

والغامدي

اولا ياسر لعبه ثقيل لانه توه راجع من اصابه ولا يصلح يكون بديل للسلطان
يعني حتى لو لعب الشهراني كان ممكن يادي احسن لاننا كنا نحتاج واحد يركض بس
يعني يشغل دفاع ايران

الغامدي صراحه معروف انه نشيط لكن ما راح يادي مثل لاعبين الوسط الهجومي
لانه في الاساس محور !

نتفائل خير للمباراه الجايه وان شاء الله ناخذ الـ3ـ نقاط في ارضهم وبين جماهيرهم
ونسترجع الهيبه حقت منتخبنا

دمتم بود..!