السلطان لازم يستبعد من المنتخب ...ضع صوتك هنا - نادي الهلال السعودي - شبكة الزعيم

omar_44 · #1 07/09/2008, 12:50 AM

السلام عليكم

تراني ما اعرف اقدم ابد يعني تحملوني

انا سويت هالموضوع بخصوص فيصل السلطان

والصرآحه هالاعب مدري وشلون مقتنع فيه المدرب

4هجمات واثنتين منها شبه انفراده ولا وحده هدف والله حآآله هذي لو تجيب اضعف مهاجم بالعالم يمكن يجيب وحده على الاقل

وننتقل الى موضوع اخر بخصوص عبدالرحمن القحطاني :

هذا الاعب ابدع مع المنتخب في كاس اسيا ومثل ما تذكرون لولا الله ثم عبدالرحمن القحطاني وسعد ..كان ما فزنا على اندوسيا
وابدع امام البحرين وفي كاس اسيا عموما

واللي يأيدني يضع صوته بإحضار عبدالرحمن القحطاني واستبعاد فيصل السلطان ..

وانشا الله يوصل الصوت للمدرب والادارة ( هذا اذا عطونا وجه )

والف سـلآآم

العوباني · #2 07/09/2008, 12:52 AM

والله من سلطان وسلطان ودك تشيله

المخلص دائما · #3 07/09/2008, 12:52 AM

بارك الله فيك ..
نعم موضوع جميل
وانا معك..اطالب

بإحضار عبدالرحمن القحطاني واستبعاد فيصل السلطان

راعــيــهــا · #4 07/09/2008, 12:53 AM

يارجال قسم بالله أنه نجم المباراة اليوم

وخروجه غلط × غلط

أربك الدفاع وسوا شغل غير طبيعي

بس عاد الحظ خانه اليوم وأنشاء الله الجايات أحسن لفيصل

الالماسي توب · #5 07/09/2008, 12:54 AM

انا اعطيه افضل لاعب في المباراة

وانت تقول نشيله

مهااااااابول انت

متيم به · #6 07/09/2008, 12:55 AM

اشوفه ماقصر
واذا ما حالفه الحظ في مباراه
غلط علينا نتكلم بأسلوب شيلوه ردوه
الرجال اكثر واحد تحرك وراح يمين يسار وشتت ذهن الدفاع

المايسترو سكولز · #7 07/09/2008, 12:56 AM

إقتباس

الرسالة الأصلية كتبت بواسطة راعــيــهــا


	يارجال قسم بالله أنه نجم المباراة اليوم وخروجه غلط × غلط أربك الدفاع وسوا شغل غير طبيعي بس عاد الحظ خانه اليوم وأنشاء الله الجايات أحسن لفيصل

والله أنا أيدك بارأي أخوي السلطان كان نجم المباراة الأول وخروجه كان قرار خاطأ من الجوهر ولكن عدم التوفيق حال دون تسجيله أي الهدف ولكن إنشاءالله يعوض الفرص الضائعة في المباراة القادمة

الليل الجميل · #8 07/09/2008, 12:57 AM

تستهبل أنت ولا من جد ....

والله أنه فنان لكن اليوم ما وفقه الله ..

لو تلاحظ كل المباريات الودية هو الي يسجل وسعد ما سجل ولا هدف ..

لكن الله اليوم وفق الحارثي وسجل ولم يكتب هدف للسلطان ..

المحللين يقولون إن السلطان أفضل لاعب اليوم وهذا كلام يوسف خميس بالحرف الواحد ..

وعلى فكرة عبدالرحمن القحطاني موجود في المنتخب .. لكن نتمنى عودة نور ..

المعاتب · #9 07/09/2008, 12:58 AM

يااارجال السلطان اكثر لاعب تحرك اليوم .

شمآلي هلآلي · #10 07/09/2008, 12:59 AM

ضيّع كم فرصه صآر فآشل ..!!

اللاعب صغير بالسن ومو متعود على مثل هالمباريات ومع ذلك أربك دفآعآت إيرآن ..

بالتوفيق أمآم منتخب الإمآرآت يوم الاربعآء ..

أبو نجـــلاء · #11 07/09/2008, 01:00 AM

ياناس مهوب لازم يجيب هدف

يكفي انه مسبب ازعاج للمنتخب الايراني

السلطان نجم المباراة يكفي الهدف الاول كسر الدفاع بتمريرته للشهيل اللي مرر الهدف

السلطان ضيع بس سبب ارباك هو طلع مع الشلهوب ضاع المنتخب وصار القحطاني لحاله يحتري الكور تصلح له ولافيه واحد يصلح للقحطاني

المفروض اخراج الحارثي اللي طفى الشوط الثاني مية في المية وصار عبء على الهجوم وصار القحطاني وحيد

تخيل السلطان والقحطاني مع بعض وخلفهم الشلهوب وشي بيصير المنتخب

فلذلك انا اخالفك الراي السلطان قدم مستوى كبير واصبر عليه وتمنيت من الجوهر مايجامل ويبقي الحارثي

مع الشكر

الزعــ عبودي ــيم · #12 07/09/2008, 01:01 AM

أنا ضدك اخوي اسمحلي

لأنه هو

اللي مسوي قلق بمنتخب إيران
وبعدين ترى هذي أول مباراة له مع النتخب
رسمية
ولا عاجبك ياسر يوم طب قاعد يتمشى
ولا سعد اللي ما يتحرك من مكانه
فاهم المدرب خطأ

أمير الأساطير · #13 07/09/2008, 01:02 AM

كييييييييييييييف الحال ؟؟؟!!!!!!!!

ياخي والله انه نجمممممممممممممممم يكفي انه الوحيد اللي قدر يخترق الدفاع اكثر من اربع مرات وكثر الله خيره

لكن الحظ ماحالفه اليووووووووم .. وراح تشوفه بشكل ثاني في المباراة القادمه واذكرك بالشي هذا

أعشقك يا زعيم · #14 07/09/2008, 01:03 AM

وربي مبدعييييييين الصقوور اليوم اللعب فله بس الشوط الثااني مومره ..

وبعدين سلطان بالعكس والله يستاهل يكون بالمنتخب يعني الي يضيع 4 هجمات يستبعد . .صح قهر 4 هجماات مو قليله بس ان شاءالله رااح يجيبها على ايران بالاياب .. وعلى الامارات ...

الله يوفقه ..

اسامر الخطوه · #15 07/09/2008, 01:03 AM

عمر حرام أنك دااااج
ولا تدري عن الكوره وين
بشهادة جميع المحليي والنقاد بعد المباراه
فيصل السلطان هو نجم المباراه الأول وخروجه غلط وما اراتاح الايرانيين الا بخروجه
وانت تقول أستبعاد ؟؟؟
وبالروه بالدم نفيديك ياسولتيني