(( يوميات رمضانيه "5" )) الفارسة حتى ظلالي هلالي والخنجر والمكرونة - نادي الهلال السعودي - شبكة الزعيم

المنتدى الاستشاري · #1 06/09/2008, 03:37 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "الخامس"
المتميزة" حتى ظلالي هلالي"
لكي يحكي لنا احداث يومه مع شهر رمضان المبارك ..

أول شيء كل عام وأنتم وأنا بخير

وكل من يعز علي

وعليكم

الله يتقبل الصيام والقيام

أنا انسانهـ عندي عقدهـ بطريقة حسبة الايام

لا بعد معطلين يعني مضيعهـ الايام

وقالوا لي ان اليوم الجديد يبدأ من بعد 12 بالليل

ومن هذهـ المقولهـ

بديت لكم بيومي 1 بالليل يوم الجمعهـ مدري الخميس ..

المهم ..
على الساعه 1 دخلت آخذ لي شور سريع
طلعت على الساعه 2
<< هذا سريع ايهـ طيب

نزلت ادور لي أكل بالمطبخ قبل تنزل علي امي

لاني لو آكل هالوقت ذبحتني
تقول مابقى شيء على السحور ..
أشوى اكلت وخلصت وهي مانزلت

أخذت لي قطعه كيكه مع كاس بيبسي

وجلست آكلهم عند غصب 2

فيه فوانيس مدري خرابيط

مدري وش عنه يتكلمون مقصرهـ عليهـ

بس اسم مشغلتهـ

خلصت آكلهـ ورحت للنت على طول

جاني بثر يقول حملي لي بيني وبينك ماشفتها اليوم
وليه مايحملها هو طال عمرهـ

أنا مشغووووووووووووووووول
وبوشو مشغول يا بزنس مان ..؟!

اذبحهـ هذا وإلا اذبحهـ

اوكي خلاص حط لاب توبك وانقلع عن وجهي

أنا الي اسسسسسسسسسسسحب

يوم جاء قال وينها خلصتي ..؟!
قلت لا ماحملتها تعلم تتكلم صح مع الي اكبر منكـ بعدين تعال اطلب

<< مسويهـ قويهـ

بعدين شوي مشادات كلاميهـ على شوية معايير

خلوها مستورهـ

جاء بعدهـ بثر ثاني

هذا ياعمري دايم ارحمهـ

جياتهـ لي وقتها غلط بغلط

ويصير هو الضحيهـ

الهواش كلهـ فوق راسهـ

أنا متحمسهـ وهو يطب بالشاشهـ معي و يقول ممكن سؤال ..!!

قلت ياكثرك .. اسأل

قال الحين انتي ليه دايم تكتبين ببرتقالي ماطفشتي منهـ شين

أنا جلست اضحكـ عليهـ لين قلت بس

حسيته شايف شكواكم ومعاناتكم

بعدين سويت ثقل

قلت وش دخلكـ احد شكى لكـ الحال..!!

ماشفته إلا وهو يضف وجههـ وراح

ياعمري ياهو

جاء وقت السحور

نزلت جوعااااااااااااااااانهـ

بس المصيبهـ طلع السحور مكرونهـ

يعني يا حت حت دوري لكـ حاجهـ ثانيهـ تاكلينها قبل يأذن بسرعهـ

ام العبيد قبست ..
لاني جوعانهـ وجتني تهزيأهـ على الطاير

المهم أخذت لي قطعه دجاجهـ واكلتها لحالها عن قولة ما أكلت شيء

فتحت الثلاجهـ واخذت لي كريم كراميل ..
اكلت ملعقين وحطيتها مدري وش فيها طعمها شيييييييييين

قلت مالي إلا كاس لبن بس والحمدلله ..
اشرب اللبن

حتى اللبن شين وحامض

اقول لامي وش فيه اليوم الاكل كله شين

قالت لا والله افمتس الشين لو على الاكل مشينها بس حتى اللبن انقلعي بس واضح الي مايشتهي أكل

<< أحس ان امي عندها حاسهـ سادسهـ

قلت يابنت روحي اقري قرآن قبل يأذن احسن لتس
أدخل غرفتي أثر البزران محتفلين فيها

اعوذ بالله بصوم بعد شوي مالي خلق هوشهـ
أخذت مصحفي ورحت لغرفة اخوي
ومير اني أنا الي احتفل فيها

حصلت لي شيء ونااااااااسه

فيه بغرفته خنجر

وأنا الي آخذهـ واقعد اجرب بنفسي

بس المشكله يوم ربطتهـ على بطني طاح هذا وانا حاطته أصغر شيء

نزلتهـ شوي ومشى الحال

وبدت التجارب ..
جيت بطلعهـ كأني اطلع سيف
على بالي فارسهـ انا وخشتي

المهم راح وقتي باللحوسهـ مع ذا الخنجر ..

مادريت إلا اذن

رميت الي معي وجلست اقرأ لحد ما سمعت الاقامه وقمت وصليت ..
وكملت قرايه بسيطهـ بعد الصلاة ..
بعدين رجعت للنت ..
لحد الساعه 10 و 42 دقيقة

سكرته ..
وقريت سورة الكهف ..
ونمت

صحيت صليت الظهر وبرضوا رجعت ونمت

صحيت العصر صليت وجيت بقوم خلاص بس قلت يا بنت بلاشي رياء يعني بتقومين عشان بتسوين فيها قرمى

انثبري ونامي كالعادهـ

ركبت المنبه على الساعه 5 ونص عشان اقالي بصحصح خلاص
رن المنبهـ وخلص وأنا ماطقيت لهـ خبر

وماقمت إلا 6 قومتني امي ويالله يالله بعد

نزلت وقريت قرآن لي ربع ساعه ..

رحت المطبخ قلت بسوي شغلي الدائم وهو تقطيع البيتزا وصب الشوربه

بس الحمدلله طلع مافيه بيتزا اليوم ..
يعني بس صبيت الشوربه

أذن وفطرنا ..
رقيت لغرفتي قلت بصلي وألبس عشان التراويح ..
ابوي الله يصلحهـ من قبل الآذان وحنا بالمسجد مابقى إلا نفتح الباب حنا

قلت خلوني البس عشان أجلس على راحتي ..

وانا البس دقتي علي (عنطرهـ) << للي بالبلياردو
الي هي بنت عمو .. قالت بروح معكم ..

قلت يالله من الحين تجهزي ترى ابوي 8 وهو بالمسجد ..
نزلت اشوف خرابيط غصب 1 البايخهـ

بس عن قولة ماشفت شيء ..

وحنا بطريقنا للصلاة كان الجو هدوووووووء لانه بطريق لصلاة

فصلهـ جدتي تسولف عن شغالتنا يوم جتها للبيت وتحش بها ..
قالها ابوي أي وحده ؟
قالت : التسبيرهـ

قال: جوريا .؟!

قالت زوليه ..!!

أنا وعنطرهـ دورونا ماتحصلوننا من الضحكـ إلى ماوصلنا للمسجد

حنا نلقاها من شغالهـ غبيه واسمها اغبى

وإلا سواق اسمهـ مايفرق عن هالزوليهـ بشيء

رحنا وصلينا التراويح ..
وتراي مابغيت اصيح وأنا اصلي

من الركعهـ الثانيهـ بالفريضهـ وانا مصنمهـ

وعلى عبايتي حبهـ قهوة

أخاف احركها وارميها وابتلش فيها تطير على وجهي

واتحمل 3 ركعات ما ادري وش يقول الامام فيها

سلم الامام من هنا وانا الي نقزت من هناكـ اشوتها ..
والحمدلله طست عن خشتي

خلصنا صلاة على 9

طلعنا ورحنا مع جدتي بيتهـا
تقول بسولف عليكم وبتقهوى معكم

والله وتطلع خذاريف جدتي

ياعمري ماتدري ان اليوم الجمعهـ

تقول يوم اذن الاول الضحى
اني اقول وش هالمهبول الله يخلف على اهلهـ

تقول ومير يأذن الثاني بعدهـ ..
على بالهـ انهـ نفس المؤذن

قالت : نكس المهبول الله يجبر بخاطرهـ

قلت يا جديدتي الله يجبر بخاطرتس انتي اليوم الجمعهـ عشان كذا أذن ..
قالت مالنا إلا 3 أيام صايمين وحنا صايمين الاثنين يعني اليوم الاربعاء
قلت لا لنا 5 أيام واليوم الجمعهـ
اسكتت ولا ردت علي كن كلامي ماعجبها

رجعت لبيتنا على الساعهـ 10
عشان بلبس وبروح لكلكولتي بعد قلبي

دخلت البيت اثر الدنيا قايمهـ قاعدهـ

استقبلوني بالباب قالوا بتروحين وإلا السواق بيطلع ومب طالع ثاني ..
قلت يالله يالله بروح بس لحظهـ بجيب هديتي من فوق ..
انا رقيت مع الدرج وهاللوح البزر طلع مع السواق وخلاني

نزلت ولبست عباتي وطلعت ماحصلته

وادق عليهـ قال الحين انا برجع وانتي تقولين وينكـ

قلت : 3 دقايق اذا ماحصلت السواق عند الباب بتندم على هالحركهـ << هذا هو حق بيني وبينكـ الي امس

انا ماهمني شيء بس المشكله دقيت عليها وقلت لها هذاي بطلع وبعدين نكبني هالنذل وتأخرت عليها ..
والله انها ماتمت أكثر 3 دقايق إلا هو عند الباب حتى الغرض الي طالع يجيبهـ ماجابهـ

<< مفسرهـ كمومهـا ومعها العجرا

رحت لكلكولتي
واستقبلتني بفركه اذن على طراقين بس

عشان ماني جالسهـ بس بعطيها هديتها وبطلع .. وعشاني على قولتها صايرهـ مؤبهـ معها << والله من جنبهـ مؤدبهـ

رجعت للبيت وفيهـ خالتي عندنا من زماااااااااان عنها

والحين عشانكم تاركتها تحت وراقيهـ أكتب لكم يومي ..
ونسيت اقول اني سويت لهم شاهي

<< عشان ماتجي لها ريري وتقول يالــ جذع

وانتهي يومي بحلوهـ وتكرنتهـ

خلاص انتهى اليوم وبدى اليوم الجديد حنا الحين السبت الدور على الي بعدي

يالله كل سنهـ وانتم طيبين والله يتقبل الصيام والقيام

ورمضان مع فيمتو احلىىىىىى

واحلىىىىىىىى

وانتم اكوس ناس

بس

كل الشكر لمشرفين واستشاريين المجلس العام على الاستضافهـ

وآسفينـ على الطويلهـ

كل الحب

كل الشكر

للمتميزة**][ "حتى ظلالي هلالي.♥][ **
وانتظرونا غداَ مع
المتألق . DR.KHALID

^ العنود ^ · #2 06/09/2008, 03:39 AM

اولي

.............................................................

بااك

هلا بخويتي بالفريق

يومك كله هواااش

بس فله اخوانك اذا فاضيه يعني تقدرين تتونسين عليهم

الغدير سلامات الكرانتينه اتوقع ادفنوها خلاااص

ماجد الي يشوفك يقول مو حاجز الحين

حت حت

ادخلي المسن عشان نتفاهم على التصميم

>>>> وش هالرد اعوذ بالله

الغدير الازرق · #3 06/09/2008, 03:41 AM

مرحباً بوخيتي حتى ظلالي ورده

كل عام وانتي بخير .. ومبارك عليك الشهر ,,

يووميات حلووة كلها هواااش وبقوووس هذا وانتم صايمين اجل لو مفطرين

وش بتسوون الله يصلحكم

تصدقين امس ابو ناصر يقووولي اتوقع إن حت حت

بتصووم رمضان بجدة وتحديداً بالكرنتينة

بس انا قلت معصي حت حت صدق

تحب الكرنتينة بس حبها للقصيم مايضاهيه شي ثاني وإلا لا يابو ناصر

إقتباس


	قال الحين انتي ليه دايم تكتبين ببرتقالي ماطفشتي منهـ شين

بخخخخخخخخخخ انشهد إنه ماقال إلا الصدق

حتحووته يوميات حلوووة وفكاهيه ماقصرتي والله يعافيك ورده

كل الشكر لمشرفينا وإستشارينا على هالأستضافة بيض الله وجيهكم

بانتظار دكتورنا خالد ورده

Dr.Sara · #4 06/09/2008, 03:44 AM

السلام عليكم ,,

يوميات جميلة وحافلة بالأحداث ماشاءالله ..

أجل خنجر اجل ..و شوربة .. ولا عرفتي وش تتسحرين

وجدتك يا حبي لها أذنوا المساجد عندها للضحى ..

الا صدق والله اخوك معه حق وش ذا كل كلامك اورنج اورنج غيري يا بنت والله عيوني بتنعمي

اوكي يا حتوته يا تكرونية .. لك كل الشكر على اليوم الجميل لا عدمناك يا الغلا ..

S K Y · #5 06/09/2008, 04:06 AM

سيناريوا مسلسل ناقصك مخرج ويعرضون هالسالفه على mbc
اي والله اسبوع هذا ماصار يوم تعبت وانا أقرى

اجل تلعبين بالخنجر الظاهر اخوك راعي مشاكل

ذكرتيني ايام الثانويه حاط العجره تحت مرتبه السياره وماعمري طلعتها يقال لي زي الشباب راعي هواش وفزعات

الحقيقه أستمعت بالقرائه الله يعطيك العافيه يالبرتقاليه على هاليوم التحيف

(ياحبي لك يابوناصر)

تقبلي مروري السريع

الجرح الخالد !! · #6 06/09/2008, 04:21 AM

يوم جميل ..

احلا شي الأخوان والبزران

والله انهم غثا لكن لهم فقدة ..

>> مايقصد عيال اخوانه ابد

ربي يعطيك العافية ياالغلا .

ماننحرم من تألقك الدائم

وبإنتظار دكتوورنا .

كل الوود

الســفيرة · #7 06/09/2008, 05:44 AM

صباح الجوري ورده

إقتباس


	أنا متحمسهـ وهو يطب بالشاشهـ معي و يقول ممكن سؤال ..!! قلت ياكثرك .. اسأل قال الحين انتي ليه دايم تكتبين ببرتقالي ماطفشتي منهـ شين أنا جلست اضحكـ عليهـ لين قلت بس حسيته شايف شكواكم ومعاناتكم

لوووووووووووول يحليله

بس الجد الاورنج من احلى الالوان

إقتباس


	جاء وقت السحور نزلت جوعااااااااااااااااانهـ بس المصيبهـ طلع السحور مكرونهـ

توك ماكله كيك ماشاء الله بسرعه جعتي

وبعدين شفيها المكرونه لبى قلبها >> عاد ماتسحرت اليوم

إقتباس


	قالها ابوي أي وحده ؟ قالت : التسبيرهـ قال: جوريا .؟! قالت زوليه ..!!

هههههههههههههههههههههههههههههههههههههههه فديييتها تونس

إقتباس


	ياعمري ماتدري ان اليوم الجمعهـ تقول يوم اذن الاول الضحى اني اقول وش هالمهبول الله يخلف على اهلهـ تقول ومير يأذن الثاني بعدهـ .. على بالهـ انهـ نفس المؤذن قالت : نكس المهبول الله يجبر بخاطرهـ قلت يا جديدتي الله يجبر بخاطرتس انتي اليوم الجمعهـ عشان كذا أذن .. قالت مالنا إلا 3 أيام صايمين وحنا صايمين الاثنين يعني اليوم الاربعاء قلت لا لنا 5 أيام واليوم الجمعهـ اسكتت ولا ردت علي كن كلامي ماعجبها

يحليلهم الجدات لو تسولفين وياهم وصدرك ضايق بترتاحين

ورمضان معها حق بسرعه يمشي الله يرحمنا برحمته

حتحوتة تسلمين يالغلا

بانتظار المتألق دكتور خالد

الشنيفي · #8 06/09/2008, 05:50 AM

يوووميات حلوووه

بارك الله فيكي
وفي هالأداره المتميزه والصراحة كلمة شكر قليلة بحقكم

ربطـه و شبـاصه · #9 06/09/2008, 06:05 AM

هلا والله بـ حتى ظلالي هلالي ورده

يوميات زي العسل

إقتباس


	أخذت لي قطعه كيكه مع كاس بيبسي

يالهوي بالي

أحد يتسحّر ببسي الله لايسخط علينا

شكلك ناويه تنتحرين بسم الله عليتس

ـــــــــــــــــــــــــــــــ

يعطيك العافيه يالفارسة على هيك يوميات ورده

الألوان إهداء لك

بركان أزرق · #10 06/09/2008, 06:10 AM

يوم جميييييييييل

جدا جدا

حافل بالاكشن

خصوصا بالخنجر

ذكرتيني باليمنية

ابن عمي مرسلي

عالايميل واحد فاضخ

عين خويه بالخنجر

لا يصير انتي بس

مشان ننحاش من

المنتدى

ترا قلبي مرهف ما

يتحمل العربجيات