(( يوميات رمضانيه " 4 " )) ..المصليــن ينـزعجون من تواجد فجر الرياض بينهم ...!! - صفحة رقم 2 - نادي الهلال السعودي - شبكة الزعيم

المحبره · #16 05/09/2008, 05:44 AM

صباح الخير فجر

يوم مليان .. استمتعت وأنا أقرأ

حلو إنك سويتي الفيمتو

أحسن من ولاشي

الله يشفي بنت أختك

.. ويقومها بالسلامة ..

شكرا لك .. وتقبل الله من الجميع ..

ألف شكر .. للاستشاريين ورده

الهنوووف · #17 05/09/2008, 06:36 AM

وعليكم السلام ورحمه الله وبركاته

هلا فجوووورة

ههههههههههههههه رحمتك تخيلت شكلك بالمسجد
ياشين هالمواقف

انا مره معاي بنات خالتي من زود القراده موديتهم
بغيت انجن بالمسجد منهم
يايتهوشون

يا الصغيره تمشي من عندي
واخاف عليها تبعد وطلع برى

قسم بالله تفشلت قلت توبه الي يودي صغار معاه

وهالخدامات متقيويات علينا

دارين اننا مو وجه طبخ
تلاقينها تقول بنفسها تكلفتي على الفيمتوو

سبحان الله موعد القومه اتوقع شي مشترك عندنا
مدري بس بنات الزعيم او بنات الناس كلهم

اقول بصحى واجلس فوق راس امي وابوي اسوي نفسي سنعه
واقول وش اطبخ بكره

وبالاخير اجي بالوقت الضائع

عسانا نلحق نرتب السفره بس

اجل ماسويتي الحلى

تلعبين علي
والله يشفي شادن يارب

الله يمن علينا بـ ختم القران مرارا وتكرارا

تسلمين فجورة ع هاليوميات الحلوة مثلك

وسوري ع العنوان

وبانتظار البرتقاليه

الهنوووف
كانت

هنا
ورحلت

أسيرة الزعيم · #18 05/09/2008, 07:18 AM

" حتى الفيمتو له مقادير !! ومو الكل يضبطه "

شكراً فجر على أن شاركتِنا يومك ..
استمتعنا حقيقة و نحن نقرأ

وأسأل الله أن يتقبل منا ومنك صالح الأعمال ..

شكراً الهنوف .. شكراً هلالي من ارض اليمن ،،
سندريلا و عسيرية .. بكم تأسس العمل و اكتمل ..

ساقي الـعُطـور · #19 05/09/2008, 07:48 AM

فكرة رائعة ..

وشكراً على القائمين بها

وشكراً للضيفه

حتى ظلالي هلالي · #20 05/09/2008, 07:49 AM

وعليكم السلام والرحمه

هلا وغلا فجورهـ

إقتباس


	عزيزي العضو/هـ بمناسبة حلول شهر رمضان المبارك يطيب لنا تهنئتكم بهذه المناسبه المباركه متضرعين الى العلي القديران يتقبل من المسلمين صيامهم وصالح اعمالهم وكل عام وانتم بخير < توها مكلمه انفصالاتنا العزيزه السعوديه

يؤ يؤ يؤ يؤ
هي الاتصالات للحين عايشين

ناس ماتت وناس ولدت وهم للحين

إقتباس


	اجل قاطعين جوالي وانا دايم اسدد بدري وبرصيد اضافي بعض الاحيان وهالمره فجأه فشلوني العالم يرسلون يهنون ويباركون ويحسبوني سافهتهم طيب نبهو قبل مو فجأه مير احسن طلعت زين فالها النجاح

من عرفتهم وهم لا حيا ولا حشيمه

<< مسويهـ حملهـ

إقتباس


	جا العصر وصحيت على التنبيه انا عارفه اني ماراح اقوم على تقويمهم لي عشان كذا سويت المنبه طبعا حطيت غفوه وبعدها قمت

يعني تصحين على المنبهـ

ولا تصحين على الي يقومونك

إقتباس


	وابشركم سويت الفيمتو

مبروكـ (طبختي

) فيمتو

إقتباس


	طبعا لازم اول شي اسويه احول جوالي ع السايلنت

قبل ما أطلع من البيت امي فوق راسي حطيه سايلنت لا تنسين

إقتباس


	كنا في احد المولات واذن المغرب ودخلنا المصلى نصلي بدت الركعه الاولى والامام صوته حلو والكل خاشعين معه فجأه رن جوالي اغنيه صوتها عالي كل انواع الموسيقه فيها

لو منكـ كان صحت وخلصت

إقتباس


	اممممممم وين وصلنا ايه بعد التراويح رحنا المستشفى عشان نزور بنت اختي ياقلبي عليك ياشادن شكلها يعور القلب غذايه وابر والله ماتتحمل هذا كله الله يخفف عنها

سلامتها ماتشوف شر

فجر الرياض♥
كل الحب

إقتباس


	وانتظرونا غداَ مع المتألقه حتى ظلالي هلالي .

ياويح قلبي
مسوين لي دعايهـ

ومتألقهـ

وهـ ياحبي لي ولتألقي

...

سأرد على الناقدين والمشككين والمعجبين

ابو ناصر

إقتباس


	لمن يريد معرفة كيف يقضي التكروني يومه.؟؟ الجواب غدا مع الاخت حت حت..

مشببوهـ عن الغلط

التكرونيهـ مو التكروني

صحيح ماتفرق كلنا لون واحد وأخلاق وحدهـ

بس لزوم التكرنه الانثويهـ

ريري يا ام الكراث

إقتباس


	وننتظر غداًالجذع كيف يومها

حرام عليك

جرحتي انوثتي

دام الدعوهـ فيها جذع

فمن بكرى بصف بمسجد الرجال

وان قالوا لي شيء انتي المسؤولهـ

الغدير البرتقالي

إقتباس


	وبانتظار يوميات أختنا حتى ظلالي هلالي وأهم شي لاتنسقين اليوميات بلوون برتقالي الله يجزاتس خير

من الحين ارقد وآمن
وحط في بطنكـ بطيخهـ صيفي

مب أنا الي بنسق

لو التنسيق بيدي كان عفرتوا كيف تذبون على البرتقالي المرهـ الثانيهـ

هنو

إقتباس


	وبانتظار البرتقاليه

يالبى قلب الناس الي تذب على خفيف

مو مثل هالقشران << جمع أقشر

..
..

كفايهـ دعايات تكفون
تراني أخاف من الاضواء

أخاف تجيني رعشهـ وأنا قدام المايكـ بكرى

بعدين تضيع علومي ولا اقول لكم شيء

وبتدفعون انتم الضريبهـ

ورده

مَاهِينُورْ · #21 05/09/2008, 08:47 AM

/,

هلآ وغلآ فجر

..
يوميات جميلة

..
أجل صاحية العصر بدري عشان تزود الأحداث باليوميات

لكن ع البركة سويتي الفيمتو

عاد إن شاء الله انك حاكرته

أكيد بيكون زايد حلاه

أنا أمس صارلي موقف بالمطبخ

كنت أسوي لحم ( حشوة السمبوسة وغيره ) فـ جالسة أكشّن

يوم جيت بضيف البقدونس >> كنت مقطعه البقدونس على اللوح الخشبي حق التقطيع

فـ أضفت البقدونس وجلست أحرك

بعد شوي أشم ريحة نار حطب

عاد أفكر أقول ياسلام رائحة طبخي مثل رائحة الطبخ على النار بالبر

فجأة إلتفتت لقيتن ما شلت لوح التقطيع عن الفرن واشتب شوي منه

وبسرعة شلته وجدعته بالمغسلة والحمد لله على سلامتي

>> رفلا

..
مسويين مسابقة ختم القرآن ؟

الله يتقبل منا ومنكم يارب

ذكرتون باختي الصغيرة كل ماشافتن ماسكة المصحف قالت تكفين لا تقرين عشان ألحقتس

>> فاضيتن لتس أنا

لكن ياحبي له توه داخله الجزء الرابع ما شاء الله

أنا أتسابق مع أخوي لكن الحمد لله أنا اللي سابقته الحين

>> إي طيب وش بقي ماقلتيه ؟

..

فجورة

استمتعت صراحة بما ذكرتي
الله يعطيك العافية ورده ..
..
ننتظر غداً ظِلال

أهم شي ياحتى يكون الفطور كبدة وتونة

بالتوفيق

..

المشرفين والإستشارييين والاستشاريات

شكراً لكم ورده ..
..

تسمحون لي أقول يومي؟؟

أكيد عادي لآن مستحيل تستضيفون عضوتين مع بعض

..

وأكيد إن يومي هذا بيكون راح

وإعتبروه عن يومي اللي العام رفضته>>إلا بالغصب تقوول يومَهْ

بقول يوم أمس بس بالمختصر و اعذروني إذا ممنوع لكم الحق تحررونه

..

ويومي هذا بس إذا ودكم تقرونه يعني لا تعلقون عليه وتتركون يوم فجر اللي أحلا أكيد مني بكثير

:..

بدأ يومي من الساعة 11 بالليل " كنت نايمة بعد الفطور وتوي اصحى "

صليت العشاء قبل مايفوت الوقت

>> الله يغفر لي بس ما اعرف التراويح بالمسجد !!

ثم جلست أجمع ما تبقى من الفطور

وتقهويت وصحصحت و ثم جلسة عائلية إلى الساعة 2 إلا شوي وبعدين شمرت عن ساعدي وسويت السحور

كان في هذا الوقت إلى الساعة الرابعة نصلي ركعتين ونرجع نويدز على القدر

>> حتى إنه إحترق شوي وطلع الرز حب شوي والمكرونة مااستوت زين لكن الشكوى لله

ثم تسحرت وغسلت المواعين >> لا استغفر الله أمي غسلت نصفهن وانا كملت الباقي

ثم صليت الفجر بالعادة نجلس نقرأ قرآن إلى وقت شروق الشمس لكن ها لمرة نمت وصحيت الساعة 9 شبعانة نووم >> هذا وانا مانمت إلا ساعتين

جلست ماادري وش أسوي

لقيت أختي جلست أسولف أنا وياه ثم راحت تنام حاولت أنام معَهْ لكن مافي أمل

.

طلعت أدووج بالبيت أدور شي يلهيني ,, لقيت أمي توه صاحية وبما إننا بوقت تخزين التمر لقيته توها جالسة تعبي علب التمر ,, قالت لي تعالي ساعدين فـ جلست أشتغل معَهْ " الله لا يحرمني منها ويطول بعمره يا رب ويشفيها ويرزقني بره "

إلى الساعة 11 ونص خلصت وقمت أتسنن سنة الضحى ((صلاة الضحى / تعدل 360 صدقة

وفي جسم الإنسان 360 مفصل فيحتاج كل عظم منها صدقة يتصدق بها عنه يوميا شكراً لله على هذه النعمة ويجزء عن ذلك كله سنة الضحى , وهي تبدأ من بعد شروق الشمس بربع ساعة إلى ما قبل أذان الظهر بربع ساعة )) وبعده قريت قرآن إلى أن أذن الظهر صليت وحاولت أنام وأخيراً على وحدة ونص نمت كنت قايله لأختي صَحِّيني لو ما أنام إلا نص ساعة ’ وليتني ماقلت له

>> ياشين اللي يوصّي صغير

..

صحتني بعد نص ساعة من نومي

صرّفتهْ وقلت تجهز لي أغراض المطبخ وما قصّرَتْ الله يجزاه خير كل شي حاطته وغاسلته ما شاء الله عليها >> ياحبي لَهْ

..

صحيت 3 وجلست أعجن و أحوس وأدوس >> وليته على هالكرف يضبط طبخي

..

أذن العصر صليت ورجعت أكمل شغلي مع مساعدة من الأهل إلى أذان المغرب

..

أفطرت وصليت وكعادتي الكريمة نمت على سجادتي

>> ظهري منفصل نصفين من النوم على الأرض

..

صحيت بعد أذان العشاء وعلى طووول مسكت الرادو وعلى إذاعة القرآن أسمع صلاة مكة " المعيقلي "

وبعدين قلت : كم له داخل رمضان ولا شفت الصلاة بالتلفزيون ما غير أسمع بالرادو ع الأقل أشوف المعيقلي بالصورة >> اللهم إني أعوذ بك من الفتن ماظهر منها وما بطن

..

أحب الصالحين ولست منهم ,. لعلي أن أنال بهم شفاعة

المهم

,. فتحت التلفزيون وشفته الحمد لله لكن الصوت بالرادو أحلا

> خليك على رادوتس أبرك

..

طبعاً أنا ما أقدر أتحكم بالريموت مصيطرة عليه أختي وهي أقوى مني

حوّلَت على الجزيرة للأطفال شفت مَعَهْ حكواتي يحكي قصص عن جحا و أعجبتني

..

جاء أخوي من وفتح القناة اللي تجيب باب الحارة

, قلت يا بنت إجلسي شوفي كيف صار الجزء الثالث يقولون إن بعض الممثلات تغيروا شفت مقاطع منها وليتن ماشفته أحسه بايخة فـ طلعت أصلي ونمت وصحيت 2 وكالعادة نفس يومي أمس بس ماسويت لهم سحور شي يشبعهم شكشوكة ويحمدون ربهم جعلي ما إنحرم منهم و الله يخليهم لي ويخليني لهم

..

>>وهذا يومي البايخ تحسونه يوم عجوز كله نمت وصحيت و عورن ظهري وسمعت الرادو

..

يالله حسن الختام

..

عُذراً فجورة

والله ما نويت أكتب يومي بس لقيتني فاضية

..

وبعدين لا تزعلين مني حنا خوات ونشبه لبعض يعني يومي تكملة ليومك

..

..بقــ حرف ـايا.. · #22 05/09/2008, 08:55 AM

فجر الله يوسع صدرك
يوميات حلوه
تسلمين يالغلا
اعذريني ع الرد السريع بنووم
مشكوورره
فمان الله

هلاليه سعودية · #23 05/09/2008, 12:28 PM

هلابك فــــــــــــجر

إقتباس


	وابشركم سويت الفيمتو والله اني ناويه من امس اطبخ شي

شكلك قرمه مره فيمتو

إقتباس


	عشان نزور بنت اختي ياقلبي عليك ياشادن شكلها يعور القلب غذايه وابر والله ماتتحمل هذا كله الله يخفف عنها

سلامته ماتشوف شر أن شاء الله

الله يحفظه لأهله

إقتباس


	اعذروني إذا كان اليوم سامج بس عاد وش اسوي لكم طلع كذا يومي

شكــــرا فجر

على هاليومية

إقتباس


	وانتظرونا غداَ مع المتألقه حتى ظلالي هلالي

ننتظرها

إقتباس


	أرق التحايا وأطيبها من

إقتباس


	مشرفيي واستشاريي المجلس العام

وردهيعطيكم العــــــــــافيه ورده

DR.KHALID · #24 05/09/2008, 12:35 PM

الحين انا عندي سؤال ..

الطبخ عندكم عيب ول وشو

..

كلكم تقومون المغرب

..

سنعات م شاء الله عليكم

شكرا عاليوميات الحلوة ..

تحياتي

أوَار · #25 05/09/2008, 12:44 PM

يآهلا ومرحبا فجور حبيبتي

مآشاء الله عليك سويتي الفيمتو شي أحسن من لآشي

الله يعطيك الف عافيه إستمتعت جداً بقرآءة يومياتك الله يسعدك

دمُت كما أنتِ طال عمرتس

بإنتظار حتى ظلالي برتقالي

شــكراً مشرفي .. إستشاري المجلس ورده

...][ هلالي الخبر ][... · #26 05/09/2008, 01:08 PM

يومك جميل .
اكره شي عندي اذاكان يومي كله نوم احس ان ذاك اليوم ماعشته هع.

تحياتي

Dr.Sara · #27 05/09/2008, 01:45 PM

السلام عليكم ,,

هــلا وغــلا بـ فجووره ..

والله يا زينه يومك بالعكس مرة حلو ..

الا تعالي أنا لفتتني هالفقرة

إقتباس


	قالت لاخلاص جهزنا كل شي انا لا يعني مابقى اي شي قالت لابس لحظه ليندا سوي الفيمتو وانا اطمر لاخليه انا بسويه الشغاله عطتني نظره ناريه ماتحب احد يجي شغلها شكلها تقول في نفسها وش تحسبه ذي قايمه الحين قلت طالعي والا قعدي مسويته مسويته

أسمها ليندا !! وما تحب أحد يساعدها !!

يوووووووووه ذكرتيني بـ شغالتنا كان اسمها ليندا وقعدت عندنا 8 سنوات بس مو متواصلة طبعاً .. وسافرت ولا عاد رجعت مع أننا حاطين لها خروج وعودة !!
بسلامتها

عموماً سلمي لي عليها وقولي لها سارة زعلانة منك ليه ما رجعتي

ما قـصـرت يا فجوره بكتابة يومك ..

ورده

و الف شكر لـلقائمين عليه ..,,

الـمـشـاغـب · #28 05/09/2008, 03:22 PM

ـهههههههههههههههههههههههههههههـ

ضحكت ضحك على موقف الجوال في مصلى المول .. الله يهديك ويصلحك ويكملك بعقلك

أستغفر الله بس .. توبي لربك .. لا حول ولا قوة إلا بالله .. ربنا لا تؤاخذنا بما فعل السفهاء منا .. <<< ناوي ينجلد

فجر ورده .. يومية حلوة ولا فيها أي سماجة بالعكس سردك ومردك جاء حلو .. ويكفي أنك أثبتي سناعتك بالفيمتو

شدي حيلك بالمسابقة واسبقي البنات ولو اني حاس أنك ماااااااااااش

الله يعطيك العافية على اليومية الجميلة ..ورده

ربطة وشباصة ورده .. والله تأثرت من موقفك المحزن

.. ليتني كنت فيه أمسكه وأمردغه وأصير البطل في نظرك وأرجع لك الجوال

<<< يؤ اللهم أني صايم .نكمل خرفنة بالليل

نور الشمس ورده .. حلوة يومية عجوز

يالمغبرة أحد للحين يتابع الراديو؟ .. المشكلة راديو وانترنت مدري وشلون يجتمعون

غريبة يا حنين ما تصلين التراويح في المسجد .. أخبر البنات والحريم يحبون صلاة التراويح في المسجد ويحافظون عليها طوال الشهر ما عدا 4-7 أيام في الشهر يريحون في بيوتهم

يومية جميلة ولا عاد تنامين على الأرض ورده

حتحوتة ورده.. يؤ يؤ .. غريبة صايمة اليوم؟؟

أخبرك توك بزر وشلون تصومين؟

أمزح

.. بانتظار يوميتك يا مامادو خوي مناحي

الهلالي دائماً · #29 05/09/2008, 05:04 PM

هلا وغلا اختي فجر ...

يوم جميل وهادي بطعم الفيمتو

بصراحة موقف المول ضكرني بموقف لي

قبل شهر دخلت اصلي في مسجد صغير بمحطة جيت وهم قاضين الصلاة ... وصفيت ورا اصلي لحالي
جوالي نغمته عادية ترن ترن ترن

ب المشكلة ان لوحة المفاتيح ما كانت مقفلة ونوع الجوال مدري وشسمه
المهم ان فيه زر على جبب يفتح مقاطع الاستديو مباشرة وانا اصلي اسمع اناشيد في المسجد اقول في نفسي من اللي ما هو صاحي مشغل انشودة

الا في شايب حولي يأشر علي ويصارخ قفل جوالك يا مال ...
انا ما كنت متوقع انه جوالي ابد واطلع الجوال الا هو مدهر " طيري لهم يا حمامة "

واقفله وذاك اعوذ بالله ما غير يسب ويهاوش الا درجة قالي يا يهودي

طبعاُ ما قدرت اكمل الصلاة ..
وقطعت الصلاة ورحت لشايب .... والباقي مشفر

طبعاً صارت هوشة خفيفة انتهت بصلح المشكلة انه آذى المصلين بصوته وجوالي ما احد سمعه الا انا واياه

شكرا فجر هذ ا الحضور ...والشكر موصول للأحبة ورده
دمتم بخير ,,,

هلالي عاشق سامي · #30 05/09/2008, 06:16 PM

هههههههههههههههه

الله يعطيك العافيه فجر ماقصرتي