إقتباس algohmani

كل الشكر لك...

إقتباس وانتظرونا غداَ مع المشرف المتألق hilalemooot.

بانتظاركم...

إقتباس فكرة :: سندريلا الهلال اعداد ومتابعه:: هلالي من ارض اليمن.و الهنوووف تصميم : عسيريه

أيضا الشكر موصول لكم ..

كل الود ..

السلام عليكم ,,




يوميات جميلة وهادية طبعاً مع الأخ ابو عبدالله ..

إقتباس المهم هذا الوقت قبل الأذان وانا افطر على اذان جدي ( خال امي مؤذن الله يطول بعمره ) وش فيه جدي تأخر اليوم اها شكله استحلا القعده مع التمر

شلون يكون جدك هو خال امك عجزت استوعب ..
اشرح لنا يعطيك العافية ..

إقتباس بس اعجبني ان واحد منهم نصراوي و شغل سبورت سبعه وكانو جايبين اهداف النصر في الموسم كله جلس يتابع فيها ربع ساعه وانا اطالع واقول لاحول ولاقوة إلا بالله المشكلة في هالربع ساعه اللي جابو فيها اهداف النصر كل شوي وجايه لقطة على بلنتي مو صحيح ويالله الحسابة بتحسب لاحد يقلي يعني ماتتابع مسلسلات انت .. ؟

مدري شعندهم سبورت7 على النصر ! بس يالله مع نفسهم
الا على فكرة اصلا حتى لو كانت ربع ساعة اهداف , فـ الهلال لو بيستعرضون اهدافه توصل لساعات وساعات عرضها .. صح ولالا ؟

بالنسبة للمسلسلات فـ أريح لك ماشاءالله انك ما تتابعها لأنها من جد تشغل الواحد وتسرق الوقت .. يالله سترك !





استضافة جميلة ,, واختيار موفق .. بإنتظار غد ,,


والشكر موصول للقائمين من الإستشاريين على الموضوع .. ما قصرتوا ,,

إقتباس شلون يكون جدك هو خال امك عجزت استوعب .. اشرح لنا يعطيك العافية ..

خال الإم وش تقولون له انتم

خال الأب وش تقولون له

عم الأم وش تقولون له

عم الأب وش تقولون له

كل هذولي يصيرون جدان وعندنا يصيرون بمثابة الجد ونناديهم بجد خخخخخخخخخخخخخخ لاتقولي بناديه باسمه والله ان يترفس ببطني ..


شيباننا لاقفلت معهم ماعندهم مزح يخربونها على طول



شكرا واتمنى اني وصلت كما اتمنى الفزعه من الأعضاء لاني احس اني جبت العيد والظاهر بس بديرتنا كذا


عم ابوك وخاله وش يقربولك او عم امك وخالها .. ؟


سؤال للأجابه



متخيلين شكلي وانا جالس جنب امي واسمعها تنادي الشايب ياخالي وياخالي وانا كيفك ياأحمد عساك طيب

ههههههههههه لا وشكلي بدلعه واقوله ياحمدتو ..


عموما بالعقل امي تقوله ياخال أحمد انا اقوله ياجد بس اولاده اناديهم باساميهم لاني ماني مستوعب الشغله وشكلي استوعب ان الشايب ذا جدي بكف او بقس خطافي ..


لي عوده

وعليكم السلام ورحمه الله وبركاته

هلا والله بك اخوي عبدالله

وانتوو بس تتفرجووون على الاكل
وحنا نسويه لكم
مالت بس

ههههههههههه ليه الواحد لاحترى الاذان يحس انه تاخر
حنا برمضان او اذا صار ورانا زواج
نحتريه يذن يتاخرر

ههههههههههه حركه البلوك شغاله معاي
فيه ناس قلق وانا ماتحمل المزعجين بلوك او اوف لاين
وكاني ماسويت شي
قبل كم يوم صديقتي تتكلم ومالي خلق
سويت اوف لاين كان الاتصال فصل


\

/
يعطيك العافيه اخوي عبدالله
ضيف خفيف ومتميز
وحنا والله الي تشرفنا بقبولك ضيافتنا

لك كل الشكر
والله يتقبل منا ومنكم



وهذي هديتي للضيوووف

\
/

كل الشكر لي ولـ أخوي طارق
وللبقيه

إقتباس عم ابوك وخاله وش يقربولك او عم امك وخالها .. ؟

يصيرون عمي او خالي
وبعضهم ينادون عم ابوه بـ ابوي عبدالله وهكذا
انا اناديهم عمي خالي عمتي خالتي مثل البابا

إقتباس الرسالة الأصلية كتبت بواسطة المنتدى الاستشاري وعلى فكرةعندنا بالبيت ( بسوي دعايه ) احيان يسوون اكلات ماعرف وش اسمها ولاعرف وشهي بس آكلها وانا ساكت ..

إقتباس الرسالة الأصلية كتبت بواسطة المنتدى الاستشاري فكرة :: سندريلا الهلال اعداد ومتابعه:: هلالي من ارض اليمن.و الهنوووف تصميم : عسيريه

إقتباس يصيرون عمي او خالي وبعضهم ينادون عم ابوه بـ ابوي عبدالله وهكذا انا اناديهم عمي خالي عمتي خالتي مثل البابا

ماتحسين انها مشربكه معليش ابفهم لان راسي تشربك يعني امك تناديه ياخال وانتي ياعم ( ماتحسين انها ماتركب )


انا اشوف انه من باب التقدير فقط يقاله ياجد عموما تختلف النظره انتم تقولوله ياعم او ياخال بس انا ماني مستوعب اني اناديه ياعم ..

إقتباس ههههههههههه حركه البلوك شغاله معاي فيه ناس قلق وانا ماتحمل المزعجين بلوك او اوف لاين وكاني ماسويت شي قبل كم يوم صديقتي تتكلم ومالي خلق سويت اوف لاين كان الاتصال فصل

انا استخدم البلوك للناس اللي غصب تبي تتكلم معاي او تكون اسئلتها مالها داعي ومالي علاقة بها

مثلا واحد يجيني

ياخوي ناصر الجوهر بيلعب مين بالهجوم

خخخخخخخخ شايفني مساعد المدرب ولا مدير المنتخب


ولا واحد يطب علي ويقول

من معاي


واجاوب


من وين

واجاوب

كم عمرك

واجاوب


فيش تشتغل

واجاوب


وش تشجع

واجاوب


من لاعبك المفضل


هنا بلوك على طول موديني التحقيق على اخر عمري النتي تقل مسوي اضافة لكوفي عنان





بعدين هالفيمتو كني شايفة البارح بموضوع هلاليه انا يعني باقي ماخلص يارب يخلص ونفتك منه نبي تانج

كل الشكر على الموضوع

الرااائـــــــــــــع

بانتظار المزيد

استمتعت بحق مع الأخ الحبيب أبي عبدالله و يومه الرمضاني فشكراً له على قبول الإستضافة ، ويبدوا أنني سألتحق بمدرسة (القحماني في التعامل الماسينجراني).

حي الله الصديق الغالي ابوعبدالله نورت المجلس والله ..

إقتباس كل عام وإنتم بصحة وسلامة ومبارك عليكم الشهر جعلنا الله من الصائمين القائمين بطاعته

كل عام وانت بخير للمره المليون حبيب ئلبي ..

إقتباس يومي بدا الساعه الثالثه عصرا مع اني بعد ماصليت الظهر سويت التنبيه على اثنين بس لما دق الجرس حق الجوال مددت نومتي وحولته لاثنين ونص ودق الجرس اثنين ونص وماقدرت اصحى ومددته لثلاثه

ذكرتني اذا جيت اروح للجامعه اذا دق المنبه أحط غفوه 5 دقايق وكأن الـ 5 دقايق تبي تخليني أشبع نوم

إقتباس رونالدينو متصل هيه ذا مو بلاعب ميلان هذا واحد من الشباب

كأني اشوف ضروسه طالعه أحس ان خشته زي خشه رونالدينهو

إقتباس 4.15 مساء رجعت للبيت اشوف اذا فيه طلبات ولاشيء ناقص بالبيت

كأني اشوفك صاف سرا ورا أفغاني في مخبز تبي بريال خبز عادي وبنص بر < حالتي كل يوم واذا أخذت مطب بالسياره تسمع درج السياره يقرقع من كثر النصوص

إقتباس فترة ماقبل الأذان هذه الفتره اجلس اطالع بالسمبوسه وهي رايحه جايه واعطيها نظره واحد ماشافها من سنه

يوووه عاد الفتره هذي بالذات أتعذب فيها .. أحاول أطلع برا البيت لا أشم ريحه أكله دسمه والا أشوف السيد فمتو متكي جنب الغلايه

إقتباس 11.30 مساء هذا الوقت مخصص للشباب ( الشباب يعني الشله مو نادي الشباب ) اروح اسولف معهم وضحك ولازم من صكات شطرنج للي براسه حبه ويبغاني

إقتباس هذي المشكلة نفكر .. ونطبخ .. وبالأخير ماتفرق معكم ..يعني كله واحد .. فتوتشيني ولازانيا .. وإلا مفطح أهم شي تاكل وأنت ساكت الحمدلله إني مو من هواة الطبخ .. وإلا كان عصبت صدق

للأمانه احد اقربائي ليس لديه إخوات فهو يدخل المطبخ مع امه عادي ويساعدها بالطبخ واحيان امه تصفط على السرير وهو يطبخ وينفخ ..


طبعا تستحق الأم ان نساعدها وان نقف بجوارها وبالعكس المفروض اذا كبرت تجلس بالبيت وتامر امر


فهنا يتجلى دور الرجل البطولي بدخول المطبخ اذا لم يكن لديه اخوات


طبعا المتزوجين بيعرفون اني اضربها بالجبل لانه على بلاطه كذا اعرف متزوجين منقعين بالمطابخ مع اني ماني بمتخيل نفسي داخل مطبخ

بعض الأفكار الجهنميه من بنات هاليومين تحاول زرع في فكر الرجل سما هاريا ان ذلك من باب التعاون الزوجي خخخخخخخخخخخخخخ


اي تعاون متخيلين شكلي وانا جالس بالمطبخ وحاط الملح هههههههههه وتجي المدام يابو عبدالله

وش ذا كابس القدر كله ملح وحاشيه حشو تقل عندك سكر .......خخخخخخ تنكت


عموما المرأه مكانها بالمطبخ عادي والرجل ماغير( رجل على رجل) ويتحراوقت الأذان يجي وياويلكم لو ماتضبطو الأكل

على فكرة ايام العزوبيه :


كنت اسوي شاهي ومره قفلوها الشباب معاي وقالو لازم نطبخ بالبيت عشان المصاريف عاد انا ماني متعود فنزلو جدول كل يوم اثنين .. يجي دورك يابو عابد تطبخ يعني تطبخ


خويي اللي معاي يعرف يطبخ اعماني خلاني اقطع بصل واقطع طماطم يعني انا مساعد عنده

بس احلا حاجه يوم فكيت الغطاه الصغيره (حقت قدر الضغط )وطارت وصفقت بالسقف وتسرب المويه اللي بقدر الضغط ( طبعا من قوة الإندفاع تصير كذا )


كل هذا دليل ان الرجل لايصلح لإداء واجبه تجاه المطبخ


لي عوده بعد جوله استطلاعيه للجمهور

فتاه هلاليه
ابـو ثنيان


شكرا لكما على التواجد

إقتباس الرسالة الأصلية كتبت بواسطة القاضي استمتعت بحق مع الأخ الحبيب أبي عبدالله و يومه الرمضاني فشكراً له على قبول الإستضافة ، ويبدوا أنني سألتحق بمدرسة (القحماني في التعامل الماسينجراني).

مادام بتتحلق فالغاليين التسجيل مجانا بالمدرسه .. بس كيف تجي واحد اكبر مني يلتحق بمدرستي المفروض انا اخش بمدرستك

على طاري الماسنجر والبلوكات ( موقف هديه مني لك )

واحد من المنقعين عندي بالماسنجر طبعا انا رجل نظامي بيمدح نفسه وخر بس وكذ صارت واحد سولفت معه ربع ساعه وعطاني رابط لموضوع له بالجمهورقلي ابيك ترد ولما فتحت الرد لقيته مخالف نقلت الموضوع للمنقولات وقلت خذ الرابط وشيك على موضوعك رديت بشكل رسمي


جاني يعاتب وش فيك هذي نهاية الصداقة عطيته بلوك

خخخخخخخخخخ الصداقة على جنب وكل شيء الا الامانه في الأشراف ممنوع التهاون فيها وثقة الناس فيك لازم تكون قدها ولا تنحى واعتذر



يالله عشانك مشرف جبتلك موقف مشرفين



بعدين تعال : (فشكرا على قبوله) هذي خطأ انا اللي المفروض اشكركم على تواجدي هنا انتم شرفتوني بتواجدي بينكم ولهذا انا الذي اقول لك ولكل مشرفي المجلس واستشاريه شكرا من الأعماق ..



بعدين ماتشوفني انقز تقل مسجل في مرمى برشلونه هدف