هلا مرحبا بالعضو النشيط عاشق زيدان تسلم تسلم على العموم انا ودي اتفاعل بس المشكله يا بالسعوديهــ
بندر انا وشكراااااااااااااااا لك

* الاسئلة :-
س1 / الإسم ( يفضل كتابة الاسم الحقيقي وان كان ولا بد ( مسوي تستحي ) يمكنك كتابة لقب او كنية ( أبو ... )

و ص ى 925 .... الصدقي ( عبدالعزيز) .. ما عليك زود



س2 / العمر ؟

20



س3 / البلد الأم + البلد الحالي ؟

البلد الام : المملكة العربية السعودية - الرياض - البديعة - حول شارع الرسالة
البلد الحالي : استراليا - مقاطعة كوينزلاند - مدينة القولد كوست - حي روبينا - شارع روبينا ستريت - عند روبينا بار


س4/ ماسبب تغربك ؟

لغرض الدراسة



س5 / ماهو تحصيلك الاكاديمي

ادرس حاليا انجليزي لمدة 10 شهور .. بعدها ندخل في التخصص اللي هو ( أمن معلومات ) << انتبه لا اجيب وين بيتكم فيه الحين



س6 / ماهو مدى استفادتك في مجالك ؟

والله وانا اخوك .. ذا الديرة اللي انا فيها مختلفة عن ديرتنا بـ 180 .. والحمدلله الاستفادة موجودة على المستوى الاكاديمي والمستوى الشخصي .


س7 / كم صارلك برا الديرة

تونا في بداية المشوار ... الله يعين


س8 / من خلال تغربك ... هل تعتقد ان الاقامة في تلك الدولة ينمي خبراتك وتعاملاتك المادية والعلمية ؟

والله وانا اخوك .. الاقامة هنا حلوة لعدة اسباب .!

اول شي تنمي مهاراتك وتطورها
تحتك بخبرات اعلى من خبراتك
ايضا تعايش جميع الشعوب .. سواء من اسيا .. اوروبا .. افريقيا .. امريكا الشمالية والجنوبية

اما بالنسبة ( هل اني ما صدقت خبر وطلعت ) ..
والله يا خوي ان فرحت عشان تحقق طموحي واكمال دراستي في جامعات عريقة
ومتضايق اني بعيد عن الاهل .. ولو حصلت اي فرصة او اجازة .. رجعنا ... جلسة مع الوالد والوالدة تسوى الدنيا وما فيها



س9 / ما مدى تأثرك بعادات وتقاليد البلد اللي انت بها ؟

هو انحلس مخي .. انلحس مخي ...

بس اكيد لازم تتأثر بعاداتهم .. لانك شبه مقيم اقامة دائمة .. بس ما يمنع انك تتمسك بعاداتك الي راح تتغير هنا ...( الكلام لك )



س10/ مامدى رضاك عن الخدمات التي تقدمها سفارة البلد الام من تسهيلات ؟ وهل تساهم في مساعدة ابناء جلدتك ( العرب / المسلمين ) من خلال رفع المعنويات وتهوين الغربة ورفع الموضوع للجهات المختصة في حال تأزم الموقف ؟

بالنسبة للمحلقية السعودية في استراليا .. ما تقصر والله .. ولكن فيهم عيب .. انهم ما يردون على التلفون لو تنط وتقعد ... مدري ليه .... الظاهر عندهم كاشف << براا

اما انهم يرفعون معنوياتنا .. امحق ... ما نعرف الملحقية الا اذا نبي شي .. والا هم ما يتواصلون ابد ... يمكن يحضرون حفل تخرج او زي كذا ... اما سؤال عنك او عن دراستك .. انسى



المجموعة الثانية ...
.: ( الاسئلة الاختيارية ) :.

س1 / هل تتقيد باللباس التقليدي ؟

اي لباس تقصد ..!!
هنا ما فيه لباس تقليدي .. اي لبس يمشي طال عمرك



س2 / هل انت من النوع ( الدافور ) ؟

اذا كنا بالجامعة .. الوقت نقضيه بين مكتبة وبين دراسة وبين مطعم وبين انترنت ( طبعا استخدام الانترنت لاغراض دراسية )
برا الجامعة .. قبل النوم تشيك على امورك وزي كذا .. وبس يعني بالعربي منيب دافور


س3 / نوع السكن ؟

انا ساكن مع عائلة ( هوم ستاي )
ديبي الام .. ديبرا الجدة .. والزوج داني .. تبي ارقامهم



س4 / ما مدى علاقتك بالجنس الناعم ؟

ما اقدر اقول الا اني (احب كولومبيا) ... مدري ليه


س5 / مامدى تواصلك مع رب العالمين ؟

والله مقصر مقصر مقصر مقصر بشكل كبير .... لكن الله يعيننا على طاعته



س6 / مامدى رقابتك على نفسك وعلى اصدقائك ؟

اذا فيه خطأ ننصح ... والحمدلله هنا الشباب فيهم خير ... يعني ما تحتاج انك تنصح احد



س7 / كيف سعة الصدر عندك ؟

والله وانا اخوك الصدر وسييييييع .. ولا نشيل على احد .. ولا ندقق ... لان الحياة ما تستاهل انك تفكر في شي يعكر مزاج حياتك العلمية والعملية .... هنا المجتمع ( الابتسامة ) ما تفارقهم .. والحمدلله بدينا ناخذ هالعادة اللي المفروض انها احد أعمدة الدين الاسلامي



س8 / مامدى علاقتك بدكاترك ؟ وهل تناقش دكتورك حول المادة ؟

الحمدلله نناقشهم .. ونستفيد منهم بشكل كبير .. وكوننا علاقات خارج الجامعة معهم .... وبالعكس ينظارون لنا بكل احترام وتقدير .. لاننا فرضنا احترامنا عليهم


س9 / بشكل عام ... كيف ترى الجاليات العربية في الخارج ؟

لكل مجموعة شواذ ... وبعض الاحيان يخدمونك اكثر من ابناء بلدك ..!!



السؤال الاخير : رأيك بصارحة في موضوعي من جميع النواحي ... lover_zidane ؟

موضوع حلو مرة .. وبيض الله وجهك يالذيب وما قصرت ..




اخوك
و ص ى - استراليا

يا كثر بربرتك
<=-= يبي له كف على علباه و في رواية اهل مصر اديله بالألم
بس موزوعك لزيز يا باشا و خلينا نبد بالزيز يا يا لزيز يا مأرمش
<=-= يناظر دعايات واجد
الاسئلة :-
س1 / الإسم ( يفضل كتابة الاسم الحقيقي وان كان ولا بد ( مسوي تستحي ) يمكنك كتابة لقب او كنية ( أبو ... )
( اللي يبي يكتب اسمه احادي او ثنائي او .... واللي يبي يرسم شجرة العائلة عادي )

معك سعادة فضيلة الشيخ الدكتور الفريق مهندس طبيب جراح ركن (( حشا معاد بقى وظيفه الا كتبها ))
قصدي معك عبدالرحمن بن محمد بن عبدالله بن راشد بن ... العريني السبيعي
ما ودك امحط لك هنا صورة من دفتر العائله ؟؟؟

س2 / العمر ؟ ( لا يجينا واحدن كاتب عمره اقل من 20 ... >>> فيها اشياء !!! )

العمر وانا اخوك الا هالحين ما قالو لك عيب تسال الرجال عن عمره ؟؟

يالله بس عشانك هلالي بقولك العمر تبي بالهجري و لا بالميلادي ؟؟

<=-=- يا كثر بربرته بعد

خلاص بقول لك عمري 21 بس لا تعلم احد

س3 / البلد الأم + البلد الحالي ؟
( وان كانك اجنبي عطنى رقم الاقامة خلنا نكلم الجوازات .... ( يؤيؤيؤ وش ذا التعصب !!! )
كلنا مسلمين ... لاتآخذوا المواضيع دايم على محمل الجد ... تراني حيل

والله و انا اخوك من مواليد الرياض يعني تراني سعودي والله بس مسقط رأسي يعني ديرتي ضرما

اما مسقط رأسي هذي لحالها متعوب عليها
تسلفت الدكشنري يعني القاموس المحيط عشان اطلعها

س4/ ماسبب تغربك ؟
>>> لا احد يسويلي مناقشة انيشتاين على ذا السؤال ...
في ناس لغرض الدراسة وفي ناس لغرض العلاج واللي لهدف توسيع الصدر والتمتع بجمال الطبيعة ... وانت رايح !!!

رايح كندا صراحتن عشان اسوي جريش

جاي ادرس يعني وش لاطعني مثلن ؟؟

س5 / ماهو تحصيلك الاكاديمي ( بالنسبة للشباب اللي يدرسون )
>>> وش تخصصك بالعربي


و الله وانا اخوك فالمقام الاول <=-= بدا يتفلفس

جاي ادرس بزنس يعني احد تخصصات ادارة الاعمال
بس الجد و الله مدري وش الطبخه للحين خلني اخلص لغه بعدين دق علي بيجر

س6 / ماهو مدى استفادتك في مجالك ؟
(يعني تحس انه الديرة اللي انت بها من النوع اللي يشجع وينمي قدراتك في نفس المجال )

من هالناحية الديرة و انا اخوك تشجع الهلال اتوقع
<=-= من جد زودها

و الله اتوقع انها كويسه

س7 / كم صارلك برا الديرة >>> طارت اللغة العربية ؟

سنتن الا شهر

س8 / من خلال تغربك ... هل تعتقد ان الاقامة في تلك الدولة ينمي خبراتك وتعاملاتك المادية والعلمية ؟
>>> ادري ذا السؤال يبيله شرح
يعني انت الان برا الديرة ... ( الدولة اللي انت بها ) ...
تحس انك مرتاح وفالها ومتعايش مع باقي الجاليات بتكافؤ ... وان الحياة عنهم بها تحسن اكثر من البلد الام ..
>>> الزبدة تحس انك ماصدقت خبر انك تطلع برا ... وذا صار نصيب ترجع على بلدك الام على شكل زيارات !!

من ناحية الرجعه راجع الله لا يعوقني بشر
ومن ناحية مرتاح يعني على خفيف


س9 / ما مدى تأثرك بعادات وتقاليد البلد اللي انت بها ؟
>>> يعني تحس انهم لحسوا مخك >>> ابو العامية ياشيخ !!!

بصراحه مدري وش اقولك بس اكيد في تاثر بس شوي يعني
الخلاصه توهم ما لحسو مخي و ان شاء الله يبطون عظم

س10/ مامدى رضاك عن الخدمات التي تقدمها سفارة البلد الام من تسهيلات ؟ وهل تساهم في مساعدة ابناء جلدتك ( العرب / المسلمين ) من خلال رفع المعنويات وتهوين الغربة ورفع الموضوع للجهات المختصة في حال تأزم الموقف ؟
>>> يعني بالعربي خدمات الملحقيات ... تتواصل معهم ...
والا اذا طبيت ارض البلد لا اعرفكم ولا تعرفوني ... بالنسبة للمبتعثين او اللي يدرسون على حسابهم الخاص ..
ترى الموضوع من جميع النواحي ... الدينية / المادية / العلمية ... إلخ

و الله الصراحه الملحقيه اذا حظك زين و لا طحت بهاللبنانيات ولا عندك و فوضعك فالسليم

المجموعة الثانية ...
.: ( الاسئلة الاختيارية ) :.

س1 / هل تتقيد باللباس التقليدي ؟

ابطت عظم سلامات يالطيب تخيل امشي بثوبي هنا ؟؟؟!!

س2 / هل انت من النوع ( الدافور ) ؟
يعني 24 ساعة مذاكرة ... والا غالبية الوقت مقضيها بالمكتبة كتب وابحاث ... والا ها نص ونص ...
والا من النوع اللي ( كل حياتهم قدام ) ... عندك امتحان ثاني يوم وجاك واحد من الربع وقال براسكم تخييم .. تقول قدااااااااااااااااااام ...


من جنبها للنعله

س3 / نوع السكن ؟
يعني مع عائلة والا شباب ... وفي حال انهم شباب يرجى ذكر وش تفضل يكونون منك وفيك والا عرب والا مع الخيل يا شقرا
>>> اذا تسكن في فندق ( احس ان بينا تعارف ) ...

و الله ساكن بشقه واذا كنت بسكن مع شباب اكيد لازم يكونون زكرت وجونا واحد عشان ما يصير مشاكل

س4 / ما مدى علاقتك بالجنس الناعم ؟
>>> لاتكونوا مآخذين الدنيا فلة ... من ذي يافلان ؟ ... ماقلتلك This is my girl friend ...

و الله الجنس الناعم ملح الحياه
<=-= وش عنده مسوي مطيح نص بنات فانكوفر
و الله الوضع عادي

س5 / مامدى تواصلك مع رب العالمين ؟
تصلي كل الصلوات بوقتها ... والا اذا رجعت جمعت ... او ان هناك حواجز تحول دون ادائك العبادة على مرئى من الناس ..

والله مقصرين الله يتوب علينا و الله يهدينا لطاعته


س6 / مامدى رقابتك على نفسك وعلى اصدقائك ؟
>>> بالعربي تنصح ... والا فخار يكسر بعضه !!!
او تعتبر ان كل شخص مسؤول عن تصرفاته ... ولا لك دخل فيه ...
او تحس انك اذا جيت بتكحل شي تعميه

و الله كل انسان مسعول عن نفسه و انا اخوك يعني ممكن انت تكون مالك دخل و يورطونك
عشان كذا نفسك نفسك


س7 / كيف سعة الصدر عندك ؟
( >>> هذه السؤال ( اكاد اجزم مافي احد بيجاوب عليه ) ... اذا عندك موقف به فلة ارفقه لنا ) ...

و الله ما تفرق عندي بس الزبده عندي بريااااال

س8 / مامدى علاقتك بدكاترك ؟ وهل تناقش دكتورك حول المادة ؟
>>> تحس انه ينظر لك نظرات غريبة كونك عربي او مسلم ...
يقلب عليك المحاضرة !!! ... تحس انه مستقعد لك !!

اكثر من منتازه

س9 / بشكل عام ... كيف ترى الجاليات العربية في الخارج ؟
>>> يعني والله خرج يرفع هامة الامة ... والا بدون (يبون) ينصهروا في مجتمعاتهم وطمس معالمهم ؟

هيك و هيك وانا اخوك تلقى الخم و الردي و الطيب

السؤال الاخير : رأيك بصارحة في موضوعي من جميع النواحي ... lover_zidane ؟

طوييييييييييييييييييييييييييييييييييييييييييييل و اسالته كثيره
<=-=- مسوي جاب شي جديد

على العموم موزوعك لزيز و رايق
والله يوفقك و يرجعك بالسلامه و كل مغترب يا رب
حتى انا يالله ان توفقني و تسعدني و تحميني من كل شر وجميع المسلمين

لا الوضع اكثر من عادي بس عندي هونا سوعالن يبطح نفسه ارضن و طولن
بالله كيف متحمل العيشه في الاردن ؟؟؟
احس احلى شي انها حذفة عصا الا انت فالرياض
<=-= اوما حذفة عصا <=-= يبي يعلمك انه ما نسى اللغة السعودية
ويا حوبي ذب ولا يردك الا كيبوردك وانا اخوك
تراني عن جد عن جد ما بزعل :
<=-= مسوي لبناني شكله ما شاف وجهه فالمرايه
يعني باختصار لا يردك الا موضوع جديد و نزل موضوع كامل عني
وسمه الذب السريعي على ولد السبيعي
<=-=- ما تلاحظ انه صدق نفسه و مسوي انه مهم وانه حاجه فارقه فالمجتمع ؟؟؟
<=-=حاجه فارقه هذي تحفه فريده

اهم شي انت لا تزعل
وان زعلت اختر اقرب ماصوره و امحط براسك فيها
الوضع هنا فلاوي
<=-= ممكن ابجح منه
والحياه على ما قالو حلوه بس نفهمها
و افلقني اذا فهمتها قبل ما تلوعك وتلعن ابو خامس سلسفيلك

إقتباس الرسالة الأصلية كتبت بواسطة lover_zidane بسم الله الرحمن الرحيم ... اسعد الله اوقاتكم بوافر الصحة وصحيح العافية ... كيف حال الربع ؟ وكيف احوالكم مع الغربة ؟ ... اتمنى لكم سياحة رائعة وقبلها توفيق من مالك الملك لتحقيق غاياتكم العلمية وان بسم الله نبدا ... المجموعة الاولى ... .: ( الأســئلـــة الــعــامــة ) :. * الشروط :- >>> يحسب الموضوع من جد * الاسئلة :- س1 / الإسم ( يفضل كتابة الاسم الحقيقي وان كان ولا بد ( مسوي تستحي ) يمكنك كتابة لقب او كنية ( أبو ... ) ( ابو صخر ) س2 / العمر ؟ ( 15 ) س3 / البلد الأم + البلد الحالي ؟ ( السعوديه /البلد الحالي ماليزيا س4/ ماسبب تغربك ؟ لاني دمي ازرق س5 / ماهو تحصيلك الاكاديمي (تبي ما جيت لهاذي الحركات) س6 / ماهو مدى استفادتك في مجالك ؟ السعوديه س7 / كم صارلك برا الديرة >>> 19يوم س8 / من خلال تغربك ... هل تعتقد ان الاقامة في تلك الدولة ينمي خبراتك وتعاملاتك المادية والعلمية ؟ >>> فله صرت اعرف انقليزي وانا ما ادري س9 / ما مدى تأثرك بعادات وتقاليد البلد اللي انت بها ؟ مافهمت ذا السؤال س10/ مامدى رضاك عن الخدمات التي تقدمها سفارة البلد الام من تسهيلات ؟ وهل تساهم في مساعدة ابناء جلدتك ( العرب / المسلمين ) من خلال رفع المعنويات وتهوين الغربة ورفع الموضوع للجهات المختصة في حال تأزم الموقف ؟ >>>انا جاي وناسه والحمد لله انا الديره مسلمه وتحب العرب كما اتوقع انه بس تحب دبي لات ابوي يقول كذا وانا اذا سالن احد من وين قلت دبي المجموعة الثانية ... .: ( الاسئلة الاختيارية ) :. س1 / هل تتقيد باللباس التقليدي ؟ لا هم بدله س2 / هل انت من النوع ( الدافور ) ؟ لاانا كل يوم اشوف اهداف الهلال على اي ار تي اذا ابوي قال رح نم قلت ابروح ارس س3 / نوع السكن ؟ عائله س4 / ما مدى علاقتك بالجنس الناعم ؟ >>> عادي س5 / مامدى تواصلك مع رب العالمين ؟ لا الحمد الله اصلي كل صلات بوقته س6 / مامدى رقابتك على نفسك وعلى اصدقائك ؟ كل شخص مسؤول عن تصرفاته ... س7 / كيف سعة الصدر عندك ؟ وناسه س8 / مامدى علاقتك بدكاترك ؟ وهل تناقش دكتورك حول المادة ؟ لا عاادي انا الحمد الله ما عمري رحت دكتور الا مسلم س9 / بشكل عام ... كيف ترى الجاليات العربية في الخارج ؟ >>> ما فهمت هذا السؤال اسمحلي السؤال الاخير : رأيك بصارحة في موضوعي من جميع النواحي ... lover_zidane ؟ فله

فله الاسئاله مره مشكوووووووووووووور الله يعطيك العافيه