هلا والله وغلا بعزوز >>> يمون !!

نورت يالغالي ...
خلنا نعلق على بعض مما ورد في ردكم >>> ياحبي للتدقيق !!!

من خلال طرحك كالاتي ...

س3 / البلد الأم + البلد الحالي ؟

البلد الام : المملكة العربية السعودية - الرياض - البديعة - حول شارع الرسالة
البلد الحالي : استراليا - مقاطعة كوينزلاند - مدينة القولد كوست - حي روبينا - شارع روبينا ستريت - عند روبينا بار

>>> وين Google Earth عنك !!! ... توصيف غير طبيعي ... جايك جايك الله لا يعقب شر


س5 / ماهو تحصيلك الاكاديمي

ادرس حاليا انجليزي لمدة 10 شهور .. بعدها ندخل في التخصص اللي هو ( أمن معلومات ) << انتبه لا اجيب وين بيتكم فيه الحين

>>> لا تتعب نفسك ... الاردن - عمان - الجامعة الاردنية - سكن الريم

س9 / ما مدى تأثرك بعادات وتقاليد البلد اللي انت بها ؟

هو انحلس مخي .. انلحس مخي ...

بس اكيد لازم تتأثر بعاداتهم .. لانك شبه مقيم اقامة دائمة .. بس ما يمنع انك تتمسك بعاداتك الي راح تتغير هنا ...( الكلام لك )

>>> انلحس !!! ... توك ماشفت شي

س10/ مامدى رضاك عن الخدمات التي تقدمها سفارة البلد الام من تسهيلات ؟ وهل تساهم في مساعدة ابناء جلدتك ( العرب / المسلمين ) من خلال رفع المعنويات وتهوين الغربة ورفع الموضوع للجهات المختصة في حال تأزم الموقف ؟

بالنسبة للمحلقية السعودية في استراليا .. ما تقصر والله .. ولكن فيهم عيب .. انهم ما يردون على التلفون لو تنط وتقعد ... مدري ليه .... الظاهر عندهم كاشف << براا

اما انهم يرفعون معنوياتنا .. امحق ... ما نعرف الملحقية الا اذا نبي شي .. والا هم ما يتواصلون ابد ... يمكن يحضرون حفل تخرج او زي كذا ... اما سؤال عنك او عن دراستك .. انسى

>>> مانعرف الملحقية الا اذا نبي شي ... مصلحجي !!! ... عقبال تخرجك بجيك شخصيا >>> جيب الله مطر !!


س3 / نوع السكن ؟

انا ساكن مع عائلة ( هوم ستاي )
ديبي الام .. ديبرا الجدة .. والزوج داني .. تبي ارقامهم

>>> والله الارقام مايحتاج كلهم جدة وجدة ... سلامات !!

>>> خلصت تعليق

ما اقول الا الله يبيض وجهك ويرجعك من استراليا سالم وغانم ورافع الراس لربعك ..
وعلى قولتك جلسة مع الوالد والوالدة تسوى الدنيا >>> صح لسانك

وكل الشكر لك يا عزوز على انارتك صفحتي بتعليقك يالغلا ...

تسلم يمناك ...
كل الود وفائق الاحترام .... lover_zidane