إقتباس الرسالة الأصلية كتبت بواسطة المحبره القحماني ورده مبارك عليك رمضان .. اللهم أعنا على الصيام والقيام .. واجعلنا من المقبولين .. أشكرك على الجوانب اللي تحدثت عنها .. الفقراء والاحساس فيهم وااجب .. و جوانب الوقف .. وبذل الخير كثيير .. وماشاء الله نشوف بعض الاخوان يسخر نفسه في هالشهر لفتح أبوب الخير . التمر والماء .. احساس جميل أن يتساوى الناس ... لله في ذلك حكمه !! أما حميمية الجيران .. عادة جميلة لكنها .. ندرت .. إلا من رحم ربي المسلسلات .. الله .. يهدي المسلمين .. المشكله اللي ضروري يشوفها .. كل مسلسل راح ينعاد بعد رمضان !! ورمضان مره بالسنه ! الله يهدينا ... أشكرك على طرحك الجميل ... والنقي !! أختك..

شكرا لك اختي الكريمه على التواجد والمرور الأكثر من رائع ..

بلاشك اننا نطمح للأفضل وان ذهبت بعض العادات والتي ارى ان من واجبي التذكير بها لعلنا نعيد للمجتمع بعض من عاداته التي كانت سبب في تواد الناس


الإحساس بالفقير في رمضان هدف اسلامي سامي حثتنا عليه الشريعه الإسلاميه


تحيه عطره وياهلا

إقتباس الرسالة الأصلية كتبت بواسطة القيصر رهيب مباركـ عليكـ الشهر أبا عبدالله ورده اللهم لاتجعل فينا فقيرا إلا أغنيته ومعتازا إلا أعطيته في هذا الشهر الفضيل الناس خلاص تغيرت ما عاد فيه جيرهـ تسافر ينسرق بيتك وجارك ما يدري عنك الله يصلح الحال القحماني ورده

اللهم آمين ..


الف شكر وكم انا سعيد بتواجدك ياغالي

نعم وقد قرأت كثير عن جار يسرق بيت جاره الان اصبحنا نفقد الثقه ومن منا قادر على اعطاء جاره على سبيل المثال مفتاح بيته للعناية به في غيابه .. الا من رحم ربي ..


الف شكر والله يكتب اللي فيه الخير وياهلا

F I N A L

إقتباس وعليكم السلام ورحمة الله وبركاتهـ,

إقتباس أنرلت المجلس بموضوعكـ, الرائــعـ, أسأل الله أن يطيل في عمركـ, على طاعتهـ,

النور نورك يالغالي والله يجزاك بالخير

إقتباس ذكرتني بكلام عمي -الله يشفهـ,- السنهـ, الماضيهـ,

الله يشفيه ويشفي جميع مرضى المسلمين

إقتباس أفطرنـا عندهـ, فسألنا ليش ما نفطر عنده مثل ما كانوا يفعلون أيام زمان , يقول كان الباب مفتوح وكل ولد يفطر في بيت عمهـ,, واليوم أغلقت الأبواب ,

صدقني شيباننا هم الأكثر حسرة على ذلك الزمن الجميل نحن لم نرى الا اواخر تلك العادات التي بدأت تتلاشى ولهذا هم يسألون وينصحون ويتمنون ان يرونا متواصلين ونسأل عن بعض وعن الجار ..

الف شكر لك على التواجد ونورت الموضوع يالغالي وياهلا

إقتباس الرسالة الأصلية كتبت بواسطة سكب الهلال عسى الله أن يتقبل صيامنا ويجبر نقصه .. باركـ الله فيكـ أبو عبد الله .. عادة تبادل الأطعمة - من ملاحظة - تكثر في المجتمعات الريفية .. يعني القرى والهجر .. الحمد لله عندنا ومن يوم عرفت نفسي .. تبادل الأطعمة موجود .. إحضار إفطار للمسجد موجود .. وأهل الخير واجدين والحمد لله أكثر شيء صعب أواجهه برمضان .. العصبية في السوق .. مهوب أنا .. بالعكس .. أنا غير الناس .. لا جعت أروووووق !! عسى الله يصلح الحال بس ... تقبل الله منّا ومنكم !! سكب الهلال

اهلا وسهلا ونورت الموضوع يالغالي

صدقني حتى بالقرى والريف ماعاد هي بموجوده الا ماندر والا مثل هالأمور كم كنا نتمنى ان نراها بشكل دائم وان نكون اكثر تواصلا عبرها ..


انزين فرحتني كثير بتواجد عادة تبادل الأطعمه لدينا والله يديم التواصل والمحبه بينكم وبين جيرانكم ..


اما العصبية في السوق حدث ولاحرج وان شاء الله اذا سنحت الفرصة ابمحطلك بموقف يحبه قلبك على عصبيتي في احد اسواق ابها


الف شكر لك على التواجد والمرور وياهلا

إقتباس الرسالة الأصلية كتبت بواسطة المغيري 1412 جزاك الله خير واثابك وكل عام وانتم بخير والله يجلعنا ويجعلكم من صوامه وقوامه

ويجزاك بالخير الف شكر على التواجد ونورت الموضوع ياهلا

إقتباس الرسالة الأصلية كتبت بواسطة موديل توب ياشيخ ذكرتني بالنصر <<<< قصده جماهيره والله الموضوع شكله من اروع المواضيع لي عوده بعد مشاهدته كامله !

خخخخخخخخخ وراك ساحب فيني تقل انت الثنيان وانا مصطفى ادريس ولا انت سامي الجابر وانا محمد الخوجلي بطل تسحب ترا التسحيب بالملاعب مو بالمنتديات

ملك قلب القحماني

إقتباس حي الله الغالي ابوعبدالله .. نورت المجلس بأطلالتك الجميله والله

ايه داري كل ماخش المجلس ينور بنوري ورا ماتوزعون نور للأقسام اللي جنبكم

إقتباس اسأل الله ان يتغمد موتانا وموتى المسلمين بواسع رحمته وأن يبلغنا رمضان ويعيننا على الصيام والقياام

إقتباس

اللهم آمين

الله يطول عمرك بالطاعه والإيمان وإن شاء الله رمضان الجاي تصومه عندي الله يسمع منك وان شاء الله اصومه عندك بس كثر سمبوسه

إقتباس والله كلامك عين الصواب وأتذكر لما كنت صغير أشيل الأكل بيدي اللي أكتب عليها بالكيبورد الحين وأوصله للجيران ومن بكرا يردون لنا أكل من عندهم بنفس الصحون لكن الحين والله بعض الجيران مانعرفهم والناس صارت تبتعد عن بعض لدرجه اني أخاف أقدم للجار أكل ويزعل ويقول ماني طرار عندكم

بالضبط بيفسرها كذا ويقول وش انا عنده ذا شايفني طرار ولا شحات ولا ... ولا

ويفسرها تفسيرات مالها اول ولا لها تالي

إقتباس انا بصراحه زعلان منك وفي خاطري شي .. جوعتني أمس بالصوره اللي أرسلتها لي والله قمت أهوجس بالصوره ولو فيه مطعم يبيعها كان رحت له .. بعدين أحد يزعل منك ؟؟ بصرااحه انا أستغرب اذا لقيت أحد شايل على خاطره منك واحد مثلك أخلاقه كبيره وطيب ما أعتقد له أعداء

اه يالصوره يحبها قلبي وانتظر المغرب كل يوم عشان اشوفها على الطبيعه ..


نورت الموضوع وياهلا

إقتباس الرسالة الأصلية كتبت بواسطة الـسـلـطـان هلا والله بمشرف الجمهور خلك من خويك , خويك عقله براسه وبيعرف الزين من الشين , لكن الخوف ع البزران اللي معطلين من المدرسة , وخصوصا البنات , تلاقيهم ما يخلون مسلسل وإلا تابعوه , وإن ما لحقوا ع العرض الأول , شافوا الإعادة ,,,,, وهذا كله بيتأترون فيه إذا كبروا , يعني المسلسل يظهر إن البنت تكلم الولد وكأنه أمر عادي , وهذا البنت بتتأثر فيه بالمستقبل !!!!!!! ما أقول إلا / حسبي الله عليهم !!

ازيد على ماقلته انهم يتابعون العرض الأول والإعاده ولاكنهم شايفين شي


الله يصلح الحال شكرا لك على التواجد والمرور ونورت الموضوع وياهلا

إقتباس الرسالة الأصلية كتبت بواسطة بركان أزرق اي والله حررررررررامم الدنيا كذا وربي عايشين بأنانية الفطووور من كل مالذ وطاب والجيران على الماء والتمر ولافكرنا فيهم بس فكرنا ببطونا ومادرينا ان الحكمة من الصيام تذكر الفقراء وجوعهم . واتحدى انا اي عائلة ما يبقى من فطورهم شي طيب مادام كذا ليه ماتوزع عالجيران حتى لو اغنياء , قسم انها تزيد اواصر المحبة واذكر يوم اني صغير اروووح للجيران اعطيهم من الفطووور ويقووولون اصبر شوي يردووون لنا من فطورهم واذكر الايام الجمييييلة لكن دنيانيا في انحدار كما سوق الاسهم يوم بكو عليها ولم يبكوا ذكرياتنا الحلوة . كم اشكرك حبي القحماني , كم تدغدغت مشاعري , كم اثرت شجوني . كم ذكرتني طفولتي لاتقطع حبي تكفـــى

وكم اشكرك اخي الكريم على المرور الأكثر من رائع

نقطه مهمه اثرتها وهي الطعام الزائد بالفعل الكثير منا تزيد عليه زيادات من فطوره لوجمع هالفطور ووزعه على العائلات الفقيره او وداه لأي مكان متخصص بتوزيعها ان كانه مستحي وخائف ينحرج


كلنا يوم كنا صغار كنا نروح للجيران ولا انسى الصحون اللي كنت اجيبها لبيتنا من جيراننا بعد ماوديهم صحون من عندنا


اه اه وين الزمان الجميل ذهب ولم يعد ..


الحين لو اسويها وارسل احد يودي صحن لنفس الجار اتوقع يجي يهزأني ويقول وش شايفني عندك فقير ولا محتاج ولا ايش وراح يفسرها تفسير سلبي



لهذا خلنا على ماحنا عليه وكل واحد لحاله والله يصلح الحال


شكرا لك على التواجد والمرور الأكثر من رائع نورت الموضوع وياهلا

إقتباس الرسالة الأصلية كتبت بواسطة THE EXPERT001 الله يعطيك العافيه على الموضوووووووع الله يكتبه في موازين حسناتك

شكرا لك يالغالي على المرور والله يجزاك بالخير على الدعوه ونورت الموضوع ياهلا

إقتباس الرسالة الأصلية كتبت بواسطة زعيم يابعد حيي هلا وغلا بأخيي .. كل عام وانت بخير .. الله يرحم موتاكم .. و موتى المسلمين .. ويشفي مرضانا ومرضى الملسمين يا حي ياقيوم .. والله ياخي الموت ما يعرف لا صغير ولا كبير .. يوم الثلاثاء اللي راح .. صار لواحد من اوخياي حادث هو وأخوه و زوجة أخوه وطفلهم الصغير .. خويي بالعنايه .. وزوجة اخوه و طفلهم الله يرحمه ..! ==== ياخوي اللحين الواحد ما يدري عن أمه في بيتها شي ولا لا .. اقسم بالله العظيم رب العرش العظيم ان واحد اعرفه مطلق زوجته ومتزوج .. له 4 بنات وولد حاطهم عند أمه .. والمشكله باب بيته بوجه باب بيت أمه .. تخيلو افطرت أمه وعياله اول يوم تمر وماء ..! ياخي الله منعم عليك انت وحرمتك وين بر الوالدين ؟ زودن على انك رامي عيالك عليها بعد ما تأمن لها معيشتها .. .. اسف على الإطاله و فقنا الله وإياكم

رحم الله امواتكم واموات المسلمين بواسع رحمته وغفرلهم ماتقدم من ذنبهم وماتأخر



احزنني ماذكرت عن ذلك الرجل وانا اعرف ان هذا الوضع ليس هو الوحيد عليه فهذا النموذج توجد له نماذج كثيره مماثله


للأسف ان الكثير من شباب مجتمعنا فاقد للقيم الإجتماعيه والإسلاميه ولايعرف دوره والا لأخذ الإحساس بالأبوه واحساسه العاطفي تجاه امه لتلبية احتياجاتهم


لا املك الا ان اقول كان الله في عونهم ونسأل الله العفو والعافيه وتأكد ان الله هو الرازق وهو المعتني بهم والله يهدي ذلك الرجل ويصلحه وينور دربه


كثير من الأشخاص اذا طلق مرته وتزوج يرمي عياله ولاكنهم جو من صلبه ماهذا الإحساس اين الشعور ... عفوا انه خارج الخدمه


لاحول ولاقوة الا بالله


اشكرك اخي الكريم على هذه المداخله التي تعد من ابرز المداخلات بالموضوع وعذرا على التأخير بالرد


شكرا لك على المرور ونورت الموضوع ياهلا

إقتباس الرسالة الأصلية كتبت بواسطة SANDRA القحماني .. الله يعطيك العافيه اخووي على هالموضوع .. ويكتبه في ميزان حسناتـكـ والله اني انقهررر لما أتذكر هالعاداتـ اللي كانتـ موجوده قبل .. خاصه بين الجيران وربي قبل كنا ساكنين في حي .. تحس انك تعرف كل الحي مب بس الشارع اللي انت فيه .. ! احيانا حتى لو مانطبخ فطور يكفينا اللي يجيبونه لنا الجيران وزياده .. والله عالم كانت تجيب لنا اشياء ماندري من وين .. بس نعرف انه من الجيران ! عكس اللحين .. حتى اللي جنبك ماتدري عنه ولايدري عنك ! انا نفسي اعرف هالسبب .. ليه رمضان بالذااات هو موسم للمسلسلات .. والمسابقات .. ! الأدهى انهم يستعدووون أشهر للمسلسلات .. ويشغلوون الناس عن العباده .. ! بالعكس بعض القنوات الأجنبيه ان سمعت انها ماتعرض إلا برامج دينيه .. وتحضر كل شي ثاني .. على ذمــة أحد الأخواات اللي قالت لي هالخبر .. الله يجزاك خير يالقحماني .. ورده

الف شكر لك على التواجد اختي الكريمه


كلنا ننقهر لان هالأمور لها ايجابيات وتحسس الواحد بترابطه الروحي والنفسي مع من حوله انت جزء من المجتمع وهذا الجزء يجب ان يكون مترابط لكي تتحقق المباديء الإسلاميه من تكوين المجتمع

انا اشوف ان الحلول من الممكن ان يحدث اجتماع بين اثنين ويتناقشو بهالامور وسبب ذهاب مثل هذه العاده وسبل استعادتها ويمكن تحقق شيء


اما المسلسلات فما ادري وش سرها انا اشوف نفسي مذنب وانا ماتابع الا ملسلسين كوميديه بيني وبينك وكلنا عيال قريه حتى كلنا عيال قريه بديت اسحب عليها

وماقول الا الله يصلح الحال

شكرا لك على التواجد ونورت الموضوع وياهلا

إقتباس الرسالة الأصلية كتبت بواسطة Bl0000D اخي فعلا ارجعتنا بالزمن للوراء فقد كان لرمضان طعم لاينسى .. لاتحسبه فمتو اخي كنت هنا استرجع ايام جميلة مرت علينا تقبل مني ارقى التحايا

شكرا لك وذكرتني بدعايه وبكل مناسبة يابنتي لاتجيب طاري الفيمتو تراي اروح فيها على طول


الف شكر لك على التواجد والمرور

إقتباس الرسالة الأصلية كتبت بواسطة الكلاسيكي وعليكم السلام ورحمة الله وبركاته . . اهلاً وسهلاً بك ابو عبدالله , وكل عام وانت بخير .. فعلاً امور كثيره تغير , وفي كل سنه نفتقد شي من روحانية الشهر .. والحقيقه التواصل بين الجيران مفقود حتى في سائر الشهور .. كان الجار يسال عن جاره , ولكن الآن الجار لا يعرف جاره فكيف يسال عليه .. ابو عبدالله .. جزاك الله على ماطرحت .. وجعله بموازين اعمالك .. تقبل احترامي .. دمت بخير

احترامي لك .. ياحسن واغلا واعز مشرف بالدنيا

شكرا لك عادل على التواجد والمرور وللأسف ان الحال آل الى ما آل اليه واصبحنا لانعرف الجار ولانعرف حق الجيره والله يصلح حالنا وينور دربنا


ياليت بس على الأقل شهر واحد من شهور السنه نحافظ فيه على بعض قيمنا الإجتماعيه ووصايا الرسول الكريم عليه افضل الصلاة والتسليم والتي اوصانا بها بعده حقوق للجار على جاره


اهلا بك ونورت الموضوع وياهلا

يارب تكسو كل عاري

وتطعم كل جائع


ويارب ترحم كل عزيز علي وعليك وعليه


اللهم ارحموا المسلمين والمسلمات الاحياء ولاموات