السلام عليكم ورحمة الله وبركاته ..

مساكم / صبحكم الله بكل خير

من زمان وانا اتخيل ان الهلال يكون له ملعب خاص فيه واتوقع مو بس انا لحالي انا متاكد ان اغلب جمهور نادي الهلال يتمنون الشئ هذا

يعني وش يصير لو موبايلي تبنت هذي الفكره وتكفلت بانشاء هذا الاستاد للهلال

وش بيصير لو الاداره الهلاليه ضمت ضمن بنود العقد انشاء استاد لنادي الهلال

يعني بتقولون موبايلي بترفض انا اقول لا ماراح ترفض لانها راح تستفيد من هذا الاستاد لو نادي الهلال قال لهم الدخل لاول سنتين بيكون لكم ياشركه موبايلي

وانا اتوقع انه مشروع ناجح مليون بالميه

خصوصاً انه يبي يدر على الهلال فلوس كثيره

يعني تتوقعون لو المملكه استضافة دوره لكره القدم بتحط المباريات كلها باستاد الملك فهد ؟؟؟؟

اكيد لا اكيد بخاطبون اداره نادي الهلال ويستخدمون الملعب وبيكون للهلال نصيب كبير من الدخل

لاننا بصراحه ماعندنا الا استاد واحد اللي هو استاد الملك فهد وبازين فيه قدام العالم والصراحه استاد نادي السد احسن منه بمليون مره مع انه اقل منه في السعه

الحين قطر فيها كل نادي له استاد خاص والصراحه كلها ملاعب تعتبر عالميه وحلوه

ومحد ينكر الشئ هذا وليه حنا مايكون عندنا مثلهم ؟؟؟ نقص بالفلوس ؟؟

لالالالالا حنا ندفنهم بالدراهم مع احترامي للقطريين بس هم يطلعون وحنا نمسك

هم يدفعون وحنا نلطش

هذي الصراحه ياجماعه الخير ومحد يزعل من الحق

اتمنى ان الفكره وصلت للجميع واتمنى اني وفقت بالطرح

ان اصبت فمن الله و ان اخطأت فمن نفسي والشيطان

والله يكتب اللي فيه الخير

والله الكل يتمنى الشئ هذا ومع اصرار الجمهور ان شاء الله نحاول نوصل صوتنا للاداره وتلتفت للشئ هذا

ومشكووورين على المرور يعطيكم العافيه

الله يكتب اللي فيه خير للزعيم
....................................

إقتباس الرسالة الأصلية كتبت بواسطة %%هلالي مدريدي%% يالغالي ترى المسأله ماهي سهله الملاعب الجيده تكلف مئاة الملايين يعني يمكن عقد موبايلي لمده عشر سنوات مايكفي

يابعدي للمعلوميه فيه شركه يابانيه قالت للاتحاد السعودي اعطوني قيمه صيانة استاد الملك فهد ابني لكم فيه عشرة ملاعب مثل الملاعب اللي لعبوا عليها كأس العالم 2002

بس عندنا هنا الريال عندهم يعتبر مبلغ كبير

يعني حتى لو كلفت مئات الملايين يعني موبايلي كثير عليها المبلغ ؟؟

هههههههههههههههههه

انت والله ماتدري شكثر ياخذون من ورا المشتركين لو فرضنا ان المشتركين 3 مليون والواحد فاتورته بالشهر 300 ريال كم يطلع المبلغ ؟؟

طبعا هذا بشهر واحد بس وتقول لي كثيره حتى الاله حقت الجوال تقول لي الناتج كبير ولا يمكن عرضه



يعطيكم العافيه على المرور