هالمثل يقولونه قديما في شخص اسمه ( الفقعسي ) واعتقد انه اسم وشخصيه غير معروفة
الكابتن ( فقعسي بيك ) ذابح نفسة بالصوم .. حتى الجمعه مايوفرة !! لكن صلاة ماكو !!
غاسل يدة من شي إسمه صلاة .. والغريبه انه حريص على الصوم ..
يمكن الفقعسي يمثل أشخاص عدة يقومون بأعمال أو يطرحون أفكار جميلة لكن في الواقع (من هم )؟؟أصحاب هذا الفكر الراقي .. او الكتابه والخاطرة الرقيقة .. او من يكون هذه الفاضل او الفاضلة في ردودها من خلال أحاديثهم.. وإتهامات الغير .. والتصرفات الطائشه.. حتى تجاوزا في قبح ماقيل في الحديث كل مراهق .. وكأنهم مصممون على تواجدهم في الأماكن المشبوهه واللتي نترفع عنها ووقع من وقع في مستنقع الخطاء وكشفت الأقنعة (من غاص قبل لا يقيس ما ينفع القوس عقب الغرق)
كم فقعسي عندنا .. وكم ( فقعسية ) مغشوشين فيهم..
عندما يصل الحد إلى ارتكاب اكبر الذنوب !!وبعدها مباشرة نجد التعليق مختلف تماماً لابد ان تقف .. وتتأكد من ( المهنة )؟ وعلينا ان نراجع شخصية ونفسية صاحب هذا القلم ... اعتقد ان مواقع الدردشة افضل من المنتديات لمثل من يحمل نفس هذه النفسية المريضة .. والشخصية الغير سوية .. (رداة العقل مصيبة) بحكم انه يستطيع تغيير ( النك نيم ) كل دقيقه وماحد يدري انه هو اللى قال هالكلام ..
قد تجد من بعض الردود ان لهم شعبيه طاغية ولها معجبين فااقول ( ما يمدح السوق إلا من ربح به) ومن (من هرج لك هرج بك)
والعجيب انك تنصح وتحاول ان تنقذ هالشخص من ارتكاب الذنوب من خلال حديثة او ماقرأته في بعض ردوده يخليك حاقد ... وإلخ إلخ .. وصدق المثل لاقال ( مثل الحمار تدفّه وياطا رجلك )
كم من فقعسي .. سمعنا منه أجمل الكلام .. واعذب الردود .. وارقى الخواطر .. والشعر والنثر ..
وحنا نقول لصاحبة او صاحب هالكلمات .. ليت الفقعسي صلى ولا صام .. ليتك تفك الناس من شرك ومن لسانك والبعد عن الغلط على أحد بقول أو إتهام مهما بلغت من قامة وضعتها لنفسك .. وهي قامه وقاعدة ( هشة ) وفي الواقع انت كما قيل (جربوع ما يسوى حطبه)
وكانت النصيحة من باب ان فيه أمل فيك وعلى أساس ان ( البندق العوجاء به رميه ) وكررت النصيحة على أساس (إن لقحت وإلاّ ما ضرّ الفحل )
وفي الأخير اكتشف اني مع ( فقر وغلدمة ) ولا هذي ولا بنت اللذي ..
والغريب انه يفتخر بأمور ليست مناسبة للفخر .. وأما الأمور الحقيقيه اللتى تستحق الفخر والمقارنه فسيكون صفر على الشمال ( قال وين عاقلهم قال هالمربط)
وتم إستخدام طريقة (قابل الصياح بصياح تسلم )
ومن مبداء ( كل قوم له حثاله ) اعتقد بهذه المقولة وبأن هنالك من يجاورنا في المنتدى من هم حثالة .. فقد تكون زعيم .. لكن على من ؟؟ على حثالة ؟
ولست نادما على نصحي .. ودفاعي عن الحق (ما يتحسف إلا راعي الردية) والنصيحة قدمت وانت وعقلك و ( من أصله حمار نهق )
وحتى بإختلاف وجهات النظر يأبى النقص إلا بذكر المقامات بالنقاش البعيد عن هذا المحور وهنا أقول (وش علّم البقر رقي الطوايا )
في المرات القادمه يجب تثمين كل كلمة تخرج من لسانك سواء في المنتدى أو غيره .. لكن مايعنينا الآن المنتدى بحكم ان سوء القدر جمعنا بهم في هذه الشبكة العزيزه ( يفصّل الهرج على قد افمه ) هذا مانتمناه مستقبلاً
وفي الأخير ( من يبي الدح مايقول أح) ... و(شي جبته بيدك الله يزيدك) ...
(وضبرني وبكى .. سبقني وأشتكى .. )
وداعاً لأصحاب الأوقات الثمينة ... كان الإعتذار من قبح الكلام ينهي كل هذا .. ومازال الإعتذارمطلوب لبنات وأبناءالمسلمين ... وربي يعلم الغيب وماتخفي الصدور ..
كم فقعسي عندنا بالمنتدى ..؟؟
الفقعسي على انه اصبح مثال والمثل بإسمه إلا انه لم يتجراء على ماتجراء عليه هؤلاء
الفقعسي رحمك الله عند بعض الفقاعسة اللى ازدادوا إجرام وجراءه ووقاحة
الموضوع للفائده وليس للنشر .. والقال والقيل ..
يعني اعتبروا الموضوع ( منـــــقول ) بس مايروح لصيد الانترنت ..