|
ليت الفقعسي صلى ولا صام يالله حي أعضاء المجلس العام .. ادري ان الوضع مزري .. والوقت غير مناسب .. ورمضان كريم .. بس هالموضوع خاص للفقعسي .. الى صلى ولا صام .. هالمثل يقولونه قديما في شخص اسمه ( الفقعسي ) واعتقد انه اسم وشخصيه غير معروفة الكابتن ( فقعسي بيك ):d ذابح نفسة بالصوم .. حتى الجمعه مايوفرة !! لكن صلاة ماكو !! :surprised: غاسل يدة من شي إسمه صلاة .. والغريبه انه حريص على الصوم .. يمكن الفقعسي يمثل أشخاص عدة يقومون بأعمال أو يطرحون أفكار جميلة لكن في الواقع (من هم )؟؟أصحاب هذا الفكر الراقي .. او الكتابه والخاطرة الرقيقة .. او من يكون هذه الفاضل او الفاضلة في ردودها من خلال أحاديثهم.. وإتهامات الغير .. والتصرفات الطائشه.. حتى تجاوزا في قبح ماقيل في الحديث كل مراهق .. وكأنهم مصممون على تواجدهم في الأماكن المشبوهه واللتي نترفع عنها ووقع من وقع في مستنقع الخطاء وكشفت الأقنعة (من غاص قبل لا يقيس ما ينفع القوس عقب الغرق) كم فقعسي عندنا .. وكم ( فقعسية ) مغشوشين فيهم.. :bigeek: عندما يصل الحد إلى ارتكاب اكبر الذنوب !!وبعدها مباشرة نجد التعليق مختلف تماماً لابد ان تقف .. وتتأكد من ( المهنة )؟ وعلينا ان نراجع شخصية ونفسية صاحب هذا القلم ... اعتقد ان مواقع الدردشة افضل من المنتديات لمثل من يحمل نفس هذه النفسية المريضة .. والشخصية الغير سوية .. :yes:(رداة العقل مصيبة):yes: بحكم انه يستطيع تغيير ( النك نيم ) كل دقيقه وماحد يدري انه هو اللى قال هالكلام ..:razz: قد تجد من بعض الردود ان لهم شعبيه طاغية ولها معجبين فااقول ( ما يمدح السوق إلا من ربح به) ومن (من هرج لك هرج بك) والعجيب انك تنصح وتحاول ان تنقذ هالشخص من ارتكاب الذنوب من خلال حديثة او ماقرأته في بعض ردوده يخليك حاقد .:d.. وإلخ إلخ .. وصدق المثل لاقال ( مثل الحمار تدفّه وياطا رجلك ) :yes: كم من فقعسي .. سمعنا منه أجمل الكلام .. واعذب الردود .. وارقى الخواطر .. والشعر والنثر .. وحنا نقول لصاحبة او صاحب هالكلمات .. ليت الفقعسي صلى ولا صام .. ليتك تفك الناس من شرك ومن لسانك والبعد عن الغلط على أحد بقول أو إتهام مهما بلغت من قامة وضعتها لنفسك .. وهي قامه وقاعدة ( هشة ) وفي الواقع انت كما قيل (جربوع ما يسوى حطبه) وكانت النصيحة من باب ان فيه أمل فيك وعلى أساس ان ( البندق العوجاء به رميه ) وكررت النصيحة على أساس (إن لقحت وإلاّ ما ضرّ الفحل ) وفي الأخير اكتشف اني مع ( فقر وغلدمة ) ولا هذي ولا بنت اللذي .. :surprised: والغريب انه يفتخر بأمور ليست مناسبة للفخر .. وأما الأمور الحقيقيه اللتى تستحق الفخر والمقارنه فسيكون صفر على الشمال ( قال وين عاقلهم قال هالمربط) وتم إستخدام طريقة (قابل الصياح بصياح تسلم ) ومن مبداء ( كل قوم له حثاله ) اعتقد بهذه المقولة وبأن هنالك من يجاورنا في المنتدى من هم حثالة .. فقد تكون زعيم .. لكن على من ؟؟ على حثالة ؟ ولست نادما على نصحي .. ودفاعي عن الحق (ما يتحسف إلا راعي الردية) والنصيحة قدمت وانت وعقلك و ( من أصله حمار نهق ) وحتى بإختلاف وجهات النظر يأبى النقص إلا بذكر المقامات بالنقاش البعيد عن هذا المحور وهنا أقول (وش علّم البقر رقي الطوايا ) في المرات القادمه يجب تثمين كل كلمة تخرج من لسانك سواء في المنتدى أو غيره .. لكن مايعنينا الآن المنتدى بحكم ان سوء القدر جمعنا بهم في هذه الشبكة العزيزه ( يفصّل الهرج على قد افمه ) هذا مانتمناه مستقبلاً وفي الأخير ( من يبي الدح مايقول أح) ... و(شي جبته بيدك الله يزيدك) ... (وضبرني وبكى .. سبقني وأشتكى .. ) وداعاً لأصحاب الأوقات الثمينة ... كان الإعتذار من قبح الكلام ينهي كل هذا .. ومازال الإعتذارمطلوب لبنات وأبناءالمسلمين ... وربي يعلم الغيب وماتخفي الصدور .. كم فقعسي عندنا بالمنتدى ..؟؟ الفقعسي على انه اصبح مثال والمثل بإسمه إلا انه لم يتجراء على ماتجراء عليه هؤلاء الفقعسي رحمك الله عند بعض الفقاعسة اللى ازدادوا إجرام وجراءه ووقاحة الموضوع للفائده وليس للنشر .. والقال والقيل .. يعني اعتبروا الموضوع ( منـــــقول ) بس مايروح لصيد الانترنت .. :nono: s13s</B> </B> 7 7 7 7 7 7 7 7 7 7 7 7 تخيل ...! قناة المجد تعرض أحدث المسلسلات والبرامج طيلة شهر رمضان المبارك ..!!؟ فوازير رمضان القادمة ستعرض على قناة البداية !!؟ الخليجية ستعرض مقابلات مع الفنانين العرب .. وبرنامج زكيا زكريا وحيلهم بينهم !! ======= في المقابل ..:razz: مجموعة روتانا تخصص قنواتها للمحاضرات .. ونقل الصلوات في الحرم المكي وحرم المدينة .. طيلة شهر رمضان مجموعة قنوات ال mbc تعلن من الآن تواجدها وحضورها الدائم في نقل كل البرامج الدينيه .. والفتاوى .. وعرض البرامج التربوية والإجتماعيه المفيدة ... قنوات ART ورجل ( كسرة الزنوب ):naughty: يصرح بتخصيص جزء من مبالغ التشفير للفقراء والمساكين .. ويعلن بذلك في كل قنواته .. مع عرض اللقاءات الرمضانية المباركة بين الشباب المسلم ... أما بقية القنوات المحترمة :razz: والمحسوبة على العرب والمسلمين ... تقوم بخطوة رائعه وجديدة .. وذلك لوجهة الله وطمعاً في رضى الرحمن .. الخطوة تمثلت بإغلاق القنوات ... ومايأتي من برامج ومسلسلات وامور مخالفة للدين والقيم .. وتعرض على شاشاتها شريط للأذكار والأحاديث مع صوت أحد المشايخ ... ======= طلع حلم :razz:........ وعشم إبليس بالجنة ... :yes: وعسى الله يثبتنا وإياكم وقنوات المجد .. والبداية .. واللى مثلها .. ويهدي هالمجموعات والقنوات المذكورة وهو قادر على كل شي .. وخير دليل قناة ( خليجية ) :yes: رمضان كريم ... وكل عام وانتم بخير .. :smilie47: </B> |
وعليكم السلام ورحمة الله وبركاته .. ابوطلال حياك الله ومساك الله بالخير والمسرات .. // موضـوعك مو سهل .. وما جا من فراغ .. ومتأكـد أن وراهـ حكمة .. وبُعـد نظر ..ولا يخلو من هدف تصبو له .. المثل يقـول ياما تحت السواهي دواهي .. البعض مظهره واسلوبه يوحي لك بانه ولد مع الشرف في ساعة واحدة .. لكن تتفاجأ بعدين انه ولد في ساعة مات فيها الشرف : d .. وان حاولت تنصحه .. للاسف مثل ما تفضلت .. مثل الحمار اعزك الله والقارئين ..تدفه وياطا رجلك .. البعض الآخره مظهره ومكانته تخليك تستحي انك تعمل اي شي امامه .. لكن في الحقيقة ان سواته العن من سواتك .. والاعظم لو كان مديرك .. أو رئيسك .. أو أي شخص كان في مكانة أعلى من مكانتك تقدره وتحترمه .. \\ ابوطــــلال .. طوّل الله عمرك .. ولا حرمنا الله من تواجدك :) .. |
السلاااااااااام عليكم ... كل منتدى يوجد به ما سميتهم بـــ ( الفقعسي ) بنيت موضوعك هذااا باعتقادي ... على اساس ...: (((((( الكـــــــــــــــــــلام لـــــــــج يــــــــا جــــــــــــــــــــــارة )))))) موضوعك قريته كاااااااااامل .. كااااااااااااااااااااااااامل ... لا حرف ناقص ... ولا حرف زايد ... اعتقد اني فهمت قصدك ... زين ما زين ... وعسى الله يرحمنا بهالدنيا ... :: بو طلال ان قلت شكرااا فلن اوفيك حقك .. شكرااااا شكراااا شكراااا أنا هنا لأقول لك ... شكرااا على كل شي ... بو طلال تواجدي لابد منه ... فاعذرني ... والأفضل من كل هذااا ... ان تتجاهل ردي ... اختك : دلووووووعة الامارات ورده |
والله خطير ابو طلال وراعي امثال والشي الغريب التناقض بين معاول الهدم والبناء حيث الدين والدنيا يجتمعان في نفس القناة . بس والله الى الحين ماعرفت الموضوع هل هو منقول او لا ؟؟؟ شاكر لك اخوووووووي . |
أبو طــــــــلال ورده ما شاء الله موضوعك مرجع للأمثال الشعبية :d قد قالها سابقا الهاوي لا تجعل المنتدى يأخذ تفكيرك الى ما بعد اضافة رد أو طرح موضوع جديد وليكن الكلام بشكل عام عن النت الف شكر لك اخي الصغير :d |
خخخخ هلا ابو طلو قسمن موضوعك من احسن المواضيع الي قريتها منذو مبطين لقد انني ابعقب بعدين قناه العفاسي بتجيب برنامج للشيخ المغامسي لايفوتكم وبرنامج تجويد للشيخ مشاري مع مبزره بس حركتات |
ولاكم ولاكم أبو طلال s45s تصدق بالله أني كنت أحسب أني أرسلت لك ع الخاص أتحمد لك على السلامة ؟ وتوني أدري أني كنت واهم :(ورده بالنسبة للموضوع .. استمتعت فيه وفي الأمثال اللي طرحتها .. وقرأت الموضوع بشكل عام في البداية .. ثم قرأته مرة أخرى وحاولت فك الطلاسم ومحاولة فهم المراد منه غير المراد الظاهر .. لكن محاولتي باءت بالفشل :D على العموم المعنى في بطن الكاتب .. وبصراحة أتفق مع مطيع الهميمي s45s .. ولكن أحترم وجهة نظرك ورده حياك يا بعدي .. والله أنك فقيدة s45s |
عجبني اسلوبكs60s خاصه (( الامثال )) حسيت اني في خيمه :happy: مثل ما قالت دلع الامارات الكلام لك ياجاره :whistling عوافي ابو طلال |
كلٌ يغني على ليلاهـ فيما بدأت موضوعكـ بالتلميح والانتقاد لم أجد فيه ما يهمني سوى حسن الصورهـ وبليغ الكلام لن أعلق عليه سأتجاوز لمرحلة القنوات او بالاحرى فيما تعرضه مفيدا في رمضان برنامج اسمه ( مع الحبيب ) يقدمه الشيخ نبيل العوضي يعرض على قناة الوطن البرنامج يتحدث عن سيرة خير البشر صلى الله عليه وسلم لكن ما يميز هذا البرنامج غير السيرهـ العطرهـ هو طريقة العرض فحينما يود المقدم أن يحكي قصة بدر تجد خلفه في الصورهـ أناس يتطاقون وكأنك ضمن المعركه أخي الكريم أبا طلال شكرا لكـ ورده |
. .. .. يهـ يهـ يهـ .. شونـوـوـو يقـوـوـول هذآ .. :pirate: ..! {.. مـآـآ شـآـآء اللهـ .. كل هذي أمثـآـآـآل .. شكلكـ مخآوي شيبآن :pleased: .. .. بس طريقتكـ حلوة في التهزيء :frown2: .. مدري منقول و إلا لآ ... لخبطتنآ .. :dizzy: , عندي قناعة .. ظلها وآفر .. و لي فيهآ مقيل .. مآ أمشي ورآ قآلوا قبل .. و أعيش في جلبابهآ , مآ من ورا زرع المثل في وقتنآ الحآضر [ حصيل ] من طبق أمثآل العرب " هذآ الزمن " يبلى بهـآ ..! :yes: .. القنـوآت :disgust: .. وش نقول بس .. الله يهديهم ^_^ .. .. و ترى ~ البرآمج الدينية و المفيدة كثيرة :rolleyes: .. الله يجزآهم خير =) ..! ثـوـوـوكـرن على الموضوع الدراماتيكي :chinees: .. دومـت خطـير :kiss: ..! .. . ~ Marco Rossi ~ .. مستحيل إن الذهب يصدى ..! ورده |
وعليكم السلاااااااام يالله حي ابوطلو :smilie47: شي طيييب إني ارجع بعد قضية خطف يوزرية مسلحة والقى موضوعك بالواجهة :stoned: بالنسبة للفقاعسه والله ياخووك قلبتها براسي ادور منهم هالفقاعسه اللي ينتقدهم ابوطلال :stoned: ورسيت على إن الفقعسي في كل مكان سواء معك بالعمل أو بالبيت أو بالشارع فالأنتقاد موجه كعموم وإلا يابوطلال :naughty: وربما مايستاهل أن يضيق الواحد خلقه من أجلهم اللي عليك سويته من نصيحة أو نقد فاللبعض وجوه متعددة وزائفة مصيرها تنكشف ,, وبالنسبة للنقطة الثانيه بتاع القنوات لاأعتقد ولافي الأحلام أن تغير القنوات منهجيتها المعروفة عنها لفترة معينة (مؤقتة ) وخاصة خلال شهر رمضان يستلمون الراية من ابليس أعاذنا الله وإياكم منه خلال هالشهر الفضيل وينوبون عنه بإشغال العباد ..ومن شب على شي شاب عليه .. والله يديم لنا نعمة القنوات الصالحة مثل المجد وبداية والعفاسي والخليجية اعتقد هي أملنا بالتغيير للأحسن ,, قواااك الله أبوطلو ,, مميز كعادتك ولاهنت يالذيب :smilie47: |
ليت الفقعسي يا غالي " صلى وصام " s60s كل عام وانت وطلال وفارس ومن تحب في الف خير وعافية سعدت عندما شاهدت يوزر " ابو طلال " ينير صفحة المجلس العام وان شاء الله لا ننحرم من وجودك يا غالي ،،، في اعمال المنتدى من مواضيع وردود تتباين طرق الاشخاص وتختلف قناعاتهم ويبقى ضرورة ان يكون الحوار محصورا في الأعمال التي تشاهدها وتطرح انطباعاتك في مضمونها دون الخوض في النوايا التي هي في علم الغيب ،،، يحدث ان تكون لك او لي او للاخرين انطباعات شخصية تجاه " يوزر " بعينه بسبب سوء ظن في مواضيعه او ردوده أو شبهة فيما يتناوله وتبقى امام خيارين لا ثالث لهما : اما ان تؤدي واجب النصح والاستفسار عن حرص اخوي كريم او ان تتجاوز ذلك حفاظا على حسن العلاقة الشخصية مع الآخرين ،،، شخصيا احترم تلك المبادرات التي قد تتناول جانبا شخصيا بشرط ان يتم ذلك في اطار شخصي من خلال " البريد الخاص " للاسباب التالية : 1 - النصيحة في جوانب الشخصية اتوقع ان تكون أكثر قبولا ورضى اذا ما تمت بعيدا عن مشاهدات الآخرين ،،، 2 - النصيحة دائما لا تقصد التشهير بالاشخاص كما انها لا تهدف الى اثارة الآخرين ضده فبالتالي طالما هي كذلك لوجه الله فالخير ان تتم في اطار لا يتجاوز المرسل والمتلقي ،،، 3 - يحدث في كثير من الاحيان ان تنصح احدهم في مسألة فتخرج بمعلومة وقناعه انك كنت مخطئأ فيما ذهبت اليه ،،، الخير دائما ان يحسن الانسان ظنه بالاخرين .. في بعض الاحيان يضحكني عندما اشاهد موضوع ما وجدل محتدم بين " يوزرين " وعندما تتابع ما يكتبه هذا وما يكتبه ذاك ولأختلاف اسلوب والنوايا الاستباقية السيئة بينهما تجد معركة يسعى كل منهما لأثبات وجهة نظره على الآخر بينما كلاهما يصبان في نفس المضمون :d يا ابو طلال ماشاء الله عليك .. ماهذا القاموس الجميل والمتنوع من الأمثلة الشعبية جل ما اخشاه ان اجد عبارة " اخوك الصغير " يجب الاستعاضة عنها " بشيخ القبائل والعربان " :d حفظك ربي يا غالي واتمنى ان اكون قد اجدت في عرض وجهة نظري الشخصية والله يعطيك العافية |
وعليكم السلام ورحمه الله وبركاته عودا حميدا اخوي ابوطلال وفروس الله يصلحهم ويرزقك برهم يارب :) :d ماشاء الله وش هاالامثال :smilie47: احب الامثال والابيات والتدليل بها :d ولذلك بس جالسه اشوف ربطك الكلام بالمثل :d ومستانسه :razz: مير الله يهديك ياوخيي حست راسي بهالفقعسي :d مير ماقول الا الله يهديهم ويرزقنا محبه الناس s60s:smilie47: مير زين ان هالفقعسي يصوم ولايصلي البلى بالي لاصلاه ولاصيام :d والي بيتابع الناس بيتعب ولو دققنا على كل رد وكل عضو بنتعب انفسنا ع الفاضي كل واحد اخلاقه لنفسه والاقنعه بيجي يوم وبتنكشف وحتى لو مانكشفت اهم شي الواحد يعامل الي حوله باخلاقه وتربيته هو والواحد بتعامله يقدر يغير الي قدامه من اساء لك احسن له وبتشوف التغيير:) واحس شي الحينطنش تعش تنتعش:clap: وبما اني حسيت كلامك تقصد به المنتديات ومايدور فيها والله عن تجربه شخصيه والله كنت اشيل بخاطري واتحسس من كلام البعض وافهم غلط واشيل هم ويضيق صدري على الي يستقصدني والحين الي يقول اكرهك اقول جزاك الله خير ماني ميته لاكرهتني:d وماحاول ادقق بكلام احد اهم شي الواحد يمشي صح وماعليه من احد على قولتهم نروح ونرجع تراه نت مصيرنا يوم بنفترق ومابيبقى غير ذكرانا :d مسكت خط الدمام وشطحت بعيد:razz: اللهم امين بخصوص القنوات ان شاء الله هالشهر يكون نقطه تحول لكثير من هالقنوات ولكثير منا:yes: اعذرني على هالتواجد البسيط واذا اني تكلمت بشي ماتقصده فاللؤم عليك :d جالس تلف برؤسنا بس حبيت ارحب بك s60s والامثال جذبتني :d وجيت اركض \ / الفاضل /ابوطلال يعطيك العافيه والله يبلغنا رمضان واياكم الهنووف كانت هنا ورحلت |
هـــلا والله بأبـو طلال و فارس.. { من طول الغيبات جاب الغنايم } << بتسوي حكيمه زيك :razz: إقتباس:
ما شاء الله الموضوع مليان حكم :) أما القنوات تحس أنهم سووها عشان رمضان بس .. الله يخلي لنا المجد وبدايه والرساله و يارب يثبت اصحابها على فعل الخير أبو طلال الله يعطيك العافيه عالموضوع الحلو تقبل مروري |
المشكلة وأنا أختك باللي صلى وصام لأمر كان يطلبة ولما انقضى الأمر لاصلى ولا صام هدي أعصابك ترى الدنيا ماتسوى نرفع ضغطنا عشان ناس ماتستاهل أهم شي أحنا ما نتأثر بأخلاقهم وننشر مبادئنا اللي نؤمن فيها الله يرحمنا برحمتة ويهدينا في هالشهر الفضيل على فكرة أول من قراء الموضوع أنا وكنت كاتبه رد طويل بعدين جت أمي قالت من ساعة وانتي بتجيبين عبايتك ترى بنروح السوق ونخليتس عاد وأنا اللي أطلع ما طفيت الجهاز من الرجة ولما رجعت مالي خلق أكتب بالحب والإشراق |
| الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd