بسم الله الرحمن الرحيم

بما أن الكثير هنا ( يحاول مستميتاً ) أن يثبت لنفسه وللمتابعين هنا أنه يصلح أن يكون راو ٍ جيد .. سأثبت للجميع أنه

مهما كانت محاولاتهم جيدة نوعاً ما إلا أنها لن تصل لأسلوب ( أسطورة الرواية السعودية المشاغب )

سأتحدى رواياتهم بقصة خيالية قصيرة لا تخلو من الواقع أسميتها ( المشاغب والخمس نساء ) ..

سأترك الحكم لكم ..!!

( لو أشوف أحد منكم يصدق الهياط اللي فوق , فترى أمه داعية عليه بصلاة الليل ولا يلوم إلا نفسه )


&& المشهد الأول &&


في ليلة من الليالي كنت أتمشى في أسواق حجاب كاشخ بالجينز الجديد اللي شريته قبل يومين.. حتى اتصل علي

صديقي العزيز تركي يطلب مني أجيه البيت نتقهوى قبل ما نطلع شارع التحلية نفرفر ونقضي على وقت الفراغ

دقيت سلف وعلى طول لبيت تركي اللي تركوه له اهله قبل ما يسافرون لشرم الشيخ ..!!


وصلت البيت ودقيت على تركي ..

- هلا تركي .. أنا عند البيت وينك؟

- أهلين سلطان .. أنا طلعت شوي وراجع .. ادخل البيت شغالة الجيران تنظف البيت كلمتها تفتح لك اذا جيت ..!

- أوك يا قلبي .. بس لا تتأخر ..!

- سلطان .. ترى حطيت لك شي مع الخدامة خلها تعطيك اياه ..!!


قفل السماعة تركي .. وأنا آلاف علامات الاستفهام تدور في مخيلتي .. يا سبحان الله .. تركي أول مرة يسويها

استجمعت قواي وتوكلت على الله وضربت جرس الباب ..!!


** المرأة الأولى **


فتحت الخدامة لي الباب .. وقعدت تناظر فيني برهة من الزمن ثم سمحت لي بالدخول بعد أن ناولتني ورقة صغيرة ..!

قرأت الورقة وإذا هي بخط وتوقيع تركي :

" سلطان يا أغلى أخ وأعز صديق .. الله لا يحرمني منك "

مباشرة دقيت على تركي ..

- تركي وش السالفة؟

تركي وهو مستحي : ما قدرت أعبر لك عن مشاعري ومواقفك معي يالغالي إلا عن طريق هالورقة

- على تبن بس .. وأنا حسبتك مشتري هدية عليها القيمة وآخرتها ورقة؟ الشرهة على اللي يرجي من ورا وجهك خير

قفلت السماعة في وجه تركي .. ودخلت المجلس برجلي اليمين

جابت لي الخدامة عصير برتقال ثم طلعت .. ثم دخلت ومعها المكنسة تكنس المجلس ..!

كانت نظرات الخدامة لي تخوّف لكني تجاهلتها .. ثم قامت بمحاولات عشان تلفت انتباهي وبرضه تجاهلتها

بالأخير عصبت وقالت كلمة انقليزية يترجمونها بالأفلام ( تباً لك ) ولأني ما أرضى الإهانة ما سكت لها ورديت عليها

بالانقليزي بكلمة ترجمتها بالأفلام ( حقيرة ) .. لكنها بدل ما تعصب ابتسمت لهالكلمة وكأنها تنتظرها من زمان

دخلت شوي ثم رجعت ومعها مسجل شغلت المسجل بأعلى صوت على أغنية طلال سلامة :

دخل مزاجي وعاجبني ...... من يوم شفته تملكني
حبيت روحـه وحـبـّيتـه ...... الله مـنـه لا يـحرمنـي

اما على خادمة جيرانكم يا تركي ذوق؟ يا هي راعية مزاج من جد

بدت الخدامة المسطولة تدبك وترقص رقص مثير .. وأنا مستمر بتجاهلي وأتصبب عرق ودي الأرض تنشق وتبلعني

ثم بدت تقترب مني شوي شوي .. وأنا أتجاهلها ومنزل عيوني للأرض وخايف .. واقتربت أكثر وأكثر وغمضت عيوني

كل شوي ترقص وتقترب .. ترقص وتقترب .. ترقص وتقترب .. وأنا أقرأ المعوذات .. حتى حسيت بأنفاسها الحارة

ترتد في وجهي فتحت عيوني وانخرشت من براطمها اللي قدامي وأدفها بكل قوتي حتى طاحت على الأرض

قمت من مكاني أحاول الهرب لكنها لحقتني من رجلي مسكتها وطحت على بطني

حاولت التملص منها وأزحف على بطني لكنها مجوّدتني من رجلي حاولت أصيح بأعلى صوتي لكن صوت طلال سلامة كان أعلى مني وهو يقول :

مـودي توافق مع مـوده ... حلـوة حياتي بوجـوده
يامر وينهى على قلبي ... مسموح يتجاوز حدوده

ترجيتها وتوسلت اليها ان تستر علي وتخليني أروح لأهلي لكنها رفضت

حاولت المقاومة لكن وحشيتها كانت أقوى

ثم قالت لي مقولة الـ F.B.I ( كل ما كنت متعاوناً كلما كان الأمر أسهل عليك ) .. استسلمت للأمر الواقع وسلمت أمري لله ولهجت بالدعاء والتضرع بأن ينقذني من هذه الذئبة البشرية

كانت هذه الخدامة المتوحشة تسحب قميصي وتقطعه من وراء وأنا أزحف على بطني أبي أوصل للباب بكل ما أوتيت من قوة

دخت وأنهك جسمي من التعب وأيقنت بالهلاك .. حتى دخل علينا أخيراً صديقي النكبة تركي

تركي : أوووف سلطان وش قاعد تسوي مع الخدامة؟

رديت عليه وأنا أبكي : قاعد أعطيها كورس في السباحة وهي قاعدة تنقذني وتسحبني؟.. الحقني منها يا غبي

أنقذني تركي منها وطردها من البيت قبل ما يجيب لي شرشف يغطي ما انكشف من جسدي



&& المشهد الثاني &&

طلعت مع تركي وأنا مكسورة عيني أناظر تحت من الفضيحة

قلت : لازم أبلغ الهيئة على قليلة الأدب .. عيال الناس وشرفهم موب لعبة

تركي : سلطان الحمد لله على السلامة .. وبصراحة لا تلومها , أنا لو أني بنت كان خربتها معك من زمان

قلت له : ما فهمت ..وش قصدك؟

قال : يعني أنت وسيم وفتنة ومطمع للبنات وخصوصاً الذئبات البشرية

قلت : طيب وش الحل؟ راح أظل طول عمري عرضة لتحرشات البنات؟

قال : لا .. إذا تزوجت راح تستر على نفسك وتنتهي معاناتك



** المرأة الثانية **


اتفقت أنا وتركي على البحث عن عروس مناسبة لي بعد عدة خيارات وقع اختياري على معلمة

دخلت أنا وتركي بيت العروس المنتظرة نبي نخطب.. رحب بنا أبو البنت وعشّانا على دجاجتين شواية ثم دخلنا بالموضوع

تركي : يا عم محمد حنا جايين نخطب بنتك نورة لابننا سلطان .. وش رايك يا عم محمد؟

العم محمد : والله يا ولدي ما راح نلقى أحسن من سلطان .. لكن عندنا شروط واللي أوله شرط آخره نور ..

أنا : سم يا عم محمد .. أنت تامر وحنا نطامر

العم محمد : أول شي راتب بنتي يجيني كل شهر .. وثاني شي المهر أبيه مائة ألف ريال نقداً وإذا تبيه تقسيط سنتين راح يصير المهر مائة وخمسين ألف ريال .. وباقي الشروط بنتفق عليها بعد ما توافقون على هالشرطين ..!

رديت وأنا متنرفز من هالبجاحة : طيب يا عم محمد ما قلت لنا هي أصفار والا مشت كم كيلو؟

العم محمد : يا ولد وش قاعد تقول أنت؟ احترم نفسك

أنا : أنا ادري عنك؟ كنك قاعد تبيع لي سيارة بالتقسيط .. والله لو بنتك فل كامل تانكيين ومراتب جلد على هالمبلغ

ما كملت كلمتي إلا والعم محمد طاردنا من بيته



** المرأة الثالثة **


هالمرة وقع اختياري على بنت العم الطيب صالح .. جمال ودلال ودين ومال

دخلنا نخطب والحمد لله تمت الموافقة من الأهل ومن البنت

من زود الفسقة رجعنا اليوم الثاني وطلبت أن أنظر للبنت الشوفة الشرعية

وافق العم صالح ووافقت البنت وطلبوا نأجل الشوفة ليوم ثاني حتى تتهيأ البنت نفسياً .. وافقت طبعاً على مضض

باليوم الثاني رحت لهم لحالي وسحبت على تركي كنت طالع من حلاق تركي وضبطني أحلى تضبيطه

وصلت للبيت ودخلت المجلس وسولفت مع العم صالح شوي .. وفجأة دخلت الملاك علينا بالشاهي << سعوديين أكيد شاهي, أجل تنتظرونها تدخل علي بالشربات؟

ما أنكر أني يوم شفتها خقيت .. بس قلت يا ولد اثقل ترى ما يدوّخ البنات إلا الثقل

قعدت البنت قدامي بسم الله ما شاء الله عليها .. سويت نفسي ما أدري عنها ( لزوم الثقل )

حطيت رجل على رجل .. وتجاهلت وجودها حتى ما قلت لها وشلونك وقمت أسولف مع العم صالح

قامت البنت وهي مستحية .. وحسيت بعلامة النصر تبرق في عيني

استاذنت من العم صالح وخرجت وأنا دايخ من جمال هالبنت

وأنا في طريقي للبيت إلا ويجيني اتصال من العم صالح .. عرفت على طول ان البنت الخاقة معي تبي تستعجل بالملكة

- هلا يا عم صالح ..!

- ألوووه .. يا ولدي وشلونك؟

- أنا الحمد لله تمام .. أنت وشلونك ؟ بشرني عنك ؟

- الحمد لله بخير .. إلا أقول يا ولدي .. بيني وبينك . البنت قررت تكمل دراستها وتحضر الماجستير ..

- أخلى شي يا عم صالح وأنا من المؤيدين لها

- لا يا ولدي .. هي تقول انها تبي تتفرغ لدراستها وشايلة فكرة الزواج من راسها بالوقت الحالي ..!

يؤ يؤ يؤ .. يؤ يؤ يؤ وبعد يؤ يؤ يؤ


** المرأة الرابعة **


بعد ما تحطمت من الزواج جاني تركي بالحل الأكيد على قولته .. أم راكان مطلقة وعليها ولد من زوجها السابق ..!

عارضت الفكرة في البداية لكنه أقنعني بأنها الوسيلة الوحيدة للتخلص من الذئبات البشرية

وأيضاً الزواج من مطلقة لا هو عيب ولا حرام .. بالعكس مثلها مثل غيرها لكن ما حصل نصيب ..!

توكلنا على الله ورحنا نخطبها .. وتمت الموافقة وما جبت طاري الشوفة الشرعية

تم الزواج بشكل سريع واستمريت مع أم راكان سنة كاملة وكانت كلها مليئة بالمشاكل

لو أقول لها .. طسي بس ..! قالت ودني بيت أهليييييييييي ودنيييييييييي ياللللللللله

في سنة كاملة رحت بها بيت أهلها أكثير من سبعة وستين مرة

طبعاً آخر العلاج الكي .. لذلك تم الطلاق بالتراضي بعد ان وصلت حياتنا الزوجية لطريق مسدودة



المرأة الخامسة


تعقدت من فكرة الزواج خصوصاً بعد حياة الجحيم اللي عشتها مع أم راكان

اتصل بي تركي صاحب الحلول الغبية .. وجاب لي فكرة أعجبتني لكني ترددت لأن ما عمري فكرت فيها ولا تخيلتها ..!

قال لي تركي : يا شيخ خل عنك أم الركب السود وخلنا نروح لأم الركب البيض .. خلنا نزوجك سورية تدلعك وتعيشك أحلى عيشة وتستر عليك

وافقت بعد تردد .. وحزمنا الأمتعة وركبنا على متن الخطوط السعودية المتجهة إلى دمشق الحبيبة

اخترنا من أجمل البنات .. و لأن تركي له معارف في سوريا سهل علينا الموضوع كثير وتمت الموافقة ( طبعاً بدون شوفة شرعية )

تزوجت من الفتاة الشقراء البيضاء ذات العيون الزرقاء والخدود الحمراء والشفاه الوردية

قضيت معها أجمل لحظات عمري .. ما أقوم من النوم إلا والفطور جاهز .. ولما تصحيني تصحيني بشويش : أووم حبيبي
بعد ما تكون زينت نفسها ويكون منظرها يفتح النفس على هالصبح

تذكرت أم راكان لما كانت تصحيني وجلست أقارن بين الحالتين .. قم يالله بسررررررررعة ترى منب راجعة اصحيك مرة ثانية
لا والمنظر ما شاء الله الكشة طايرة فوق والصمغ لازق بعيونها المسكرة ووجه يروّع يالله لا تبلانا

المهم ..

بعد 6 سنوات جميلة قضيتها مع زوجتي الجديدة رزقنا خلالها بمولود أسميناه " رامي " حصلت بعض الظروف لأهلها هناك على حسب كلامها ..

حوّلت لحسابها مبلغ محترم بما أنها حبيبة القلب وتركت رامي حبيبي معها .. كنا متفقين انها ترجع بعد

ما تطمن عليهم .. لكن للأسف عدت أربع سنوات ولا لهم طاري

بحثت عنهم في كل مكان لكن للأسف ما قدرت أحصلهم .. يا ترى هم حيين والا ميتين؟


هذا آخر صورة كانت بحوزتي لابني رامي .. يا ليت من يعرف عنه شي يبلغ الجهات الأمنية



آآآآآآآآآهـٍ يا ولدي ... آآآآآآآآآهـٍ يا فلذة كبدي


انتهت القصة بانكساري

ما شاء الله تبارك الله .. أثرني راعي طويلة من جد؟
ما دريت ان الموضوع طويل إلا الحين
بأكتب هنا الفوائد .. عشان الكسالى بس ورده
بس لا يفوتكم التنسيق والألوان .. خلصت ألوان المنتدى معاد بقى إلا الخشبية

---------------------------

الـفـوائـد بـاخـتـصـار :

1) في هذا الزمن انتشرت الفتن .. والزواج خير معين للشاب لتجنب هذه الفتن والمغريات ..!
قال صلى الله عليه وسلم : " يا معشر الشباب من استطاع منكم الباءة فليتزوج، فإنه أغض للبصر، وأحصن للفرج، ومن لم يستطع فعليه بالصوم، فإنه له وجاء " ..!

2) من أسباب موانع الزواج غلاء المهور .. وجشع بعض أرباب الأسر مما قد يسبب عنوسة الفتاة .. مع أن الرسول صلى الله عليه وسلم قال : "إن أعظم النساء بركة أيسرهن مؤونة " ..!!

3) النظرة الشرعية أمر ضروري لنجاح الزواج , وعلى الفتاة أن تطالب بالنظرة الشرعية إن لم يطلبها الشاب ولا يردها الحياء .. فقد قال صلى الله عليه وسلم : "انظر إليها فإنه أحرى أن يؤدم بينكما" أي تدوم العشرة بينكما ..!

4) على الزوجة أن تجعل من بيتها مسكناً لراحة زوجها .. وأن تكسبه بأسلوبها الحسن حتى لا ينظر لغيرها ..!
قال صلى الله عليه وسلم : " لو كنت آمرا لأحد أن يسجد لأحد لأمرت المرأة أن تسجد لزوجها " ..!!

5) الزواج من الخارج مباح ولا شك فيه .. ولكنه ( في الغالب ) يخلف مشاكل اجتماعية جمّة ..!
الزواج استقرار وراحة بال .. لذا يجب التفكير جيداً والنظر بنظرة بعيدة المدى قبل الإقدام على هذه الخطوة ..!


وآآآآآآآآآآآآآهـ يا رامي ولدي ... آآآآآآآآآآآآآهـ يا فلذة كبدي

مساء الخير

والله موضوعك يعني ما عليه >>>ترا امزح

على طاري هالشغاله انا قريت روايه عن الشغالات بس والله يا اني انقهرت من افكارهم الوسخه وانهم ما يقدرون يعيشون من دون رجال بس والله درس لي عشان اول ما اعرس ما اجيب شغاله

على فكره ترا صاحبك تركي يمزح بعد ما قال انك تخقق واكبر دليل انو البنت ما بغتك مرتاعه من وجههك

اجل شاميه هع هع

إقتباس الرسالة الأصلية كتبت بواسطة الـمـشـاغـب وآآآآآآآآآآآآآهـ يا رامي ولدي ... آآآآآآآآآآآآآهـ يا فلذة كبدي

تستااهل ما يجييييييك اجل تترك السعوديات وتروع للبالعين الفلوس

وياكثر بنات الناس اللي مهورهم موكثيره

وادري كل اللي قلته روايه

مشكور ياسلطان على الموضوع ومبارك عليك الشهر ادري اني متاخره بس الاب توب توه يزين

تقبل تحياتي بنت فهد

بصراحه روايه منتهيه يامنتهي






أمزح أنبسطت كتير ولا حسيت بطوول الروايه





تحيااتي أيها الوسيم ..

هلا بابو خمس نساء

أححححححححححلى يا اسطورة الرواية السعودية

ياخي أرحم خلق الله وش خليت لهم
اسطورة البلياردو واسطورة الرواية و......... و........ الخ


لي باك

.........

باك

إقتباس ( أسطورة الرواية السعودية المشاغب )

أرحمنا يا سامي الجابر

إقتباس ( لو أشوف أحد منكم يصدق الهياط اللي فوق , فترى أمه داعية عليه بصلاة الليل ولا يلوم إلا نفسه )

طيب أنا صدقت بس سألت امي قالت مادعيت عليكـ
يمكن مديّنهـ أحد يدعي علي


نجي لمشاهدكـ الي مدري وش تبي
مشكلتي تحمست من البدايهـ ونسيت انط أول مشهد

إقتباس - أوك يا قلبي .. بس لا تتأخر ..!

لا والله اشوى يرجى منكم خير بينكم كلام مؤدب ورومانسي
على خبري يالعيال ماتقولون إلا انقلع يا........ , طيب يا ......... , أوكي يا ..........
وكل الاشياء وعهـ لازم تسبون بعضكم

إقتباس " سلطان يا أغلى أخ وأعز صديق .. الله لا يحرمني منك "

آمين الله يخليكم لبعضكم

إقتباس - على تبن بس .. وأنا حسبتك مشتري هدية عليها القيمة وآخرتها ورقة؟ الشرهة على اللي يرجي من ورا وجهك خير

اييييييييوة آي
هذا الي نتكلم عنهـ فوق
هذا الكلام حقكم

إقتباس ثم قامت بمحاولات عشان تلفت انتباهي وبرضه تجاهلتها

يا ثقل

إقتباس دخلت شوي ثم رجعت ومعها مسجل شغلت المسجل بأعلى صوت على أغنية طلال سلامة : دخل مزاجي وعاجبني ...... من يوم شفته تملكني حبيت روحـه وحـبـّيتـه ...... الله مـنـه لا يـحرمنـي

ههههههههههههههههههههههههههههههههههههههههههههههههههههههههههـ
عليها جو مدري كيف عايشتهـ

إقتباس بدت الخدامة المسطولة تدبك وترقص رقص مثير .. وأنا مستمر بتجاهلي وأتصبب عرق ودي الأرض تنشق وتبلعني ثم بدت تقترب مني شوي شوي .. وأنا أتجاهلها ومنزل عيوني للأرض وخايف .. واقتربت أكثر وأكثر وغمضت عيوني كل شوي ترقص وتقترب .. ترقص وتقترب .. ترقص وتقترب .. وأنا أقرأ المعوذات .. حتى حسيت بأنفاسها الحارة ترتد في وجهي فتحت عيوني وانخرشت من براطمها اللي قدامي وأدفها بكل قوتي حتى طاحت على الأرض قمت من مكاني أحاول الهرب لكنها لحقتني من رجلي مسكتها وطحت على بطني حاولت التملص منها وأزحف على بطني لكنها مجوّدتني من رجلي حاولت أصيح بأعلى صوتي لكن صوت طلال سلامة كان أعلى مني وهو يقول : مـودي توافق مع مـوده ... حلـوة حياتي بوجـوده يامر وينهى على قلبي ... مسموح يتجاوز حدوده ترجيتها وتوسلت اليها ان تستر علي وتخليني أروح لأهلي لكنها رفضت حاولت المقاومة لكن وحشيتها كانت أقوى ثم قالت لي مقولة الـ F.B.I ( كل ما كنت متعاوناً كلما كان الأمر أسهل عليك ) .. استسلمت للأمر الواقع وسلمت أمري لله ولهجت بالدعاء والتضرع بأن ينقذني من هذه الذئبة البشرية كانت هذه الخدامة المتوحشة تسحب قميصي وتقطعه من وراء وأنا أزحف على بطني أبي أوصل للباب بكل ما أوتيت من قوة دخت وأنهك جسمي من التعب وأيقنت بالهلاك ..

ههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههه

أجل خدامه




&& المشهد الثاني &&

إقتباس قلت : لازم أبلغ الهيئة على قليلة الأدب .. عيال الناس وشرفهم موب لعبة

إقتباس قال : يعني أنت وسيم وفتنة ومطمع للبنات وخصوصاً الذئبات البشرية

ههههههههههههههههههههههههههههههههههههههههههههه
الذئبات البشريهـ أجل

ماشاءالله طلع فيهـ ذئبات

إقتباس العم محمد : أول شي راتب بنتي يجيني كل شهر .. وثاني شي المهر أبيه مائة ألف ريال نقداً وإذا تبيه تقسيط سنتين راح يصير المهر مائة وخمسين ألف ريال .. وباقي الشروط بنتفق عليها بعد ما توافقون على هالشرطين ..!

أوامر ثانيهـ طال عمرهـ
من جد سيارة مو بنت

إقتباس ما أنكر أني يوم شفتها خقيت .. بس قلت يا ولد اثقل ترى ما يدوّخ البنات إلا الثقل قعدت البنت قدامي بسم الله ما شاء الله عليها .. سويت نفسي ما أدري عنها ( لزوم الثقل )

عشان كذا خقت معكـ الخدامه
كنت مسوي عندها ثقل

إقتباس - لا يا ولدي .. هي تقول انها تبي تتفرغ لدراستها وشايلة فكرة الزواج من راسها بالوقت الحالي ..! يؤ يؤ يؤ .. يؤ يؤ يؤ وبعد يؤ يؤ يؤ

سؤال جدي
وش شعوركم يالعيال اذا ردتكم البنت ..!!
وش يجي ببالكم سبب رفضها ..!!

إقتباس طبعاً آخر العلاج الكي .. لذلك تم الطلاق بالتراضي بعد ان وصلت حياتنا الزوجية لطريق مسدودة

لا تعليق
<<

إقتباس قال لي تركي : يا شيخ خل عنك أم الركب السود وخلنا نروح لأم الركب البيض .. خلنا نزوجك سورية تدلعك وتعيشك أحلى عيشة وتستر عليك

يعني راي خويكـ تركي نروح ندور لنا حنا ابو البجامه والذوق
أحسن من ابو سروال السنهـ

إقتباس هذا آخر صورة كانت بحوزتي لابني رامي .. يا ليت من يعرف عنه شي يبلغ الجهات الأمنية آآآآآآآآآهـٍ يا ولدي ... آآآآآآآآآهـٍ يا فلذة كبدي

هذا الولد شايفتهـ مع ابو ثاني
بس ام رامي سحبت عليكـ وأخذت فلوسكـ يالمخفهـ وتزوجة حبيب القلب




نجي للكلام الي ماضنتي انت كاتبهـ
لأنهـ وعلى بلاطهـ كلام كبير الي يشوف موضوعكـ مايقول هذا ردكـ

إقتباس 1) في هذا الزمن انتشرت الفتن .. والزواج خير معين للشاب لتجنب هذه الفتن والمغريات ..! قال صلى الله عليه وسلم : " يا معشر الشباب من استطاع منكم الباءة فليتزوج، فإنه أغض للبصر، وأحصن للفرج، ومن لم يستطع فعليه بالصوم، فإنه له وجاء " ..!

الفتن خطر على العيال والبنات

يالله الستر

إقتباس 2) من أسباب موانع الزواج غلاء المهور .. وجشع بعض أرباب الأسر مما قد يسبب عنوسة الفتاة .. مع أن الرسول صلى الله عليه وسلم قال : "إن أعظم النساء بركة أيسرهن مؤونة " ..!!

فيهـ بعض الأبهات الله يصلحهم
مدري وشو لهـ كل هالطمع
أنت تبي الفلوس وإلا تبي الستر لبنتكـ ..!!
وراتبها وش تبي فيهـ خلهـ لها بهالوقت راتبها على راتبهـ ويالله يعيشون

إقتباس 3) النظرة الشرعية أمر ضروري لنجاح الزواج , وعلى الفتاة أن تطالب بالنظرة الشرعية إن لم يطلبها الشاب ولا يردها الحياء .. فقد قال صلى الله عليه وسلم : "انظر إليها فإنه أحرى أن يؤدم بينكما" أي تدوم العشرة بينكما ..!

النظرة أنتم المساكين فيها
حنا نقدر نشوف بصورة وإلا على الطبيعهـ بالسيارة
بس أنتم يا حرام
الله يوفق الجميع ان شاء الله

إقتباس 4) على الزوجة أن تجعل من بيتها مسكناً لراحة زوجها .. وأن تكسبه بأسلوبها الحسن حتى لا ينظر لغيرها ..! قال صلى الله عليه وسلم : " لو كنت آمرا لأحد أن يسجد لأحد لأمرت المرأة أن تسجد لزوجها " ..!!

اذا البيت مو للراحهـ النفسيهـ والبدينهـ وين بتكون الراحهـ




المشاغب ورده
أهنيكـ على هالنقاط
لا عدمنا هالــ (العقل) أما الهبال مانبيهـ

إقتباس وآآآآآآآآآآآآآهـ يا رامي ولدي ... آآآآآآآآآآآآآهـ يا فلذة كبدي

يا ام رامي هانت عليكـ العشرهـ مع ابو رامي
حرام عليكـ ردي لهـ
<< مشاركهـ وجدانيهـ



* باللهي تدقيق املائي على الرد وخاصهـ التاء الصدقية والتاء الي تستهبل مع الهاء ماني مسؤلة عن اي خطأ املائي



بس خلصنا ورده

حركات يا خمس بنات يعني تعلمنا إنك وسيم ترى كلنا وسيمين مو انت ولا عمرنا في بنات لحقونا

وعقبال ما تصير المنافس لأبو ريمان ولمهند

س / فيه جزء ثاني ؟؟؟

اجلدك يا نذل...

ليه ما تقول انك بتنزل الموضوع الحين ..وانا جلست اطلبك فيه..
ـــــــــــــــــــــــــــــــــــــــــــــــــــــــــــــــــــــــ

هلا وغلا بابورامي..

الحمدلله انك عجلت على الموضوع قبل رمضان بس..

إقتباس مهما كانت محاولاتهم جيدة نوعاً ما إلا أنها لن تصل لأسلوب ( أسطورة الرواية السعودية المشاغب )

إقتباس

يالبى قلب الاسطوره..

اسطورة البلياردو..واسطورة كرة الخشم اقصد القدم..واسطورة الروايه ..واسطورة الخرفنه..الخ الخ.. وش خليت لنا يا ظالم.؟؟

بكرا اذا بتروح وما القاك قدامي...من غير ما اشوفك ما اتخيل ايامي...(-- اول شطحه ..

إقتباس مـودي توافق مع مـوده ... حلـوة حياتي بوجـوده

إقتباس يامر وينهى على قلبي ... مسموح يتجاوز حدوده

هههههههههههههههههههههههههههههههههههههههههـ
ابو شكلك يالخروف ..تبي تقنعني لو يصير لك نفس الموقف بالصدقي بتترجاها..؟

قسم ان تصير علوم..

إقتباس - هلا يا عم صالح ..!

إقتباس - ألوووه .. يا ولدي وشلونك؟ - أنا الحمد لله تمام .. أنت وشلونك ؟ بشرني عنك ؟ - الحمد لله بخير .. إلا أقول يا ولدي .. بيني وبينك . البنت قررت تكمل دراستها وتحضر الماجستير .. - أخلى شي يا عم صالح وأنا من المؤيدين لها - لا يا ولدي .. هي تقول انها تبي تتفرغ لدراستها وشايلة فكرة الزواج من راسها بالوقت الحالي ..! يؤ يؤ يؤ .. يؤ يؤ يؤ وبعد يؤ يؤ يؤ

هذي تصريفه يالفاغر ...
(--- داخل جو مع الروايه..

إقتباس تزوجت من الفتاة الشقراء البيضاء ذات العيون الزرقاء والخدود الحمراء والشفاه الوردية

إقتباس

وهـ بس...
اخر كلمتين تضيع الواحد..


سلتان..
دمت خروفا حقيرا مبدعاً..



شطحه (2)
تضيق بي الدنيا..وارتاح في شوفك
لا جيت ابفرح فيك...جت ضدي ظروفك










سلاااااااااااااااااااااااااام

خخخخخ موضوع تحيف ياابو رامي وازين مابالموضوع انك قلت الكلمه الي يترجمونها بالافلام ياحقيره خخخخ <<<مايقصد شي




خخخخخ رامي مثل خشت ابوه بريعان الطفوله


لي باك بعد مااصحى

يعطيك الف عافيه ياشرهان الخرفان

ان شاء الله يعود رامي لأمه

الا حقيقيه والا من بنات افكارك ..؟

ـــــــــــــــــــــــــــــــــــــــــــــــــــــــــ

باك

إقتباس ( أسطورة الرواية السعودية المشاغب

أسطوره أسطوره ..درينا تراك ابلشتنا كل دقيقه والثانيه

اسطوره ساطوره انت وتخب عليك ..بس عساك

تسن الساطوره صح

إقتباس تركي وهو مستحي : ما قدرت أعبر لك عن مشاعري ومواقفك معي يالغالي إلا عن طريق هالورقة

شايف انت قدامك سن 15 وتحت قال ايه قال صديقي ورقه

وكاتب اعبرلك عن مشاعري ..و ماادري ايش .... ودي اصدق انه

تركي بس ماش بطني يمغصني ..<< صورة فيس يقول

أحسنوا الظن مقدار خيشه

إقتباس كانت نظرات الخدامة لي تخوّف لكني تجاهلتها .. ثم قامت بمحاولات عشان تلفت انتباهي وبرضه تجاهلتها بالأخير عصبت وقالت كلمة انقليزية يترجمونها بالأفلام ( تباً لك ) ولأني ما أرضى الإهانة ما سكت لها ورديت عليها بالانقليزي بكلمة ترجمتها بالأفلام ( حقيرة ) .. لكنها بدل ما تعصب ابتسمت لهالكلمة وكأنها تنتظرها من زمان

طيب كيف بالله تجاهلتها ؟

جد أشرح لنا تجاهلتها >> بس نلعب لعبة الكراسي وتصير أتجهت لها بس

كيف أتجهت صوتي والا ليك الواوا .. بس عشان يفرق ابو 15 فما فوق


<<< هههههههههههههههههههههه

بعدين والله درينا انك فاهم ومعك لغه وتتابع افلام حنا تبع أنيس عبيد والقناة الثانيه
.. لكن اذا الساطوره له ترجمه خاصه موب ذنبنا .. << الله الهادي

إقتباس كل شوي ترقص وتقترب .. ترقص وتقترب .. ترقص وتقترب .. وأنا أقرأ المعوذات .. حتى حسيت بأنفاسها الحارة ترتد في وجهي فتحت عيوني وانخرشت من براطمها اللي قدامي وأدفها بكل قوتي حتى طاحت على الأرض قمت من مكاني أحاول الهرب لكنها لحقتني من رجلي مسكتها وطحت على بطني

اوف اوف والله انها بطلةً فاهر .. بس متأكد أنت ماشفت الفلم المصري

اللي كتبه الدكتور .. ميسره .. الله يهديك بس شكلك تقوم وانت تشوفه وتنام عليه

طبعاً اقصد الدكتور ميسره لذلك الله يصلحك متاثراً بالحيل بالقصه فروح

خنبق على صيد الانترنت والا منتدى الالعاب تراهم

يرحبون بنوعيتك المنقرضه

طيب والي جاب لك هديه قيمه صوره لحادثتكم بالصوت والصوره مباشر ..بس

عشان نبين انك ظلمت بنت الناس وقصدها شريف كل الأمر حبت تدربك على

(( رقصة الدحــــــــــــــــــــــــــــــــــــــه ))

http://up5.m5zn.com/ev9xidg6c2c7/_________________...mp4.htm


هذا هو المقطع عاد ان شاء الله يفتح معاكم مشاهدينا

فيه من الخقه ماللله بهِ عليم ..على قولة وحده فاهر اسمها ( بلو ستار ) وراهن كن

بهن .................. بس أنت خذ يمين وركز على الورديه

إقتباس أنقذني تركي منها وطردها من البيت قبل ما يجيب لي شرشف يغطي ما انكشف من جسدي

وجلست تمثل مع تركي وتطبق فيديو كليب اليسا يمدحون جلال الصلاة

لاصار لونه كحلي منقط بأبيض

كيف بس فرد شعرك ياابو قذيله عساه جاب نتيجتن طيبه ..

إقتباس قال : يعني أنت وسيم وفتنة ومطمع للبنات وخصوصاً الذئبات البشرية قلت : طيب وش الحل؟ راح أظل طول عمري عرضة لتحرشات البنات؟ قال : لا .. إذا تزوجت راح تستر على نفسك وتنتهي معاناتك

يعني صديقك لو مالف ودار وقال اهم شي الأخلاق

يامفيد فوزي صدقني أهم شي الأخلاق هي الجمال الحقيقي ..لكن اذا بتستمر على

وضعك وتتابع الدكتور ميسره بتصير مطمع لكل شغاله بنقاليه معوقه >>> حده

سيلانيه وتخب

إقتباس وثاني شي المهر أبيه مائة ألف ريال نقداً وإذا تبيه تقسيط سنتين راح يصير المهر مائة وخمسين ألف ريال

مهر نــاقه ذا << خشتن متربعه وتقول هل من مزيد كل شي له فوائد ومضار

إقتباس .. بس قلت يا ولد اثقل ترى ما يدوّخ البنات إلا الثقل قعدت البنت قدامي بسم الله ما شاء الله عليها .. سويت نفسي ما أدري عنها ( لزوم الثقل ) حطيت رجل على رجل .. وتجاهلت وجودها حتى ما قلت لها وشلونك

خلكـ حمش وصميدع لا تصير رخمه عطها العين الحمراء ..وان حاصل وانت

طالع تاطأ رجلها لامانع .. ترى الرِجل فالً طيب << خشة وحده ليبيه وتقول

هلبا هلبا

إقتباس - لا يا ولدي .. هي تقول انها تبي تتفرغ لدراستها وشايلة فكرة الزواج من راسها بالوقت الحالي ..!

<<< والله ماردني عن العياره هنا الا أن الحوبه شينه

لذلك أكتفي بـ

إقتباس بعد 6 سنوات جميلة قضيتها مع زوجتي الجديدة رزقنا خلالها بمولود أسميناه " رامي

والله عرفت تضبطك السوريه أجل 6 سنوات وولد واحد

ولا ومن زود الملح اسمه رامي


مانقصكم من الزين الا رامي مفيد فوزي .. يجيب الله مطر


اوما الفوائد ...

ماجبت شي جديد ... الله يسلم مطوية الدكتور ميسره


خلاص عاد أكتفي بهذا الرد ياالساطوره بارك الله بمن زار وخفف ...

>>> >>>

( سبحانك اللهم وبحمدك اشهد ان لا اله الا انت استغفرك واتوب اليك ) ...

إقتباس الرسالة الأصلية كتبت بواسطة nor alshams هلآ ومرحبآ بالسلطان المشاغب ورده ..

....... حقوق الاسم محفوظة عندي بس .......

إقتباس الرسالة الأصلية كتبت بواسطة ريري هكتور يعطيك الف عافيه ياشرهان الخرفان ان شاء الله يعود رامي لأمه الا حقيقيه والا من بنات افكارك ..؟ ـــــــــــــــــــــــــــــــــــــــــــــــــــــــــ باك أسطوره أسطوره ..درينا تراك ابلشتنا كل دقيقه والثانيه اسطوره ساطوره انت وتخب عليك ..بس عساك تسن الساطوره صح شايف انت قدامك سن 15 وتحت قال ايه قال صديقي ورقه وكاتب اعبرلك عن مشاعري ..و ماادري ايش .... ودي اصدق انه تركي بس ماش بطني يمغصني ..<< صورة فيس يقول أحسنوا الظن مقدار خيشه طيب كيف بالله تجاهلتها ؟ جد أشرح لنا تجاهلتها >> بس نلعب لعبة الكراسي وتصير أتجهت لها بس كيف أتجهت صوتي والا ليك الواوا .. بس عشان يفرق ابو 15 فما فوق <<< هههههههههههههههههههههه بعدين والله درينا انك فاهم ومعك لغه وتتابع افلام حنا تبع أنيس عبيد والقناة الثانيه .. لكن اذا الساطوره له ترجمه خاصه موب ذنبنا .. << الله الهادي اوف اوف والله انها بطلةً فاهر .. بس متأكد أنت ماشفت الفلم المصري اللي كتبه الدكتور .. ميسره .. الله يهديك بس شكلك تقوم وانت تشوفه وتنام عليه طبعاً اقصد الدكتور ميسره لذلك الله يصلحك متاثراً بالحيل بالقصه فروح خنبق على صيد الانترنت والا منتدى الالعاب تراهم يرحبون بنوعيتك المنقرضه طيب والي جاب لك هديه قيمه صوره لحادثتكم بالصوت والصوره مباشر ..بس عشان نبين انك ظلمت بنت الناس وقصدها شريف كل الأمر حبت تدربك على (( رقصة الدحــــــــــــــــــــــــــــــــــــــه )) http://up5.m5zn.com/ev9xidg6c2c7/_________________...mp4.htm هذا هو المقطع عاد ان شاء الله يفتح معاكم مشاهدينا فيه من الخقه ماللله بهِ عليم ..على قولة وحده فاهر اسمها ( بلو ستار ) وراهن كن بهن .................. بس أنت خذ يمين وركز على الورديه وجلست تمثل مع تركي وتطبق فيديو كليب اليسا يمدحون جلال الصلاة لاصار لونه كحلي منقط بأبيض كيف بس فرد شعرك ياابو قذيله عساه جاب نتيجتن طيبه .. يعني صديقك لو مالف ودار وقال اهم شي الأخلاق يامفيد فوزي صدقني أهم شي الأخلاق هي الجمال الحقيقي ..لكن اذا بتستمر على وضعك وتتابع الدكتور ميسره بتصير مطمع لكل شغاله بنقاليه معوقه >>> حده سيلانيه وتخب مهر نــاقه ذا << خشتن متربعه وتقول هل من مزيد كل شي له فوائد ومضار خلكـ حمش وصميدع لا تصير رخمه عطها العين الحمراء ..وان حاصل وانت طالع تاطأ رجلها لامانع .. ترى الرِجل فالً طيب << خشة وحده ليبيه وتقول هلبا هلبا <<< والله ماردني عن العياره هنا الا أن الحوبه شينه لذلك أكتفي بـ والله عرفت تضبطك السوريه أجل 6 سنوات وولد واحد ولا ومن زود الملح اسمه رامي مانقصكم من الزين الا رامي مفيد فوزي .. يجيب الله مطر اوما الفوائد ... ماجبت شي جديد ... الله يسلم مطوية الدكتور ميسره خلاص عاد أكتفي بهذا الرد ياالساطوره بارك الله بمن زار وخفف ... >>> >>> ( سبحانك اللهم وبحمدك اشهد ان لا اله الا انت استغفرك واتوب اليك ) ...