عبدالرحمن احنا وش سوينا لهم عشان يسوون لنا كذا ؟! عـائلة سعـودية .. تقرر السـفر.. اسـتودعت بيتها الله أولاً .. ومن ثم رجـال أمن هـذا الـبلد .. // 4أربـعةُ أيـام هـي فـترة الرحـلة .. بدأت من عَصـر الإثنـين 17/08/1429هـ - 18/08/2008م . يـوم العـودة كان الجمعة .. الخـبر يـصل إلينا ونحـن في طـريق العـودة إلـى الريـاض .. البـيت تمـت سـرقته من قِبـل مجهـولين ! الخـبر يـصل إلـى الشـرطة .. انتـظار عند بـاب المنـزل دون الدخـول إليـه ( لكـي لا تُفقـد البصمـات ) . الشـرطة لم تصـل .. ولم تُفـكر أن تصـل ..! ذهـابٌ إلـى مركـز الشـرطة .. الشـرطة لم تـأتي إلا بعدما وصـل المواطن (الخال إبـراهيم ).. طـالَب رجال الـشرطة بالقدوم .. وتوسـّل إليهم وكأن الأمر فيه تفضّلٌ منهم ! رجـل الشـرطة يصـل للمنزل .. ويـرفض الدخـول بحُجة أن صـاحب المنـزل غير موجود ! العـائلة تصِـل للمنـزل .. تُفجـع بأن شُبّاك البـيت الحـديدي قد كُسـر ..! اللـصوص يختـرقون المـنزل .. يسـرِقون ما به.. الـذهب .. المجوهرات .. الألماسـات .. السـاعات الثمينـة ..سيـارة هـي أحـدث طراز !! الأجهـزة الكهـربـائية الثمينـة تُـسرق ! // من السـاعة الثانية من ظهر الجمعة .. إلـى السـاعة الخـامسة عصـراً .. كنا ننتـظر فنـي البصمـات .. لكن ثَمّ تجـاهُلٌ غـريب من رجـال الـشرطة .! الجـار الفـاضل أبوخـالد "يفـزع" كـون أنه رجـل فـاضل بالمقـام الأول .. وكونه رجلٌ وفـيّ .. و أنه "واصـل" ..!! يصـل فنـي البصمـات بفضل الله ثم بفضل الجار العزيز .. يحـاول رفـع البصمـات .. لكن لا بصمـات !! \\ الغـريب .. أن فنـي البصمـات وصـل للمكـان دون وجـود أي محقق لتحقيق الحادثة وأخـذ أقـوال "الجيـران" الـذين أتحـفونا بأقوال أعتقـد أنها مفيـدة جداً لرجال الشـرطة !! // فنـي البصمـات يغـادر المكـان وذيّل خـروجه بقـوله ( احصـروا المسـروقات وراجعونا في مركز الشـرطة) !! آمنـا بالله .. راجعنـا مـركز الشـرطة هـذا الصبـاح ! العسكـري في المـركز يتسـاءل ( عندكم فواتير للمسروقات ) يالـهُ من رجـل بـارع .. يـبدو أنـه تحـصّل على شهـادات في علم التحقيق من أعـرق جـامعات العـالم .. \\ قبـل شهـر من هـذه الحـادثة .. أحد الجيـرا يَفـقد 12 طقماً من الـذهب الخـالص في ليلة زواج ابنته ! // جـارٌ آخـر يُسطـى بيته .. لكـن اللصوص لم يجـدوا أي شـيء يستحـق أن يطلـق عليه "سارقاً" بسببه .. فاكتـفوا بتمـزيق أثـاث المنزل !! \\ أيـن الأمن الـذين يدّعـونه ؟ هـل يعقل ثلاثُ منـازل تُسطـى في شهـر واحد .. في ظـل عدم وجـود أي رقـابة ؟! // السـيارة يُعثَر عليهـا في أحـد شوارع التفحيط في الريـاض .. يتم العثـور على "زقارتين وبيالة شاهي" .. ذكـر أحـدهم أنه يجـب أن تُحـفظ هـذه المحصولات لكـي تحلل عن طـريق الـ DNA ! في حقـيقة الحـال .. لا نعلـم إن كـان هُنـاك ثَمّ DNA فـي بلدنا ! لكـن لا بـأس من الإقدام على هـذه الخطـوة . فـيديو للسيارة وقـد وجدت في أحـد الأراضي في الرياض ! http://kanhona.googlepages.com/srqa.jpg \\ عبدالرحمن احنا وش سوينا لهم عشان يسوون لنا كذا ؟!</STRONG> أفكـاري جداً مشتتة .. فـليُجب أحدكم أخي الأصغر عن سؤاله . رُحمـاك اللهم .. أيـن الأمن الـذي يدّعـونه !! |
والله وانا اخوك كان الله بالعون لكن اذا كان هناك واسطه راح يجون لكن ما فيه واسطه للاسف ما في احترام |
لاااا حووول ولا قووووة الا بالله :bigeek::upset::upset: اجل اللي سارقين البيت والمجوهرات والسيارة هم نفسهم الشرطة !! وابصم لك بالعشرة :yes::upset: |
هلا فيك عبد الرحمن وحياك ورده .. أتذكر قبل سنه تقريباً .. كان جارنا حالته الماديه بسيطه جداً .. أعتاد وهو عايلته على السفر كل اجازة لأقاربه لأحد المدن القريبه من الرياض في كل سفره يسرق البيت بدوون مبالغه .. جوالات ذهب تلفزيونات اسطوانات غاز وكل ماهو ثمين !! وصل الأمر إلى الشرطه أكثر من مرة لكن بدون أي فايده !! قبل سنه تقريباً ماكان في بيتنا أحد فاضي تماماً .. كنا طالعين للأستراحه المعتاده اسبوعياً رجعنا للبيت دخلنا ولا البيت منفوض لك نفض من اوله لاخره .. فلوس أجهزة كمبيوتر ذهب وكل الي قدروا عليه !! السارق مثبت في القران بقطع اليد من زمان ما سمعنا بهذة الاحكام !! الان سجن وجلد ومن ثم يطلق صراحة ويعود بعد ذلك وهو ظامن ان المسالة سجن وبس لكن لو فيه حد وقطع يد كان كلهم خافوا واعتبروا. |
عادي ما فيه شيء جديد :( .. تعودنا على هالشيء ْ الحل الوحيد .. إنك تقوم تصلي ركعتين وتدعي ربي يهدي اللي سرقوا الأغراض .. لا تستهين بكلامي .. والله جربتها مفعولها بنص ساعه !! رجع لبيتنا كل ما سرق منه .. ما يقارب 70 أل فريال سعودي .. بدعوهـ واحدهـ عادت ولله الحمد } الله يعوضكم يا عبدالرحمن .. ورده |
لا حول ولا قوة الا بالله .. ! أي إهمااال هذا !!! لكن ما أقول الا الله لا يوفق السارق .. ! ولا الي عاونه و كان سبب في هالتأخير .. !! و الله يعوضكم بخير منه .. حسبنا الله و نعم الوكيل .. |
افا .. اسأل الله تعالى ان يعوضكم بخير .. ي اخي هالناس م يخافون الله .. حسبنا الله عليهم وبس .. مالك الا انك تدعي الله سبحانه ... على طاري السرقات .. انا عن نفسي انسرقت سيارتي مرتين ... وكل مرة اجدها كما وجدتم سيارتكم .. والمشكلة ان السارق لم يكتف بانه سرق .. لكن اول م فتحت باب السيارة .. لقيتهم يطفون السجاير على مرتبة السيارة .. المرتبة م تنفع ... مقود السيارة .. انواع الطبعات والاسماء .. ياخذون ولاعة السيارى الي تكون جنب المسجل ... ولما تصير حارة يطبعون على الدركسون ..!! المسجل اخذوه .. الكفرات بالجنوط .. يعني م ادري ايش النجاسة الي فيهم .. السيارة مكسرة مع كل محل .. وسيارة عمي اشتراها جديدة .. اذكر كانت باترول 97 او شيء كذا .. اول م نزل هالموديل. . وسرقت من امام منزله في حي الروابي .. والى يومك م لقاها :) اسأل الله ان يعينكم ويساعدكم .. واذا فيه شيء اقدر اساعدكم فيه .. او اعضاء المجلس .. صدقني م راح نتأخر .. الله يعينكم |
إقتباس:
.. سلملي على هالعسكري :upset: شكله متخرج من الكليه التقنيه:upset: إقتباس:
ضيّعوه:surprised: إقتباس:
يعرفون الـ DNA:bigeek: http://kanhona.googlepages.com/srqa.jpg لحوـوـوـول :upset: والله لو إنهم يطبقون على الحرامي " قطع اليد " كان تقل نسبة السرقات بنسبه كبيره لكن سجن كمن شهر ويطلع يسرق مره ثانيه:upset: مـآ أقدر أقولكم يابو داحم إلا الله يشل إيدينهم :upset: والله يعوضكم خير آمين |
لا حول ولا قوة الى بالله شي محزن والله لكن كلام أخوي y7y7 سليم كثروو عيال الحرام بالديره والله الله لايوفقهم .. الله يشل أيمانهم .. |
.. . .. لآ حول و لا قوة الاباللهـ ../ .. هي تجي من الحرآميَهـ و إلا من رجآل الشرطة >_< ..! .. معوضين خير يآ صقيقي .. عليكمـ بـ سهآم الليل ..} الدعآء أحسن حل .. و اذآ البشر مآ سوو شي فـ رب البشر [ موجود ] , الله على هـ الدنيآ يعين .. ^_^ , ~ [ .. تقبل مروري .. ] ..@ . . http://www.sndoqy.com//uploads/caa36aec79.png Marco Rossi |
.. هلا عبد الرحمن قبل كم شهر سافرنا للرياض وكنا معزومين عند واحد من العائلة المهم بعد ماجلسنا يدق تليفون الوالد السواق : الو بابا الوالد : نعم خير ؟ السواق : بابا في حرامي ادخل بيت الوالد : ايييييش ؟ ومتى ؟ ومسكتهم ؟ السواق : لا بابا انا خووف :( الحاجة تجبره ع السرقة :yes: اللله يعوضك يا عبدالرحمن :smilie47: .. |
. . بسم الله الرحمن الرحيم :smilie47: .. لاحول ولا قوة الا بالله ,, كثر الفساد بالمملكة وصرنا نسمع بالحالات كل اسبوع :( ,, أعتقد إهمال الأمن هو الشئ الأساسي في هالحالات .. برودة اعصاب مع المواطن وإهمال دون تحرك ! ويقول DNA ؟! .. اسمع هذه القصة عن الأمن .. مرة واحد من أخوياي كان قاعد بالمجلس داخل البيت هو وابوه وشوي يسمعون صوت السيارة تطلع صوت { يعني احد يحآول يسرقها ] :yes: وعلى طول تحركوآ يفتحون باب الشارع ! وتخيلوآ طلع رجل من الشرطة قاعد عند السيارة ..! يحآول سرقتها ! فلم سألوه قال لا كان هناك حرامي وهرب . ,, يعني لا احد يستبعد ان رجل من الشرطة يسوي مثل هالحركات دام إهماله موجود .. أخوي عبدالرحمن :smilie47::smilie47: إذا مأخذوآ حقك رجال الأمن يآخذه لك رب الكون وهذا قضاء الله وقدره وأهم شئ الصحة والعافية الله يعينك ويوفقك أمين |
الحمد لله "لا حول ولا وقة الا بالله انا لله وانا اليه راجعون" "وبشر الصابرين الذين اذا صابتهم مصيبة قالوا انا لله وانا اليه راجعون" اخوي عبد الرحمن .. المؤمن مبتلى وهذا قضاء الله وقدره .. والحمد لله على كل حال .. اهم شي سلامة النفس وكل شي مصيره للزوال .. "ويبقى وجه ذو الجلال والاكرام" وقل لاخوك ما سويتوا شي .. هذا اسمه "قضاء وقدر" وعلمه ان المؤمن "اذا أصابته سراء شكر فكان خيرا له، واذا أصابته ضراء صبر فكان خيرا له" والله يعوض علينا وعليكم وعلى كل مبتلى بالدنيا والآخرة .. |
لا حول ولا قوة الا بالله.....!! معوضين خير ان شاء الله وحسبنا الله عليهم....؟! والأمن كملها بعد...؟! ان شاء الله يرجع الحق للاصحابه..! |
لاحول و لاقوة الا بالله.. الله يعوضكم.. و الله الواحد هالأيام يخاف على نفسه اذا مشى بالشارع.. هذه من علامات الساعة.. (انتشار الخوف و انعدام الأمن) قبل كم يوم.. الصبح الساعة 6تقريبا.. العامل البنغالي يغسل السيارة.. فجأة رنّ الجرس و ردّت عليه الوالدة الله يخليها و قال: (حرامي .. حرامي) أمي طار عقلها.. بسرعة أخبرتني.. جاء في ذهني أن ثمّة حرامية دخلوا البيت.. الوالد الله يخليه نايم.. فلم يحن موعد استيقاظه.. خرجت مسرعا بعد أن أخذت سكينا من المطبخ للدفاع عن نفسي فقط.. بحثت في المنزل كله.. لايوجد أحد.. و لمّا خرجت وجدت البنغالي يغسل السيارة و لا فيه الا العافية.. سألته وين الحرامية اللي تقول؟؟ قال المسكين و الخوف قد ملأ ملامح وجهه.. قبل قليل و أنا أغسل السيارة.. و قف عندي شباب بجمس و قالوا لي: هات الجوال و الفلوس.. يقول: فركضت ورنّيت الجرس.. فهربوا بسرعة.. ماذنب هذا العامل.. يأتي من آخر الدنيا ليبحث عن لقمة تسد جوعه و جوع عياله..!! وبالنهاية.. يأتي شاب فاشل في كل شئ.. و يأخذ كل ما يملك هذا العامل من هذه الدنيا..!! اللهم لا تبتلينا.. (بطالة - ارتفاع اسعار فاحش - خريجين جامعات ببيوتهم - الأمن لا يهتم إلا بالإرهابيين و الباقي يحلّه ربّك...الخ) لا أبرر لأحد.. لكن كل هذا يحدث.. من الطبيعي أن تنتشر السرقة؟؟ في ظل هذه الأسباب.. و لاتنسى.. (وفاة الضمائر و إنحطاط الأخلاق) شكرا لك.. (التميمي) |
الوقت المعتمد في المنتدى بتوقيت جرينتش +3.
الوقت الان » 05:49 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd