|
لا حول ولا قوة الا بالله الله يكون بالعون لكن سبب كل هذه السرقات عدم تطبيق العقوبه الشرعيه ( قطــ ع اليد ) والله اعلم __________________________________ |
وعليكم السلام ورحمه الله وبركاته هلا بك اخوي اولا الله يعوضكم خير حوادث السرقات ياكثرها لو بنتكلم ماخلصنا والله بيتنا االاول جتنا عقده من كثر السرقه لدرجه ابوي قفله كانه سجن ماصرنا نشوف الشمس ولاجا مطر انواع الازعاج :d والله الحين لما نسافر اتحمس اخذ الاالاب توب والكاميرا اخاف تنسرق :upset: وهالحراميه ماينفع تحط حديد او خشب يكسرون كل شي ماينفع الا اجهزه الانذار والكاميرات المخفيه والله مدري لـ متى بنجلس نتفرج على السرقه والله حتى لو تحط حارس للبيت او السواق ماينفع الحين استغفر الله يسرقون وانت فيه بالتنويم وهالخرابيط لو نتكلم لبكره ماراح يفيد كلامنا ونخاف يكون مردنا للحاير بس :d الله يديم الامن علينا ويفتح على قلوبهم الله يعوضكم خير ويكون بعونكم الهنووف كانت هنا ورحلت |
عـائلة سعـودية .. تقرر السـفر.. معذورة من هالبراد اللي فيه والسياحة الداخلية اسـتودعت بيتها الله أولاً .. ومن ثم رجـال أمن هـذا الـبلد .. وتركت الاشياء الثمينة // 4أربـعةُ أيـام هـي فـترة الرحـلة .. بدأت من عَصـر الإثنـين 17/08/1429هـ - 18/08/2008م . يـوم العـودة كان الجمعة .. الخـبر يـصل إلينا ونحـن في طـريق العـودة إلـى الريـاض .. البـيت تمـت سـرقته من قِبـل مجهـولين ! الخـبر يـصل إلـى الشـرطة .. انتـظار عند بـاب المنـزل دون الدخـول إليـه ( لكـي لا تُفقـد البصمـات ) . الشـرطة لم تصـل .. ولم تُفـكر أن تصـل ..! ذهـابٌ إلـى مركـز الشـرطة .. الشـرطة لم تـأتي إلا بعدما وصـل المواطن (الخال إبـراهيم ).. طـالَب رجال الـشرطة بالقدوم .. وتوسـّل إليهم وكأن الأمر فيه تفضّلٌ منهم ! رجـل الشـرطة يصـل للمنزل .. ويـرفض الدخـول بحُجة أن صـاحب المنـزل غير موجود ! طيب لاتلومهم هاذي قرارات الامارة العـائلة تصِـل للمنـزل .. تُفجـع بأن شُبّاك البـيت الحـديدي قد كُسـر ..! والله هاذا حديد بس شنسوي اللـصوص يختـرقون المـنزل .. يسـرِقون ما به.. من الفقر اللي هم فيه الناس مسافرين وهم مايلقون لقمة العيش ما الومك الوم ... تاركلي هالاشياء الـذهب .. المجوهرات .. الألماسـات .. السـاعات الثمينـة ..سيـارة هـي أحـدث طراز !! الأجهـزة الكهـربـائية الثمينـة تُـسرق ! // من السـاعة الثانية من ظهر الجمعة .. إلـى السـاعة الخـامسة عصـراً .. كنا ننتـظر فنـي البصمـات .. لكن ثَمّ تجـاهُلٌ غـريب من رجـال الـشرطة .! تلقا السيارهــ عطلانه الجـار الفـاضل أبوخـالد "يفـزع" كـون أنه رجـل فـاضل بالمقـام الأول .. وكونه رجلٌ وفـيّ .. و أنه "واصـل" ..!! يصـل فنـي البصمـات بفضل الله ثم بفضل الجار العزيز .. يحـاول رفـع البصمـات .. لكن لا بصمـات !! لامشكله \\ الغـريب .. أن فنـي البصمـات وصـل للمكـان دون وجـود أي محقق لتحقيق الحادثة وأخـذ أقـوال "الجيـران" الـذين أتحـفونا بأقوال أعتقـد أنها مفيـدة جداً لرجال الشـرطة !! والله مو اول بيت ولا اخر بيت بس مالومك بعدين ليش ماجاء // فنـي البصمـات يغـادر المكـان وذيّل خـروجه بقـوله ( احصـروا المسـروقات وراجعونا في مركز الشـرطة) !! من ... آمنـا بالله .. راجعنـا مـركز الشـرطة هـذا الصبـاح ! العسكـري في المـركز يتسـاءل ( عندكم فواتير للمسروقات ) هاذا الي يسأل عنه لازم ياخوي يالـهُ من رجـل بـارع .. يـبدو أنـه تحـصّل على شهـادات في علم التحقيق من أعـرق جـامعات العـالم .. نعم والله انك صادق ياخي \\ قبـل شهـر من هـذه الحـادثة .. أحد الجيـرا يَفـقد 12 طقماً من الـذهب الخـالص في ليلة زواج ابنته ! والله من قرادت الحظ // جـارٌ آخـر يُسطـى بيته .. لكـن اللصوص لم يجـدوا أي شـيء يستحـق أن يطلـق عليه "سارقاً" بسببه .. فاكتـفوا بتمـزيق أثـاث المنزل !! \\ أيـن الأمن الـذين يدّعـونه ؟ والله موجود بس الامكانيات هـل يعقل ثلاثُ منـازل تُسطـى في شهـر واحد .. في ظـل عدم وجـود أي رقـابة ؟! // السـيارة يُعثَر عليهـا في أحـد شوارع التفحيط في الريـاض .. يتم العثـور على "زقارتين وبيالة شاهي" .. ذكـر أحـدهم أنه يجـب أن تُحـفظ هـذه المحصولات لكـي تحلل عن طـريق الـ DNA ! في حقـيقة الحـال .. لا نعلـم إن كـان هُنـاك ثَمّ DNA فـي بلدنا ! لكـن لا بـأس من الإقدام على هـذه الخطـوة . اعذرني اخي على الاسلوب لكن مقهور منهك احيانا في ظل ... يفقد الامن والسلام فلابد من كل شخص اخذ احتياطاته وبذل كل ماعليه لألى يسطى عليه غيرك سرقت سنينهم الله يعين تقبل تحياتي وشكري وتقديري nawaf 22 |
الادهى والامر اننا انسرقنا وحنا بالبيت!!! للأسف بالرياض يسرق أكثر من 500سياره باليوم!!>>أتوقع اكثر بكثير وسرقة الجوالات منتشره بشكل رهيب!! وسرقة الكيابل وأغطية المجاري وانتم بكرامه>>هذي اكثر البنقاليين هم اللي يسرقونهن الله يعوضكم بأحسن منهن الله يهدي شباب المسلمين |
اسأل الله تعالى ان يعوضكم بخير .. ...................................... |
لا حول ولا قوة الا بالله:( الله يعوضك خير ياااارب... والله شي يقهرررر...! وين الامن....؟! بصراحه السرقات زادت بشكل كبير بسبب انعدام الامن...! |
كان هنا .. أسأل الله أن يعيد لكم .. ماسُرق .. ويعوضكم خيراً .. في مافقدتم !! ماحصل مقدر ومكتوب عليكم .. لكن استخلف الله على ماذهب !! أخي ,, موقفك مع الأمن ليس بجديد .. سمعنا الكثير عنها !! (( اللهم ياجامع الناس ليوم لاريب فيه .. اجمعني بضالتي )) .. رددها دائماً :yes: أختك .. |
أن لله وأن اليــه راجعـــون الله يعوضكم خيــــر..... مانقــول الا حسبي الله ونعم الوكيــل ماعاد فيــه أمان والمشكلـــه أن كل ماتتكلم مع واحــد يقــول الحمد لله أمن وامان اي أمن واي أمان كان الله في عونكم وجميع المسلمين |
الله يعوضكم أخوي.. عندنا الشرطه ماحولك أحد..متى قد رجعوا أو قبضوا على السارقين...؟؟ وإذا قبضوا مره من ألف مره تنسرق فيها أشياء نشروها في الجرايد وكأنهم مسوين عمل بطولي.. قبل فتره إنسرق بيتين من بيوت جيراننا في فتره إسبوعين..وواحد منهم يشتغل في الشرطه...حضرت الشرطه وطبعاً دوريه دوريه لين وصلوا لـ7 دوريات وحوطوا البلوك اللي فيه البيت..<---بعد ساعه كامله من حدوث السرقه حوطوا البلوك..وبدأوا يفتشون في البيوت..وطبعاً ساعه كامله هي وقت تحويطهم السارق إنحاش....وآخر شئ مسكوا واحد من المتجمهرين وقالوا إنه هو السارق لأنه حسب كلامهم نفس مواصفات السارق..وحركوا سياراتهم بعد سوالف وضحك بين أفراد الشرطه...... والبيت الثاني..نفس حكاية البيت الأول لكن البيت الثاني وصلت الفرقه وتجمعوا عند بعض بالدوريات ولاعملوا أي شئ مع إن السارق يُعتقد أنه محجور في البيت..وجلسوا ينتظرون الضابط ساعه إلا ربع وبعد وصول حضرة الضابط بدأوا يتحركون ويفتشون المنزل والمنازل المجاوره له...ومن زود مافيهم من ذهانه أحد البيوت المجاوره دخلوا للمُستأجر في الدور العلوي يفتشون عنده..وكالعاده لايجدون شئ وإستدعوا صاحب المنزل وتحقيق......وفي الأخير لا شئ من المسروقات يعود................................... بالمختصر عندنا تخلف في هالأموووور كبير...ولابد من تغيير هذا التخلف إلى الأفضل.. ومتى ماطبقوا شرع الله على من يسرق بتقل السرقات بشكل كبير. ومره ثانيه أخوي الله يعوضكم بـ خير منها.. تحياتي.. |
لاحول و لاقوة الا بالله.. الله يعوضكم.. و الله الواحد هالأيام يخاف على نفسه اذا مشى بالشارع.. هذه من علامات الساعة.. (انتشار الخوف و انعدام الأمن |
أهـلاوسهـلا فيـكم أحبتي الكرام ورده s45s .. الله وحـده العالم بـمدى سعـادتي بوجود إخـوة أمثـالُكُم يواسون أخيهـِم في مُصـابِه. // كـم أتمنى أن أُعقـّب علـى جميـع الـردود .. وأشكرهم شخصـياً .. لكـن التمسوا ليَ العُذر .. أشـكركم جميعاً ولا أراكم الله مكروه . ورده . |
مرحبا اخوي كان هنا اغلب السرقات ياخوي تلقاها من السواقين ولا الشغالين في البيت اذا درا ان العائلة سافرت راح جاب ربعه وسرقوها لانه ضامن ان محمدا جايه ابد واذا خلص سارق دق قال بابا ترا البيت انسرق وهو الي سارق يعني حاميها حراميها ..! ولا اقول الا لا حول ولا قوة الا بالله كرر هذه الكلمات وابشر بالعوض من رب العالمين كان هنا اذكر فيه سالفه طريفه في السرقه حصلت واقعيه حاصله كان فيه عائلة مسافرة الى احد المدن وكان لهم جار يعرف ان جيرانهم مسافرين المهم جو الحراميه وطبوا في البيت وسرقوا مكيفات البيت كامل وجايبين دنه يحميلون فيها المكيفات المهم جا الجار وشاف الحراميه وقال لهم وش عندكم قال واحد من الحراميه واله حنا جايين ننظف المكيفات ونزينها ونرجعها ...!! فقال الجار .. اجل وشرايكم تاخذون مكيفاتي معكم تنظفونها وترجعونها .. وهو على نياته ومادرا انهم حراميه ..! فقال الحرامي ابشر وميلوا على بيته وخذوا مكيفاته وشالوهن كلهن ..!! وجا يوم يمين وماجوآ..! المهم الجار دق على جاره اللي مسافر ويسلم عليه وقال له..! هاه وش اخبار المكيفات اللي تنضفها ..! قال اي مكيفات .. قال مكيفاتك الي مخلي الشباب ياخذونها ينضفونها ويزينونها ويرجعونها ..! قال من يقوله ..! قال الجار انا اقوله جو وخذوا مكيفاتك وقالوا بنضفها ونرجعها وقلت لهم اجل نظفوا مكيفاتي معكم..! وخذوا مكيفاتي ومكيفاتك ولا عاد شفتهم ..! المهم رجع الجار من السفر وهو يدري انه انسرق وهو يضحك على جاره رغم السرقه ..! والتقى مع جاره وعرف السالفه وانه انسرقوا الاثنين ...! بعدين اخوي كان هنا الحراميه مايجيون يسرقون الا وهم مستعدين وعارفين ان اهل البيت غير موجودين والله يكفينا شرهم ويعوضكم خير ..! واكثر من قول لا حول ولا قوة الا بالله وتقبل مروري .. |
الله يكون بعونك يـآ عبدالرحمن .. بسس انآ سسمعت السالفه هذي .. شكلك انت الي عند مسجد الزبير بن عوام .؟؟ الله يعوضكم ... بالذهب والفلوس ولا فيكم ... |
طيب ما لقوا بصمات وبعدين هذولا مبسطين بالبيت كاسرين الشبك ومحد يسمع من جيرانكم وبعد عندي سالفه جيرانا فيه ناس طبوا بيتهم وقعدوا كل يوم يسهرون لان جيرانا مسافرين والشعب يتكون جيرانا لقوا دخان وموصخين البيت بس ما سرقرا بس يلعبون بلستيشن :D ملاحيس |
هم لو يطبقون الحد كان ماكانوا بهـ الكثره وهـ الجرائه :surprised: بعض الاحيان يسرقون البيت مرتين يصير فيه باقي اشياء ماخذوها ويرجعون لها :d والوضع عادي عارفين ان محد يقدر يسوي شي حتى الشرطه بلاغ ومدري ايش وفي الاخيرالسالفه ينسونها :upset: كان هنا الله يعوضكم خير والله يحفظنا ورده |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd