رجعنا الفندق وطول الوقت نسولف عن المباراة مانا مصدقين اللي شفناه شي مايتصدق ياجماعه ...
صحينا اليوم الثاني وكان يوم الخميس ..وقررنا نسافر مدينه ليفربول .. تقريبا تبعد عن مانشستر حوالي 45 دقيقة
وصلنا المدينه هاديه نوعا ما .. ورحنا الانفيلد بس كان وقتها مقفل الملعب من الداخل
دخلنا محل الملابس وتجولنا في الملعب من الخارج رايق صراحتن




..دخلنا الميوزيم يعني المتحف
بصراحه متحف حلو جدا اعجبني كثير الدخول تقريبا بـ 6باوند .. ومع بطاقه الطالب الجامعي صارت 2 باوند ..
متحف فيه اشياء كثيره شاشه كبيره تعرض فيها اهداف الليفربول الحاسمه ولقطات للريدز في دوري الابطال ..
داخله كثير من الكؤؤس وصور الاعبين اكثر ماعجبني في الريدز انهم ماهضمو حق الفرق اللي يقابلهونها حتى لو انصقعوا
نهائي اثينا مثلا .. حاطين تيشرت الميلان في النهائي والظاهر انه تيشرت مالديني













طلعنا من المتحف وتجولنا بالمدينه فيها سوق بالسنتر صغير ذكرني بمركز النمر اللي بالرياض ههههههههههههههههه
بشكل عام مدينه ليفربول كلها ليفربول وايفرتون اكثرها محلات ملابس هالفريقين !!
رجعنا مانشستر واطقطق على النت اللا اشوف خبر ان ميلان راح يوصل بمطار مانشستر يوم الجمعه الساعه 7 بتوقيت بريطانيا
ضحية مجامله : << مسوي نظام لحد يخرب جو احد .. شباب ودكم نستقبل لاعبين الميلان في المطار ولانروح مباراة ليفربول ولاتسيو


جيوفاني : لا انا بصراحه افضل اننا نشوف روكي تستهبل فيها سؤال .. انا اكره فريقكم فريق الشياب بس حتى ولو ماتتفوت

كيمو : موافق موافق << حمود الفشقه

ضحية مجاملة : اوك ان شاء الله بكره احنا هناك ..
جا يوم الجمعه موعد الوصول .. رايحين على النيه ولا ندري وش البوابه .. انا كنت لابس تيشرت الميلان الجديد الاسود وهـ بس
وانا امشي عند البوابه واسئل الموظفين بيجي ميلان اليوم صح كلهم يقولون صدق ؟
محد عنده سالفه الظاهر محد درى الا انا خخخخخخخ
كنت مجهز الدفتره وقلم والكاميرا مدري وش ابدي .. >>وجه يتذكر توقيع ديل بيرو بفاتورة Kfc

وصلوا الاعبين اول من طلع اودود وبونيرا

كيمو : بصوت عالي (( اودود )) ويوريه دفتره وقع لنا
اودود : ماسك شنطتين ويرفعهم يقول معاي شنطتين ..
وطلعوا الاعبين .. بالوسكي يمشي مسيكين لحاله محد لمه رحت له ناصيه صرخت بوجه بالوسكي وامد له القلم ووقع
والله ياهو فطفووط بسم الله عليه ..
فجاه طلع مالديني العالم كلها عليه
اول ماطلع مالديني اقول في نفسي والله وتحقق منايا شوفوا حبيبي معايا
شفت قدامي تقريبا اقل من 10 قلت ايه بيجي سريع سريع وبسلم عليه واخذت له صورة من قريب



بعدين قال ..مالديني اوكيه قايز ذاتس ات ..
ضحية مجامله : دهـ كان زماااااااااااااااااااان ..
لحقته لين قبل الباص قلت بالانقليزي

ضحية مجامله : انتظرت في المطار حوالي ساعتين عشانك
مالديني : ((ابتسامه )) هل انت متاكد
ضحية مجامله : يس يس
ووقع لي ماقصر .. وطلع بعده سيدورف وقع لي وصورت معاه وقلت له

ضحية مجاملة :خالي عجبني اقوالك في كاس تيم و انت لاعبي المفضل << ماكنت اسبه ابد بالرابطه خخخخ
سيدورف :عظيم .. شكرا
عاد كل هالكلام بالانقليزي ..

ووقعوا لي كل من امبروزيني / انشيلوتي / زامبروتا / ديدا << ياطوله / قاتوزو
فافالي على ابياتي على سيمتش كلهم مرو جنبي ولا كاني اعرفهم خخخخخخ
القهر اني ماشفت بيرلو ابد.. شفت سيمتش من بعيد كانه بيرلو بس يوم قربت صار المملوح سيمتش ...
اللاعبين كانو يناظرون الجماهير .. وكان فيه كاميرة قناة الميلان الظاهر انهم مصورين الاستقبال ...


// مانشــستر سيتي vs أبــطال العــالـــم //


يوم السبت حضرنا المباراة
ملعب السيتي ماعليه موب شين .. وجماهير كبيره جت للملعب احسه حريقه بالديربي مع اليونايتد
جماهيرهم متعصبه جدا لفريقها
المتش
وكان عاديه جدا طقطقوا علينا السيتاويه بس يستاهلون
زين انهم خلونا نشوف الميلان هع






فيه رابطه ميلانيه في المباراة بس كانو مايتعدون 30 شخص حاضرين من ا
ايطاليا على ما اعتقد ...

النكته وشي بين الشوطين دخلوا لاعبين ميلان كلهم غرفة الملابس الى اودود وابياتي
اودو يرفع وابياتي يضرب بالراس ههههههههه والحارس واحد من البزارين اللي يلحقون الكور
وانا طالع من المباراة على السريع اخذت توقيع من بوجينوف ...



على فكره كان الجو مطر في المباراة وبعد المباراة خخخخخخخ

يالله ان شاء الله عجبكم التقرير .. مع اني كاتبه على السريع وماكنت ناوي انزله عشان هيك جاي متاخر ,,,

الله يعطيك العافية نايف ..


الصراحة الملاعب الأوروبيـة خيال .. شكلي هوّنت عن حضور مباريات الهلال << يرحم والديك


والله امنية أني أزور الستامفورد بريدج ... وبإذن الله قريبا ؛)


قـواك الله نايف ... ورده

ما شاء الله عليك محظووظ رحت كل الملاعب

و الله يعطيك ألف عافية على المجهود الرائع

خيال خيال الملاعب الأوروبية خيال ..؛

صراحة أتمنى أن أحضر مباراة للبلوز ضد المان أو الريدز ..؛

فى الستامفورد بريدج ..؛

عوافي على الموضوع الروعة ..؛

تحياتي ..؛

ليش راح ردي

.

ما شاء الله عليك , و كان سيّرت على الستامفورد بريدج
و أحلى شي انك شفت مالديني و دل بيرو لحظات منتب مصدق
صح .. ؟
ضحية مجاملة , ما شاء الله موضوع رائع و متعوب عليه .. عوافي

ورده

الله يعطيك العافية تقرير جميل و صور أجمل خاصة صورة الملك دل دل
بس ليش ما صورت الأولد ترافورد أشوفك تارك مسافه إن شاء الله إنك مصوره
و بعد شوي بتحط الصور < أواسي نفسي

بالتوفيق لك أخوي في دراستك

تـقريــر ولا أروعـ

يـاا حـظكـ .. ما شاء الله

ثـلاث ملاعــب زرتــهاا ’,’,’,

واعــقـتد افـخم ملــعب رحـتـله الامـاراتـ ’,’,’,

وأكــبر مــلعب الاولد تـرافـورد ’,’,’,

علــى الـعموم ’’

الله يوفــقك فـي حــياتـك

الــف شـكـر على الـتقريــر ’,’, ثـاني مـره اذا رحـت سلملي على ديـل بييرو أوكــي

تـ ح يـاتـي لـك ..

آهـ بس

عيشتنا معك لحظات حلوهـ

كم تمنيت ولا زلت اتمنى زيارة البرنابيو

بإذن الله تتحقق امنيتي عن قرب

شاكر لك مجهودكـ يالغالي

و بالتوفيق لك بدراستك و ترجع لنا جايب الشهاده الكبيره << تحسون عجوز خخخ

والله انـــــك منت بهيــــــن ..


تتصور مع لاعبين عالمين ..