إقتباس والله انها غلأ مبالغ فيه بزيادة الاسعار في كل شي نحب وطنا ونضحي من اجله لكن الاستغلال واضح في كل شي خاصه في السياحه

إقتباس بصراحة المهرجانات السعوديه المهم لديهم الكسب السريع وليس مهم لديهم التنظيم وفرحه الناس - تذاكر غاليه - ازدحام شديد - ومكان غير مهيا المفروض اولا - امتاع الناس - فنحن في اجازة سنويه - الكل يهرب بسيارته الى اقرب مكان لامتاع عائلته فيذهب مثلا لدبي كل المهرجانات بلا مقابل وتلاحظ الكل يمرح ويشتري حتى لو كان غاليا - تنظيم مصري لا يصلح تلاحظ كاننا في حراج السيارات - ارجو من الجميع المشاركة وعدم المنظر في المقابل وياريت تكون هناك مراقبه لغربله الجميع وفي النهايه رب الاسرة يقول لو كان طول السنه دراسه

إقتباس السلام عليكم ورحمة الله وبركاتة

إقتباس بنسبة للمهرجانات احلاشي الامن الموجود ورجال الهئية بنسبة للسلبيات كثيرة ازدحام شديد\\ تذاكر غالية\\فوضة وعدم التنظيم\\مهرجانات خاص بالاطفال بس والشباب والعزاب مساكين ماعندهم الا المقاهي والاستراحات

إقتباس يحطون لك خيمه ومراجيح ويقولون مهرجان استحوا على وجيهكم. خلوكم زي اهل حفرالباطن لاسياحه ولاخرابيط عندهم حديقه حكوميه ومكسره بعد وكل اهل الديره متجمعين فيها هو وبزارينهم. وياكلون من محل شاورما قدامهم حق بنغاليه واحلى سياحه ببلدنا.. ولاتنسوا غلا الاسعار

إقتباس الي اصرفه في السياحه الداخليه خلال الصيف يكفي رحلة لي اربع دوال

إقتباس حاطين لك خيمه وكراسي بلاستيك وهالغبار والحر ويقولون سياحه داخليه وماعندهم الا يمصون دم هالشعب المسكين لاطبيعه ولاجو زي الناس ولا وجه حسن يالله الجنه

هلا وغلا بسيد الملوك

والله إن إرتفاع الأسعار مبهذل الناس , لكن ما باليد حيله , والمشلكه إن السياحه الخارجيه , ما تأمن على نفسك وأهلك , يعني ولله الحمد هنا عندنا في السعوديه الأمن مستتب ولله الحمد ورجال الأمن 24 ساعه في الخدمه , لكن إذا طلعت للسياحة برى المملكة ما تضمن على أهلك , ما تدري على الأمن هناك .

فأنا من وجهة نظري سياحه داخليه والأسعار ناااار لكن الأمن موجود أحسن من سياحه خارجيه والأسعار قليله والأمن معدوم

ولو تبغى الصراحه / السياحه الداخليه عندنا دون المستوى , يعني تصريف <<<< أنا ما أبغى أكثر الهرج عن ذا الموضوع

إقتباس الرسالة الأصلية كتبت بواسطة سيد الملوك قبل كل شي وقبل أبدء في المدخل أبيكم تباركون لي تحقيق اخوي الصغير الميدالية الذهبية في الأولومبيات فأحب أدخل بالموضوع بهذه القصة وعلاقتها بالسياحة في الأمس طلعت أنا والوالده الله يحفظها ويطول عمرها واخوي الصغيرلأحد المحلات الكبيرة والمحلات الكبيرة مثل منتو عارفين فيها أهتمام خاص بالأطفال من ناحية الألعاب .. فـ رحت انا والوالده دغري لمحل الألعاب نحذف أخوي الصغير ونطلع لـ الشوبنق .. وتفاجئنا بأنه يقام في نفس المجمع عروض سياحية وبكل أمانه شاهدت جنسيات كثيره خليجيه وعربية ومن السكان الأجانب فلقيت مسرحيات وشخصيات محببه للأطفال >> جازله الوضع بغيت أجلس مع اخوي المهم خليت أخوي وهو يتشوق لفراقنا حتى يمارس هواياته بحرية . وبعد ماخلصنا رجعت لخوي الصغير .. وتفاجئت أن فيه فلاشات قلت وين الفريان تلقاه موجود الحين ووصلت لمحل الفلاشات وتفاجئت بأن أخوي الصغير على رقبته ميدليه ذهبية وعاضها ومتجمعه عليه الفلاشات وعنده شخصيات كرتونيه واحد تويتي بس منتوف ذنبه والثاني ماعرفت ملامحه تقول طاقة جرب من مزح عيالنا ونتم عارفين شطانت عيالنا قلت اكيد أبلقى آثار الريش في يد أخوي الزبدة جاني أخوي يركض ويقول فزت بميدلية ذهبية حقت الأولومبيات قلت انا خابرها في اليابان مدري كوريا لايكون فاتحين لها فرع عندنا بالرياض للي مايقدر يجي المهم وش فزت فيه رمي الجله ولا القفز الحر قال مدري فزت وبس >> الظاهر بالشطانة وقلت مبروك وأنت من جيل كبار ياكبير يالله بس شل بعض الاغراض لين ناصل السيارة ومادريت إلا بوخزات حادة مع كتفي .. من ياترى وإذا بذاك البنقالي المبتسم .. وقلت هلا أمرني .. قال: ياصديق جيب فلوس .. وكان وجهه كذا >> قلت: أي فلوس قال: فلوس ميدلية قلت :أي ميدلية قال: حق بزوره ودريت انه مافاز بس ملبسها يبي فلوس وفعلا سلمت أمري إلى الله وأعطية وعطيته ظهري وإذا بتلك الوخزات تعود مرة أخرى وألتفت وقلت خير وش تبي بعد لايكون سحبتوا الميدلية وشاكين بالمنشطات . هذي عوايدكم يالفيفا قال: لا انا ابغى فلوس صوره .. قلت: وشي صورته قال: أنا صور صوره واجد هيلو .. على باله بيغريني قلت :ورنياها وورانياها ومصور مع الي منتوف ذنبه وذا الهندي تقول مصور مع بلاتر على غفله . وقلت: يالله ناخذها ذكرى . ويوم خلصت ومشيت وإذا بتلك الوخزات ولتفت وقلت لعنبوا بليسك انت لحالك يبيلك ميزانية وش تبي بعد قال: مافيه بخشيش قلت: تخسي والله انزلع عن خشتي لا أبلعك الميدلية..

أجل عطاه الميداليه بالغصب وبالصور بعد



تقبل مروري المتوااضع

والله وانا اخوك السياحه ما حولك احد تروح خارج السعوديه اصرف لك ونفس المبالغ المدفوعه هنا هي مثلها هناك

وعليكم السلام...
بالنسبة للسياحة الخارجية فهي احسن
لانه: ارخص, طبيعه حلوه , جو جميل , وجيهن زينة

انا رايح اندونيسيا قبل شهر ما فيه احسن منه وتقدر تاخذ العايله معك ما فيه احد يضايكم كل اللي هناك عرب

وبعد ما رجعت بسبوعين رحت الطايف والمنطقة الغربية
بالطايف ماخذين شقة 500 ريال الليله
وبـــ اندونيسيا اخذنا فله مساحته 2000 متر بــ600 ريال فوق اعلى جبل مطله على الديره كله
معليش الصور ما عرفت اصغره

وعليكم السلام ورحمة الله وبركاته ..
//
المصيبة لو هالفلوس الي تندفع داخل البلد على سياحة ( تسوى ) ممكن نقول عادي .
لكن بالله وش السياحة الداخلية الي مبلشينن بها ؟!
وكل ما كلمت واحد قال لي عندك ( أبها )
نعنبو دارك ابها ما بقا كائن موب موجود فيها ..
زحمة موب طبيعية والغلاء يالله سترك ..
\\
ولا يقول حايل .. الطايف ..
بالله الواحد يسافر عشان يقعد بالبر ؟!
ولا بالجبل ؟!
ما فيه أي اهتمام بالسياحة عندنا ..
والله عندنا أجواء ومناطق قمة في الروعة وتضاهي أحلى وأعرق الدول ..
لكن وين الي ينتبه ويهتم !؟
//
غيـر كذا لو تسـافر برا السعـودية .. ممكن تصـرف أقل من الي تصـرفه هنا .. وتشوف دنيا ثانية .. وثقافات جديدة .. وتحقق الفائدة المرجوة من السـفر ..
\\
_________
بالنسبة لموضوع الربّاع أخوك
فوالله ترا حنا الي خليناهم يسرقونا .. يعني الواحد يقول ايه هذي ريالين ولا 3 ميب ضارتني .. مع الوقت تعودنا نحط هالفلوس وندفع من غير ما نحاسب نفسنا ليش دفعنا هالشي .
وبنفس الوقت الأجنبي تعود ان السعودي يدفع وهو ماهوب مهتم ..
//
يعني تصور انا راجع من جدة الساعة 12 بالليل تقريباً ..
ووقفت عند محطة اشتري منه كرتون ماء ( 40 حبة بـ10 ريال ) ..
جاب لي واحد .. عطيته 10 ريال ..
قال لا هذا بـ 12 !!
قلت سلامات يابوي كل الناس تبيعه بـ 10 ..
قال لا هذا بارد ..
قلت طيب فيه شي يثبت ان البارد سعره يرتفع ؟!
ودخلت في شد وجذب معه وانتهى المطاف اني ما شريت منه ..
\\
يعلم الله لو ان الوقت كان مبكر اني ما راح امررها له وبدق على شركة المياه يتصرفون معه ..<< ايه مهايطي .. ردي وبكتب فيه الي ابي ..
//
الله يكفينا شر السياحة الداخلية .. والله يسخر لها الي يعرفون قيمتها ..
ويكفينا شرور النصابين


سيد الملوك يعطيك العافية
ورده

بــــــــصراحه كل كلمه قلتها عن سياحه السعوديه من غــــــلا
ومهرجانـــــات خايسه حتى البزران ماتعجبهم والجــو حار صح
اوك فيه اماكن جوها حلو بس مافيها مقومات سياحيه 5 نجوم
ومــا عندنا الا التســــوق نفــرح اذا شي ضاع نروح نـــــشتريه
انا بالنسبه السيــاحه الخـــارجيه فرررررق 180 درجه
كل شى بالسعوديه عبره مثل المحطات
الحيـن اذا رحت لدبي بالسياره لا حظ الفرق بالمحطات
المحطات بالسعوديه ماراح اعلق
عليها اما اذا دخلت الامارات
محطاتهم ماكدونالدز فيها كــل شي فيه كل الخدمات وبـ 5 نجوم
هاذي المحطه وشي اساسي مااهتموا فيها شلون الكماليات والترفيه

يعطيك العافيه
تقبل مروري

يارجاال شرهتكـ ع الي يتعدى الرياض من عرفت نفسي وانا فيها رحت للطايف وقت الأختبارات عشان غلاء الأ سعار والزحمة وبـ الأخير مالقيت شقق..

بيني وبينكـ... ع قولت المثل صيفنا مع اهلنا أحلاء...

يعني خلكـ مع اهلكـ في البيت<< فاهم غلط لا ويقول مثل

وبصراحة تقديمكـ للموضوع يجبر الواحد أنة يرد...

الف شكر ع التقرير..

يعطيكم العافية على مروركم جميعآ

وانشالله نشوف تطور


وأنا اليوم شفت تقرير كامل عن مدينة الملك عبدالله السياحية بالطائف
والله ابداع فيها كل شي فنادق عالمية حديقة حيوان بطريقة خيالية جدا
وتصميمها أبداع وكأنك في إفريقيا وتشاهد الحيوانات طبيعية

وفيها بعد مدينة ألعاب كاملة متكاملة وتظاهي أكبر المدن الترفيهية بالعالم ..
وفيها أبراج كثيرة
وفيها أطول منارة بالعالم
وفيها 6 مدن سكنية وعلى أسماء ملوك الدولة منذ تأسيسها الستة

يعني الحمدلله يمكن هذي فاتحت خير على السياحة ..

أيه ونسيت بعد وفيها مطار دولي ويستقبل جميل أحجام الطائرات العالمية ..


ويعطيكم العافية فردآ فردآ مروركم الكريم

.

يعطيك العافيه سيد الملوك
لي رجعه لي ترجمة الموضوع باكامل

يعطيكم العافية على مروركم جميعا
وانشالله من حسن إلى احسن


.....

الله يعين على الاسعار اللى تغبن ولا تقدر تقول شي

اما العزاب ضايع حقنا من مبطي وانا اخوك ماغير

مقاهي الثمامه او الفحص او خط القصيم حفظناها

زي اسامينا و اكثر

السياحه الداخليه زفت استغلال ومع ذلك ماتلقا سكن

صدقت اخوي والجميع كذلك السياحه الداخليه ضعيفه جدافي مميزاته وامكانياتها ووسائل السلامه كذلك والتسمم في المطاعم والمرور مره موجود ومره لا

والاسعار فيها نار نار وخياليه

اما بالنسبه لنا يالعزابيه حدنا الكوفي شوب والمقاهي نضيع الوقت ولا نستأجر استراحه كود نسبح فيها

الله يعين

يازين السياحة الخارجية

تشوووف ناااس ثانين وتتعرف على ثقافات مختلفة

واهم شي ماتسمع كلمة عوائل عوائل

قال سياحة داخلية قال وربي ماعندنا غير الهم والغم

يعطيك العااافية اخوي