.
السلام عليكم ورحمة الله وبركاتة
دمتم بخير ودمتم على طريق العافية والسعادة تواصلون السير
السياحة في السعودية :: أراء :: مواقف :: سؤال للأعزب::
ــــ( مدخل )ـــ
قبل كل شي وقبل أبدء في المدخل أبيكم تباركون لي تحقيق اخوي الصغير الميدالية الذهبية في الأولومبيات 
فأحب أدخل بالموضوع بهذه القصة وعلاقتها بالسياحة
في الأمس طلعت أنا والوالده الله يحفظها ويطول عمرها 
واخوي الصغيرلأحد المحلات الكبيرة والمحلات الكبيرة مثل منتو عارفين فيها أهتمام خاص بالأطفال من ناحية الألعاب ..
فـ رحت انا والوالده دغري لمحل الألعاب نحذف أخوي الصغير ونطلع لـ الشوبنق .. 
وتفاجئنا بأنه يقام في نفس المجمع عروض سياحية وبكل أمانه شاهدت جنسيات كثيره خليجيه وعربية ومن السكان الأجانب 
فلقيت مسرحيات وشخصيات محببه للأطفال >> جازله الوضع بغيت أجلس مع اخوي 
المهم خليت أخوي وهو يتشوق لفراقنا حتى يمارس هواياته بحرية . 
وبعد ماخلصنا رجعت لخوي الصغير .. وتفاجئت أن فيه فلاشات قلت وين الفريان تلقاه موجود الحين 
ووصلت لمحل الفلاشات وتفاجئت بأن أخوي الصغير على رقبته ميدليه ذهبية وعاضها ومتجمعه عليه الفلاشات وعنده شخصيات كرتونيه واحد تويتي بس منتوف ذنبه والثاني ماعرفت ملامحه تقول طاقة جرب من مزح عيالنا 
ونتم عارفين شطانت عيالنا قلت اكيد أبلقى آثار الريش في يد أخوي الزبدة جاني أخوي يركض ويقول فزت بميدلية ذهبية حقت الأولومبيات قلت انا خابرها في اليابان مدري كوريا
لايكون فاتحين لها فرع عندنا بالرياض للي مايقدر يجي
المهم وش فزت فيه رمي الجله ولا القفز الحر قال مدري فزت وبس >> الظاهر بالشطانة وقلت مبروك وأنت من جيل كبار ياكبير يالله بس شل بعض الاغراض لين ناصل السيارة ومادريت إلا بوخزات حادة مع كتفي .. من ياترى وإذا بذاك البنقالي المبتسم .. وقلت هلا أمرني ..
قال: ياصديق جيب فلوس .. وكان وجهه كذا >> قلت: أي فلوس قال: فلوس ميدلية قلت :أي ميدلية قال: حق بزوره ودريت انه مافاز بس ملبسها يبي فلوس
وفعلا سلمت أمري إلى الله وأعطية
وعطيته ظهري
وإذا بتلك الوخزات تعود مرة أخرى
وألتفت وقلت خير وش تبي
بعد لايكون سحبتوا الميدلية وشاكين بالمنشطات . هذي عوايدكم يالفيفا قال: لا انا ابغى فلوس صوره .. قلت: وشي صورته قال: أنا صور صوره واجد هيلو .. على باله بيغريني 
قلت :ورنياها وورانياها ومصور مع الي منتوف ذنبه وذا الهندي تقول مصور مع بلاتر على غفله . وقلت: يالله ناخذها ذكرى .
ويوم خلصت ومشيت
وإذا بتلك الوخزات ولتفت
وقلت لعنبوا بليسك انت لحالك يبيلك ميزانية وش تبي بعد
قال: مافيه بخشيش قلت: تخسي والله انزلع عن خشتي لا أبلعك الميدلية..
~~~~~
أعذروني على المقدمة الطويلة بس حبيت أبدء موضوعي
بالقصة لأن لها علاقة بالسياحة وبتعرفون وش العلاقة في باقي الموضوع
ـــــ(الموضوع)ــــ
السياحة والمواطنين
الكل يعرف أن السياحة تتزين وتتطور لراحة المواطنين والزوار والسياح
فـ بلادنا ولله الحمد فيها مناطق يقصدها السياح ولله الحمد
فيها
من المناطق الباردة والمناطق الجبلية والمناطق البحرية ومن الجزر وأشياء عدة
لاكن ينقصها أشياء كثيرة بحسب رئي المواطنين وليس بحسب رئيي ..!!
فقد قرئت في أحد الصحف الإلكترونية المحلية عنوان عن السياحة
فتوجهت سريعآ إلى أراء المواطنين لأنهم الحكم الأول
على كل شيئ ..
فقد قالوا في ردرودم على السياحة :
وعلى ما أعتقد المقصود رفع الأسعار المبالغ فيه
يعني أذكر قبل أسبوعين رحنا والعائلة إلى الطائف
فدخلنا تموينات غذائية صغيرة ودخلت أنا والوالد وأخوي
وأخذنا ثلج وكان قيمته تقريبا ريالين إلى ثلاثة
وقال الوالد كم قال بـ6
قال الوالد : ليش
قال : أنت بالطايف
وقلت للوالد هو صادق هذي السياحة ...
يعني زاد دبل القيمة مع أنه ممنوع لاكن لاحياة لمن تنادي
ورأي أخر لفتاة
والله انها صادقه في كل كلمة قالتها المهم الكسب السريع ...
وهذا رد أحد المواطنين قال :
 | إقتباس |  | | | | | | | | | |
السلام عليكم ورحمة الله وبركاتة | |  | |  | |
| | إقتباس | | | | | | | | | | |
بنسبة للمهرجانات احلاشي الامن الموجود ورجال الهئية
بنسبة للسلبيات كثيرة ازدحام شديد\\ تذاكر غالية\\فوضة وعدم التنظيم\\مهرجانات خاص بالاطفال بس
والشباب والعزاب مساكين ماعندهم الا المقاهي والاستراحات
| | | | | | |
الحمد لله الأمن والآمان متفق علي ورجال الهيئة الله يقويهم لاكن السلبيات صادق بكل حرف قاله اي والله مالنا الا المقاهي والاستراحات
وهذا رد اخر لأحد المواطنين :
| | إقتباس | | | | | | | | | | |
يحطون لك خيمه ومراجيح ويقولون مهرجان
استحوا على وجيهكم. خلوكم زي اهل حفرالباطن لاسياحه ولاخرابيط عندهم حديقه حكوميه ومكسره بعد وكل اهل الديره متجمعين فيها هو وبزارينهم.
وياكلون من محل شاورما قدامهم حق بنغاليه واحلى سياحه ببلدنا..
ولاتنسوا غلا الاسعار
| | | | | | |
والله انه صادق غلاء الأسعار كذالك متفق عليه
وهذا رئي غريب بصراحة وشكله حاسبها :
| | إقتباس | | | | | | | | | | |
اي سياحه كل شي غالي حتى الفرجه بفلوس الشاليهات دبلو اسعرها المطاعم مثل هذاغير مشاكل المهرجنات وسواالتنضيم قال سياحه | | | | | | |
أربع دول مره وحده .. يمكن الرجال حاسبها عشان كذا ماقدر اعلق
وهذي أحد الفتيات علقت وقالت :
| | إقتباس | | | | | | | | | | |
اقول ليتهم رقدوا بس..قال مهرجانات قال | | | | | | |
| | إقتباس | | | | | | | | | | |
حاطين لك خيمه وكراسي بلاستيك وهالغبار والحر ويقولون سياحه داخليه
وماعندهم الا يمصون دم هالشعب المسكين لاطبيعه ولاجو زي الناس ولا وجه حسن
يالله الجنه
| | | | | | |
الحمدلله الجو المصايف موجوده ووجه حسن مدري وش تقصد بس شكلها تلمح لتركيا .. ~~~~~
أخواني أنا أستعرضت لكم أكثر من رأي + الموقف اللي بالمدخل
يعني أعتقد أتفاق تام على رفع السعر في الأماكن السياحية
سواء من شقق أو من مواد غذائية أو تذاكر ألعاب للأطفال
يعني تخيل تشتري دفتر ألعاب قيمته 250 ريال
على كذا أشتري سيكل وأخلي الولد يفر 3 سنوات أصرفله
الدوله ماقصرت وضعت أنظمة وأسعار متفق عليه ومن يخالف هذا الشي يجازا ..
لاكن والله اللي نشوفه أن الأسعار نار في الاماكن السياحية
علبة الببسي تلقاها تتعدا الريالين وعلبة الماء كذالك
..
مانقول الأ الله يعين بس ...
ــــ(العزوبية)ــــ والسياحة
سمعت في سؤال في إحدى قنواتنا الحبيبة عن سفر الشباب للخارج مارئيكم فيه ؟
أتمنى أني أسمع رآي الشباب العازب فقط ..!!
قد يسأل البعض وش دخل السياحة في العزوبية
أنا أقول مايعرف جواب هذا الا الأعزب نفسة ..!!
بس إذا العوائل كذا وش بنقول يالعزاب
يمكن أنا ماطولت في موضوع العزوبية والسياحة
((لاكن فعلا هذي مساحتنا الحقيقية ))
ــــــــ( مايستفاد من الموضوع)ــــــــ
المدخل وقصة الميدلية والموضوع وأرائ المواطنين كلها تندرج تحت الغلاء المبالغ فيه وهو مايفسد سياحتنا
رغم أن هناك أماكن لم تصلها السياحة جيدآ لاكن الغلاء
سيد الموقف الآن ومتزعم وعلى عرش سياحتنا الحبيبة
**
وتقبلوا مني أرق التحايا
سيد الملوك
**
.
