السلام عليكم ورحمة الله وبركاته


بلغني ان نادي الهلال لم يسجل اللعبه وكذلك الشباب اعتقد وربما كل اندية الوسطى , وبصراحه استغرب عدم اهتمام النادي بهاللعبه

يعني فعلا ً ما ادري وش سبب عدم وجودها من ضمن الألعاب المُفعلّه بنادي كبير مثل نادي الهلال

والواحد لاتابع الأولمبياد ينغبن ان مافيه احد من السعودية موجود هناك في هاللعبه مع باقي الكبار من الصين والسويد وغيرها


اللي جعلني اعرف هالأمر هو زيارتي قبل كم يوم للإتحاد السعودي لتنس الطاولة .. رحت استفسر عن مراكز متخصصة بتنس الطاولة ومع الأسف كانت الإجابة سلبيه بحيث ان تقريبا ً لايوجد اي مركز تدريب خاص بتنس الطاولة هنا بالرياض

وقالوا لي انك اذا حصلت مركز تدريب فـ راح يكون في الأندية نفسها وذكروا ان الاندية بالرياض ما اهتمت باللعبه ذاك الاهتمام مع العلم ان كل اندية الغرببية والشرقية مسجلة اللعبه بشكل رسمي

فـ السؤال هنا .. هل لازالت اللعبه موجودة في نادي الهلال ويوجد مدربين لكن ما سجلوا في البطولات

او ان المشاركة في التدريبات مفتوحه

او ان اللعبه مُلغية تماما ً

ومن جهة ثانيه وعشان نؤكد من الكلام اللي قيل لنا هناك وايضا ً يستفيد الجميع

هل فيه مراكز تدريب في الرياض مخصصه للتنس , او حتى نوادي او مراكز خصصوا قسم معين لـ تنس الطاولة ؟

اتمنى اجد الاجابة , واتمنى اجد التفاعل ايضا ً من محبين هاللعبه

بالتوفيق للجميع