صباح الخير ورده
أبتكلم شوي عن روبينهو إذا سمحت ..
ماراح أقول لاعب كبير ونجم موهوب .. وهـ الحشو من الكلام ..
بتكلّم عن روبينهو برّا الملعب أكثر من داخل الملعب !!
كان بـ سانتوس اللي من بعد بيليه ماجابوا ولابطولة .. طلع روبينهو لهم وجابوا الدوري مرتين !!
اللاعب عابط مع سانتوس ورفض تشلسي قبل مايجي لـ الريال ..
يحبّ الشعار .. دايم يسألونه .. وش حلمك !؟ .. يقول البقاء في مدريد وأن أكون الأفضل في العالم !!
هو مشكلته شيء واحد جاء بـ الوقت الغلط وكان مطلوب منه شيء أكبر منه وأكبر من أي لاعب بـ عمره ..
بعد أوّل سيزون .. الأغلب قالوا إنه منفوخ .. وبيليه مين اللي جاي تتكلمون عنه !؟
المشكلة الثانية .. لاعب جاء من البرازيل لأعظم نادي بدون مايمرّ بـ تجربة بـ أوروبا
أتحدّى لو فيه لاعب ( لاتيني ) انتقل لـ الريال مباشرة
وقدر يحقق نجاح من أوّل موسم ( ماعدا ستيفانو يمكن ) .
هذا بغض النظر عن السباكيّن اللي كانوا يدربّون الريال .. وغير إنه مايلعب بـ مكانه المفضّل
الموسم الماضي تفجرّ وكان مستواه تصاعدي بشكل واضح .. قدّام بلد الوليد .. أصيب .. لعب ضدّ روما وهو مو جاهز ..
وصنع هدف .. بعدها لعب ضدّ فالنسيا .. وصنع هدف .. راسينغ صنع هدف .. الولد يسوّي اللي عليه .. بس الجمهور مايرحم ..
إذا كنت بـ التوبّ بوقت من الأوقات .. مهما كانت الأسباب .. ماراح يرضون منك بـ القليل لازم تكون مثل أوّل وأحسن بعد !!
بـ النهاية هو الهدّاف الثالث بـ مدريد الموسم الماضي مع إنه مصاب لفترة مو طويلة ( جناح أيسر مركزه طبعاً )
يجي الميركاتوّ .. يجيه إغراء من تشلسي .. وتجاهل من الإدارة .. ويطلع يقول .. لا أبكمّل بـ مدريد
يطلع كلام إنه ضمن صفقة رونالدو .. يقول أنا أبي ألعب بـ مدريد ومايهمّني يجي كريس أو لا
الرئيس يطلع يصرّح .. إذا وصلنا عرض بـ 40 ماعندنا مانع نشوته !؟
رونالدو كان قريب من الريال .. الإدارة كانت تبي أعلى سعر بـ روبينهو مايهمها بقاءه ويطلع يقول لا أنا أحب مدريد .
راتبه 2.1 مليون .. روبين .. درينثي .. الباب .. سلقادو .. جوتي .. سافيولا .. كلهّم أعلى منه رواتب !؟
الجمهور ودّه بجلسة روبينهو .. النادي يعرض عليه راتب هزيل .. عشان يبرّيء نفسه قدّام الجمهور .. وإننا سويّنا اللي علينا
وإن روبينهو هو اللي اختار الإنتقال .. بـ نص الموسم الماضي ميلان طلع كلام إنه
معجب بـ سيرجيو راموس ..
( ميلان اللي مايدفع بسهولة ) .. وبسرعة البرق عناوين الاس والماركا .. إن راموس ماراح ينباع بأي قيمة ..
ويتم تجديد عقدهـ مرتيّن عشان يضمنون بقاءه .. شايف كيف التقدير وإعطاء اللاعب حقـّه !؟
مع إن رحيله مستحيل .. ميلان مايدفع .. نادي يعرف وين يصرف فلوسه .. وراموس إسباني .. ويحب الفريق . وكابتن المستقبل
روبينهو ( برازيلي ) تشلسي ( اللي يدفع بالراحة ) يغريك بـ 6 مليون راتب .. وناديك يقول نبي 40 مليون يورو ومو مشكلة يطلع .. وعروض هزيلة يقدمّها النادي له !؟
ويطلع روبينهو يقول لا أبجلس بمدريد ؟! فيه أحد يسوّي مثله !؟
النادي يقول ماتروح تلعب الأولمبياد .. يقول أحترم القرار وماراح ألعب !! .
كريس سحب على كالديرون .. تشلسي زاد إغراءه .. روبينهو ماصرّح بشيء
وكيل أعماله إستغلّ الفرصة لـ موكلّه .. النادي تورّط الحين .. مرتبّ على جيّة كريس .. وسحب عليهم .. وروبينهو يبي راتب كبير!
ويطلع وكيله يقول موكلي يبي يروح تشلسي .. ( أحد يقدر يلومه !؟ ) .. غيره مثل كاكا قال ودي أنتقل لـ الريال .. بس بشرط يرضى الميلان!؟
وروبينهو رافض قطعياً الإنتقال !؟ .. مع إن كاكا لاقي حقّه وزيادة بـ ميلان .. وفيه كلام إنه ممكن يصير
الكابتن قبل قاتوزو .. وصارت مشكلة بسبب هـ الموضوع .. وقاتوزو تكلّم عن هـ الموضوع وماكان راضي !!
وروبينهو مظلوم من الإدارة .. وراتب مخيس .. ومكان مو مضمون بـ التشكيلة ( بسبب وجود لاعبين مايستاهلون يلعبون !! ) .
المسألة قبل ماتكون ماديّة .. مسألة تقدير وإعطاء حقّ .. لاعب شال الفريق نص الموسم ..
والإصابة وقفّته .. وراتبه مخيس .. وترفض تعطيه اللي يبي .. لا والأكثر تقول مايهم بقاءه !؟
شطحة (روبينهو قابل الرئيس .. قال السبب بـ رغبتي الإنتقال .. احس بعدم التقدير داخل النادي )
أنا ما ألومه لو إنتقل حتى لو الريال عرض عليه 10 مليون راتب .. لكن بنفس الوقت عشاني مدريدي .. ماودي يطلع أبد
لكن أكيد ما راح ألومه
.. وبـ النهاية مدريد بـ إمكانها تحتفظ بـ لاعبها !!
طوّلت وأنا أتكلّم عنه
دودي .. شفت فيديو تشلسي اللي فيه أغنية ساعات الظاهر
.. أهنيّك والله
عرفت من تختار روبينهو
..
لكن لاتحلمون فيه بس
.. هذا حقي لحالي
. وإن جاكم
حطّوا لي مكان بـ رابطتكم
.
عاد من وسوستي بـ إنتقاله كنت ماراح أجدد بـ الشوتايم .. وجددت عشاني أخاف ينتقل
لاهنت على الفيديو البطل والمعلومات ( اللي أنا حافظهن أساساً من زمان )
أنت أكوس شخص يعرف يختار
ورده
الوضع العادي
