الخمسة الفرسان في دوري الطليان [ نــقــاش ] - نادي الهلال السعودي - شبكة الزعيم

skroo · #1 15/08/2008, 08:52 PM

السلام عليكم ورحمة الله وبركاته

اهلا وسهلا بكم في موضوعي المتواضع

الموضوع راح اطرحه باللغة العامية وراح ابعد عن طريقة الطرح التقليديه

كيف العنوان بس مسوي اثارة

بكل اختصار راح اتكلم عن الدوري الامتع في العالم , الدوري اللي يخليك تدمن مبارياته حتى لو انها بين فريقين مالهم صيت .

الكالشيو وما ادراك ما الكالشيو

الموضوع عبارة عن وجهة نظر شخصية تحتمل الصواب وتحتمل الخطأ ووجهة النظر راح تكون زي الفكرة العامة عن كل فريق من الفرق الخمسه ( الميلان والانتر واليوفي وروما والفيولا ) ومدى امكانية فوزه بالاسكوديتو وقيمة صفقاته ووضع الفريق بشكل عام .

يعني راح اتكلم عن كل فريق من الخماسي المرعب بوجهة نظر شخصية

وخلونا نتبادل الاراء والاقتراحات والنقاشات بشكل ودي ومحترم وما فيه أي مانع من المزح والاستهبال والشطحات
يعني الموضوع بيكون اساسا عن الفرق الخمسه , واللي بيكشت بكيفه

وكل واحد له الحرية يرد على اي رد مهو شرط اني انا اللي اناشب الحالي بكل رد

وباقي على الدوري اسبوعين يعني لازال فيه تعاقدات لكن ابتكلم عن الوضع حاليا اثناء كتابة هالموضوع

اهم شي لا يجي احد يدرعم ويقول مشكور والا موضوع مميز والا يسلمو

اي واحد بيرد زي كذا راح اكلم المشرفين يزودون مشاركاته 1000 علشان يرضي غروره

بسم الله نبدأ مع الفرق

==============================
==============================

الميلان

وضعه العام الماضي :

ما قدر يوصل للمراكز الاربعه المؤهلة لدوري الابطال رغم انه كان الاقرب

لكن حظه الردي انه طاح فريسة لنابولي على ارضه اللي ما يرحم اي ضيف ميلان صار الخامس والجماهير قلبت على الرئيس والنائب لدرجة انهم عرضو النادي للبيع بموقع جديد وطلبو من برلسكوني بيعه !!

اللي حصل : برلسكوني ترك الفريق وتفرغ للسياسة , واللي استلم الطارة جالياني الاقرع القعيطي

التعاقدات

جالياني مهبل بجماهير الميلان لانه يصرح عن اللاعب اكس ومدري ويش وبالاخير يجيب الموهبة باتو ولا قدر يلعب لين وصل للسن القانوني في الكالشيو , وصار باتو يتحمل ثقل كبير العام الماضي لانه الصفقة الوحيده !

هالموسم الميلان عزز الفريق بكذا تعاقد كالتالي :

1-الكلب الخائن

زامبروتا , تعاقد مع لاعب نزل مستواه مع برشلونه غير كذا انه عدا حاجز الثلاثين , يعني لازال فيه الخير والبركة , لكن من وجهة نظري ان اللاعب ماعاد هو زامبروتا القديم , وبرضة نكب ايطاليا بامم اوربا الاخيره يعني ماراح يضيف لميلان ذاك الشيء القوي مرة

والظاهر اودو يمكن اطلق بعد

2-بوريللو : المزهرية اللي اخذها معه دونادوني في امم اوربا ( المزهرية لانه ما لعبه وكان زينه بس

) طبعا هو ثالث هدافين العام الماضي ورجع لناديه الاصلي ميلان بعد ما خلص اعارة جنوى .

3- رونالدينو : صفقة مدوية استغلو فيها الميلانيين الهوشة بين الضرس وبرشلونه ولقطوه باقل الاسعار والظاهر عوضو قيمته بعد ثاني يوم
رونالدينو غني عن التعريف لكن الخوف من طنقرة البرازيليين المعتاده !

4-فلاميني : الارفل كان بيجي لجوفنتوس لكن راح للميلان وتوهق لان الميلان بيلعب بكأس الاتحاد ولا راح يلعب بدوري الابطال , فلاميني ممتاز لكن هل بيقدر يوظفه انشلوتي صح مثل فنجر ؟

طبعا هالتعاقدات بشكل عام معززة للفريق , لكن ما يؤرق مضاجع ( صح بالاديب

) جماهير الميلان هو الشيخوخه اللي بالفريق , يعني اغلب اللي فيه معدين الثلاثين عدا كاكا وباتو وبوريلو وفلاميني ورنالدينو تقريبا

وبرضة دور رونالدينو زي كاكا يعني بيكون فيه تعارض بينهم والجماهير تخاف من هالشيء

المدرب

خطة انشلوتي معروفة ولا يغيرها لو ويش
4-3-2-1 اللي يسمونها الشجرة
وتعتمد على لاعب واحد صانع لعب يكرفه كرف لين يذن اللي هو كاكا
ايام اليوفي كانت صانع لعب واحد وقدامه مهاجمين وانكرف زيدان كرف الويل

بس الميلان ماراح يلعب دوري الابطال يعني اتوقع انه المرشح الاول للدوري لانه بيفضى له صح

الانتر

وضعه العام الماضي

الانتر بطل اخر 3 مواسم ( واحد اخذوه بأثر رجعي

, والثاني كل الناس بالسالب , الثالث هو اللي كسبوه باخر جولة )
الانتر متماسك ومتفاهم لانهم من زمان مع بعض
والفريق ما تعرض لاي هزة نهائيا وخلفه شخص مخباته منشقة يعني الفلوس مضايقته ولا يبخل على النادي لكن علة النادي كانت المدرب , والحين حضر مورينو صاحب النجاحات الباهره في الدوري الانجليزي .

التعاقدات

الانتر مازل فيه مشكلة في كبر سن الدفاع بالاضافة الى الافتقار لصانع اللعب , فيجو شيّب حتى ماعاد يوحي

, ستاكوفتش ما اظنه بيضبط لانه مندمر من زمان , مانسيني كان ظهير وبعدين وسط وبعدين جناح يعني ما تأمل عليه
الانتراويه كان مأملين بشخص مثل كواريزما او ريكلمي سابقا لكن العلة لا زالت موجوده

الهجوم كروز شايب وكريسبو شايب وابرا الغجري

اصابته بريال وسوارزو طلع حق اندية وسط

المدرب

خطة الانتر ايام مانشيني مدري وش تبي 4-3-1-0-2 اغرب خطة في العالم لانها 3 محاور وواحد تايه ماله شغلة وبعدين الهجوم
لكن الأمل الانتراوي كله على مورينو والهدف المنشود الاساسي هو دوري الابطال او عقدة الانتر الازلية لان اخر نسخها حققها كانت مع هيريرا الارجنتيني ابو خطة الكاتيشانو ايام الستينيات
مورينو خبير اوربيا ووصل مع البلوز لدور الاربعه كذا مرة وجاب البطولة مع بورتو يعني صار له باع مع هالبطولة

يعني بعد هالبربرة اللي فوق اتوقع ان الانتر هو المرشح الثاني .

اليوفنتوس

وه بس وش اقول

<=== الحالهم صورتين

وضعه العام الماضي

اليوفي العام الماضي صار الثالث وهذا انجاز لفريق متفقع ومنلعن خيره ونازل درجة ثانية وطلع نص الفريق الاساسي وخساير بالملايين ومدرب جديد سجله الذهبي ضعيف جدا ولا قد حقق في حياته بطولة دوري ومع ذلك وصل للثالث وهذا هو كان الهدف المنشود ( دوري الابطال )
السنة هذي الادارة جددت الثقة مع المدرب علشان الاستقرار الفني واتفقو مع بعض انه بدل ما يجيبون لاعب خالع يعطيك 90% يجيبون لاعبين في نفس المركز لكن مردود كل واحد منهم 60% يعني صار فيه لاعبين في كل مركز على الاقل

3 حراس مرمى
4 قلوب دفاع
4 اظهره 2 يمين و2 يسار
5 محاور ويمكن يطلع تياجو فيصيرون 4
صناع اللعب والاجنحه 5 وفيه واحد بزر يمكن رانييري يغامر ويضمه معهم ويصيرون ستة
الهجوم 4

وفيه ناس فايضه على التشكيلة

يعني الادارة لبت طلبات المدرب والجماهير تنتظره

المدرب

العلة الان في المدرب لان اغلب الجماهير ما تثق فيه , وبحكم جولاتي في المنتديات الاجنية او العربية فاتوقع ان نسبة الواثقين فيه تجي حول 40% وهذا رقم مخيف جدا

لكن من يدري يمكن يسوي رانييري شي والله اعلم خصوصا ان الفريق منتشي بعد ضمان التأهل للابطال بدرجة كبيره يوم فازو على ارتميدا الفلندي .
تشكيلة رانييري غالبا 4-2-2-2
الفريق فيه اعمار كبيره لكن الادارة معتمدة دمج الشباب مع الخبرة ونسبة الشيخوخه قليله مقارنة بمعدل اعمار الفريق العام مع العلم ان رانييري كنت اسبه ليل نهار بس كلما اتذكر دونادوني اقول يا زينك يا ابوروان وش حليله عنده
رانييري يخمبق بالتشكيلة بس كثير من الاوقات يعدل بالتبديلات مو مثل دونادوني

برضة التعاقد مع رانييري على حسب تصريح الادارة كان له هدف , وهو انه سبق له التدريب في ايطاليا وانجلترا واسبانيا يعني حاطن هالدوريات بمخباته فيقدر يواجه اي فريق منهم في دوري الابطال لان عنده خلفية
وما ندري وش يخبي لنا المستقبل مع هالمدرب الرخيص

للمعلومية :

انشلوتي يستلم فوق 5 مليون يورو , المهم انه حول هالرقم
مورينو 9 مليون يورور
رانييري 800 الف يورو

يا حليله ما يخالف ابد خخخخخـ

( ماني متأكد من الارقام 100% بس حولها )

اتوقع ان اليوفي هو المرشح الثالث للاسكويدتو لانه اسمه يرعب الفرق الثانية وغير كذا المنافسة على المراكز بتكون ايجابيه للفريق .

فيورنتينا

وضعه العام الماضي

فريق رانييري القديم

الفيولا العام قدم موسم ممتاز مع مرتبة الشرف , على الرغم من ضعف الميزانية الا انهم جابو الرابع باخر الوقت , وبرضة وصلو لدور الاربعه في كأس الاتحاد الاوربي لكن طلعو من رينجرز بضربات الترجيح رغم انهم باب واحد بس رينجرز كانت خطته 10-0-0 وهذا اللي عدم ام لياقة فيورنتينا

فيورنتينا مستقر مع المدرب براندللي ولا عنده خلاف هالموسم

التعاقدات

فيورنتيا ماسكته ادارة ممتازة جدا ومدير تعاقدات على مستوى عالي بالرغم من مستوى الفريق الممتاز الموسم الماضي الا انهم ضبطو الفريق اكثر واكثر هالموسم زود ان عندهم موتو ومنتليفيو وفري وشلة الانس , الا انهز زودو كم اسم

والاسماء جامدة بعد :

1- الميرون المحور الارجنتيني اشتهر مع امبولي ولا فلح مع اليوفي العام الماضي واخذوه اعارة هالموسم واكيد بتكون له بصمة لان خلفه مدرب يعرف يصقل الامكانيات

2- فارجاس الظهير الممتاز جدا وكان مطلب من اغلب الاندية العام الماضي , يقوم بادورا هجومية رائعه وعنده رجل تدل الباب صح يعني راعي مزعات

3- جيلاردينهو الانبطاحي

موهبة ايطاليه ممتازه لكن اندمرت مع ميلان والان براندللي رجع الثنائي القديم ( موتو + جيلاردينهو ) مرة ثانية .

وفيه كم صفقة لكن ما اقدر افتي فيها لاني ما اعرف عنهم شي

هذا وضع الفيولا بشكل عام والتعزيزات تقول انه فريق جامد مرة

المدرب

المدرب هو الداهية الجديد سيزاري براندللي ولد اليوفي البار ( لازم طاري اليوفي

) والكل يجمع على انه مدرب على طراز عالي ويبغاله كم سنة خبرة ويصير من ضمن عباقرة العالم في التدريب ويكفي الانجازات اللي سواها مع الفيولا رغم الخصومات من الاتحاد الايطالي وقلة الدعم المالي .

اتوقع ان الفيولا هو المرشح الرابع لان عنده بدلاء ودكته افضل من روما اللي بيجي طاريه الحين

روما

روما وما ادراك ماروما , الله يصبر جمهوره , دايم يكون قاب قوسين او ادنى من الكالشيو لكن ما يجيبه . العام الماضي روما لعب على جبهتين وقدر يقاوم الانتر لاخر جولة وخسر الرهان , وبدوري الابطال طلع من البطل مانشيستر يونايتد بدور الثمانية . يعني كان مرهق جدا باخر جولات الكالشيو والسبب ما فيه بدلاء كثار على الدكة

التعاقدات

روما باع مانسيني وجيولي وفيراري واشتى ريزه من ليفربول وباتسيتا من ريال مدريد يعني صار فيه معاون لفوزنيتش اللي تبهذل العام الحاله في الهجوم , لان توتي مشكلته الاصابات يعني بشكل عام روما باع 2 في الوسط واشترا لاعب شبه مهاجم اللي هو باتيستا , واعتقد ان اكوالاني وضعه غير مستقر ويمكن تخسره الحسناء سينسيني

الظاهر باقي تعاقدات ما تمت لروما من وجهة نظري الشخصية لاتزال دكة روما اقل الدكات امكانيات وهذا يأثر في بطولات النفس الطويل .

المدرب

سباليتي مستقر مع النادي وتعودو على طريقته وهي 4-6-0 يملك الوسط واثناء الهجمة يجي الفريق مع كل محل
لعب الفريق ممتع جدا بس يقولون ان سباليتي بيغير الخطة هالموسم على كلام واحد من العيال ومدري عنه .

توقعاتي ان روما هو المرشح الخامس للكالشيو .

============

قاعدة 1

انا اشجع جوفنتوس يعني اكيد اكره الانتر وروما والميلان لكن بدرجات متفاوتة , طبيعي لو لعب الانتر مع ريجينا ابشجع ريجينا .

قاعده 2

لما اقول وجهة نظري في شي مو معناته اني سبيت احد والا غلطت على ابو احد والا تلفظت على امه , راس مالها كورة لا راحت ولا جت وغير كذا كفار بعد .

هالقواعد لها فائده بعدين لاني متوقع ان فيه ناس بتطفي النور

============

][.. النقاش..][

1/ وش رايك بكل ما كتب اعلاه ؟

2/ اي سيرفر احسن لترافيان : السيرفر البريطاني والا البرازيلي ؟

وسلامتكم

أي شيء · #2 15/08/2008, 09:18 PM

يعطيــك ألــف عافيــة يـا نــاصر على هالنقــاش

اشتقنــا للكالتشيو والله اشتقنــا

برأيي إن المرشحيــن للاسكديتو بهالترتيــب

1- الانتر

2- اليوفي 3- الميلان 4- الفيولا 5- رومــا

وألحيــن بأقول لك ليــش

الإنتــر يـا حبي لـه

: الإنتــر حــامل اللقب ينقصـه كواريزمـا و دييجو وأضمـن لك بطولتيــن من هالموسم الإنتــر حـاليـاً عنده نقص في مركز صنــاعة اللعب خصــوصـاً إن في مركز الوسـط الهجومي مـافي إلا ثلاث لاعبيــن ( فيجو - مانسيني - خيمينيز ) ولا تقدر تعتمد عليــهم في ثلاث بطولات ولا تنسى الإصـابات اللي هدّت الانتر الموســم المـاضي

اليوفي : الفريــق يميزه المنــافسـة بيــن اللاعبيـن يعني في المحور مثلا تلقى أكثـر من 3 لاعبيـن وكلهم في مستوى واحـد تقريبـاً وهذا بالتــأكيــد بيفيــد الفريـق واليوفي تقريـباً غيـر مطالب بالاسكديتو

الميـلان : الفريــق عنده نقص كبيــر خصوصـاً في مركز الدفــاع ومركز الحراســة ومركز رأس الحربـة

الفيولا : عيــال فلورنســا من الموسم المـاضي وهم مقدميـن مستوى رائـع ومع التعاقدات الجديــدة بيكون أفضــل تحت قيادة برانديلي وموتو

رومــا : الميركاتو ضعيـف جداً لرومــا يعني تخلوا عن مانسيني وجولي ولا جابوا لاعب بديـل إلا بابتيستـا

T..N..T · #3 15/08/2008, 09:20 PM

وش هالزين يا السمي

يا شيخ انت المفروض يسمونك فتى المواضيع الأبدي

موضوع فللللللله (فله ولا شقة ) كح كح قدددددديم
<<<<<<براااااااااااا
المهم نرجع لموضوعك الكارثي

بتكلم عن كل نادي لحاله بترتيب الاقرب للدوري

الميلان

بعد هواش وقله حيا الموسم اللي راح صار الخامس مع انه كان الاقرب للرابع
الميلان كان يعاني من اولا عدم الاستقرار الاداري و ضعف لياقة الاعبين الموسم اللي راح لأن اغلب لاعبينه شيبان لاكن هالسنه ميركاتو جامد للميلان بقدوم روني وفلاميني ودعم الفريق ببزارينهم بعدين ما عنده الا هالدوري وكاس اوروب
ا (كاس الزلايب

)يعني انواع الاستقعاد.

روما

هالفريق ما ادري كيف لو هو في اسواء حالاته تخاف منه دايم يطلع لك بطلعات جامده
ويكفي الموسم اللي راح على قلة مستوى الاعبين اللي عندهم الا وانهم قدرو يسوون الهوايل في اوروبا والدوري لاكن ينقصهم دكة بدلاء لأن الفريق ما فيه احد واذا كان فيه فهو داج عشان كذا بيعو اكويلاني لنا احسن لكم عشان تجيكم فلوس وتجيبون لاعبين زي الناس.

اليوفي

يا لبا قلب هالفريق بعد من اللي كان ان اليوفي بيتأهل لدوري الابطال وبياخذ المركز الثالث في الدوري انها عزيمة الرجال يا حبيبي لاكن هذا DNA وما يسوي وبعد انتدابات الفريق هالسنه بعد صار اليوفي غير اتوقع اليوفي راح يسوي شي كبير في دوري الابطال لاكن الدوري ما اتوقع بيسوي شي صح انه بينافس وبيكون من الاربعة الاوائل لاكن ما اتوقع بياخذ الاسكوديتو هالسنة

الانتر

هالفريق على كثر لاعبينه والاسماء الكبيره اللي فيه الا ان موري الى الان ما قدر يسوي توليفه للفريق وحس انهم زلايب ولعن ام اليوم اللي جا فيه للأنتر حس ان تاريخه بيندمر مع هالفريق

الفريق يحتاج لصانع لعب من طراز عالي بعدين مورينهو بينصدم في طريقة اللعب في الكالتشيو وبيكع فلذالك اتوقع الانتر زي اليوفي بيسوي شي في الابطال لأنها لعبة موري لاكن الدوري ما ظنيت

الفيولا

هالفريق يمتعك وانت تناظر لعبهم ومسوي شغل جامد الموسم اللي راح لاكن احس انه بينصدم صدمتين لا بيفلح في دوري الابطال ولا الدوري احس انه بيكون زي وضع لاتسيو السنه اللي راحت صح انهم انتدبو لعيبه على مستوى عالي ومدربهم بيكون ظاهرة لاكن عندي احساس انهم بيدجون

============

][.. النقاش..][

1/ وش رايك بكل ما كتب اعلاه ؟
زي وجهك (يعني احلى شي في العالم)

2/ اي سيرفر احسن لترافيان : السيرفر البريطاني والا البرازيلي ؟

يمدحون السيرفر التركي يقولون فيه زيون

هالسؤال بيحرج واحد شكله ما بيرد على موضوعك بسبته لأنه انجلد وحذف عضويته اعلم يا... ولا تدري هو اكيد بيكع

اقول احس اني طولت
يا ليل الفضاوة بس

LOVE JUVE · #4 15/08/2008, 09:33 PM

محجوز ياعسل والعوده غدا

سلااام
.................................ز

زعيم الشمال الهلالي · #5 15/08/2008, 09:41 PM

يعطيك العافية اخوي ع الموضوع ,,
انا جديد عندكم ولما شفت كثار اليوفنتينين قلت خل ننشب عندكم

بصراحة الدوري الايطالي صار مثل الادمان عند الكثير من الجماهير
مع ان الاغلبية تعترف انه الدوري الانجليزي اكثر حماس
بس على قولتهم الي ماله اول ماله تالي <<داري ان مالها دخل

بس حب اليوفي

وكره الانتر

وشعور الحب الطفيف لروما

علقنا مع هالدوري

الميلان

احس ان الميلان يحتاج لتغير كامل لخط الدفاع
مالديني انتهى فنيا

ونيستا كثرانه غلطاته؟
عاد ديدا شي ثاني

يصد اصعب الكور والكور التافهه تدخل بكل سهوله

الانتر

لا تعليق

اليوفنتوس

بصراحة كلنا نعرف ان اليوفنتوس يلعب بالروح
اكثر من ان اسماء الفرق قوية
بس لو يقلعون العصفور الي يدربهم<<عجزت اهظمه

فيورنتينا

ما اعتقد ان له فرصة نهائيا

روما

مشكلة روما انهم يلعبون بخطتهم المعقدة

قدام الافرقة القوية والضعيفة
وهذا الي يخليهم يخسرون الكثير من النقاط
واشوف انهم يحتاجون مهاجم مع توتي

ــــــــــــــــــــــــــــــــــ
انا اشجع يوفنتوس يعني اكيد اكره الانتر وروما والميلان لكن بدرجات متفاوتة , طبيعي لو لعب الانتر مع ريجينا ابشجع ريجينا .

هذي قاعدة معروفة وما عليها نقاش

iker · #6 15/08/2008, 09:55 PM

.
.

إقتباس


	بكل اختصار راح اتكلم عن الدوري الامتع في العالم , الدوري اللي يخليك تدمن مبارياته حتى لو انها بين فريقين مالهم صيت . الكالشيو وما ادراك ما الكالشيو

تقولي الأقوى ماعندي مشكلة ..

لكن الأمتع ؟!!!! ..

* * * *

بصرآحة ماعندي إضافة كبيرة للموضوع ..
لأنك كفيت ووفيت ..
لكن أتوقع ان ميولك اليوفاوية أعمتك ..

لأنك ظلمت اليوفي صرآحة .. وماتبي تفاول كثير ! ..
أتوقع ان الدوري الموسم الجاي يبي ينحصر بين اليوفي والانتر ..
وأتوقع ان 3 مرات على التوالي مهي صايرة 4 ..

الميلان وضعه مزري .. وتحس ان به شي ناقصه ! ..
روما فريق ممتاز .. لكن بالميركاتو كان ضعيف .. وهو اللي المفروض يشتغل بالميركاتو صح ..
لأننا نعرف ان دكته ضعيفه ..
فيورتينا قوي .. لكن ما أتوقع انه ينافس على الدوري ! ..

* * * *

1/ وش رايك بكل ما كتب اعلاه ؟

أهنيك صرآحة .. ورده
وماهو غريب على واحد من أبرز كتاب الشبكة ..

2/ اي سيرفر احسن لترافيان : السيرفر البريطاني والا البرازيلي ؟

طق اللي يعرف ترافيان ..

* * * *

تحياتي .. ورده

.
.

G o L d E s T · #7 15/08/2008, 10:26 PM

//

بعد ما خلصنا من ليبي اليوفاوي جبت لنا برانديلي

لي عودة مفصلة

......

عدنا

أول شي أبدأ بميلان الغالبية يشوفون إنه المرشح الأول للفوز بالأوسكديتو

صحيح ميلان جاب رونالدينهو اللي بيعدل الأوضاع هجوميا لكن الدفاع والحراسة أكثر من سيئة

الشي هذا كان مبين بميلان من الموسم الماضي أعمار المدافعين كبيرة ويعانون من الهجمات المرتدة من الفرق الضعيفة

حتى لو كان ميلان متفرغ للدوري يظل الدفاع سيء و والحراسة بعد لكن أتوقع نسبة حصول ميلان على الدوري 30%

.....

أما بالنسبة للانتر فيظل المرشح الأقوى للدوري

ميزة انتر إنه كل سنة يزيد قوة لكن تظل مشكلته بصانع الألعاب بالإضافة إلا إنه بيعاني ببداية الدوري بسبب غياب

كوردبا وصامويل للإصابة

أعطي الانتر 55% نسبة فوزه بالدوري

.....

نجي لليوفي

اليوفي أتوقع إلا الحين في مرحلة إستعادة لشخصيته وهيبته يعني ما بعد قسى عظمه

ونفس الشي بالشامبيونز ما أتوقع يحقق نجاح ويمكن مشاركته ببطولتين على مستوى قوي بتشتت اللاعبين

خصوصا إذا عرفنا إن اليوفي ما تعود على هالشي من سنتين

اليوفي ناقصه أظهرة على مستوى عالي وبديل لنيدفيد لأني اشوف صفقة أماوري ما لها داعي حتى لو كان لاعب مميز

وجوده مع دل دل وتريزي و ياكوينتا ما له داعي أو على الأقل يتم الاستغناء عن ياكوينتا ويجي بداله ظهير مميز

أعطي اليوفي 10 %

.....

أما روما بتستمر عندهم مشكلة الدكة الضعيفة وصعوبة المنافسة ببطولات النفس الطويل

روما بتقل حظوظهم السنة هذي بسبب دخول الميلان كمرشح ثاني قوي ومتفرغ للدوي

شخصيا أشوف إن صفقات روما أقل من عادية وكانوا محتاجين لمدافع أكثر من حاجتهم للاعب وسط

إلا إذا كان سباليتي بيعتمد بانوتشي قلب دفاع ممكن تنحل مشكلة الدفاع بروما

من وجهة نظري نسبة روما للفوز بالدوري 5 %

.......

فيورنتينا استحاااااالة يفوز بالدوري

حتى لو كان فريق مميز وممتاز بالسنوات الأخيرة تأكدنا إنه ما فيه فريق بالكالتشيو يقدر ينافس على الشامبيونز والدوري

ولا يتأثر مستواه بشكل كبير بالدوري غير الأربعة الكبار ( انتر , ميلان ,اليوفي , روما )

وأكبر دليل لاتسيو و اودنيزي اللي تميزوا بالدوري في الموسمين الماضيين لكن بالمواسم اللي شاركوا فيها بالأبطال

كان أدائهم سيء بالدوري

لذلك أستبعد الفيولا من المنافسة على الدوري نهائيا

//

هلالي بريده2 · #8 15/08/2008, 10:30 PM

ان شـــــــــــــــــــاء اللــــــــــــــــه الدوري لليـــــوفـــــــــي

عاشق الأمير الأسيوي · #9 16/08/2008, 01:07 AM

8

8

سوف يسترجع متابعينه هذا الموسم ..

لأن الجميع لاحظ الموسمين الي فاتو قل متابعته بسبب تدني المستوى

ولكن هذا الموسم سوف تكون المنافسة شرسة بين الكبار الذي ذكرتهم آعلاهـ

اوافقك سكور ع ان الأنتر ضعيف دفاعياً ليس بسبب كبر السن ..

الا بسبة التهورات الي مايتركها الماتريكس وبورديسو <<---- كمل عليهم ريفاس من أول مشاركاته

الأنتر لشاهدة القائمة والآسماء الموجودة .. تقول هذا المفروض يلعب بفريقين

وهذي الميزة القوية للآنتر من سنين وهو تعويض المصابين بـ لاعبين نفس المستوى

واتوقع ميركاتو الأنتر ليس بعيد عن ميركاتو الجيلاروسي

لكن ننتظر كوارزما ..

<<------ وسوس مع آخبار كوارزما ..

واما فيقو الاحظ ان مورينو يريد الاعتماد عليه هذا الموسم من البداية

وصدقني فيقو لزال لدية المقدرة ع التألق

.. وسبب جلوسة بالاحتياط بالسابق من مانشيني ..

نقاط بسيطة عن الفرق المتبقية : ورده

الميلان تعاقد مع فلاميني وعندهـ محاور من أروع المحاور الي يتمناهم اي فريق

فـ كان الأجدر التعاقد مع ستوبر يعوض غياب نيستا بسبب الآصابات المتكررة

وايضاً زامبروتا لن يضيف للميلان شيئاً بسبب كبر السن وانخفاض مستواهـ في السنتين الماضية

والحرآسة كما لاحظنا ديدا ماتوقع يسترجع مستواهـ بعد الاصابة والآداء المنخفض في الموسم الماضي فـ راح يواجهون صعوبات في هذا المركز

اليوفي :

اتوقع هو افضل فريق بالميركاتو

خصوصا : صفقة ميلبرغ توقعت لها النجاح المبهر بعد تعاقدهم معاهـ وخلال متابعتي له بالبريمر وشاهدنا ابداعه باللقاءات الودية ..

مدافع صلبـ وامكانياته تناسب الكالشيو

اماوري : اضافة قوية لقوة اليوفي الهجومية وخصوصاً سوف تشتعل المنافسة بينه وبين ياكوينتا

وتريزي مثبت نفسه بقوة ولن يكون خارج التشكيلة الاساسية الا اذا ضروف غير فنية

الفيولا : بقاء موتو واستقطاب جيلا ثنائي سوف يسترجع يوم كانو بالـ بارما .. <<---- آخيراً تذكر اسمه ..

المهم وبـ ختصار الفيولا سوف يستبعد الجيلاروسي من المراكز الآربعة في المقدمة ..

الجيلاروسي :

اضعف ميركاتو بالكالشيو الظاهر يسجل بأسمهم

سينسي تفاوض ع لاعب وحيد شهرين ع شان شو

ع شان يرضخون للمبلغ المقدم منها وبالآخير يخسر الفريق الميركاتو ويتعاقد مع لاعب او لاعبين فقط

بسبة قحط عجوز النار ..

وشفنا كيف لعبت بـ برانكا وآدارة الأنتر قبل يتعاقدون مع مانسيني سحبتهم كل الصيفية ..

وهو ماهو بـ الطموح الي نبيه ..

نبي من الميركاتو كوارزما وبس ياموراتي ..

R A F A N E L L I · #10 16/08/2008, 02:28 AM

الكالتشيو وما ادراكـ ما الكالتشيو

بانتظار 30 / 8 / 2008

الفرق الاوفر حظاً بالفوز بالاسكوديتو :

1- الميلان

بعد موسم يُعد للنسيان بالنسبه لمشجعي وعشاق الروسنيري , وبعد الفراق المرير بين دوري الابطال وبين محبوبه الازلي اضاع العديد من النقاط في السان سيرو فكانت النتيجه الابتعاد عن عشقه الابدي " جوري الابطال " والاتجاه الى كاس الاتحادالاوروبي على غير العاده ...
اختياري للميلان كاول فارس للكالتشيو لان الميلان سيكون وبكل عتاده مركز على الاسكوديتو وبدون اي مضايقه من دوري الابطال صفقات الميلان من الممكن ان تكون مساعده للروسنيري عودة بوريلو والتعاقد مع فلاميني وزامبروتا ورونالدينيو ستكون كفيله نوعاً ما بتجديد حيوية الشباب داخل المستطيل الاخضر , فاعتقد ان من ابرز نقاط الضعف لدى الميلان سناترة الدفاع , فاذا لم يحاول الميلان تدارك الموقف فانه سيخسر الكثير باعتقادي , لانه سيجد منافسه كبيره من قبل الفرسان الاربعه المتبقين ...

2- اليوفي

بعد موسم اكثر من رائع وبعد عوده من السيرياb وبعد المشاكل المتلاحقه لليوفي , هاهو البيانكونيري يعود لامتاع الجميع وليعيدللكالتشيو نكهتها مجدداً بعد موسم يعتبر من اسوى مواسم الكالتشيو لان الزعيم غير متواجد , فبعد ان عاد عادت الروح ليمتع ويقنع الجميع بان سر الكالتشيو موجود في زعيمها , فعاد الى الكالتشيو وليحقق المطلب الرئيسي والاول " وهو دوري الابطال " فكان له ذلك باصرار رجاله الاوفياء الذين تحملوا مصاعب الهبوط ويثبتوا للجميع ان الـ دي ان اي موجود في عروقهم دون ان يكلوا او يملوا ...
حظوظ اليوفي راح تكون كبيرة نوعاً ما للحصول على الاسكوديتو , لان اليــوفي قام باستقطاب العديد من الاسماء الرائعه التي ستساعد اليوفي في اللعب على وجهتين اساسيه ولا ننكر ان ذلكـ سيكون صعب على البيانكونيري لكن اتوقع بالاسماء الموجوده من الممكن ان ينافس اليوفي الميلان وبقوه على بطل الاسكوديتو لموسم 08/09 م ولا ننسى المنافسه الكبيره من الفرسان الثلاثه الباقين ....

3 - رومــا

صاحب الاداء الرائع والمبهر في الدوري الايطالي , وصاحب الترتيب الثاني في الموسم الماضي فلولا النتائج المتعثره في الجولات الاخيره لكن اصبح بطلاً للاسكوديتو , لكن هذه حال الكوره ....

اتوقع من روما في هذا الموسم ان يكون ممتعا كالعاده وسيكون منافس على جميع بطولات الموسم ومن ضمنها الاسكوديتو ومن الواضح ان الجياليروسي سيخطط جدياً على بطولة دوري الابطال ولان النهائي سيكون في العاصمه الايطاليه روما فسيعمل الجميع على تحقيق هذا الهدف المنشود ومن ثم التفكير ملياً بالاسكوديتو , ومن خلال الاستقطابات التي قام بها روما والمتمثله في اللاعب جون اريزه وباتيستا واعتقد باضافة الاسمين الى اللاعبين المتبقيين سيكونان اضافه جيده للجياليروسي ,,, وسيكون منافس قوي للميلان واليوفي والفارسين المتبقيان ...

4- الانتر

بطل الاسكوديتو لموسمين متتاليين , صاحب العروض الداخليه الرائعه , ولكن هذه العروض الرائعه سرعان ما تختفي في دوري الابطال.

فهذا الموسم اعتقد ان الانتر سوف يركز على دوري الابطال بشكل كبير ومن الممكن ان يحصل عليه طالما ان لديه مدرب حاز على دوري الابطال وخسر في موسمين متتاليه في نصف النهائي , فهذا يعني ان لديه مدرب قادر على الوصول بالنيراتزوري الى انجاز طال فراقه وهو دوري ابطال اوروبا , اما من ناحية الاسكوديتو فان الفريق لايمكن ان ينافس لانه لم يقم بعمل فعلي في الميركاتو سوى ضم اللاعب مانسيني ولانه كذلك سيركز جدياً على دوري الابطال ,والمتبقي الفارس الاخير وهو الفيولا ...

5 - فيورنتينا

الفرقه المرعبه فرقة البنفسج , موسم رائع بعد المنافسه على الوصيف مع روما لعدة اسابيع , ومن ثم االتقهقر والرجوع الى المركز الثالث ومن ثم العوده الى المركز الرابع فاصبح الوضع يزداد خطوره بالابتعاد عن مركز مؤهل لدوري الابطال بعد ان استفاق الروسنيري متاخراً في الكالتشيو فلولا الهزيمه قبل الاخيره للميلان امام نابولي لاصبح الوضع مجرد حلم للوصول الى دوري الابطال , لكن لا نخفي جدارة واستبسال الفريق البنفسجي طوال الموسم الكامل فاستحق بكل جداره ان يحجز مقعداً لدوري الابطال ..فاتوقع بتكون منافسته على الدوري الايطالي صعبه جداً في ظل وجود دوري ابطال ووجود انديه قويه منافسه له امثال القرسان الاربعه السالف ذكرهم ,,,

فالان نتجه الى فارس هذا الموضوع الرائع والذي اكن له كل الاحترام والتقدير على طرحه الرائع والبسيط ...

شكرا اخوي نــاصر ..ورده

مطشم شعره · #11 16/08/2008, 03:09 AM

موضوع منتاز جدا ..

بحكم إني انتراوي راح أبد من هـ النقطة ..

الإنتر فريق لديه كم هائل من اللاعبين وهذه النقطة أكبر ما يميزه وتجعله المرشح الأول في الكالشيو ..

وجود مورينو نقطة تحسب للإنتر ولاحظت على مورينو من المبارايات الودية اعتماده على نقاط معينة :

1/ إعادة الثقة في ادريانو .. والذي يعتقد مورينهو أن ادريانو مع ابراهيمفوتش هما العلامة الفارقة في الفريق ..

2/ محاولة انسجام مانسيني مع التشكيلة لأنة لاعب مميز من الاطراف خصوصا من اليسار ..

3/ التركيز وطرح الثقة الكاملة في فيجو .. الذي يعتبر رجل المباريات الحاسمة متى ما أعطيت له الفرصة ..

أكبر عيوب الانتر الاول هو غياب صانع الالعاب الحقيقي ووجود لاعب بقيمة ريكلمي هو أكثر ما يحتاجه الانتر .. بالاضافة الى تهور بوردسيو

الميلان ..

وسط جبار وجبار جدا بقيادة المايسترو بيرلو

.. ولكن بدون دفاع ولا هجوم ولا حارس جبار

الميلان مشكلته انه لا يستطيع مقاومة الدوريات الطويلة ..

اليوفي ..

بيني وبينكم ما أحبه أبد

بس أحب دلبيرو

اكبر مشكله يعاني منها اليوفي غياب البديل لبوفون واللي قاهرني حتى بالمبارايات الودية ما يعطون الاحتياطي أي فرصة

روما ..

أكثر فريق يمتع في العالم بعد الأرسنال لكن أثنينهم مكتوب لهم متعه بدون بطولات

وبس ..

على طاري ترافيان عندي قرية للبيع تشتري

فتكون بعافية

وليد القحطاني · #12 16/08/2008, 03:19 AM

هلا ناصر

روما هالسنة غير مع باتيستا وريزا وعودة الملك .
وبإذن الله نفتتح موسمنا بكأس السوبر

روما السنة اللي راحت كانت ماقصر بصراحة .
دوري الأبطال والدوري وكأس إيطاليا
وجت وحدة اللي هي كأس ايطاليا واخذنها من الانتر وبناخذ السوبر بعد

روما حقه اكثر من كذا

وبإنتظار المتعة والأثارة وانتظار نقشبندي

لاهنت يالذيب

ميلان-7 · #13 16/08/2008, 03:27 AM

يعطيك العافية اخوي على الطرح الجميل جدا جدا جدا

في البداية احب اعقب على كلام العضو Iker

انت تقول مو الامتع انا احترم رأيك ولا اتنقص منه لكن ؟؟

للكالشيو مذاق وطعم لا يحس به الا محبيه

تبي تحب الكالشيو تابع مبارياته حتى لو هي مملة

تابع وحده وثنتين وثلاث

صدقني بتحس بالفرق ليه ؟

في المباراة الواحده تشوف خطط وتغيرات تكتيكية حتى لو ما خرج لاعب من الفريق وعوض عنه واحد

تلقى الفريق يلعب باكثر من خطة في مباراة واحده

وهذي حلاوة الكالشيو

باختصار تعلم بشكل مبسط التدريب باساليبه .

ارجع للموضوع

[

يا دفاي بعز بردي

خلاص هانت كلها 15 يوم ونرجع لك

نرجع لعشق كرة القدم و جنتها

..................................................

الفرق وحظوظها :

الميلان

الميلان بفريقه الحالي صعب وصعب وصعب ينافس ليه ؟ الميلان دفاعه ووسطه الخلفي ثقيل ، الهجمات المردته تضرب بها الميلان باريحية تامة . هذا غير عن اصابة نيستا المتكرره غير عن كبر مالديني ، غير عن طيش بونيرا غير عن عدم توفر البديل الممتاز . غير عن حال الاظهرة .

اظهرة الميلان هجوميا لا بأس بها اما دفاعيا الله بالخير خصوصا يانكو .

الوسط حاله مش ولا بد دفاعيا بصراحة للحين ما شفنا فلاميني بشكل واضح ويا خوفي انشي ما يقدر يوضفه بشكل ممتاز في الملعب .

جاتوسو وبيرلو مستواهم مرة فوق ومرة تحت على الله يستعدوا للموسم مضبوط خصوصا الاول اللي خمبق واجد العام .

الهجوم الحال من ردي لاردى ، المحشش ( بوريللو ) جبناك يا عبد المعين تعين طلعت يا عبدالمعين تدور العون

جا واصيب وبيبو كبير في العمر ومصاب وباتو في بكين ويحتاج راحة اذا جاء وبالوسكي ورع وتوه يحتاج خبرة كبيرة لانه صعب يلعب لحاله قدام وما معه واحد خبره يسانده ويشد من ازره ويعينه .

اما الوسط الهجومي فما عندي خوف كبير رغم اصابة كاكا الغامضة فرونالدينيو بدأ يعود ومن شاهده في بكين يلعم ذلك وسيورف ظهر في الوديات بشكل جيد .

مشكلة الميلان الاساسية والمهمه هي البديل ، دكتنا خلا خصوصا في الدفاع تحتاج الى تدعيم كبير وكبير جدا .

اتوقع الميلان بينافس على الدوري لكن بشمل خفيف زي اليوفي العام يعني اعطيه 20 % فوز بالدوري .

الانتر

الانتر في اخر السنوات صار هو المنافس الحقيقي في الدوري لانه يدعم الفريق بلاعبين حتى لو مستواهم مو مضبوط لكن الاهم انهم يفوزون حتى وان كانوا سيئين .

الانتر هالسنة اقل شيو فدفاعه اصابات بالهبل اضافة الى انه كبير في العمر ومافيه اللي تقدر تقول هذا اشد ظهري فيه الا تشيفو اما ماتريكس فماهو ماتريكس 2006 وصامويل اسألوه عن كاكا

<< القلب لكاكا

.

انتر بيعاني هالسنة من ناحية صانع اللعب لانه العام كان يرقع فيجو احيانا اما ستانكو فكان يتمشى في الملعب ويتأكد من القياسات لي الا .

لكن لما تقول مدرب الانتر مورينيو هنا يبدأ الكلام . مورينيو قد ينجح نجاح باهر وقوي لكن انا ما اتوقع ابد ليه ؟؟

لانه التدريب في ايطاليا غير ! لا تنسى انك تتكلم عن ملوك التكتيك في العالم .

ما اقول ما فيه امل لكن اقول صعب ممكن يحتاج سنة يتعود على الوضع . ايطاليا صعبه يا جماعة

.

عموما انا اعطي الانتر بناءا على عطاءات لاعبيه القوية ومدربهم ذو الاسم الكبير 40% للدوري الا اذا ركزوا على الابطال اكثر واكثر .

اليوفي

فريق الاوفياء

اليوفي هالنسة قدم ميركاتو قوي جدا خصوصا انه لعب على وتيرة البديل واللي عانى منها اليوفي الموسم الماضي معاناة كبيرة مرة مرة .

الحراسة ما يبيلها كلام فيه اسد العالم اجمع بوفون .

يكفي تقول اسمه بس لكن السؤال اذا راح من بديله .

مافيه الا الشايب كيمنتي الا ما منه رجا ابدن ابد

الدفاع يكفيك كياليني

الولد تطور بشكل كبير مرة كان ظهير ومن تحول للقلب ابداع ابداع كبير مرة واذكركم لو استمر بيكون احد اساطير زمانه .

جنبه شايب هايدي

قصدي ميلبيرغ اللي لعب بشكل كويس في الوديات

دفاع اليوفي فيه اساس كويس واحتياط جيد مثل اندرادي يعني لا خوف .

الاظهرة ممتازة وان كان ليمونه

( مولينارو ) احيانا يخمبق اما زبينا لا تعليق

بس زين انه احتياط .

محاور اليوفي

سيسوكو تطور بشكل ممتاز وبولسن وصخ ويكرف الملعب كرف .

الاطراف يكفيك كامو وان كان نيدفيد لازال يؤدي ولو انه مو مثل اول .

ما ادري ان كان جيوفينكو اعاروه والا لا

الولد خطيييييييييييييييييييييييييير

مشكلة اليوفي في الوسط مشكلة كبيرة ولازم يتداركها مسؤولو النادي والا المدرب خمقة .

الوسط ما فيه الاعب المنظم . صانع الالعاب المتخصص

تلقى فيه تداخل ادوار خصوصا لما يهاجم الفريق والخصم مقفل دفاعه .

وكان فيه خيارات كثيرة امثال دييجو و فارت و ايمار حتى لين تلقى لاعب شاب ممتاز او حتى يكتسب جيوفينكو الخبرة الكافية .

الهجوم توب التوب

اعطي اليوفي 40 % الا اذا خمبق مدربهم الشايب .

روما

روما ميركاتو غبي وقعاطة زايدة

حرام فيهم توتي

ودي روسي

بس

انا نفسي افهم كيف تبيه اجنحتك وانت تعتمد خططك عليها ولا تعوضها الا اذ كنت ناوي تغير الخطط .

حتى لو غيرتها دكة روما سيئة جدا .

الحي روما بيضطر لحواق بيروتا اذا غاب توتي .

طيب الحين من فيه راس حربة ثابت غير فوزينيتش .

توتي حتى لو جاب الهداف مرة ترونه يصاب بكثرة . وانا افضل انه يلعب خلف المهاجم وهنا تظهر خطورته اكبر .

بصراحة روما على الحواق اللي في الميركاتو ما اعطيه اي امل في الفوز بالدوري حتى لو نافس عليه مصيرة يخق .

الفيولا

هالفريق لو ما يجي منه الا مدربه يكفيني

اهه بس يا براندي

متى يجي اليوم اللي اشوفك فيه مكان الخروف .

هالمدرب عنده قدرة ونظرة في تطوير قدرات لاعبيه بشكل مجنون .

اتوقع يعيد جيلا الى جيلا بارما بالراحة .

عموما الفيولا فريقه هالسنة اقوى من العام لكنه بيضيع بقوة لو لعب على البطولتين لازم يركز على وحده يمشي فيها والدوري افضل له .

الفيولا ما استغرب اشوفه من الاربعة الاول وانه ينشب لكل الكبار ان ما مرمطهم .

حراسته

فري مرة ممتاز

دفاعة لا بأس به ابدا مع دانيللي و جامبريني

وسطه لو ما يجي منه الا مونتيليفو يكفيني

ما تلاحظون اني كثرتها

هجومه

موتو بطل وياخوفي تأثر فيه محكمة الفيفا

جيلا بيرجع وانتظروه وبازيني اعتقد انه اكتسب خبرة

...........................

يعطيك العافية اخوي والله يصبرنا لين يبدأ الكالشيو

ورده

ذيــب الانــتر · #14 16/08/2008, 03:38 AM

::

ناصر لاهنت على الموضوع الرائع

..

اول شي بـ تكلم عن بطل ايطاليا في الثلاث موآسم الاخيره

..

الفريق حتى الان في الوديات جيّد نوعا ما .. مورينهو ظبط الدفاع رغم النقص الشنيع
وخلى بورديسو حتى الان من انسان نكبه الى انسان محترم

..

جرب 4 3 3 وكانت جيّده بس ماكانت فعاله مثل ماهي معروفه .. هـ الخطه
مع مورينهو اقرب لـ انها تكون 4 2 1 2 1 [ 4 5 1 ] .. !

هجوميا الفريق ممتاز اذا لعب بـ الخطه المعروفه الي هي 4 2 2 2 [ 4 4 2 ] .. !

يبيلنا بس كواريزما ونصير عال العآل

..
خمينيز هـ الولد بطل وبينفع في صناعة اللعب ان شاء الله ..

والاهم اننا نفتك من هـ الاصابات الي لعبت فينا لعب !

نجي لـ روما ..

صحيح ان تعاقداتهم مهيب الي .. بس اتوقع انهم بيمشون وضعهم .. وبيكونون منافسين وهذا الي اتمناه ..

ميلن ؟!

الفريق قوي بـ الوسط .. لكن دفاعيا خرابيط .. خصوصا في حراسه المرمى والامر كذلك لـ خط الهجوم ..

اليوفي ؟!

دفاعيا جيد نوعا ما .. حراسة المرمى قويه .. الهجوم قوي لكن الوسط الهجومي لك عليك خصوصا ان ندفيد كبير بـ السن وكامو اصابات ..

لاهنت ياناصر على الموضوع مره اخرى ..
واتوقع المنافسه بتكون بين الانتر وروما واليوفي !

وان شاء الله التنافس يكون قوي وبـ شرف مثل اخر موسمين

وباذن الله اللقب لن يخرج من خزائن النيرازوي

..

هلااالي وأفتخر · #15 16/08/2008, 04:03 AM

يا حقير

.. موضوعك بطل <<< ما يعرف يمدح

₪₪ ..الميلان..₪₪

والله هالفريق عجزت أفهمه..تشوف له مباراة تقول من اللي يقدر يهزمه..
وتشوف المباراة الثانية تقول وش هالفريق السقيم..
مستواه يتفاوت بشكل عجيب..
أتوقع الموسم الجاي بياخذ كأس الاتحاد والمركز الثاني أو الثالث في الدوري..
وإن كان روني رجع لمستواه فاحتمال يكون المرشح الاول للدوري..
أبو ضروس مهب هبن أبد وإن رجع زي ماكان أول بيسوي بلاوي

₪₪..الانتر..₪₪
البطل

واللي يعرف كيف يجيب الانجازات من بابها السليم

نجي للجد... لفريق صراحة منحوس جدا..

الموسم الماضي الفريق عانى من الاصابات بشكل عجيب ..
والحين مع إننا تونا في بداية الموسم لكن شف الاصابات في الفريق..
1-كوردوبا 2-ماتيراتزي 3-سامويل 5-كيفو 6-ريفاس 7-ادريانو 8-داكور 9-كروز
وبعد إبرا ركبته ما تساعده يلعب الموسم كامل..
اليوم أول مباراة يلعبها كاملة عقب ما رجع من الاصابة..وجاه تدخل على ركبته وقعد يتلوى ساعة لكن أشوى قام

<< يعني باختصار ركبته ضعيفة وبعض المدافعين قذرين

الفريق المباريات الماضية صار يلعب كامبياسو قلب دفاع لأن مافيه إلا بوريديسو وهو

!

وثاني شي غير الاصابات صناعة اللعب..
من راح فيرون وهم ما جابوا لاعب صانع لعب مع إنها أوضح علة في الفريق

!
ننتظر باقي الميركاتو.. ولو جاء كواريزما ودييقو فالانتر هو المرشح الاول ..
وإن ما جو فما أتوقع الفريق يقدر ع الابطال..بيوصل لمرحلة متقدمة لكنه بيطلع..
والدوري بيكون بينه وبين اليوفي

,,

₪₪.. روما ..₪₪
فريق يكرف ويكرف لكنه مهب فريق بطولات..
أتوقع يكون الثالث أو الرابع..ويطلع من دور الثمانية في الابطال ,,

₪₪..اليوفي..₪₪
الاسامي اللي فيه ممتازة ماعدا خط الدفاع .. لكن بوفون يغطي أخطائهم أحياني

الفريق يعتمد على بوفون وديلبييرو..
وننتظر لو يعتزلون وش بتسوون..خصوصا في الحراسة

الميركاتو..؟شكله جيد لأنهم جابو لاعبين في كل المراكز..
أماوري هو الابرز لكن بيبدع ولا لا ؟؟ ..
أذكر ضد اليوفي في الموسم الماضي جاب هدفين في بوفون كل واحد أحلى من الثاني..
لكن في فريقه كان النجم الاول..لكن في اليوفي بيقدر يبرز بين اللاعبين (السوبر ستار)..؟
اليوفي أرشحه للمركز الاول أو الثاني في الدوري..
والابطال صعبة

₪₪..الفيولا..₪₪
ميركاتو جااااامد .. جابوا لاعبين صح..
أتوقع بيسوون شي في كأس ايطاليا ..
وبيخربون على واحد من الفرق الكبيرة

..

وبعد يا ناصر لا تنسى:-
₪₪..سامبدوريا & باليرمو ..₪₪
في الميركاتو اشتغلوا شغل بطل وبقوة بعد..

صح إن اللاعبين اللي شروهم غير معرفين لكن أتوقع واحد من هالفريقين يبدع

أتوقع الفرق الكبيرة بيكون الموسم هذا صعب جدا عليها..
واحتمال يأثر هذا على مستواهم في الأبطال ..

باقي بس لاتسيو ونابولي

يرجعون لمستواهم ويعود الكالتشيو في القمة بدون منازع كما كان

مشكور ع الموضوع البطل

ورده