#1  
قديم 12/08/2008, 02:39 PM
زعيــم متواصــل
تاريخ التسجيل: 23/02/2008
مشاركات: 53
تبي تعرف ليش الإداره اعارة هاللاعب وخلت هاللاعب....تعال اقولك ليش

السلام عليكم ورحمة الله وبركاته
في البدايه نبي نتفق على شيء
وهو ان مسألة اعارة اللاعب الي ماتحتاجه لأنديه ثانيه تلعب في الدوري الممتاز وبيضمن اللاعب فيها مكانه الأساسي هذي مسأله ممتازه وفي صالح اللاعب والنادي سواءاً مادياً او ان اللاعب بيتحسن مستواه
طيب الحين المدرب عنده ولنفرض 45 لاعب فرضاً يعني ومايقدر يشارك بالدوري الا بـ 37 لاعب على اعتبار وجود ثلاث لاعبين اجانب وهذا غير حراس المرمى الي لازم يكونون 4 حراس
طيب خلونا نكلم بالأسماء الي اغلب الجمهور الهلالي متفق على انها هي الي مفروض تعار للأنديه الثانيه او يستغني عنها الفريق
( الأسماء الي بأذكرها انا مقتنع تماماً انها المفروض ماتكون اساسيه في الفريق الهلالي قياساً بالمستوى الي قاعدين يقدمونه بس التحليل الفني والتكتيكي لوضع الفريق الحالي هو الي خلاني اقول ان الي سوته الاداره الهلاليه صح )
1- فهد المفرج :
الحين الهلال كم عنده من لاعب يلعب في نفس الخانه الي يلعب فيها المفرج ؟
مافيه الا 5 لاعبين
طيب هل من المعقول ان فريق وفي موسم طويل ودوري زي الدوري السعودي وفي فريق مثل الهلال مقبل على 5 مشاركات يعتمد فيه الفريق على 4 مدافعين فقط في الفريق
انا اشوف ان هذا امر مستحيل
لاتقولي فهد نكبه والا مستواه سيء
كلنا شفنا الموسم الي راح ويوم المرشدي اثبت نفسه صار هو الاساسي والمفرج احتياط وعشان كذا بقاء المفرج في الفريق ليكون لاعب احتياطي امر اساسي اضف الى ذلك ان اعارة المفرج ماهي في مصلحة الفريق بالنظر الى عمر المفرج
2- خالد العنقري :
نفس الكلام الي قلناه عن المفرج ينطبق على العنقري
فالهلال ماعنده الا العنقري ظهير يمين ونامي الي حولوه لظهير وهو في الأصل لاعب وسط ايمن
عشان كذا بقاء العنقري امر ضروري ليلعب اساسي او احتياط لنامي بحسب من الي يقدم مستوى احسن
3- محمد العنبر :
وبرضو نفس الكلام ينطبق على العنبر
واكبر دليل هو الموسم الي راح ووشلون الهلال توهق يوم اصيب ياسر والصويلح وماعاد فيه مهاجمين في الفريق
لاتقولون لي بدر الخراشي افضل منه واعير للأهلي
الخراشي والعنبر كلهم في الموسمين الي راحوا مستواهم واحد بس الفرق ان العنبر عمره 23 سنه ولازال فيه امل انه يحسن من مستواه ويقدم مردود افضل من الي هو قاعد يقدمه الحين بينما الخراشي من زملائي في الدراسه ودارس انا واياه سوى وانا عمري الحين 27 سنه فهو بالتالي عمر 27 سنه اذا ماكان ساقط في مرحله دراسيه قبل لاندرس انا واياه سوا في الثانوي وعشان كذا مسألة تطوير مستواه اصعب من العنبر
طيب الحين نجي لمسألة اللاعبين المعارين وليش هم بالذات أعيروا
1- سلطان البرقان :
صحيح ان البرقان ماهو ذاك الزود بس يضل لاعب بديل جيد يعني مو سيء لدرجة انه مايلعب في الهلال وتضل الخانه الي يلعب فيها مافيها بديل غيره هو والغنام فالهلال يملك ثلاث محاور دفاعيه وعشان كذا اعار البرقان واكتفى بالغنام بديل فالمسؤولين في النادي قرروا يعيرون البرقان لأنهم نسبياً مو في حاجته وعشان يطور من مستواه والأهم هو ان الفريق يقدر يقلص العدد المطلوب تقليصه من الاتحاد السعودي .
2- مشعل الموري وعبدالعزيز الكلثم :
طبعاً انا ذكرتهم سوا لأنهم يلعبون في نفس المركز
والاعبين هذولي يملكون مهاره جيده بس تحتاج للصقل وفي الوضع الحالي لفريق الهلال من ناحية خطة المدرب وعدد اللاعبين الموجودين في نفس الخانه الي يلعبون فيها هالإثنين ماراح تصقل موهبتهم لأنهم ماراح يشاركون مع الهلال في مبارايات كثير بعكس لو أعيروا الى انديه تحتاجهم وتلعب في الدوري الممتاز
فبدال مايجلسون على الدكه وتندمر موهبتهم يروحون اعاره لفريق ثاني ويعبون معه اساسيه ويطورون من مستواهم والموسم الجاي ان شاء الله يجون للهلال ويكونون من افضل اللعيبه وفيه الكثير من اللاعبين الاوربين البارزين حالياً مع فرقهم كان سبب بروزهم هو اعارتهم لفرق ثانيه في ظل عدم حاجة فريقهم لهم عشان يطورون مستواهم وبما اني روماوي راح اذكر مثال للاعب من فريق روما وهو اكويلاني الي كلكم تعرفونه والكثير من الفرق الاوربيه الحين تتمناه في فريقها فهو اعير قبل كم من موسم لفريق آخر عشانه كان مايشارك مع الفريق بسبب وجود اكثر من لاعب في نفس الخانه الي هو يلعب فيها ولما رجع للفريق شوفوا كيف صار مستواه وفيه مثالي ثاني بعد وهو الانجليزي بيكهام الي اعاره نادي المان قبل لايبرز وشوفوا وش صار بعد الاعاره
نرجع لموضوعنا وطبعاً الهلال بيستفيد ايضاً من الاعاره بتقليص العدد المطلوب .
3- عبد العزيز المفرج وعبدالعزيز العبدالسلام :
هذولي بعد نفس الشي
ولاودي اكتب بعد كلام اكثر من كذا لأني حسيت ان الموضوع طويل شوي
بس وش اسوي والله من ضيقة الصدر الي جتني يوم شفت المواضيع الي في المنتدى والي تتكلم عن الاعاره بدون ماتحلل الموضع من الناحيه الفنيه والتكتيكيه وتناظر بس الناحيه العاطفيه بس .
وسلامتكم
اضافة رد مع اقتباس
  #2  
قديم 12/08/2008, 02:53 PM
موقوف
تاريخ التسجيل: 01/11/2007
مشاركات: 90
أول شي مدرب ما عنده سالفة وراجع مباريات الهلال حتى الدوري بالحظ ومجهود ياسر والدعيع والتائب النادي الصغير مثل اكبر نادي يالله نفوز بفرق هدف أو هدفين ان كثرت النعنقري يبقى ويعارعبدالسلام ويبقى المفرج ويعار الهليل الكلثم ويبقى العنبرويعار شراحيلي ويبقى العتيبي والله مدرب داج وإدارات همها السفر والسياحة فقط
اضافة رد مع اقتباس
  #3  
قديم 12/08/2008, 03:19 PM
موقوف
تاريخ التسجيل: 21/01/2008
المكان: الرياض
مشاركات: 965
كلامك صح ياالسناحي والله كوزمين الحظ ماشي معه وبمجهود بعض الاعبين ...
اضافة رد مع اقتباس
  #4  
قديم 12/08/2008, 03:29 PM
الصورة الرمزية الخاصة بـ هلالي و أحب المعالي
زعيــم مميــز
تاريخ التسجيل: 09/04/2008
المكان: جدة
مشاركات: 3,939
والله حرام الكلثم يعار
بالله مين احسن الكلثم ولا فهد المبارك؟؟؟؟؟
أكيد الكلثم
ماهو تقليل في فهد المبارك بس ان الكلثم افضل من فهد المبارك
الله يوفق الكلثم وين ما راح
اضافة رد مع اقتباس
  #5  
قديم 12/08/2008, 03:30 PM
زعيــم نشيــط
تاريخ التسجيل: 28/04/2005
المكان: الدمام
مشاركات: 692
واسطات وبس واكبر دليل (ملك الواسطه) مخرج 17 فهد المفرج

لا وخويه العنقري الي بموت قهر اذا شفته لابس رقم 15

الله يعين
اضافة رد مع اقتباس
  #6  
قديم 12/08/2008, 03:30 PM
زعيــم متواصــل
تاريخ التسجيل: 25/06/2008
المكان: البدائع
مشاركات: 98
أجل يا ذكي يعار العبدالسلام ويبقى العنقري
ويعار الكلثم ويبقى السعود
وللمعلومية الكلثم مركزه رأس حربه
وليس جناح مكان الموري
اضافة رد مع اقتباس
  #7  
قديم 12/08/2008, 03:33 PM
زعيــم مميــز
تاريخ التسجيل: 09/11/2004
المكان: ضايع في الزحمه
مشاركات: 2,443
كلامك معقووووول نوعاما ... اللهم العنبر عليه استفهام .. لان السعود افضل منه بكثييييييير ..
اضافة رد مع اقتباس
  #8  
قديم 12/08/2008, 06:39 PM
زعيــم جديــد
تاريخ التسجيل: 17/04/2008
مشاركات: 49
مساء الخير على زعماء اسيا
اسمحوا لي انتم معهم معهم عليهم عليم
انا (واعوذ بالله من كلمة انا) اتصفح موقع الزعيم يوميآ
ملاحظ ان أول واحد يرد على الموضوع باسلوب رائع وجميل كل اللي بعدها يردون باسلوب أجمل
واذا رد الاول باسلوب سئ ردو اللي بعدها بنفس الاسلوب

خاتمه/
ثقوا بالله أولا" عز وجل ثم بانكم تملكون اداره اكثر من رائعه ولاعبين يتمنهم أي نادي ومدرب داهيه
وانا متفائل بأن هذا الموسم سوف يكون من أجمل المواسم وسوف تعود ان شاء الله البطوله الاسيويه طوعا" لزعيم
ونحتفل بالتأهل للعالميه التي لن نكون فيه مجرد ضيوف شرف وان شاء الله سوف نحققه أو على الأقل سوف نعود بالمركز الثاني
تفائلوا بالخير تجدوها

الـنـــــــــادي الــــــمـــــلـــــكـــــــي
اضافة رد مع اقتباس
  #9  
قديم 12/08/2008, 08:51 PM
زعيــم متواصــل
تاريخ التسجيل: 23/02/2008
مشاركات: 53
إقتباس
الرسالة الأصلية كتبت بواسطة ABO-RAKAN
مساء الخير على زعماء اسيا
اسمحوا لي انتم معهم معهم عليهم عليم
انا (واعوذ بالله من كلمة انا) اتصفح موقع الزعيم يوميآ
ملاحظ ان أول واحد يرد على الموضوع باسلوب رائع وجميل كل اللي بعدها يردون باسلوب أجمل
واذا رد الاول باسلوب سئ ردو اللي بعدها بنفس الاسلوب

خاتمه/
ثقوا بالله أولا" عز وجل ثم بانكم تملكون اداره اكثر من رائعه ولاعبين يتمنهم أي نادي ومدرب داهيه
وانا متفائل بأن هذا الموسم سوف يكون من أجمل المواسم وسوف تعود ان شاء الله البطوله الاسيويه طوعا" لزعيم
ونحتفل بالتأهل للعالميه التي لن نكون فيه مجرد ضيوف شرف وان شاء الله سوف نحققه أو على الأقل سوف نعود بالمركز الثاني
تفائلوا بالخير تجدوها

الـنـــــــــادي الــــــمـــــلـــــكـــــــي

والله انك اختصرت كل الكلام الي كنت بأرد فيه على الردود
شكراً لك
بش للتذكير
الي كان يطالب بإعارة العنقري بدل العبدالسلام وفهد سرور بدل الكلثم
يابوي احد اهم اسباب اعارة هاللاعبين هو صغر سنهم وامكانية تطوير مستواهم اكثر من الي اكبر منهم عمر
اضافة رد مع اقتباس
  #10  
قديم 12/08/2008, 09:30 PM
زعيــم نشيــط
تاريخ التسجيل: 11/09/2006
المكان: الرياض
مشاركات: 692
صدقت ياخوي
وأوافقك وانا مع الأعاره أما المفرج فلا
يستحق تمثييل الهلال يكون الأحتياط رقم 5 نعم أما ان يكوون أساسي ولا احتياط رقم 1 فلا
اضافة رد مع اقتباس
  #11  
قديم 13/08/2008, 01:07 AM
زعيــم متواصــل
تاريخ التسجيل: 23/02/2008
مشاركات: 53
إقتباس
الرسالة الأصلية كتبت بواسطة هلالي وامقصر
صدقت ياخوي
وأوافقك وانا مع الأعاره أما المفرج فلا
يستحق تمثييل الهلال يكون الأحتياط رقم 5 نعم أما ان يكوون أساسي ولا احتياط رقم 1 فلا

طيب وهذا الكلام الي صار يوم جاء المدرب كوزمين قوي الشخصيه والي اغلب الجماهير يقولون انه ماشي بالحظ
اضافة رد مع اقتباس
  #12  
قديم 13/08/2008, 02:26 AM
زعيــم متواصــل
تاريخ التسجيل: 25/03/2008
مشاركات: 126
إقتباس
الرسالة الأصلية كتبت بواسطة الهلال & روما


والله انك اختصرت كل الكلام الي كنت بأرد فيه على الردود
شكراً لك
بش للتذكير
الي كان يطالب بإعارة العنقري بدل العبدالسلام وفهد سرور بدل الكلثم
يابوي احد اهم اسباب اعارة هاللاعبين هو صغر سنهم وامكانية تطوير مستواهم اكثر من الي اكبر منهم عمر

كلام جميل الكلثم صغير والمستقبل قدامه واما المدرب فهوالمناسب للهلال يكفي انه طلع لك فريق كامل العام الماضي
وغير ذالك خلوالنقد لين نشوف الفريق اناانضغطت من كلام الجمهور اجل وشلون الاداره
المطلوب مننا تشجيعهم واذا شفنا الخطأ لمناهم وعاتبناهم اصبروا 3 اسابيع فقط وبعدها احكموا
اضافة رد مع اقتباس
  #13  
قديم 13/08/2008, 02:53 AM
الصورة الرمزية الخاصة بـ mohd3321
زعيــم مميــز
تاريخ التسجيل: 06/04/2008
مشاركات: 2,295
يسلموووووووووووووووووو

نتفق معك في بعض الامور ونختلف في بعضها الاخر ..
اضافة رد مع اقتباس
  #14  
قديم 13/08/2008, 03:45 AM
زعيــم نشيــط
تاريخ التسجيل: 23/02/2008
مشاركات: 620
هنــاك امور لا يكمن ان يتقبلها المشجع .. وهي صحيحه من وجهة نظرة ليش (( الــكلــثــم يــعــار ))
اضافة رد مع اقتباس
  #15  
قديم 14/08/2008, 12:15 AM
زعيــم متواصــل
تاريخ التسجيل: 23/02/2008
مشاركات: 53
مشكوريين على الردود
وأتمنى ملاحظة أن فيه عضو سارق نفس موضوعي وناسخه نسخ ومنزله
فأرجو عدم اللخط
وتحمدوا ربكم على النعمه الي انتوا فيها
مابلاكم ربي بهالتصرفات الي من ذا العضو
وهذا رابط لموضوع السرقه

http://vb.alhilal.com/showthread.php...=1#post9278670
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:59 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube