السلام عليكم

الموضوع على طول

كثيره الازعاجات الي تجي على الجوال .. طبيعي

بس الي مو طبيعي .. انها تزيد عن حدها بشكل مو طبيعي ..

بقول لكم كذا موقف صار لي ..



عندي صديقه قطريه دقيت عليها طلع لي واحد يتكلم انجليزي

سمعت يتكلم قمت سكرت قلت شكلي غلطانه ...

شوي راسل لي مسج يقول ..

انتا يبغا يصير صديق انا


قلت له لو ابي اتعرف بتعرف على واحد هندي عندنا مو بقطر <<< امزح طبعا


المهم


ذبحني بس يدق علي واعطيه بزي بوجه لمدة اسبوع وماعاد رجع اتصل

>>> خلاص افتكيت منه هذا




موقف ثاني



واحد اتصل وانا نايمه كيف رديت ماادري

يقول امي ضيعتها في المطار قومي جيبها

احسب واحد من خوالي قلت له منهي امك قال لي حصه

قلت له اقلب وجهك مااعرفها ..



موقف ثالث

في واحد دايم يدق على رقم البيت الكل يرد عليه ويهاوش

بعدين صار مايدق الا في المناسبات وهي


( رمضان . العيد .. اليوم الوطني . فوز المنتخب )

<< والله


صرنا نعرفه خلاص صديق العايله يسمونه

في النهايه ..

قال رسول الله صلى الله عليه وسلم:

( يا معشر من أسلم بلسانه ولم يدخل الإيمان قلبه لا تؤذوا المسلمين ولا تعيروهم ولا تطلبوا عثراتهم )




ليش ناس شغلهم الشاغل أذية الناس والغلط عليهم ؟؟؟




الموضوع مو مرتب ولا اسلوب تمام بس مشي حالكم

اللي يقهرني بالحركات انه يدق و واثق من عمره ومتاكد انه ماهوغلطان . . .

او الارقام الخارجيــة اللي يشغلونك يدق ويقطع باليوم عشرات المرات

الحل اذا طلع عندك رقم لاتردعليه لانه في الغالب الارقام المخزنة تظهر بأسمــ . . .

العنود شكرا

عاد على طاري موضوعك

لي اسبوعين واحد يرسلي رسايل بناتيه وهو شكله واحد يرسل لخويته هههههههههههههههههه


المهم مره رسل لي وش فيك معصبه علي والله اني ماقطعت عنك

لي اسبوع وانا ارسلك تطنشين ليش يالعبده



وش السوات اخاف مره يدق وارد عليه وينصدم هههههههههههههه

.

.


هلا بـ العنود + ورده


شوفي مافيه بنت ماتجيها ازعاجات بس ازين وأفضل حل الـ تطنيش
تدرين وش تسوين افتحي الخط وخليه يتكلم لين ما يطفش بعدين بيمل
وعلى هـ الحاله لما يلقى له وحده تظفه غيري

صحيح فيه ناس من جد تكون غلطانه يتصل اتصال وبعدها خلاص يبطل
هذي حاله وارده حتى حنا نوقع فيها

أذكر مره أختي ولدت جيت ابغى ارسل صورة ولدها لـصديقتي وارسلتها لوحده ثانيه ما أعرفها / المشكله مو هنا المشكله اني كتبت بالرساله ( شوفي ولد اختي القبيح ماحبيته )

طبعا قبيح في قاموسي بـ معنى جميل جدا

رجعت الحرمه اتصلت قالت تراك غلطانه قلت لها اسفه .. بعدين قالت مبروك عليكم القمر وبعدين لاتقولين عنه قبيح والله يهبل أنآ مره تفشلت اعتذرت منها وقفلت الجوال


شُكرا عنوده ع الموضوع والله يكفانا شر المزعجين


م ـع التحيه

وعليكم السلام ورحمه الله وبركاته

هلا بك عنوده

اوووووووووووووووف كانك حاسه بمعاناتي
في رقم اقلقلني هلاايام
مشكله انسى اخلي الجوال سايلنت ويرن واطفي
واصحى اغير وضع العام
واصحى الاقي مليون مكالمه

وكل يوم ابي اعطيه ابوي وانسى
مع ان ابوي حبوب مايبرد كبدي فيهم

صدق غثونا الله يغث العدووو ناس مزعجين
مدري وش له الازعاج مشكله عارفين ان محد بيرد
بس الظاهر عاجبتهم نغمه صدى بتاعتي

والله اغبي واكثر شي اندم فيه لما اشبه على رقم غريب واحسبه احد يبيني
وارد ويطلع ولد
يعني اعرف ان سلسله الازعاجات بتبدا
الله يهديهم

\

/
اهلابك العنود مره اخرا
وعوافي

اهلييين عنووده << ايقالي اموون
الصرااحه جبتيها ع الجرح
الازعاااج اوووووووووووووف
انا واااحد اشغلني بالجوال 11 شهر تخيلي وانا ماارد عليه ولا اكلمه
ارسلت له بنت خالتي رساله تقوله اتقي الله
والله يااااهو عصب وبدأ يهاااوش يقول ايش قالوا لك فاسق انا خخخخخخخخخخخ
ومره وااحد دق علي الساااعه 1 بالليل نفس رقمي بس الرقم الاخير غير
الموووهيم رد عليه ابوي قاله وش تبي دااق هالحزه قاله ليش انت تاخذ السته وانا التسعه << يقصد الرقم الاخير خخخخخخخ
صدق من قااال شر البليه مايضحك
اعووذ بالله مايدرون ان فيه نااس تعبانه وتحتاج للراااحه وهو بهالاتصالات يزعجونهم

الله يهديهم ويصلح حالهم
الف شكر لك ع الموضوع

المسلم من سلم المسلمون من لسانه و يده
اللهم اهدنا .

هلا العنود

من جد هاللي يزعجون مدري وش يبون من الحياة

قلق واتصالات خلاص ماردينا من المره الاولى وش تبون انا ابي افهم ليه مايملون

لا واحد في رمضان اللي فات يكلم له مده طبعاً لامجيب في الاخير يقول

مابي شي بس ابي ابارك عليكم بالشهر استغفر الله

بس اشوى بعدها معاد كلم اجل يزعج عشان يبارك ناس مدري كيف تفكر

الله يهدي الجميع

العنود كلـ الشكر ورده

عوافي..

وعليكم السلام ورحمة الله وبركاتهـ,

ذكرتيني بموقف صار لي يوم مباراة الهلال والوحده الإماراتي
وكان الهلال متأخر بهدف وأنا في حدي ومعصب وواصله معي ,
وفي هذا الوقت في واحد دق على جوال الأهل والجوال عندي
وأستلمهـ, وأخرج غش المباراه فيهـ,
والله بعد ما قفلت أرسل رساله إعتذار ,

نعود لصلب الموضوع

أشوف اللّي يلعب ويزعج الناس
متخلف ومريض عقلياً,
وقديم ومغبر

نعتذر على الإطالهـ,

تقديري

والله انا البارحة الساعة 10تقريبا دق على واحد منعم صوته لدرجة كبيره ويقولي هذا جوال اريام
ليش يقول اسم بنت وياكل كلام ما يعجبة
بعين اذا ازعجك احد كلميه على انك كبيره في السن وياوليدي انا مثل امك ومن هاالكلام
والله ماعاد يدق عليك

تشكرات على الموضوع

والله مو بس البناات , حتى حنا ماسلمنا من الأزعاجات
لكن الحين فيه خدمه من الجوال أسمها كنترول تحجب أي رقم ماتبين تستقبلين منه مكالمات < على ما اعتقد ان الخدمه كذا لأني ماجربتها

إقتباس ليش ناس شغلهم الشاغل أذية الناس والغلط عليهم ؟؟؟

والله بعد ما صار الجوال منتشر وسهل الحصول عليه من قبل الأطفال والمراهقين أنتشرت حالات الإزعاج والغزل