08/08/2008, 11:04 PM
|
 | زعيــم مميــز | | تاريخ التسجيل: 08/05/2004 المكان: نجد
مشاركات: 4,096
| |
|
اقتراح بإنشاء قسم خاص لمندوبي الاتصالات وموبايلي و زين وART
بسم الله الرحمن الرحيم ..
الصراحه ملينا وصار جمهور الهلال معرض للأستغلال واللعب عيني عينك كأن المنتدى صار حراج او مبسط لمندوبي المبيعات لكل الشركات ..
واحد يقول اشتركوا ..والثاني يطبل للشركة اللي هو فيها والثالث كل ساعة والثانيه جايب لنا عرض .
ومره انقل رقمك واحذف كل ارقام اللي تعرفهم لشركة موبايلي ..واللحين عود ارجع للاتصالات . وبعدها قاطعوا ART واللحين ART صارت يازينها .
كأن الهلال اول مره يتعاقد مع شركات ..
وينكم يوم الهلال وقع مع بنك المتحد .. ووينكم يوم وقع الهلال مع ART والاتصالات واخيرا موبايلي ..
على مدار السنوات الماضيه محد تكلم ولا قال شي ولا دعايات ولا تطبيل ولا مقاطعه او نصب واحتيال او استغلال .
ازعجتونا لكم سنة كلما دخلنا لمنتدى الجمهور الهلالي .. كان الهلال بينهار ويغلق اذا ما تعاقد مع شركاتكم واخيرا موضوع ما ادري وش يبي راعيه يهدد الجمهور الهلالي وياويلكم يا سواد ليلكم لو وقع الهلال مع الشركة الفلانيه .
ياشيخ الهلال من عرفناه وكل امواله ودعمه المادي من اعضاء الشرف .. يعني لو تجمعون الشركات كلها ما يجون دعم واحد من اعضاء الشرف في سنة وحده . واكيد كل هلالي صميم يعرف هذا الشي بدون ذكر اسماء اعضاء الشرف .
رسالة لإدارة المنتدى .
طالما ما تقدرون تحذفون هذي المواضيع لأسباب تجاريه على الاقل حطوا لمندوبي مبيعات الشركات قسم خاص وخلوهم يتهاوشون بعيد عنا .
رسالة لمندوبي المبيعات ..
ادارة الهلال برئاسة الامير عبدالرحمن بن مساعد والله ما جابت خبركم اهم شي عندها مصلحة الهلال يعني بالعربي كفاية اسغلال ونصب وكذب على الجمهور الهلالي .
مع التحية |
الوضع العادي
