سواليف مجالس ... وشغلات حلوة ( الجزء الثاني ) - نادي الهلال السعودي - شبكة الزعيم

الضرغام الازرق · #1 07/08/2008, 06:29 AM

السلام عليكم ورحمة الله وبركاته

حي الله اخواني الزعماء واخواتي الزعيمات

بصراحه سوالف المجالس واجد وما تخلص

يعني اتحداك تروح مجلس ما فيه ناس يسولفون

( اذا كان فيه ناس عشان ما احد يتفلسف

)

بصراحه فيه ناس حبيتهم في ذا المجلس

مثل وليد القحطاني

والقيصر الرهيب

أحلاهم وأتحداهم

والكلاسيكي

ولا يهونون الباقين

ممكن واحد يسال ليه حبيتهم بقله ما ادري

بس الوكاد اني احبهم

طبعا فيه ناس من اول احبهم

مثل الوايلي

هلالي الفن زعيم القرن

نزيه المشاعر

واللي ما ذكرتهم اتاسف منهم

لانهم واجد بس هذولي الابرز

فديتكم كلكم

الحين بسولف عليكم كني اكلم واحد

عشان تجي السوالف احسن ما يكون فيها تكلف ( طبعا حوار خيالي )

هلا وغلا ابو عبدالله يالله حيه

وين الغيبه وين الناس

ابو عبدالله | موجود بس اشغال الدنيا

انا| هلا وغلا والله

انا | وين ابو سلمان

ابو عبدالله | والله من زمان ما شفته

انا | والله هذاك الرجال محبوب والسوالف معه تنشرى

ابو عبدالله | اي والله انك صادز

الحين نطلع برى الحوار

( ما تشوفون ان فيه ناس ودك تسطرها لا جت تتكلم

يا ثقل دمهم .. المشكلة لا كان ثقيل دم وجا ينكت

واقسم بالله ودي بلحظته احط الرصاصه بعينه اليمين عشان يتعذب

والمشكلة انك تصرفه ومع هذا يسوي نفسه ابله ويقعد يتمادى

بس والله هالاشكال ما ينفع معها الا الصراحه

يعني تقله ضف وجهك يحسبك تنكتاول مرة والمرة الثانيه يفهمها ويضف

)

نرجع للحوار

انا | وش مسوي بالجامعه يا ربك عديت

ابو عبدالله | والله حملت ما دتين

انا | افا ليه <<< مسوي دافور

ابو عبدالله | والله الدكتور استقعدلي

انا | الله يعينك يا رب

ابو عبدالله | اللهم امين

نطلع برى الحوار

( ابي افهم الحين الدكتور اذا دخل القاعه وسوا نفسه ليه

يعني نسى انه كان بيوم من الايام زينا

والله بعضهم يشوف الطالب عنده حشرة

والمشكلة ان اللي ندرسه الحين نفسه اللي بالثانوي

يعني مابه فرق

بس ما ادري وش يحسبه امثال هالدكاترة

بس مع هذا ما نظلم بعض الدكاترة

والله فيه دكاترة ودك تعطيه عيونك الثنتين

متواضع ويشرح شرح ممتع

واسالته سهله ( هذا اهم شي

)

نرجع للحوار

ابو عبدالله | وانت وش سويت

انا | ابشرك عديت

ابو عبدالله | الله يوفقك

انا | والجميع

ابو عبدالله | ادخل نتقهوى سوا

انا | الله يكرمك

ابو عبدالله | الا والله

انا | اوكي بروح اقضي اغراض للبيت وارجع

ابو عبدالله | اوكي بازهب القهوه الين تجي

طبعا انا لا رحت اقضي اغراض ولا شي

خت كم فرة عشان يمكن عنده حوسه بالبيت والا شي

قعدت ابو ربع ساعه ودقيت الباب

ابو عبدالله | يالله حيه

انا | الله يبقيك ويسلمك

ابو عبدالله | تو ما نور البيت

انا | الله يعافيك منور بوجودك

ابو عبدالله| عن اذنك

انا | خذ راحتك

شوي الا وجاء وهو ولده الصغير عبدالله ( ما يدري ما اداني الورعان )

طبعا الحين انواع المجاملات

انا | هلا عبودي

عبدالله | قاعد يبكي

قلت يا ليل الليل

المهم سكت قال ابو عبدالله خله معك دقيقه

قلت ابشر

واحطه بحضني

بس طلع ابوه والله ويبكي

واشده مع اذنه وقله اسكت لاتوطى ببطنك ( وسكت )

يوم رجع ابوه قاله باب هذا يضربني

طبعا انا حمر وجهي وحسيت وحلفت بيني وبين نفسي اني ما ادخل بيته مرة ثانيه

المهم ابو عبدالله قاله ادخل داخل يالله حبيبي

وقهواني الرجال

جيت افتح معه سوالف ذكرياتي

باقلكم بعضها وبدون حوار

طبعا قبل لا ابدا ابي اقلكم اني ما درست بمدرسه وحده اكثر من سنتين

1| بثاني ابتدائي قال المدرس من يجيب لي عصا

قلت انا .. قال لك درجة

عاد انا استانست وقتها

جاء اليوم الثاني وع بالي اني امون ع المدرس

لاني جبت لها عصا

عطيته واسوي اني بنكت معه

اذا انت رجال اضربني

المشكلة هو كان وقتها معصب

وضربن بالعصا اللي جبتها له الين عرفت كيف انكت مرة ثانيه

طبعا ابو عبدالله قاعد يضحك

2| بالابتدائي المدرس خلاني عريف

المهم صرت انا عريف الصف ع طول

طبعا وقتها اللي يصير عريف كنه مدرس

والله واجيك استلم الطلاب من عنده نشيده

واخليهم يقولون اناشيد

اللي يثول اناشيد وانا اعرفها ويغلط اضربه جلدتين

المهم فيه واحد كنت ما ادانيه ( صار خويي الحين )

هذا مسكين كل شوي اطقه وهو يدربي راسه ما يقلي شي

الين جاء علينا المدرس مرة وشافني اطقهم وقاعد يضحك علي

المهم << كم مرة قلتها

قال وقف ع السبورة

من اللي طقه العريف

قام هذا اللي قلت يدربي راسه وقال انا

قال تعال اضربه مثل ما كان يضربك

وجاء المسكين يبي يضربني واطالع فيه بنظرة

قال خلاص سامحته

وبعدها صار صديقي

وخليته نايب العريف

3| مرة من المرات وانا عريف كنت اطل مع الباب

ونادى علي المدير واسوي اني ما اسمعه

وارسل علي طالفب وقلت للطالب ضف وجهك

جا المدير طقني الين قلت امين

4| انا يوم كنت خامس ابتدائي

اخوي مشعل

تومسجلينه

اول اسبوعين كل يوم اتهاوش مع واحد

والمشكلة ما اتورط الا انا

يجي ابوي يقول ليه تخليه يتهاوش

المهم الوكيل شاف اخوي زودها

وجا يبي يطق مشعل

قال مشعل لا تمد يدك

وطلع من المدرسه

ع جيت ابوي ما دري وش جابه

ويصكه ذاك الكف الي ما ينساه طول ما هو حي

5| مرة من المرات رحت مع عمي النصراوي الملعب

عمي ذا نصراوي هو واولاده

المهم رحنا للملعب

مباراة النصر ووفريق كوري ع نهائي اسيا

فاز النصر فيها سجل هدفهم ستويكشوف

ما علينا

جاء وقت تسليم الكاس

و ع بالي اني كبير واسوي نفسي اني اشوف الكاس وهم يسلمونه

لاننا كنا جالسين جنب المنصه

المهم ضيعني عمي وانا امانه عنده الحين

وجيتهم اقول انا شفتهم وهم يشيلون الكاس

قال عمي بالله عليك ويصكن ذا الكف اللي كان ماشي 180

طبعا سويت نفسي اني ما ابكي

كان معنا وقتها عمي اللي تقريبا نفس عمري

الفرق بيني وبينه سنتين

ويقول صكك كف تستاهل

ما دري الا والكف جاه هو

عاد وقتها استانست

وحلفت ما اطب الملعب مرة ثانيه معه

وانا اسولف ع الرجال وياذن العشاء

قلت اكرم

قال ابو عبدالله | العشاء معنا

قلت كثر خيرك فرصه ثانيه

قال حياك الله باي وقت

وطلعت وقلت قابلني ان طبيت بيتك انت ولدك

الحين باقلكم شي صارلي وانا امس

كنت واقف عند اشارة بابها ومشغل الاغ... ومطلع الصوت شوي

شوي الا اللي ياشرلي يبيني افتح الدريشة

قلت سم امر

قال بالله وين الواديين قلت والله ماني من سكان المنطقه

قال طيب خذ هذا الشريط

قلت ابشر ومشكووور

طبعا هذا الشريط قد جاني اهداء لو مية مرة وما قد سمعته

اسمه مفرق الجماعات

قلت والله لاسمعه

ويوم شغلته

والله ما قدرت اكمله والله يخوف

واقسم بالله انالاهين وما ندري وش السالفه

الله يهدينا بس

عمومن في الختام اباختم ببيت يقول فيه السامر

لا تستحي قل احبك تعبت اسماعي

ارجوك لا تستحي يا صاحبي قلها

اطلق احجاجك وخله يرسل الداعي

فرحة لقانا ترى ما ابيك تقتلها

اذا فيه احد فاضي ويبي ينسق الموضوع ما فيه مشكلة

انا تعبت ما اقدر انسق