ما افضل سيارة من سعر 25 الف وتحت - نادي الهلال السعودي - شبكة الزعيم

ثعلب الزعيم · #1 06/08/2008, 12:25 PM

السلام عليكم ..

كيف حالكم

أنا هاذي السنه رايح على الثانويه وبشتري سياره

فما رأيكم ؟؟ وش آخذ سيارة ؟؟

معلومات تفيدكم ..

1. السعر يكون من 25 الف وتحت ..
2. قير توماتيك او عادي
3. ماني راعي سفرات وخطوط طويلة ، كلها داخل المدينة ..
4. يهمني الشكل كثيرا .. مره مره
5. انا أحب السرعة .. فحبذا تكون تعطيك اذا دعست !!
6. الجودة .. <<< مدري قد قريتها ولا أدري وش معناها :6::

وهناك سؤالين :

س1 / ما رأيكم آخذ جديدة ؟؟ والا مستعملة ؟؟
س2 / ما الأفضل ؟؟ السيارات اليابانية او الامريكية ؟؟ من كل النواحي ؟؟

كلن يدلي برأيه .. ويضع السيارة المناسبة لي كبداية ..

ويضع السبب لاختياره السيارة ؟؟ وماذا تتميز به ؟؟

وشكرن لكم جميعا ..

بلنتي ياحكم · #2 06/08/2008, 03:34 PM

هلا فيك اخووي

انا اشوف لو تحط 5 الاف زيادة وتاخذ فورد قراند ماركيز 2001-2002 لأنه اول شي شكله حلو والشي الثاني 8 سرندل يعني اذا وقفت عند الاشارة وشفت شباب يهايطون والا شي ومعهم سيارات اقل منك تقدر تجيبهم وانت وااااااااثق لانه 8سرندل والشي الثالث انا من افضل السيارات اللي ركبتها من ناحية المراتب الفووورد ماشاء الله تبارك الله راحة غير طبيعية بس نصيحة لا تاخذ جلد لانه يحررررررق (هههه)

اتمنى اني افدتك بالمعلومات اللي عندي

ثعلب الزعيم · #3 06/08/2008, 03:52 PM

مشكور اخوي على هاذي معلومات
اما عن الجلد في الصيف نار وفي الشتاء بارد

♥ N E V E S ♥ · #4 06/08/2008, 05:24 PM

هلا اخوي..
الله يوفقك للسياره الافضل...
وبصراحه المواصفات اللي قلتها
صعب انك تلقاها في سياره سعرها 25000
يعني لو تزيد المبلغ شوي بتلقى سيارات كثيره تعجبك...!

ZIDANA_10 · #5 06/08/2008, 05:49 PM

أنصحك بالكامري

لأن اذا بغيت تبيعها تمسك سعرها

خاصة انك في الثانوي يعني ما امنت مستقبلك

ثعلب الزعيم · #6 06/08/2008, 07:16 PM

إقتباس

الرسالة الأصلية كتبت بواسطة عيون ياسـ20ــر


	هلا اخوي.. الله يوفقك للسياره الافضل... وبصراحه المواصفات اللي قلتها صعب انك تلقاها في سياره سعرها 25000 يعني لو تزيد المبلغ شوي بتلقى سيارات كثيره تعجبك...!

مشكور على مرور ومدني ازيد حد 30 الف
وش فيه سيارات زينه

ثعلب الزعيم · #7 06/08/2008, 07:17 PM

إقتباس

الرسالة الأصلية كتبت بواسطة ZIDANA_10


	أنصحك بالكامري لأن اذا بغيت تبيعها تمسك سعرها خاصة انك في الثانوي يعني ما امنت مستقبلك

مشكور اخوي
وصارحه انا افكر بكامري موديل 2000 بس بكم السعار ؟

قناص سدير 20 · #8 06/08/2008, 07:42 PM

هلا اخوي..
الله يوفقك للسياره الافضل...
وبصراحه المواصفات اللي قلتها
صعب انك تلقاها في سياره سعرها 25000
يعني لو تزيد المبلغ شوي بتلقى سيارات كثيره تعجبك...!

saudi ksa · #9 06/08/2008, 09:02 PM

شــــــــــــــــــــــــــــــــــــــــــــــــــكرا

الحارثي430 · #10 08/08/2008, 01:02 AM

عندي BMW حوت موديلها 2008 ما ابغاها موقفها بالقراج واذا بغيتها دق على

جوالي ... بس فيه شرط بعطيك اول رقمين من جوالي واذا كملت والله انها فداك

وهذا اول الرقم : ..............05

ليتكم مثلي · #11 08/08/2008, 01:07 AM

إقتباس

الرسالة الأصلية كتبت بواسطة الحارثي430


	عندي BMW حوت موديلها 2008 ما ابغاها موقفها بالقراج واذا بغيتها دق على جوالي ... بس فيه شرط بعطيك اول رقمين من جوالي واذا كملت والله انها فداك وهذا اول الرقم : ..............05

ماشاء الله تستظرف دمك أنت مع انه ثقيل لو تحاول من اليوم لين بكرى مايتخفف دمك

وقال ايش قال عندي حووووووت ياشيخ قابلني واضح عليك ان حدك مكسيما وكثيره بعد

اكرهه ماعندي اذا شفت واحد يهااايط وقصم ودي اتوطى بطنه ولخليه مسخره الكووون

الحارثي430 · #12 08/08/2008, 02:22 AM

إقتباس

الرسالة الأصلية كتبت بواسطة ليتكم مثلي


	ماشاء الله تستظرف دمك أنت مع انه ثقيل لو تحاول من اليوم لين بكرى مايتخفف دمك وقال ايش قال عندي حووووووت ياشيخ قابلني واضح عليك ان حدك مكسيما وكثيره بعد اكرهه ماعندي اذا شفت واحد يهااايط وقصم ودي اتوطى بطنه ولخليه مسخره الكووون

طيب ليش معصب
بعدين انا ماهايطت وشكرا على الرد الأكثر من رائع

انا احبكم 9 · #13 08/08/2008, 07:31 AM

كراون فكتوريا مستعمل سياره مريحه وقويه وشكلها مقبول

20هلالي\ميلاني22 · #14 08/08/2008, 11:31 AM

خذلك اكسنت تفكه انت من الوكاله

وهي اتوقع انه من حدود 30_37 الف

واتمنى اني قد اكوون افدتكـ

هلالي قدحه · #15 08/08/2008, 05:25 PM

اممم 25 - 30 آلف ياطويل العمر خذلك هوندا سفك 2005-2006 ياباني آصلي وحقت مدينة وتتحمل

اما اللي يقولك فورد مع احترامي له الفورد اغبى سيارة سقتها في حياتي مو سياره ذي سفينه ياشيخ مو ناقصها الا مجاديف مع الدرايش

والاخ اول واحد رد عليك يقول انها تقووم عند الاشاره ياشيخ مره كانت معي فورد اخوي وبرضه عند اشاره وجنبي واحد معه اكسنت والله انه راح علي مع اني متوووطي في الآبنص ثقيييله الله يقطعها ويقطع اللي وردّهــا

بعدين من 98 ليييييين 2008 نفس الشكل يعني اللي بيشتري وكاله محد درى عنه

10 سنوات نفس الشكل !!!!