#1  
قديم 03/08/2008, 07:03 AM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
ابن مساعد اذا قال....فعـــــل

السلام عليكم ورحمة الله وبركاته

حيالله جماهير الزعيم

نخش دوغري في الموضوع


استغرب هذا الهيجان الجماهيري ضد الادارة حديثه العهد..... من ناحية التعاقدات

خصوصا سالفة اللاعب الاجنبي الثالث

فالمتتبع لكلام الامير عبدالرحمن واللي ذكره في الجمعية العمومية....بان التعاقد راح يكون مع لاعب يفيد

الزعيم...ويضيف للفريق...ويكون اعلى من مستوى اللاعب المحلي

من المفترض وبحكم ان الاغلبية يعرفون من يكونون عيال مساعد...ان يحطون ايديهم في موية باردة...

ويستمتعون بشرب بيالة من " البردقوش "...لانه يخفض الضغط ويساعد على التركيز

فاذا قال ابن مساعد...فانه سينفذ ماقاله...باذن وبمشيئة الله عز وجل

اغلب الاخبار المتواترة تقول ان الهلال يملك المال....

ويملك الفكر بتواجد سامي وكوزمين وعادل البطي ورئيس النادي ونائبه

ويبحث عن لاعب يشتري عقده...وسيكون في فترة الامير عبدالرحمن كاملة مع الهلال باذن الله

فلذلك من حق الرئيس او المشرف او المدرب...ان يدققوا في الاختيار...حتى يصلوا للاعب

المطلوب...واللي راح يشكل اضافة للزعيم...

واما الاستعجال فما منه فائده...فهذا النصر اشترى رزاق باربعة مليون يورو...وشكلهم تدبسوا فيه

والاتحاد تعاقدوا مع لاعب جالس له حول السنة...مالمس كورة

وبداو من الان وقبل بدا الموسم...في الندم...ويقولون ليتنا مااستعجلنا

ومااتوقع ان جماهير الهلال يرضيها لاعبين من هالنوع...

فلذلك خلوا الادارة تشتغل ومن ثم احكموا على شغلها من

ناحية التعاقدات بعد بداية الدوري اللي باقي عليه اكثر من شهر..

رغم ان الدوري ليس من اولويات الادارة

وعلى فكرة

اخر يوم لستجيل المحترفين حسب معلوماتي هو يوم 23-8-2008

اي باقي على انتهائها 20 يوم من الان

وحدسي وتوقعي يقول ان الايام القريبة القادمة كفيلة باسعاد الجماهير...

وان قنابل الادارة راح تتوالى تترا

وللاسف ان سبب احتقان اغلب الجماهير...

انها راحت تمشي خلف الجرايد والصحف وبعض المصادر

اللي ماخلت لاعب يلعب على هالبسيطة مافاوضه الهلال...

رغم انه الادارة ماطلع منها اي شئ رسمي

فلاعب تشيلي ولاعب ارجنتيني ولاعب اكورادوري

ولاعب كولمبي ولاعب هولندي ولاعب مغربي ولاعب روماني

ولاعب كونجولي ولاعب غيني ولاعب نيجيري

ولاعب افريقي ولاعبين لاتينين ولاعبين اوروبيين ولاعبين برازيليين.....الخ

وهذا سبب من اسباب هذا الهيجان الجماهيري...اللي راح يهدا بعد اعلان اللاعب باذن الله

واتركوا عنكم كل المصادر...وخلوكم مع اخبار المركز الاعلامي

واما بالنسبة للاسيوية

ابن مساعد ذكر في مقابلة العربية قبل تنصيبه رئيسا...وفي الجمعية العمومية...

ان البطولة الاسيوية هي الاهم

وهي المطلب بالنسبة له

والبطولة الاسيوية باقي لها من الان اكثر من 6 شهور

فالان باقي على فترة التسجيل الاولى 20 يوم

وباقي ايضا امامنا فترة تسجيل ثانية في يناير القادم بعد 4 شهور

وبما ان ابن مساعد قال ووعد ان الاسيوية هو المطلب...

وانه راح يكون تركيزه كامل عليها...وانه راح يذلل كل العقبات

التي تواجه الهلال للحصول عليها

فمن المفترض ايضا من الجماهير وضع ايديها ورجولها في مويه باردة....

والاسترخاء حتى يحين موعد الاسيوية

وانا كلي ثقة في الله ثم في ابن مساعد اننا راح ندخلها بكل قوة

وراح تكون الجماهير مقتنعه تماما بالفريق اللي راح يبدا في الاسيوية

فلنترك عننا الاستعجال....ولنستمتع بالعطلة خصوصا اخواننا الطلبة....

وان لا نخلق مشكلة من لا مشكلة

صفوف الهلال تقريبا متكاملة ولكن ينقصها ظهير ايمن...

ويمكن ان تحل المشكلة برالديس اذا تعنتت الاندية في اعارة لاعب للهلال

وكذلك مهاجم يساند ياسر القحطاني..وهو الاجنبي الثالث القادم باذن الله

في حراسة المرمى عميد لاعبي العالم والعتيبي والشمري

وفي الدفاع هوساوي وخيرات والمرشدي ورالديس

وفي الظهير الايسر الزوري وسعد الذياب والخثران

وفي الظهير الايمن رالديس او المر او شهيل

في المحور عزيز والغنام والغامدي والخثران

في صناعة اللعب التايب عبدالعزيز الدوسري الفريدي الشلهوب

في الهجوم ياسر والصويلح واللاعب الاجنبي القادم

واذا كان فيه اضافات بلاعبين محليين من فئة النجوم

فالله يحيهم والله يكثر الله خير الادارة

ولاننسى ان من ورائهم الامير عبدالرحمن والامير نواف

وسامي الجابر وعادل البطي وكوزمين اولاريو

فريق نموذجي قادر على تحقيق اي بطولة يعد توفيق الله

ولكن الله يرضى عليكم لانضغط عليهم....

ومن ثم تحدث اخطاء بسبب هذه الضغوط

مثل ماذكرت لكم اول الموضوع

ريحوا اعصابكم...وروقوا...وبتسمعون وبتشوفون مايسركم باذن الله

اخر تعديل كان بواسطة » FhOoOoO في يوم » 03/08/2008 عند الساعة » 08:42 AM
اضافة رد مع اقتباس
  #2  
قديم 03/08/2008, 07:18 AM
زعيــم متواصــل
تاريخ التسجيل: 05/11/2006
مشاركات: 72
يا سلام على الكلام الحلو والرائع
أنت وينك من زمان
أسمحلي أقولك الهلال بخير ما دام هذا فكر جماهيره
شكرا لك
اضافة رد مع اقتباس
  #3  
قديم 03/08/2008, 07:35 AM
زعيــم فعــال
تاريخ التسجيل: 22/07/2008
مشاركات: 211
ياالله على الكلام الرائع ياأخوي

مشكور تقبل مروري دمة بود
اضافة رد مع اقتباس
  #4  
قديم 03/08/2008, 07:42 AM
الصورة الرمزية الخاصة بـ ĐЯ.3βǪǪĐ
زعيــم نشيــط
تاريخ التسجيل: 08/02/2008
المكان: MUNICH..GERMANY
مشاركات: 595
الله يسلم يدينك اخوي يعطيك الف عافية

كلامك سليم
لازم نكون ورا الادارة خااصة ان على راسها بن مساعد
اضافة رد مع اقتباس
  #5  
قديم 03/08/2008, 08:31 AM
الصورة الرمزية الخاصة بـ الريان - الموهوب
زعيــم مميــز
تاريخ التسجيل: 06/07/2008
مشاركات: 1,984
كلام جميل الله يجزاك خير ومشكوووووووووووووور
اضافة رد مع اقتباس
  #6  
قديم 03/08/2008, 10:35 AM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
إقتباس
الرسالة الأصلية كتبت بواسطة ركـ الزعيم موجود ـود
يا سلام على الكلام الحلو والرائع
أنت وينك من زمان
أسمحلي أقولك الهلال بخير ما دام هذا فكر جماهيره
شكرا لك

انت الاحلى اخوي

وشكرا لك على هالمجاملة
اضافة رد مع اقتباس
  #7  
قديم 03/08/2008, 10:45 AM
زعيــم فعــال
تاريخ التسجيل: 30/10/2005
مشاركات: 221
مشكور اخوي على الموضوع الأكثر من رائع

وكلامك عين العقل
اضافة رد مع اقتباس
  #8  
قديم 03/08/2008, 11:02 AM
موقوف
تاريخ التسجيل: 12/08/2005
المكان: روح الهلال
مشاركات: 11,780
ثقتنا في ابو فيصل ورجاله لا حدود لها لكن هذا لا يمنع ان نذكر فالذكرى تنفع المؤمنين..!
الجماهير ركن مهم في منظومة الزعيم ولابد لها من ابداء رأيها حول هذا التاخير لكن بهدوء وعقلانية وبدون استعجال..!
نأمل بإذن الله ان يكون تاخيرا ذو فائدة للهلال وكل تأخيرة فيها خيرة..
اضافة رد مع اقتباس
  #9  
قديم 03/08/2008, 11:48 AM
زعيــم مميــز
تاريخ التسجيل: 18/11/2007
مشاركات: 2,429


مرحبا فيك أخوي

التفائل شي جميل بس الإفراط فيه نتايجه عكسيه

ونقول الله يستر ويتمم الأمور على خير
اضافة رد مع اقتباس
  #10  
قديم 03/08/2008, 01:43 PM
زعيــم جديــد
تاريخ التسجيل: 15/07/2008
مشاركات: 36
كلام جميل واسلوب اجمل

وانا واثق ان الامير عبد الرحمن لن يخذل الجمهور الهلالي باذن لله

ولكن علينا بالصبر

تقبل مروري/

" E M P E R O R "
اضافة رد مع اقتباس
  #11  
قديم 03/08/2008, 02:19 PM
زعيــم فعــال
تاريخ التسجيل: 14/11/2007
مشاركات: 371
وهل إذا كانت الإدارة تحمل الأسماء اللامعة التي ذكرتها

تمنعنا كمحبين لهم ولنادينا أن نذكر ونبين مانراه خطئاً

وبدون إساءة أوتجريح

كلنا يعشق الهلال وكلنا يهمنا أمره

وكل له رأيه ووجهة نظره ولكن في نهاية الأمر لا يصح إلا الصحيح

فلا نجعل إختلافنا في الرأي يؤدي لإختلافنا وتفرقنا


تحياتي
اضافة رد مع اقتباس
  #12  
قديم 03/08/2008, 02:31 PM
زعيــم متألــق
تاريخ التسجيل: 02/03/2008
المكان: عاصمة الربيع((الحفر))
مشاركات: 1,495

هذا الكلام السليم
مو مثل بعض الأعضاء الله يصلحهم
ينجرون ورا الصحف والإشاعات
وتاخذهم العاطفه زياده عن اللزوم
اضافة رد مع اقتباس
  #13  
قديم 03/08/2008, 02:59 PM
زعيــم نشيــط
تاريخ التسجيل: 17/04/2008
المكان: في قلب الزعيم
مشاركات: 644
كلام جميل بس او المر او شهيل من وين جبت هذولي وهم للأن ما جونا
اضافة رد مع اقتباس
  #14  
قديم 03/08/2008, 04:26 PM
الصورة الرمزية الخاصة بـ كاريرا
زعيــم مميــز
تاريخ التسجيل: 15/09/2006
المكان: قلب شبكه الزعيم
مشاركات: 12,462
انا ما ابي وعود و مجاملات ابي اشوف الكلام على ارض الواقع

الواقع يقول جميع الفرق دعمت انديتها بلاعبين غير الهلال

إذا استثنينا العنزي اللي للحين ما لعبوه

وين اللاعبين اللي وعدونا فيهم يقولون حنا نملك المال

و اول قرار يرفضون المزايدات يا حبيبي حنا في عصر الماده اللي ما معاه فلوس

ما نبيه مثل ما قال الفيلسوف ابو يعقوب ( ما نبي رئيس طفران )
اضافة رد مع اقتباس
  #15  
قديم 03/08/2008, 05:50 PM
الصورة الرمزية الخاصة بـ سع ـود
زعيــم متألــق
تاريخ التسجيل: 20/05/2008
مشاركات: 1,443
كلام في الصميم

الله يعطيك ألف عافية

ومثل ما قالوا

من صبر ظفر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:43 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube