02/08/2008, 11:34 PM
|
| زعيــم مميــز | | تاريخ التسجيل: 10/02/2005 المكان: احضان الهلال
مشاركات: 1,704
| |
|
بكل هدوء وعقلانيه وروقان ... موضوع من فوق الطعس
السلام عليكم ورحمة الله وبركاته
حي الله زعماء نصف الارض
بصراحه شي حلو لما تكون فوق طعس
وتكتب موضوعك بورقه عشان تنقله بالمنتدى <<< متحمس
لانك وانت فوق الطعس تجيك افكار ع كيف كيفك
وخيالك يصير واسع
بس المشكلة اذا غبر الجو <<< متعقد من الغبار
تبون الصراحه رالديس هذا دخل قلبي
من شفت ضحكته وانا حبيته <<< واحد يسويله تصميم اهداء فيه صورة اللاعب 
احسه انه بيسوي اللي ما ينتسوى
بس اللي لاحظته من احبابي الزعماء انهم متشائمين من اللاعب
ومتذمرين ليه ما عسكر مع الفريق
ونسوا ان نص الفريق في المنتخب
يعني جت ع رالديس
الله يوفقه مع الهلال ويجعله احسن من تفاريس مية مرة << تفاريس ما قدرو عليه
بعدين خلونا ندخل في الجد ...
ليه متذمرين من الادارة ..
ما انتصحتو من العام اللي طاف
كم موضوع قلناه في الادارة .. وانها مقصرة
وفي النهايه حققت بطولتين ...
صح المفروض ان الهلال يتعاقد مع مهاجم
بس يمكن الادارة في راسها شي ثاني
ليه تستعجلون ...
اذا عن بطولة اسيا ترى باقي عليها واجد
يعني باقي ما خلصوا من البطولة اللي هم فيها
وبعدين المعسكر اللي فيه الفريق ناجح الى الان << وجهة نظري
يعني نتايج ممتازة .. وتكتيك جيد
اللي ابي اقوله
حنا ما حن احسن من الادارة
ولا مهتمين اكثر منها بالهلال
هم يسهرون ليل نهار عشان الهلال
وحنا تحت المكيف نكتب مواضيع .. ولا نحس بالشي المبذول
لا خوف ع الهلال بوجود شخص مثل عبدالرحمن بن مساعد
عاد وانا فوق الطعس تخيلت ان الذيب مكاني يعوي
فلما طريت الذيب ذكرت الاسطورة سامي 
يا لبى قلبه .. والله يعينه ع المسترزقين في الصحافه
اللي ما همهم الا كيف يهاجمون سامي
ولكن الذيب ذيب الين يموت
بصراحه اذا جبت طاري سامي فيه شي بصدري يتحرك
ما ادري وش .. بس الوكاد اني متيم به
في ختام الموضوع يقول مخاوي الليل
الله ع شوف الغضي حزة عصير .. من راس طعسن ما حد قد مشى به
اللهم وفق الهلال واعنه واجعل البطولات من نصيبه |
الوضع الشجري
