كل النجوم الي موجودين بالهلال وتقول مو مؤهل للآسيوية

عجيب آمركـ ..!!

يأخي الكريم اتحدى نادي اسيوي يملك نص النجوم الي عندكـ ..

احنا مو ناقصنا الا اعداد جيد .. والضروف تكون معنا من اكتمال الفريق في المواجهات الاسيوية

وشوية حظ فقط لا غير

ومدري ليس حاس اني اكلم أليكس فيرغسون يوم يحكم على الهلال انه مو مؤهل للآسيوية

واتمنى يكون فية شوي من المنطق .. قاعد تذكر اسماء الادارة ما قصرت قاعدة تحاول تجلب لعيبة

بس مو على حساب ميزانية النادي .. والادارة ما ترضى بالاستغلال

والادارة ابخص بالتعاقدات ..

واتمنى من الشعب الهلالي انه يكون متفائل .. وان شاء الله ان فالكم طيب

تحياتي

إقتباس والشاطر حسن

اذا كنــت تقصـد حسن خــيرات
الصــراحة أنــك غريــب مرررة

يـا أخ ارجع لمبــاراة الهــلال و الانتــر
و شــوف ايــش سوى الشــاطر حسن ! !

يــا أخ ارجع وتــذكر كلام الصخرة تفــاريس
و شــوف وش قال عن الشـاطر حسن ! !

يــا أخ ارجع لمبــاريات الهـلال الموسم الفائت الي شارك فيهـا حسن
وشوف مستواه
وشــوف وش سوى الشــاطر حسـن ! !

أتمنى أنك تقــصد حسن العتيبي
لان حـسن خيرات مستواه ابداعي

والهــلال قــادم للمــوسم القــادم بمعســكر متميــز
ومــدرب أكثر من رائــع
وإن شـاء الله الهــلال سيحــقق الآســيويـة

إقتباس الرسالة الأصلية كتبت بواسطة عجب عجاب يبدوا ان الهلال يمضي قدماً بخروج مبكر من البطولة الآسيوية وكذلك الدوري فهو لم يحرك ساكن من ناحية تدعيم الفريق بلاعبين محليين أو أجانب وحتى المنتهي صلاحيتهم لم يتم تنسيقهم بل نسق الشباب الواعد. كلنا ننتظر على أحر من الجمر المهاجم الصيحة وكل يوم يطلع علينا لاعب ولكن لا جديد سيناريو تعودنا عليه والنهاية معروفة برونو جديد أو ليلو. دعونا ننظر للاعبين المحليين : سهلاوي والطريد و الرهيب و المر و حسن معاذ والشهيل وحماد لا تعليق. تجديد الثنقة في حسن العتيبي والعنقري وعدم الإهتمام في الصاعدين. تم التعاقد مع رونالد أتى مكان تفاريس الصخرة؟ يعني تيتي تيتي مثل ما رحتي جيتي. ياناس يا عالم الموسم الفائت حققنا الدوري بمستوى لا يطمئن وكذلك كأس ولي العهد فلنكن واقعيين مستوى الهلال الموسم الماضي غير مطمئن. أنا عارف بيطلع ناس علينا ويقول عطني بطولة وخذ المستوى لكن ما كل مرة تسلم الجره. أنا أتكلم عن عدد الهجمات المرسومة والإستحواذ على الكروة وانتشار اللاعبين والتغطية الدفاعية فنحن مقبلين على بطولة فيها فرق من العيار الثقيل. إذا خرج الهلال لن أكتب وأطالب على قولتهم إذا فات الفوت ما ينفع الصوت.

والله انك صااااااااااااااااااااادق

مستوى الهلال مايطمن

والا فيه احد يجدد مع العنقري !!!!

تفاااااااااااءل بالخير تجده

ان شاءالله ان الهلال يسيربخطط مدروسة

وصدقني سنرى هلال زمان في الموسم القادم

اخوي

واضح ان المهاجم الاجنبي راح يكون من العيار الثقيل

و بعدين وش فيك على حسن العتيبي؟؟ فيه الدعيع الحارس الاساسي

و العنقري فيه الحين رالديس راح يغطي الظهير الايمن

واالمفرج جاء هوساوي

يعني خلاص ان شاء الله كل شي له حل بالهلال

لا إن شاء الله كلامك مو صحيح ..
بتشوف زعيمنا وش بيسوي يا فلان و أذكرك ..

والله معك حق الدعوه ماتطمن

نبي الاسيوية والحال ماتطمن


كلااااااااااامك سليم

انا معك اخوي واايدك بقوه لاعبين الهلال العنقري العتيبي ....الخ وين بالله لو يشوفونا المشعين العرب وش بيقولون عن فريقنا هاذا فريق القرن لاعبين والله ماالعبهم كيرم يشيخ

تفاؤلوا بالخير تجدوووووووووووووووووووه

تو الناس فكونا من النظره التشاؤميه القاتله للطموح

اسمع انت جاي تتفلسف وبقوه الهلال ترى ملعب نجومه قاعد يلعب العمبر والسلطان الي هم نجوم الهلال في المستقبل يخوي يكفيك نتيجه الهلال والانتر يكيك المباراه الاخيره فاز الهلال فيها لولا الغاء هدف العمبر تسع لاعبين في المنتخب زد التايب ورنالد والخثران والدعيع وخبره التمياط يعني الزعيم زعيم وانت عاطفي جدا غرت من النصر والاتحاد جمعولهم خميم لاعبين وقلتو ليش ما تجيبون اولا النصر ماعنده شي لو يجمع لاعبين ثلاث مواسم ماجاب لاعبين الزعيم
ثانيا الاتحاد كلهم شياب يعني الهلال زعيم يكفيك الدوسري والفريدي وعزيز والقحطاني والصويلح والشلهوب والتايب والدعيع الاسيوي في صفوف الهلال ولازم نفكر وش بنسوي في العالميه الرجو انك تتقبل مروري

إقتباس أخوي مغمور تقول المباراة الأخيرة فزنا على الإتحاد في عقر دارة بكل أمانة هل تتوقع لو سجل الإتحاد هدف التعادل بأن الهلال راح يسجل هدف ثاني على مستوى المباراة

.

تدري وش مشكلتك تسال وتجاوب على نفسك بنفس الوقت هذي لو سجل الاتحاد

تدل ان الهلال كان اقوى من الاتحاد طبيعي يكون الاتحاد ضاغط وقتها لنو مهزوم

وحاول يعوض بس ماقدر بفضل الله ثم بفضل اللاعبين..

ثاني شي انا معك في بعض الاعبين مو مستوى الزعيم لكن الشكوى لله ..

على فكره ترى الاداره مو نايمه جالسه تفاوض لكن المصيبه الانديه الثانيه

اذا كان المفاوض الهلال مستحيل تمشي المفاوضات بسلاسه لازم تعقيد ورفع لسعر الصفقه..

ثالث شي الفريق جالس يستعد مو حلوه منك هالروح الانهزاميه..

بالعكس الهلال جالس يعد الصف الثاني والصف الاول مع المنتخب يعني فريقنا ان شاء الله وقت بداية الدوري بيكون ميه الميه الاستعداد..

يتبقى ظهير يمين ومهاجم بعدها ندور الاسيويه


ياخي تفائل بالخير قسم بالله شي يقهر هذا وانت هلالي روحك كذا

ياخي شوف الانديه الثانيه

مع احترامي لها والله ان الفرق بين الهلال وبينهم السماء عن الارض

الهلال غير عن الانديه وهالكلام مو عشان اني هلالي اقوله اسال اي لاعب حتى لو يلعب ضد الهلال شف شلون يحاول يثب نفسه قدام الزعيم كل الفرق تعمل على ان الهلال بطولة بحد ذاتها.


عذرا على الاطااااااااااااله

اخيرا كل الاماني بان الله يوفق الزعيم ورجالاته..

مع احترامي الشديد لك انت لست مؤهل في الكتابه في المنتدا
.............................................................................
والله بهذا الاسلوب ما ناخذ كاس حواري

شوف انا معاك بعدم تنسسيق بعض اللعيبه

لكن الهلال قادر على الفوز بالاسيويه باذن الله


وهدئو اعصابكم شباب

الله يهديك بس سديت نفسي بموضوعك يارجال تو الناس والحمد لله حنا مو محتاجين الا مهاجم
اجنبي وظهير ايمن بس وماعلينا من الانديه الثانيه يبيلها ترميم من اول وجديد عشان كذا كثييييرة
تعاقداتهم !!..و" تفائلو بالخير تجدوة " ..
وبعدين عندي ملاحظه على عنوانك ياليتك تغيرة لأن إلى الآن ما صار شيء ولا طلعنا من اسيآ
ولا خسرنا الدوري !! اتعجب انك حاط هذا العنوان !! ..