أحلىْ خَبرْ جَانيْ تَرىْ يوم فرقاك .. وأسعَد خَبْر جَاني علىْ أقلْ تَقدير // قصيده بصـوتـي .. أتمنى تعجبكم - نادي الهلال السعودي - شبكة الزعيم

!. مجنون في زمن العُقلاء .! · #1 31/07/2008, 09:30 PM

السَلاَمُ عَليْكم وَرَحْمةُ اللهِ وبَرَكاتْه
مَسَاءُ الخَيرِ .. لأهْلِ الخَيْر
بَعيِدْاً عن أطرُوحَاتيْ السّابِقْه وَالَتيْ كَانْت تُنَاقشْ قَضايْا مُختَلِفة
اليَوْم سَـ أطْرَح أولْ قَصْيِده كَتبْتُهَا فيْ حَيَاتيِْ
قَبْلَ عَشرِ سَنَوات تَقريباً
أتَمنىْ أن تُلاَقي إستحسانَكم ..
بِدايتُها ألقيتَها بِشكل عَاديْ ،
ثُم قُمتُ بِتَلحيِنهَا ..

للإستِمَاع .. أضغَط هُنَا

أو

من هُنا

مَاهمنيْ بعدك وَ لاهَمنيْ فَرقاكْ .. وَلاهَمنيْ إنك مِنْ الغيَر بتصير
دَورعلى غيريْ عَسىْ الربْ يَرعاك ..مَاعَاد لك عنديْ محَبة وتَقديْر
أهديتْ لك حُبْ حَقيقيْ وَيَزهاك .. وأهديْت لك قَلبيْ عَلىْ غير تَقصير
مَا أنكرْ إنْ قَلبيْ حَبك وتمنَاك .. بَسْ بفَعايْلك كَسّر الحُبْ تَكسيْر
أحلىْ خَبرْ جَانيْ تَرىْ يوم فرقاك .. وأسعَد خَبْر جَاني علىْ أقلْ تَقدير

بساتين ودي ..

S K Y · #2 31/07/2008, 09:41 PM

ههههههههههههههههههههههههههههههههههههههههه

زعيمهم كلهم

ماخلص الرد بس حبيت أمزح معك وألعب في أعصابك في هالموقف بالذات لأنك تنتظر مدح أو نقد

بدون مجامله ماشاء الله عليك صوتك يطرب والقصيده قمه في الروعه رغم انها من 10 سنين
أجل لو تكتب قصيده الحين بتكسر الدنيا تكسير

تسلم حبيبي ولا تزعل مني

ولازم تكتب قصيده ثانيه وتلحنهاا .. في إنتظار إبداعك

Dr.Sara · #3 31/07/2008, 09:45 PM

السلام عليكم ,,

ماشاءالله .. صح لسانك .. ,

بس عندي سؤال : الإلقاء برضو من زمان وقت ما كتبتها ؟

* * *

طيب انا بعد بحط قصيدة لي قديمه صار لها ثلاث سنين عندي ..

لي متى يا اخوي هالصبر بي يطول
هو بعد ما مـــل وتعدى الخيــــــــال
هو بعد ما طال صبري ما يــــــزول
المكــــــــان اللــــي أناديله محــــال
الضيـــــاع يشتت أفكـــار العقــــول
والرجاء مرسوم في وجهه ســـؤال
والفــــراق اللي بخطواته عجـــــول
لـــه على وصلي ويقطع بالوصـــال
والخريـــــــف اللي خذا كل الفصول
مع رياحهه صارت تـــحـــــد الرمال
والغريب اللي في الصحراء يجـــول
عن هجير الشمس يبحث عن ظلال
والأمانـــــي والكلام اللـــــــي يقول
فيض جــــــرحٍ في وادي الهم سال
ضاعت الحيله يا أخوي وش تقـول
لا تقول الصبر تدري الصبر طــــال

ترى النقد يجي على قصيدة زعيمهم وعلى قصيدتي ..

مشكور زعيمهم على الضيافة

* * *

لك الف شكر ,, ولا تأخذ بخاطرك مني ..,

Canada's gallant · #4 31/07/2008, 09:51 PM

تسمع خالد عبد الرحمن

؟

معي كم واحد من المغتربين يسلمون عليك و يقولون الله يوسع صدرك

صح لسانك يا بطل

!. مجنون في زمن العُقلاء .! · #5 31/07/2008, 09:53 PM

إقتباس

الرسالة الأصلية كتبت بواسطة S K Y


	ههههههههههههههههههههههههههههههههههههههههه زعيمهم كلهم ماخلص الرد بس حبيت أمزح معك وألعب في أعصابك في هالموقف بالذات لأنك تنتظر مدح أو نقد بدون مجامله ماشاء الله عليك صوتك يطرب والقصيده قمه في الروعه رغم انها من 10 سنين أجل لو تكتب قصيده الحين بتكسر الدنيا تكسير تسلم حبيبي ولا تزعل مني ولازم تكتب قصيده ثانيه وتلحنهاا .. في إنتظار إبداعك

هههههههههههههههههههههههههههههههه

قسما ً بالله أني أناظر في إسمك ومستنكر
أقول وراه يضحك
طيب عآدي قل شينه قل بايخه مايفرق
لكن ضحكه كذا بس
انا توقعت اني رافع ملف فيديو لـ مسرحية

ياهلا فيك نورت ..

<--- يضحك بعنف

فتاة الهلال · #6 31/07/2008, 09:55 PM

صــــــــــــح لســـــــــــــانكـ

كلامات حلوه وقوووويه وطالعه من قلب

الى الامــــــــــــــــــــام

وننتظر المزيــــــــــــــــد

!. مجنون في زمن العُقلاء .! · #7 31/07/2008, 09:56 PM

إقتباس

الرسالة الأصلية كتبت بواسطة Dr.Sara


	السلام عليكم ,, ماشاءالله .. صح لسانك .. , بس عندي سؤال : الإلقاء برضو من زمان وقت ما كتبتها ؟ * * * طيب انا بعد بحط قصيدة لي قديمه صار لها ثلاث سنين عندي .. لي متى يا اخوي هالصبر بي يطول هو بعد ما مـــل وتعدى الخيــــــــال هو بعد ما طال صبري ما يــــــزول المكــــــــان اللــــي أناديله محــــال الضيـــــاع يشتت أفكـــار العقــــول والرجاء مرسوم في وجهه ســـؤال والفــــراق اللي بخطواته عجـــــول لـــه على وصلي ويقطع بالوصـــال والخريـــــــف اللي خذا كل الفصول مع رياحهه صارت تـــحـــــد الرمال والغريب اللي في الصحراء يجـــول عن هجير الشمس يبحث عن ظلال والأمانـــــي والكلام اللـــــــي يقول فيض جــــــرحٍ في وادي الهم سال ضاعت الحيله يا أخوي وش تقـول لا تقول الصبر تدري الصبر طــــال ترى النقد يجي على قصيدة زعيمهم وعلى قصيدتي .. مشكور زعيمهم على الضيافة * * * لك الف شكر ,, ولا تأخذ بخاطرك مني ..,

صح بدنتس
العفو .. وما أظن قلتي شي يستحق أني أشيل بخاطري
أما الإلقاء .. لا والله قبل كم يوم
وقصيدتس بلحنها بصوتي

<- الله من الصوت بس
ياهلا ياساره ونورتي ..

Dr.Sara · #8 31/07/2008, 09:58 PM

^
^

شكراً ..

بس يالله انتظر التلحين والالقاء لاهنت .. << ما تنعطى وجه !

رعبوبة الزعيم · #9 31/07/2008, 09:59 PM

هلا والله أخوي زعـيمهم (ورده)

صح لســـانك ..

أنا احب هالنوع من القصائد القويه اللي تبين عزت النفس

بس أكيد بداخل الشخص غير هالكلام ..
وخاصه ان كانت طالعه من قلبه ..

عمومـا وجهة نظر يمكن متنطبق على الكثيرين بس
تنطبق علي انا ..

القصيده حلوة بس لو انك اطلتها شوي يعني اذا كانت كـ بدايه حلوة ..
لكن لو اطلتها بتكون احلى ..

انا مااكتب الا خرابيط يعني مالي صله بالشعر مره

بس حمستنا علشان ننزل هالخربطات اللي حنا كاتبينها ..

الله يعطيك العافيه ..
ولا تحرمنا من جديدك ..

Dr.Sara · #10 31/07/2008, 10:03 PM

إقتباس

الرسالة الأصلية كتبت بواسطة رعبوبة الزعيم


	انا مااكتب الا خرابيط يعني مالي صله بالشعر مره بس حمستنا علشان ننزل هالخربطات اللي حنا كاتبينها .. الله يعطيك العافيه .. ولا تحرمنا من جديدك ..

خوش والله !!

وش خرابيطه ! انتي لو تدخلين شاعر المليون ذا ..! ينسحبون كل ابوهم

ما عليك بس حطي اللي عندك غير تكسرين راس زعيمهم فيه

!. مجنون في زمن العُقلاء .! · #11 31/07/2008, 10:06 PM

إقتباس

الرسالة الأصلية كتبت بواسطة Canada's gallant


	تسمع خالد عبد الرحمن ؟ معي كم واحد من المغتربين يسلمون عليك و يقولون الله يوسع صدرك صح لسانك يا بطل

ياهلا فيك ..
بصراحه أسمع خالد من عام 1408
يعني من يوم غنى حتى موعد اعداد هذا الرد

الله يسلمك ويسلمهم
وصح بدنك ولاهنت

!. مجنون في زمن العُقلاء .! · #12 31/07/2008, 10:09 PM

إقتباس

الرسالة الأصلية كتبت بواسطة فتاة الهلال


	صــــــــــــح لســـــــــــــانكـ كلامات حلوه وقوووويه وطالعه من قلب الى الامــــــــــــــــــــام وننتظر المزيــــــــــــــــد

صح بدنك
الحلو مرورك
لاهنتي ونورتي ..

:

:

!. مجنون في زمن العُقلاء .! · #13 31/07/2008, 10:14 PM

إقتباس

الرسالة الأصلية كتبت بواسطة Dr.Sara


	^ ^ شكراً .. بس يالله انتظر التلحين والالقاء لاهنت .. << ما تنعطى وجه !

العفو ..
لحنتها وسجلتها
ألقيها وين بنفس الموضوع بأوله
ولا وين
بما أنك صاحبة القصيده
وتملكين الحقوق الفكريه لها

Dr.Sara · #14 31/07/2008, 10:37 PM

ماشاءالله امداك ..

حطها بـ رد عادي .. ومشكور ما قصرت , متحمسه اسمعها ..

!. مجنون في زمن العُقلاء .! · #15 31/07/2008, 10:45 PM

إقتباس

الرسالة الأصلية كتبت بواسطة رعبوبة الزعيم


	هلا والله أخوي زعـيمهم (ورده) صح لســـانك .. أنا احب هالنوع من القصائد القويه اللي تبين عزت النفس بس أكيد بداخل الشخص غير هالكلام .. وخاصه ان كانت طالعه من قلبه .. عمومـا وجهة نظر يمكن متنطبق على الكثيرين بس تنطبق علي انا .. القصيده حلوة بس لو انك اطلتها شوي يعني اذا كانت كـ بدايه حلوة .. لكن لو اطلتها بتكون احلى .. انا مااكتب الا خرابيط يعني مالي صله بالشعر مره بس حمستنا علشان ننزل هالخربطات اللي حنا كاتبينها .. الله يعطيك العافيه .. ولا تحرمنا من جديدك ..

صح بدنتس ،
فعلاً أوافقك في كلامك ..
وبالنسبة للقصيده هذي كانت قديمه مره
ولما كتبتها وصلت لنهايتها
بعض القصائد صعب الشخص يطول فيها
يعني ممكن يكتب بيتين ويوقف خلاص
قصيدتي عبرت عن حالي بوقتها بـ هالكم بيت
وياليت لو نشوف قصائدك
لاهنتي ونورتي ..