إقتباس الرسالة الأصلية كتبت بواسطة حمود الوايلي العنوان ماله داعي ...........والموضوع مكرر ومستهلك

وانت مع الخيل يا شقراء... مالاك مشاركتين و تقول مستهلك )) عجبي...

أخي لننقل الصورة بشكل آخر حتى يحلو الحديث وحتى نتفق على كثير من الأمور لأننا نحب الزعيم ..

1- خطأ الادارة منذ البداية بخصوص اللاعب البلويفي وعدم ترتيب إجراءات السفر له لا شك أنه سيغيب اللاعب عن مرحلة مهمة من مراحل الاعداد .. خصوصا وهي مرحلة اعداد ومرحلة انسجام .. اللاعب لا يحتاج الى لياقة كونه يشارك مع منتخب بلاده في التصفيات الحالية ولكن كان من الواجب فعلا مشاركته مع الهلال في ايطاليا وعدم التباطيء والزامه بمباديء الاحتراف القياسية ..

2- اللاعب بندر لديه امكانيات رائعة وهذا ما رأيناه مع ناديه هجر وفي المبارايات الودية في الرياض .. انتظره ولا تقسوا عليه ولا شك أن كوزمين يعرف الكثير . ونحترم رأيه ..

3- اللاعبين الذين ذكرت يبرز منهم الموري والبرقان و عبدالعزيز المفرج .. ولكـ أن تتوقف كثير لرؤية امكانياتهم في المباريات والدقائق القليلة التي يشاركون فيها .. الموري والمفرج لاعبين صغار في السن ولديهم امكانيات جيدة ويحتاجون للثقة وهم يبذلون جهدهم بأي طريقة لإثبات الوجود ولكن لو كانوا في أنديه أخرى لرأيتهم نجوم أنديتهم فلنصبر عليهم .. اللاعب سلطان البرقان لاعب جيد متوازن أخطاءه في المحور قليلة وهكذا يقاس المحور الجيد ليس بالايجابيات ولكن بأقل الاخطاء .. تمريراته جيده لياقته رائعة خصوصا إذا علمنا انه يشارك في أوقات قليلة ..


4- بالنسبة للدوخي أنا ضد عودته فاللاعب ترك النادي في أحلك الظروف والنادي مقبل على مشاركات كبيرة وطمع في زيادة ال 500,000 على الهلال ومصلحته .. فمن الغريب أن يطالب البعض بتكريمه بإعادته إلى الفريق والصعود مرة أخرى إلى المنصات خصوصا أن اللاعب لن يخدمك بمثل جهده السابق ولن نكرمه بالعودة مرة أخرى على حساب النادي .. وأنا لا أقول أن العنقري أفضل أو العبدالسلام أجدر ولكن العبدالسلام والمفرج الصغير بزيادة ثقة ممكن يعطونك الكثير ..

5- اللاعب السهلاوي .. ضعيف البنية مهاراته عادية جدا .. بطيء في الحركة .. يلعب بذكاء وهذي الميز التي تعجبني فيه .. ولكن الهلال في غنى عنه يوجد لدينا مثله وأفضل ..

تحياتي ،،،

إقتباس الرسالة الأصلية كتبت بواسطة سـ6ـام كيف الحال بس شلون تجمع بين هالنقطتين اللي هي 1 & 2 تبي ظهير محلي طال عمرك ولا تبي الدوخي رسنا على بر وابشر بالخير !!! ولاتسألني ليه مارديت الا على هالنقطتين لأن الموضوع مستهلك حتى الإشباع بالعربي نفس الكلام كل المواضيع ...

ياخي الكريم بالعقل... الدوخي سنتين او 3 بالكثير... لكن اللي قبله شباب و يدعمونك كثير ان شاء الله...

الفكره يكون واحد اساسي و الثاني احتياط له...

مو نتوهق اذا كان واحد مصاب او بالمنتخب تلاقي العنقري بوجهك ...

بالنسبة للمدافع البوليفي أنا متأمل منه خير ....................
لكن بصراحة العنزي ما أتوقع إنه يقدم شي لأنه ليس كل مبدع في الدرجة الأول مبدع في الممتاز وهذه النقطة لا تخفى على الجميع

كلامك منطقي بس عجزنا وحنا نطالب الادارة لاتنسيق نصف الفريق كما ذكرت انت

( لقد اسمعت لوناديت حيا ... ولكن لا حياة لمن تنادي ) الله يعين بس ...

الى الان كاننا عايشين نفس عصر محمد بن فيصل

باسكال ووكاستيلو واسماء فوق وفي الاخير برونو وليلو

الان نفس المسلسل يتكرر فشل في الصفقات المحلية , وتسحيب وفي الاخير برونو ثاني للاستثمار

على العموم يا اخوان واضح ان الادارة ماليا عندها حدود وليس كما روج لنا قبل مجيئها انها ستكون

ذات ملائة مالية , كل التعاقدات في جدود المليون يورو , سواء فاوضو كاكا او رونالدينهو او جيرارد او حتى برونو

كلهم بمليون يورو , ولو حصل بعد ناخذهم كلهم بمليون يورو مافي مانع ....

والله انك صادق اخوي

إلى الحين ما تعاقدنا مع لاعبين صح.....!!!!!!!!!

إقتباس الرسالة الأصلية كتبت بواسطة زعماوي_متعصب 2- التعاقد مع الاعب الظاهره بندر العنزي ... الذي لم يلعب دقيقه واحده في ايطاليا... هل المدرب غير مقتنع فيه .. ام ان مركزه يملأه عدة لاعبين افضل من مستواه بمراحل؟؟؟؟؟؟؟؟ ولا تنسون انه غير مصاب ... حتى المصابين لعبوت ام هو فلم يلعب...

انا مادري ليه ماشفناه للحين.. دايما هالامور تصير بالهلال نشتري ونوقع مع لاعبين بعدين يختفون بدون مانجربهم.. بس لانستعجل علا العنزي اكيد فيه سبب معين او قناعه من الداهي كوزمين ولسا المشوار طويل..

إقتباس الرسالة الأصلية كتبت بواسطة زعماوي_متعصب 3- احضار لاعب على حد مايقولون للاستثمار... هل هذا وقته فعلا ... هل بلاعب عمره 19 سنه تحرز الاسيويه... والله اشك في ذلك...

شف يالطيب اذا جا ذا الاعب والله انه فناااااااااااااان تر يعني يلعب مهاجم في افضل نادي برازيلي كان مطلوب من مدريد وميلان وارسنال بس البرازيلين ماعجبهم العرض يقولون قليل.. الزبده لاتستعجل علا الاعب شف كريستيانو جا مانشستر وعمره 17 وشف لعبه وشلون ...

إقتباس الرسالة الأصلية كتبت بواسطة زعماوي_متعصب 4- المنطقه اليمنى مشلوله تماما .... وخط الهحوم اغلبه مصابين او لاشباه لاعبيين.... فماذا فعلت الاداره لتدعم الهلال بلاعبيين محلييين ... لاشيء سوا الانسحاب من المفاوضات...

انا معك بها النقطه صراحه بالهجوم ماعندنا الا ياسر وبس وحتا ياسر بعد يامصاب يامنتخب يا انه يلعب ويمكن مايكون بالفورمه.. والصويلح الاصابات ذابحته ان شاء الله راجع... من غيرهم؟؟؟؟ العنبر؟؟ لاتظحكني تكفا مع اني احترمه واقدر الكم البطوله اللي حسمهن بس والله ماب راسه كوره مايعرف يباصي مايعرف يشوت.. يعني ازعجونا فيه والله خلاص الرجال اخذ فرصته وزياده بس والله مايعرف يلعب.. المفروض ننسق كل المهاجمين عدا ياسر والصويلح ونجيب البرازيلي ومهاجم محلي علا مستوا وبقيه المهاجمين يكونون الصاعدين الشباب والله نار ياحبيبي ناار..

إقتباس الرسالة الأصلية كتبت بواسطة زعماوي_متعصب 5- العنقري... الموري... المفرج اخوان... البرقان... العتيبي.. العبد السلام.....السعود؟؟؟؟؟ هل نحرز اسيا بوجود هؤلاء... هل هؤلاء الاعبين يستحقون البقاء في الهلال.....

العنقري(انا معك الله يصلحه والله مو لاعب ذا) الموري (لا والف لا عطوه سنتين ثلاث) المفرج الكبير( مع انه كانت عنده كم زله ونكبه بس والله انه من افضل لاعبين الهلال اخلاص غير طبيعي وصراحه يدافع بقلب) المفرج الصغير( انا بديت اشوف العالم اول ماطلع بالصوره قامو عليه بس عشانه اخو فهد ام التخلف ياخي الرجال مالعب مباريات واجد اصلا عشان تقولون مايعرف يلعب رغم اني اشوفه اوكيه..
البرقان (معااااااااااااااااك صراحه اخذ فرصته وزياده) السعود والعبدالسلام اخذو فرصتهم ومااثبتو جدارتهم.. وتر كل الاعبين اللي تكلمنا عنهم مو اساسيين اصلا الا المفرج والعنقري.. يعني البراقان مستحيل يلعب اذا الغنام والغامدي وعزيز موجودين السعود مايلعب اذا ياسر فيه... بس حنا نبي احتياااط ناار.. لان كل لاعبينا بالمنتخب..

إقتباس الرسالة الأصلية كتبت بواسطة زعماوي_متعصب الهلال بحاجه الى التالي: 1- ظهير ايمن محلي مهما كلف سعره (حسن معاذ او كامل المر او الشهيل). 2- ارجاع الدوخي لانه مهما حصل افضل من الاعبيين الرائعيين لدينا في هذه الخانه. 3- جلب السهلاوي لدعم خط الهجوم. 4- جلب مهاجم من طراز عالي و هداف... (باسكال فيندونو او تينوريو او همبرتو سوازو او واشنطن). 5- لاعب محلي وسط ايمن ممتاز وعلى مستوى عالي. 6- التخلص من الاعبيين غير المفيديين الذين سبق ذكرهم. صدقوني والله من دون الاسماء الي ذكرتها صعب تجلب الاسيويه او اي بطوله محليه.

ظهير ايمن لازم... فكونا من العنقري لاعب شطرنج من كوره..
الدوخي لا ...
السهلاوي والله فنان وبيكون اظافه خطيره مع ياسر والصويلح و البرازيلي..
عندنا وسط والله المنطقه متشبعه بزييياااااااااده...
ولازم ننسق بعض الاعبين لا فيه حوست لاعبين بالهلال يابيلها تنظيف..
مشكور علا الموضوع... والموضوع مو مكرر ولا خلص النقاش فيه. الاعضاء اللي يقولون مكرر او مستهلك.. ياخي وش عليكم انتم منتداك لحالك انت بس ابي ادخل المنتدى واكتب اللي ابي ان شاء الله اكون صح ولا غلط بكيفي ناديي ومهتم بامره ..اهم شي اني ماقليت الادب ومتحلي بالاخلاق..

شكــــرا لك على هــــذا الموضـــــــــوع الرائــــــع

كل ماذكـرته للأسف صحيــــح

ولاكن مانقــول الا الصبر مفتـــــاح الفـــــرج

والله الدوخي يحل مشكلة الظهير الأيمن
.......................

إقتباس الرسالة الأصلية كتبت بواسطة فهداوي الهلالي (( أنت تريد وأنا أريد )) لكن ياترى هل من مجيب زعماوي متعصب أشكرك ع الموضوع

صح كلامك مافيه احد يسمع وموضوع جميل اخوي

مشكور على الموضوع الرائع والمميز
وكل ماذكرت صحيح واتمنى ايصاله للاداره