ألووووووووه ... نعم شو قلت ؟؟ فلان مات !! كيف؟؟ متى ؟؟ - نادي الهلال السعودي - شبكة الزعيم

صمت الخفوق · #1 26/07/2008, 12:34 PM

السلااامـ عليكمـ ورحمـة الله وبركااته
\\
//
\\
//
\\
//
\\

كلنا يمر علينا يوم نمسك جوالاتنا ونختار قائمة الاسماء
ونمر على الاسم الاول ثم الثاني ويليها الثالث..
الى

ان نصل للاخير
الرقم هذا من شهر ماكلمته وهذا من شهرين
وهذا خبري فيه من سنه ...
وهذا بجد مادري متى سمعت صوته.. يمكن من ايام الدراسه
لا لا قبل يمكن في ايام الاجازاه

وبرضو تكتشف ان اخر مكالمه قبلها بفتره طويله
ولما تحاوول تحسب كم.. تلقاها سنييييييييين...
ولما تنوي تكلم صاحب رقم معين
تظهر لك مليون شغله وتاجل المكالمه لوقت غير معلوم..
وبلحظه غفله تجيك رساله..
((انتقل الى ذمة الله صاحب هذا الرقم))
وقتها تقوم مفجوع.. لا مستحيل.. ماصدق..
تكفون قولو ان هالرساله كذب..

مجرد اشاعه ...
تركض تدق.. فلان..؟؟
لا اخووه ..
فلان عطاك عمره..

تسكر مصدووم

وربي كنت بدق عليه..قسم طرى في بالي ونويت اكلمه
واساله عن اخباره لما تصفحت القائمه..
بس اشغلتني الدنيا عنه..
تتحسف وتتحسر وتعض اصابعك ندم لانو ماسمعت صوته من فتره طوويله
ويبدا معك مسلسل الذكريات..
وااه يالذكريات...

مؤلمه.. موجعه... قاتله باختصار..
كل من قال انه كلمه قبل وفاته بايام اوجعك قلبك ..

ليتني اجريت الاتصال ؟؟
ليه انا يوم شفت القائمه مادقيت عليه وتركت اشغالي دقايق..؟؟
ليه اناا بس اللي ماسمعت صوته..؟؟
وش ضرني لو خصصت من وقتي لكل شخص اسال عنه
بمكالمه معدودة الدقائق...؟
اسئله كثيره انتهى وقتها...

وللاسف احبتي...
مانحس بالفاجعه وببشاعة الامر الا بعد فوات الاوان..
في لحظه مافي مجال تجري فيها اتصالك ولاحتى تقابل الشخص اللي تبيه...
اتمنى كل شخص يقرا موضوعي ويطالع قائمة الاسماء يجري اتصاله
ولاياخره..
ختاما: اسال الله العظيم رب العرش العظيم ان يغفر لاخي وان لايحرمه لذة النظر الى وجهه الكريم
وان يغسله بالماء والثلج والبرد.. ويجعله من اصحاب الجنان في الفردوس
الاعلى مع النبيين والشهداء...

\\
//
\\
//
\\
//
\\

صـــــ م ــــــت الـــــ خ ــــفوق