اولا، التشكيله ممتازه بس ينقصها ظهير ايسر غير النزهان "مع انه ابدع" بس نعرف ان المكان هذا كبير عليه.

سامي مع انه جاب هدفين بس كان شكله زهقان وهو يلعب!!

النتيجه صحيح 6 /2 لكن هذا كان بسبب ضعف الرفاع اكثر من ما هو قوه في الهلال. وتمنيت انهم يلعبون مع نادي اقوى.

الشوط الأول كان عادي جداً ، جمهور معتدل "بسبب غلا التذكره شوي" . بين الشوطين تمرن الجمعان والعتيبي والعلي بس. الشوط الثاني كان في جمهور اكثر "لإن الدخول صار مجاني" . تغير مثل العاده الجمعان بدل سامي والعلي بدل ادميلسون.

ملاحظات:

*المصيبيح له محبين كثير، هذا من التشجيع الي جاه.

*ابو يعقوب لعب المباراة كامله "بس الشوط الثاني بدأ الإرهاق يبان عليه"

*الجمعان كان بيجيب هدف عالمي من نص الملعب بكوره ساقطه ذكيه لما شاف الحارس متقدم

*الدوخي لازم يراجع نفسه شوي .

*واحد من زملائي ومن اعضاء المنتدى صور كل المباراة على الفيديو من عند احتياط الهلال، وبعد المباراة كانوا بيسحبون منه الكاميرا، لإنهم ظنوا انه اتحادي ، خاصه انه كان كل شوي يكلمني

اخيراً اقول الجمهور تمتع بكرنفال الأهداف الي عوضنا شوي على مستوى الرفاع .

وانا اكيد نسيت اشياء كثير بسبب اني اكتب الحين بعد المباراة على السريع.

مراسل المنتدى " " <------- صدقت نفسي

اخوكم
ماجد الشرقية