لم يخطيء نواف
كلو ماله ومماطله في قبول العرض !!

لا ترحمون ولا تخلون رحمة الله تنزل

ياعطوه حقه يا وافقوا على انتقاله الرجال لاعب كبير ومهم ومحترف اما الضحك على الدقون ملينا منه

رجائي يابوبندر
انت رجال وماسويت الا الصحيح وبينك وبينهم المبالغ الاحترافيه واعلم انك متفاني بخدمة الازرق

نواف وبس الرجاء افهموا الموضوع قبل التطاول على الرمز الهلالي نواف

نواف طلب الفاكس المرسل للفريق الهولندي اما المماطله لا تنطلي على صقر اسيا

ارجوكم عدم التطاول على افضل لاعب عربي اسيوي رجائي
الفتة الذهبي لا تنسوا

لكن ياعزيزي هذا مو وقته...

يعني مسكت قبل النهائي ؟؟؟؟!!!!!!

كان صبر شوي.. عشان الجماهير على الاقل..

*** غاب نواف أو حضر.. بإذن الله البطوله زرقاء

انا معك اخوي
لكن ابوبندر تحمممممممممممممممممممممممل الكثير وهو ماقال شيء قال وروني الفاكس الي ارسلتوه للفريق الهولندي بالموافقه

vipارجوك ان تتبني باي شكل تراه مناسبا هذه الفكره لعلمي بقربك من النادي ومن اداره المنتدي تفضل بدخول الرابط التالي رجاء

http://alzaeem.com/vb/showthread.php?threadid=61190

اهلي اخوي هلالي واشربوا من البحر اقتراحك وصل للشرقيه مع اني اظن الاقتراحات الرائعه امثال اقتراحك مكانها درج المكتب

ليه نضع اللوم على اللاعب ؟؟ الاداره تتحمل الجزء الاكبر اقسم بالله لو ما حصل لنواف حصل لاي لاعب اخر لشاهدتوا ما سيفعله
تخيلوا مستوى نواف في مباراة هونداي وهو محبط فمابالكم لو تهيات له سبل الراحه ؟

نواف ارجل واوفى لاعب هلالي ولن نرضى بالتطاول عليه خاصه من من لا يعرفون ابعاد الموضوع

انشاءالله نواف سيكون بالشرقيه اليوم او غدا على الاكثر لكن بعد ان تحل مشاكله ويرتاح نفسيا


شكرا اخي هلالي واشربوا من البحر

وربي كلامك هو الي يجمد على الشارب

ياعطوه حقه ولا خلوه يحترف برا

وكبير يابوبندر والله كبير..

تذكرون سامي قبل ممكن سنه مدري سنتين مدري اكثر
تذكرون وش قالوا عنه جماهير الهلال يوم طلب مقدم عقد ؟؟؟
وكم اللي طلبه كلها 100 الف ريال بس !!!!!!
تذكرون وش قلتوا عنه مافي كلمه ماحد قالها وكل اللي شكك في ولاء سامي وحبه لنادي الهلال ، الى ان الرجال وقع وعلى بياض وياريت بعد رضيتوا ياجماهير الهلال الا ماخليتوا كلمه ماقلتوها عنه.
والحين نواف وفي الوقت هذا لا والله معذور الرجال ومن حقه يناظر مصلحته ، مااقول الا سبحان الله وبس!!!!!!!!!!!

هات كلمه وحده قلتها بحق سامي
لو بيدي عطيت ابوعبدالله عيوننا

بعدين ماراح نرضى التطاول على سامي ولا نواف ولا فيه مجال بالمنافسه بينهم

على فكره الاخ ما يتضايق من اخوه والاثنين صدقني اكثر من اخوان واكثر واحد وقف مع نواف في بداياته ابوعبدالله

هـــــــلا وغـلا VIP ..

نـواف صبر وانتظر كثيرا على الاداره لعلها تـتـحرك وتعطيه حقه المـادي من مقدم عقده السابق ..
نـواف لم يظهر في الاعلام لك لا يحاول ان يكون هو وادارة الهلال ماده داسمه للصحف ..

ومع الأسف الشـديد ادارة الهــلال لم تعرف ولم تعــلم ان لديها ثروه ولاعـب صعب جدا تعويضه وهو نـواف التمياط ..

شاهدنا نواف وهو يدخل ويغير من مجرى اي مباراة كان الهلال مهزوما فيها .. نواف له ثـقل بالفريق ..

اعتقد تصرف نواف صحيح ولم يخطىء حاول ان يحصل على حقه المادي بأكثر من طريقه ولكن مع الأسف لم يحصل عليه ...

اتمنى من ادارة الهـــلال سرعة انهاء الموضوع واعطاء حق نواف المادي لك لا نخسر الــدوري ولك لا نخسر نواف ..

اخوي العزيز ... VIP

كلامك عين العقل .. كلام سليم 1000000 %

نسينا كل شي يواجهه نواف وماتذكرنا الا انه لازم يلعب ولازم يروح

للاسف من انتقد نواف او تعرض له بالسب والشتم لم نراه يطالب بدفع مستحقاته طوال اربعة اشهر وعندما طالب بها قامت الدنيا

وانا على عكسكم تماما اعتقد ان نواف اختار الوقت المناسب فبعد البطولة الاسيوية والصدارة وقبل النهائي بعشرة ايام وهو يعلم جيدا انه سيلتحق بالهلال وهو الان بالطريق الى الشرقية (كما وصلنا) ... ولكن هل يتوقع احد ان يسمع نداء نواف لو طالب بعد لانهائي وبعد ان يطير عرض الفريق الهولندي ؟ لا اعتقد

اذا يجب ان لاننسى من هو نواف ويجب ان نقف في وجه كل من يسئ له .. وباذن الله سوف يشارك بالنهائي ونتمنى له ولباقي نجومنا التوفيق لفوز بالكاس الغالية

تقبل تحياتي

اضم صوتي (للمبدع VIP(http://alzaeem.com/vb/showthread.php?threadid=61238

هلا والله ادور بوحد فاهم الحقيقه مثلك صح لسانك الف مرهvip

ومن حق نواف المطالبه بحقه كامل