.::::. /./ .::::. هنآ إبـــــدآع التـنــــــــاحه .::::. /./ .::::. - نادي الهلال السعودي - شبكة الزعيم

متآبعه بصمت · #1 22/07/2008, 10:54 AM

إضافة موضوع بحد ذاته إنجاز

<

وهذا هو المطلوب أن أسقي عقولكم من بركات معرفتي وثقافتي المعنويه

بس أهم شيء الأخلاق

صدقوني هي اللي تنتصر فالأخير

فيه ناس كثير يلوموني يقولون أنتي ماغير تضيفين في ذا المواضيع

ولا تردين على مواضيع غير مواضيعك

هل تشوفون إن معهم حق ؟ .. !!

ولا من جد .. من جد أنا موب سنعه

وربي أجلس على النت بالساعات وليتكم تعرفون وش فاتحه

يقالي مرره زحمه عندي ويالله أرد

كلها صفحتين للزعيم

وحده على المجلس العام

وهـ قلوووب من هنا لفرنسا

< وش دخل أم فرنسا ألحين أبي أعرف

والثانيه كالفراشه أنتقل من زهره لورده ومن بستان إلى ثيٍل

< يازين براد الثيٍل

ينعش الروح المريضه من سابق عهد الحجر المبطي

وأحلى شي بالإستراحات الثيٍل

تنكس

على قلبي

<< يالبيه ياريري أين أنتي

ياليتك تثقلين شوي مثلي

عاااد أقولكم

والله إني أحبكم كلكم قسم بالله

< تقاسموها وحذاري تتكافخون

< وصية أم على فراش الموت لعيالها المطافيق مير أدعي الله يصلحهم ويصلحني معهم قبل لا أموت

<

تأكدوا إني أكتب لكم بكامل قواي العقليه < كثري منها

يعني مابعد حششت

ولا تعاطيت شيء لا سمح الله يذهب العقل

والعياذ بالله

أنا نهايتي أحشش

والله دنيا مالها خاتمة

شباب عطوني موسيقى حزينه

(الله لا يهينكم تخيلوا صورة عود يدق بلحاله

)

قدر الله علي ودخلت في لعبه حرمتني لذيذ الرقاد

وكله بسبب اللي مايستحون ولا يخلوني أفوز عليهم

ذاك اليوم دخلت لعبة البلياردوا ذيك اللي بالعصا وتصقع بالكورةالبيضاء

وعلى الحظ يالربع قسم بالله

عاد أنا إذا يأست من الفوز دخلت الكوره البيضاء

على الأقل أشوف كوره تدخل قدام عيني

ولا إني أموت بحسرتي

وعمري اللي راح من غير فوز ولا مرة

ياحسوووفة أيام عشتها والحظ ردي << آآهـ ياحزم الظامي

وكل من لعبت معه قال تعلمي الفن

لاااااابوه فن طق تسبدي

وعلى إثر ذلك القهر ألفت كم كلمة بلحن ناقتي للفراعنه ناصر

< كفو أنا أشهد

غنيت للي رفعوا ضغطي

لعبتي يالعبتي

لا رباع ولا سديس

خسّروني لعبتي

في ثرى ذيك الدروس

عالعام يالربع سرى

يمكن نلقى عيطموس

< بالله كيف تداخل الكلمات

أرجوكم اللي يعرف معنى عيطموس يدق ريوس ويسوي إضافة رد ولو جبر خاطر ويعطيني المعنى جزاه الله خير

وكثر الله من أمثاله

بعدي أبوي

وتكفون سامحوني على أي قصور مني في التحشيش

وأعدكم بأفضل حالاتي في التحشيش ولا تهون الدجه

عاااد أقولكم

بشًروني إني مع المميزين هذا الشهر

قصدي المرشحين

قسم بالله وأنا اللي أفتح الموضوع

وأنا اللي أدقق في الأسامي تقول عجوز لها من العمر عتيا

وأنا اللي أشوف إسمي لبى قلبي ما أحلاني وما أخبلني

وأنا اللي أنطط

< تسذا .. تسذا قسم بالله

ونااااستـ(ن) مابعدها وناااسه < أنا أشهد إن الحظ متنكٍس

هذا وأنا ماتميّزت صدق < ودي بفيس يمثلني وأنا أقول هالجمله

مثل اللي يقول : يازينك يابنت

وهي تقوله : هذا وأنا مارقصت

طيب طيب خلكم معي

أو مثل اللي يقول : تعشيت

قال: ايه

قال : كليت لحم

قال : لا

قال: أجل ماتعشيت

وهو المسكين ينطط فوق ^ على باله تعشّى

< فهمتوا شيء

أبشروا بسعدكم إذا فهمت علمتكم

سلامتك حبيت..

توي سمعت بهالخبر..

ماكنت تستاهل..

< ترى تتنكًس عليها مهيب لكم

يالله سلاااااااااااااااااااام بدور عقلي

ولاّ أقول خلني أنام الحين ومن أصبح أفلح

ابونوف الهلالى · #2 22/07/2008, 10:56 AM

موضوع سأطرحه قريبا

(رحلتي مع الهنود صراع من اجل البقاء)

___________-

شكرا لك على الموضوع الرائع

الحربي2004 · #3 22/07/2008, 10:57 AM

إقتباس


	والله إني أحبكم كلكم قسم بالله < تقاسموها وحذاري تتكافخون

انا منهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الســفيرة · #4 22/07/2008, 11:13 AM

هههههههههههههههههههههههههههههههههههههه

متابعة ماتحسين انك غلبتيني بفصالتي بالمسن امس مدري قبل امس

لما صحيت قلت ياربيه والله فشيلة الحين شبتقول عني

بس الحمدلله فصلتي بيني وبينك احسن من الي قدام الله وخلقه

متابعة ودي ارد الحين بس خايفة اخربها والله

خليني اشبع نوم وارجع ورده

متابعة ياحبيلتس بس ^_^

ابو نوف مسوي دعاية والا وش السالفه

باسكن روبنز · #5 22/07/2008, 11:27 AM

متابعة صباح الخير

على قوله هلالي من ارض اليمن

هل مواضيعك فوق مستوانا العقلي ام ماذا لا اعلم

موضوعك ماينعرف له راس من رجلين ..
بمعنى اخر بدون هدف << تحطيم

ياليت تقولين لنا الزبده من موضوعك حتى نشاركك فيه ..

اما مواضيع زايدة والسلام هذا مو منطق ..!!
[quote]والله إني أحبكم كلكم قسم بالله

[/quote]

حتى حنا نحبك ونبي لك الخير

برايفت ياليت تخفين شوي من مواضيع الاستهبال الي مالها هدف خصوصا انك ترشحت كأفضل عضوة لهذا الشهر

شـــذى · #6 22/07/2008, 11:28 AM

لك أهلين وسهلين متابعه خانوم

مبروووك دخولك في الأفضليات

حدسي يقولي إنك بيوم بتكوشين على كل أبو الأوسمة

بس متى الله أعلم

إقتباس


	ذاك اليوم دخلت لعبة البلياردوا ذيك اللي بالعصا وتصقع بالكورةالبيضاء وعلى الحظ يالربع قسم بالله عاد أنا إذا يأست من الفوز دخلت الكوره البيضاء على الأقل أشوف كوره تدخل قدام عيني

<< تقول أشوى إن فيه أحد مثلي

بس الفرق إنك في حالة اليأس تدخلين الكورة البيضاء أنا عندي تدخل من زود الحماس

واسألي الهنوووف هي ليش تحب تلعب معي

واليوم ريري من صباح الله خير تطلب ودي

الا يامتابعة تعرفين وين مقر القائد << عمت عيونها وهي مالقيته

لي يومين أو 3 دخلتها و بصراحة مالقيتها تستاهل كل هذا الهوس

يالبى قلب كراش

بس هو ودبابه

متابعة بصمت

يسلمو على الجولة الصباحية

المتنوعة مابين لعبة وقصيدة وشكوى ....الخ

دمتِ بكل البخير

القناص 20 ميدو · #7 22/07/2008, 11:34 AM

اخيرا لقيت أحد يحبني

وعلى قولة اختنا باسكن موضوع بالشقلوب

يوم جيت أقراه قلبت اللاب توب بديت من تحت

طلع ابداااااع

لاتحريمينا جديدك

!. مجنون في زمن العُقلاء .! · #8 22/07/2008, 11:38 AM

إقتباس

الرسالة الأصلية كتبت بواسطة باسكن روبنز


	برايفت ياليت تخفين شوي من مواضيع الاستهبال الي مالها هدف خصوصا انك ترشحت كأفضل عضوة لهذا الشهر

باسكن

فعلا ً .. متابعه بصمت

أراك ِ تمتلكين عقلية رائعه

فلِما لانرى منك ِ الأفضل

بجد .. لم أفهم ماتقصدينه عبر موضوعك

ودي ..،

DR.KHALID · #9 22/07/2008, 11:43 AM

ههههههههههههههههههههههههههههه

الله يوسع صدرك بالعافية ...

قسم بالله اني فطست ضحك

..

شكراً متابعة .. والف مبروك ترشيحك .. وان شاء الله نشوف اسمك معلق بلوحة الشرف

الأول مكرر

لا عدمناك اختي ..

...][ هلالي الخبر ][... · #10 22/07/2008, 11:47 AM

هلابك
....
موضوع كووويس للي يحب الوناصه
.....
اذا طلعتي من اللعبه اسمعي بالله صوت الكمان في معزوفة الحزن. الحزن الاكيد لبونايف فديته.
.....
قبل ما تكتبين ذا الموضوع لا بد ان صارك احد هاذي الاشياء....
1. يا ان احد غاشك على الفطوور
2.يا ان لاذعك كهرب ابو 30000فولت
3.يا انك شاربه شي مفتوح او منتهي صلاحيته بمده لاتتعدى سنه
4.ياانك طحتي على حشيش بالصدفه نسال الله السلامه . وهاذا اقرب احد الحلول سلمتس الله

موضوعك ونسني. قبل مانوم احتمال انوم وانا اضحك

تحياتي,,,

FINAL10 · #11 22/07/2008, 11:48 AM

مشكورهـ على الموضوع ..

وننتظر جديدك..............

..بقــ حرف ـايا.. · #12 22/07/2008, 12:09 PM

إقتباس


	وهذا هو المطلوب أن أسقي عقولكم من بركات معرفتي وثقافتي المعنويه

ايييييييييييييه يامتابعه ماعرفوتس والا كان يحطونتس من فعاليات المجلس الصيفيه >> طراه ان الفعاليات بالحيل تونس

إقتباس


	هل تشوفون إن معهم حق ؟ .. !!

هو من ناحيه انك قرقه فأنتي قرقه

إقتباس


	ولا من جد .. من جد أنا موب سنعه

لالا ماعاذ الله

لو اجيب لتس بعير سدحتيه من السنع

إقتباس


	وأحلى شي بالإستراحات الثيٍل

لبى الثيل بس

>> تقل يعلفون

إقتباس


	تنكس على قلبي << يالبيه ياريري أين أنتي

الله يقطعتس مسكت معي دق رقبه

خلي الريري عنتس فيه مشروع صيانه بنقلبه خواطرجيه

إقتباس


	تأكدوا إني أكتب لكم بكامل قواي العقليه < كثري منها

اشك وبقوووه

الا ان كان بتس وشره

إقتباس


	ذاك اليوم دخلت لعبة البلياردوا ذيك اللي بالعصا وتصقع بالكورةالبيضاء وعلى الحظ يالربع قسم بالله عاد أنا إذا يأست من الفوز دخلت الكوره البيضاء على الأقل أشوف كوره تدخل قدام عيني

خخخخخخخخخخخخخخخخخخخخخخخخخ
يهاللعبه

احوس فيها تقل العب مصاقيل

بس اهم شئ حصلت نجمتين

من وين جن ما ادري

تحيا مصر مصر

إقتباس


	لعبتي يالعبتي لا رباع ولا سديس خسّروني لعبتي في ثرى ذيك الدروس عالعام يالربع سرى يمكن نلقى عيطموس

بنت

اسطري ديوان

طسي

إقتباس


	أو مثل اللي يقول : تعشيت قال: ايه قال : كليت لحم قال : لا قال: أجل ماتعشيت وهو المسكين ينطط فوق ^ على باله تعشّى < فهمتوا شيء

لا والله ماحششتي

كل هالصحوه ويقولون محششه لالا ابدن ابدن

إقتباس


	يالله سلاااااااااااااااااااام بدور عقلي

شوفيه ورى الباب ملفوز

سلااااام

بقايا..

القيصر رهيب · #13 22/07/2008, 12:32 PM

أتعجب من القدرهـ التي تمتلكينها

مجرد نقرة على موضوع جديد

فتسدحين كتابا يضاهي كتاب الرياضيات حق رابع أدبي باء

الله يرزقنا مثل ما رزقك

خاصة في العقل الذي هو كما قال هلالي من ارض اليمن

" فوق مستوى قدراتنا العقليه "

هلالي من ارض اليمن · #14 22/07/2008, 12:38 PM

الله يسعد ايامك يا " متابعه " ( ورده )

الا صحيح ايش هذا " عطيموس "

.. خوفي منك يا " متابعه " تكونين تحضرين أخواننا من عالم الأطياف

ونحن وراش " عطيموس " .. " عطيموس " ،،،

" باسكن " ( ورده ) الله يهديش ويهدينا ويهدي جميع المسلمين .. صحيح ان متابعه في كثير من الأحيان تحس انها تقلب فيك وتجعلك راس على عقب ومن ثم عقب تحت راس

الا انها جميله بتلقائيتها فيما تقدمه ( ورده ) .. وما لنا الا الصبر " وش وداك له " تحية لبن فطيس المري

من ناحية اخري " فرصة نتفلسف "

الألقاب سلاح ذو حدين .. جميل ان تمتلكها وليس ان تتملكك ( والله كلام كبير ) هذه ( الورده ) لي

اما بخصوص البلياردو .. فهنالك علاقة توتر بيني وبينها .. سبحان الله ما قدرنا نتفاهم مع بعض

" متابعة " شكرا جزيلا لكي .. وحقيقة اننا نسعد بك ولكن بدون " سجائر اللف "

والله يعطيكي العافية

القيصر رهيب · #15 22/07/2008, 12:48 PM

إقتباس

الرسالة الأصلية كتبت بواسطة هلالي من ارض اليمن


	الله يسعد ايامك يا " متابعه " ( ورده ) الا صحيح ايش هذا " عطيموس " .. خوفي منك يا " متابعه " تكونين تحضرين أخواننا من عالم الأطياف ونحن وراش " عطيموس " .. " عطيموس " ،،، " باسكن " ( ورده ) الله يهديش ويهدينا ويهدي جميع المسلمين .. صحيح ان متابعه في كثير من الأحيان تحس انها تقلب فيك وتجعلك راس على عقب ومن ثم عقب تحت راس الا انها جميله بتلقائيتها فيما تقدمه ( ورده ) .. وما لنا الا الصبر " وش وداك له " تحية لبن فطيس المري من ناحية اخري " فرصة نتفلسف " الألقاب سلاح ذو حدين .. جميل ان تمتلكها وليس ان تتملكك ( والله كلام كبير ) هذه ( الورده ) لي اما بخصوص البلياردو .. فهنالك علاقة توتر بيني وبينها .. سبحان الله ما قدرنا نتفاهم مع بعض " متابعة " شكرا جزيلا لكي .. وحقيقة اننا نسعد بك ولكن بدون " سجائر اللف " والله يعطيكي العافية

الصراحه انا أقول

دام هلالي من ارض اليمن بينكت في مواضيعك

فكثري لنا منها

اتوقع إنه يمتلك موهبة لكن مطنشها

ومركز عالرسميات