^
^
ماعليييييك فيه ياعلي ترااه يزحلقك اشوا إنه قايلي إنه ناوي
يجي للرياض يدرس بجامعة الأمام خل عنك بس

ثاااامر

..

علووة حبيبي ألف مبروووك التخرج والقبوول

وإن شاء الله تتيسر أمورك بجامعة البترول انت ووليد وثامر وسلطان

مع إن سلطان على حسب خبري من كثر ماهو خاس بالجامعة اتوقع بيعينونه

عميد اتمنالكم كل التوفيق وان يتحقق ماتطمحون له وعقبال الوظيفة

والزواااج


إلا تعاااال وش ذا مزرعة جبن ؟؟ حمص جبن عرفنااه .. بس مزرعة جبن

وش تطلع ووش هي من لحيه شكلها يدبل التسبد الله يديم النعمه

ألف ألف مبروووك صقيقي ورده

أتمنى لك التوفيق في حياتك الثانية .. انتهت المرحلة الأولى الفلة السعة صدر الوناسة السهر الطق اللي فيها أكل علوك و تقشيم حب

شد حيلك عشان نزوجك

و بالنسبة لجهازك بيتصلح إن شاء الله

اكتب مواضيع و أخبار كل أبو دايم

.

.

أهلاً ومرحباً بـ طالب جآمعة البترول حياك الله ورده



.. الحين يوم حطيت بأسأل والمجلس يجيب استفسر من وين اشتري جهازي وإني سمعت ان جرير لك عليها ليــه ماقلتوا ليه ان جرير خايسه
يعني بعد ماشريت من عندهم خليتوني اتوهق .. الله يصلح متابعه وفياض هم اللي وهقوني اذا خرب جهازي عليهم تصليحه مالي شغل


معليش سالفة الجهاز نستني ابارك لك الف مبروك القبول وعقبال التخرج يارب
صراحه الـ ثانوي أحلى سنتين عشتها من جد ونااااااسه خاصه لا صارت
الشله فلّه

وبعدين وش مزرعة الجبن هذي ياربي لك الحمد , عليكم اسماء مدري
وش تبغى
ذكرتني بأخوي المهستر مره جا للبيت وقالت له امي تبغى عشا قال لا والله الحمد لله تعشيت ساندوتش لسآن أمي طلعت عونها طلع الله يحفظه ويخليه يستهبل هو ووجهه

الله يعطيك العافيه اخوي القيصر رهيب على هالموضوع الخفيف والله يوفقك بحياتك الجايه . ويوزرك لا تغيره كذا حلوو


قفله : الله يرحمك يآصالح , كل ماخلصت الصلاه تذكرته ورفعت يدي ادعي له
تكفون لا تنسونه من صالح أعمالكم


مع التحيه

شفت وشلون كبروا العيال يا علاوي
اييييييييه يالدنيا
من يذكر ذيك الايام يوم انكـ بزر توكـ داخل الروضهـ
الله يرحم ايام زمان ..!!
<< وش تحس فيهـ ذي

12 عام ..
كبرت وتخرجت
والله يسر لكـ أمركـ
ويوفقكـ بالجامعهـ
يالله شد حيلكـ أول ماتخلص جامعهـ
عروسكـ علي أنا اجيبها لكـ

بس مدري وش مستعجل عليهـ
كل هذي شفاقهـ على العرس
اكبر واركد وبعدين قل ابعرس
لاحق على الشقى والمطامر بكل مكان

12 عام
مرت بسرعهـ البرق
ذقت فيها الحلو والمر
عانيت من السهل والصعب

وبالاخير الحمدلله ماراح تعبكـ ع الفاضي
عرفت كيف تستغلهـ بالمكان المناسب

الله يوفقكـ دنيا وآخرهـ
وعقبال مانفرح فيكـ خريج

...

يالله هالسنهـ فرحنا فيكـ وفي وليد وثامر
والسنهـ الجايهـ ان شاء الله تفرحون فينا حنا يا قعدان المجلس
أنا وبلد القلق << كيفي الرد ردي وبحط قلوب لي أنا بس

...

وأخيرااااااااااااااااااااا

عرفت وشي مزرعهـ الجبن

بس تصدق اسمها مو على شكلها
اسمها يشهي
بس شكلها
الحمدلله والشكر



القيصر ورده
دعواتي لكـ بالتوفيق

إقتباس الرسالة الأصلية كتبت بواسطة بريماكس!! هلا باخوي علي ورده الف الف مبروووووووووك يالغآلي القبول بالجامعه وعسى الله يوفقك وتستاهل كل خير والله ورده12 سنه طقطقته بالعلم والمثابره وهذي اللي جنيته ياعلي وايضا مبارك عليك هجرك للرياض وزحمته ===> مبطي ماجاه طرررراق علي ماودي اعكر مزاجك دامك هاليومين مبسوط بفرحة القبول لكن صدقني قسم بالله ان تحننننننن لايام الثانوي والمتوسط وتتنمى ترجعللله ياخي ايام يازينه بس اما من ناحية تغيير اليوزر فصراحه ماتخيل اشوفك بغير اليوزر ( القيصر رهيب ) لاننا تعودنا عليه ولو غيرته مااش متعودين على القيصر كلن منا يمر بذكريات سواء بزملاء له او مدرسين ومشاغل وظروف الحياة تبعدنا عن بعض ، فنسال الله ان لم نلتقي بهم بالدنياء الفانيه ان يكون الملتقى بجنآت النعيم ، الله يرحم اخينا الذئب الازرق ويسكنه الفردوس الاعلى من الجنان ( لاحول ولاقوة الا بالله ) . على فكره الجامعه عليهم اوقات اختبار مدري وش جابه ولد عمي فيها قريب التخرج ان شاء الله المهم دقيت عليه مره بوقت مباراة وقلت هاه وش رايك اليوم وش ناوين تسوون ؟ قال تدري وين انا ؟ قلت وين ياساتر ؟ بالبحرين ولا وين ؟ قال اي بحرين انتم بعد نص ساعه تنظلق صافرة الحكم وانا بعد نص ساعه راح تجي ورقة الاسئله قلت باللهي عندك اختبار بوقت مباراة قلت بالتوفيق وتسآهيل بس بيني وبينك والله يامديره اللحاله ( السلطان ) بالتوفيق للجميع ورده

هلآ والله بريمي
الله يجمعنا و إياكـ بالجنة
وبالنسبة للاختبارات
واحد من الشباب نصراوي كان اختباره يبدأ
مع بداية مبارات اعتزال السوداني

ألف شكر عالتشريفه إبراهيم

إقتباس الرسالة الأصلية كتبت بواسطة G o L d E s T // شفتها حلى أنت كل يومين مغير اليوزر شكل عندك واسطة عابرة للقارات أنت ووجهك خلك على يوزرك أطلق وأحسن .... والله الواحد إذا تذكر أيام الدراسة يحن قلبه لكن تظل الجامعة أطلق وأفضل وأريح بالنسبة لي يمكن أكثر شي يفقده الواحد من أيام الثانوي هم أخوياه خصوصا إن أخويا الثانوي غالبا ما يصير الواحد يمون عليهم بقوة لأنك تواجههم 6 حصص + فسحتين غصب عليك تقابل وجيههم عكس الجامعة اللي كل ما ضبطت العلاقة مع واحد الترم اللي بعده تتفرقون ويصير كل واحد بشعبة موفق إن شاء الله بالبترول والمعادن والله يعينك على فرقى الرياض //

في مدرستنا 8 حصص
يعني نمون دبل عنكـ يا ولد المعهد العلمي بالملز
الله يوفقنا وإياكـ إبراهيم

إقتباس الرسالة الأصلية كتبت بواسطة F I N A L ألف مبرووووك يالقيصر , وربي يوفقكـ, في الجامعهـ, من جد العمر يمشي بسرعهـ, , قبل فتره بسيطه وأنا أقول متى بأتخرج من الكليه واليوم صارت ذكرى ,

الله يباركـ فيكـ يا أخوي
شد حيلكـ وبشرنا بزواجكـ يا الغلا
شكرآ على التنويرهـ

إقتباس الرسالة الأصلية كتبت بواسطة باسكن روبنز وعليكم السلام صباح الخيـر والبترول اول شي مبـــروك قبولك بجامعة البترول والمعادن وحياك الله في الشرقية وان ماشالتك الارض تشيلك عيون البترول 12 عاماً لم تمضى هباءاً منثورا.. وانما اتت نتيجتها الآن مثابرتك وحرصك واجتهادك طوال 12 عاماً .. رأيت الآن نتيجتها .. الله يوفقك في الجامعة وتتخرج منها بتفوق .. وتختار لك وظيفة تناسبك والله يزوجك الله يرحم اخونا الذئب الازرق القيصر رهيب شكلك عندك واسطه هنا بتغير اسمك بسرعة ابي اغير اسمي معك وبعدين ايش سالفه مزرعة الجبن

إقتباس الرسالة الأصلية كتبت بواسطة القناص 20 ميدو مبروووووووووووك الف الف الف مبروك قبولك وتخطيك جسر القدرات والتحصيلي << باقيله سنه لكن متحطم من هالقدرات الله يوفقك في حياتك العملية والعلميه تكفى لا تنسانا من برميل نفط

الله يباركـ فيك يا ميدو
وعقبالك بالتوفيق إن شاء الله
من ناحية برميل النفط مشددين الشركة
أكثر شي أقدر أزرفه قوطي صحه
تآمر عليه ؟

إقتباس الرسالة الأصلية كتبت بواسطة DR.KHALID م شاء الله الف مبروك لك اخوي عالتخرج والقبول بجامعة البترول والمعادن .. والله يعينك عالكورس الانجليزي الي بأول سمسترين .. حتى انتوا تعرفون مزرعة جبن << موب مدمن عليها ابد اذا رحتوا مرة ثانية دوروا المصري المطوع .. نسميه عادل امام .. بالتوفيق القيصر .. ول تغير اليوزر

هلا بأبو وليد
على طاري المصري ذاكـ اليومر ايح أنا وخويي
وتوه شاري سياره جديدهـ
مدري شلون شافنا المصري وحنا نازلين
جلسنا ناكل وتونا في وسط الاكل ويجي المصري
يقول السياره الجيب بتاعتكم قال خويي ايه
قال الحق فيه واحد بيلعب فيها
وطمر خويي صقع بالسقف من الروعه
لعن في المصري تلعين

الف شكر على مروركـ دكتور

إقتباس الرسالة الأصلية كتبت بواسطة كان هنا مبروك يا وصخ .. ألـف مبـروك القبـول .. وعقـبال المـاجستيـر يـارب .. والوظـيفة .. // 12 سـنة أعتـقد أنهـا مرّت عليـك مثل 12 سـاعة .. صحيـح توني ع التخـرج .. بـس والله حـاس بـشعورك .. \\ الله يعـوضك خـير من جهـازك .. وأنـا قـايل لك قـبل مـا تروح مـر علـي .. بـس مـا تطيع انت .. من مدري وشو .. سـاء أدبـه ..(والله نـاسي المثل بـس أنـه ينطبق عليـه .. عاد أنت دبرهـا بمعرفتك ) .. // مبـروك علـي .. بـنفقدك .. وحسـّب حسـابك مسـيرين عليـك بدايـة التـرم ان شاء الله علـى فكـرة .. أقـبل الإضـافة (axr) .. \\ بـالتوفيق لك يـارب ورده

هلا والله عبود البطل
الله يباركـ فيك عقبالك إن شاء الله
بس انت أبد تعال الشرقية
مرنا العزبه لا تستأجر
نأجرك أرخص من السوق يا الدب
شرفت

إقتباس الرسالة الأصلية كتبت بواسطة Hilali88 إذا غيرت يوزرك لا تسوي عزيمة جبن وعصير ألف مبروك على القبول في الجامعة نورت الشرقية والله يوفقك

صدق منت وجه نعمه
وش هو له ترد العزيمه ؟ هاه وش هو له ؟
الله يباركـ فيك ومنورة بأهلها وبكـ هلالي 88

إقتباس الرسالة الأصلية كتبت بواسطة مـلـك الـغـربـة مـــبـــرووووووووووووك القبول بالبترول والله يوفقك وخل النك حلو مايحتاج تغيره وبس قضيت

الله يباركـ بعمركـ ويوفقنا وإياكـ
نورت بالطله

إقتباس الرسالة الأصلية كتبت بواسطة هلالي من ارض اليمن انا اعترض كل ما تجاوز الانسان مرحلة وانتقل الى مرحلة جديدة أخرى .. يمضي به شريط الذكريات كأنها ايام او ساعات 12 سنة دراسة - سبحان الله يا " علي " اعتقد انك تسأل نفسك ( 4 ) سنوات جامعه !! كم هي بعيدة .. سوف تمضي اربع سنوات على خير وعافية دون ان تدري .. وان شاء الله اذا الله اعطانا عمر سوف نجدك هنا تطرح موضوع ( 16 عـامـا ) بالتوفيق اخوي " علي " والله يعطيك العافية صحيح ايش مناسبة اعتراضي كانت يدي على الارسال لولا ان تداركتني رحمة من ربي انا اعترض على تغيير اليوزر ..

أهلآ طارق
الله يطول عمركـ وتسمع خبر الابن 16 لي
شرفتني والله طارق

إقتباس الرسالة الأصلية كتبت بواسطة A.K.N 505 هلا بالقيصر رهيب..ورده مبروك التخرج من الثانوية..ومبروك القبول في جامعة البترول .. صدقني راح تحن للإيام اللي تركتها ... كل الـ12 سنة الي عديتها بكفة والخمس سنوات القادمة بكفة ثانية ... شد حيلك وركز على أول سنة بالجامعة ..وان شاء الله نشوفك متخرج وتجي تكتب لنا موضوع ان الله احيانا.. دمت بخير..

هلا والله أخوي ايه كي ان
الله يباركـ بكـ يا الغلا وعقبالك لو كنت بعدي وبالتوفيق لو كنت قبلي
شكرآ على مروركـ

إقتباس الرسالة الأصلية كتبت بواسطة القناصة الهلاليه أهلاً وسهلاً بك أخـي الكريم علي ..ورده الف الف الف مبرووووك التـخرج .. وعقبال المآجستير والدكتورآه والوظيفه الحلوة إنسى مآمضى فقط إجتهد للقآدم .. الله يوفقك إ ن شاء الله دمــــتَ بخيــــرَ

ماشاء الله .. ألف مبروووووووك

من حصل شي يستاهله .. وان شاء الله تكون فاتحة خير لك بدينك ودنياك ..

بس حاول تتأقلم بسرعه مع بداية الدرسة لانك تبي تفقد الثانوية وبقووووووووووة ..

والله يوفق الجميع ..

الله يرحم الذئب الازرق ويجعل قبرو روضة من رياض الجنة

إقتباس الرسالة الأصلية كتبت بواسطة مواصل من عام 1413هـ ألف مبروك يا عم وإن شاء الله نفرح بزواجك بخصوص ( خراب الأجهزه ) ، كنت حاط ببالي إن جرير هم أفضل شئ بعد كلامك ( تغير الوضع ) لأني شريت جهازي وتبهذلت وقلت بنفسي يالتني رحت لجرير برايفت لك وحدك : ثواني علي !!! وش تبي أنت وإياه أنا قلت برايفت لعلي خليك في حالك إنت وإياه الله يرضى لي عليكم نرجع لك أشوفك فليت أمها معي أنت ملاحظ إنك زارفني بالتنسيق والخط الكوفي

هلا والله بعبدالله

الحين من زينكـ ولا من زين تنسيقكـ يومك تعايرني بالسرقه

لا بعد ليتكـ أنت مبتكرهـ زارفه من أبو ناصر
يا هلا والله بمواصل وشرفت

إقتباس الرسالة الأصلية كتبت بواسطة هامور البورصه هلا أخوي علاوي ألف مبروووك التخرج وقبولك بالجامعه والله يوفقك ياارب احسك مبسوط بقووة ياليت بس هالاندفااع مايكون فتره ويخلص بس وش مزرعة الجبن ذي الله يكرم النعمه صورتها تدبل الكبد الله يوفقك علاوي والله هالدعوه من قلب والله يوفقك ويعينك على بثارة وليد وثامر

هلا والله بواسطتي في سعود
الله يباركـ فيك عقبال ما نباركـ لك وأنت منزل إعلان عن مكتبكـ
الله يوفقنا وياك طارق

إقتباس الرسالة الأصلية كتبت بواسطة عـز الهلال .. // و عليكم السلام ورحمه الله // .. .. ع البركه أخوي [ علي ] ع التخرج .. ورده و بصراحه ما عندي // الكلام الكثير // الي اقوله لكـن مبروووك .. ومبروووك , ترا قسم هـ الخبر أفرحني [ بقوه ] ..!! المهم .. رحم الله أموات المسلمين

الله يبارك فيك ريان
شد حيلك والحقني هناك بحط لك مكان في العزبه

إقتباس الرسالة الأصلية كتبت بواسطة الـمـشـاغـب علي حبيبي ورده ألف مبروك قبولك في جامعة البترول .. والله وكبروا الصغار حبيت أبارك لك يا بعدي .. وبالتوفيق لك يا بطل تقبل تحياتي يا أبو 12 سنة ورده

شفت شلون كبروا
يعني تقول ثاني مره مبزره اتفاهم انا وياك
شكرا على تشريفك سلطان

إقتباس الرسالة الأصلية كتبت بواسطة أسيرة الزعيم 12 سنة أصبحت ذكريات لشخص ختمها خير ختام ،، ألف مبروك قبولك في جامعة البترول .. فرحنا بذلك كثيراً ،، وبإذن الله هي سنوات ونبارك لك بأنك أحد خريجيها

الله يباركـ فيك نبض مجلسنا ورده

إقتباس الرسالة الأصلية كتبت بواسطة شـــذى ألف مبروك القبول وعقبال يارب التخرج من الجامعة وتسدح لنا موضوع مثل هذا سبحان الله سنين تمشي كلمح البصر ونحن لا نشعر بها أتذكر أول سنة لي بالكلية وكأنها بالأمس وها أنا لم يتبقى لي سوى سنة << هذا إذا مانيلتها في أخر سنة وهذي هدية التخرج والقبول تفضل على قل الكلافة دمت بخير ورده

شكرا جزيلا لك يالغالي والحمدلله الذي من عليك بعد تخرجك من الثانويه والله يوفقك في دراستك الجامعيه

ألف ألف مبروك يا علي والله يوفقك في جامعتك ..,


بإذن الله نشوفك دكتور << وشدخل الدكتور


نشوفك هناك ورده

دمت بود

ألف .. ألف مبروكـ النجاح والتخرج
وعقبال التخرج الكبير والوضيفة والعرس