السلام عليكم !!

إقتباس حظيظ ===> ياليت اليوفي دايم ينهزم علشان نشوف يوزرك

ناصر .. يا علك ما تشووف يوزري بس اليوفي يفووز كل مباراة


ودام تريزي رجع .. راح نرجع ونقول .. تريزي بخير اليوفي بخير ....

اماوري لاعب جيد لكن مشكلته وصل لدرجة الغرور قبل وقتها .. وباختصار لاعب برازيلي حتى لو تجنس

ذيل الكلب عمره ما يتعدل ..

ولو يملك موهبة التمركز عند تريزيقيت .. كان غطى عليه من زمان ..

للكن للأسف ان جت كوره عرضيه تحصل اماوري على القوس .. ليه ما يدخل ما ادري !! ولا عنده ارتقاء ماهو صاحي بس مو عارف يستفيد من هالميزه ..

انا اتفاءل ومعجب بتريزيقيت .. لأنه يعطيك كل ماعنده حتى لو المباراة بحوش بيتهم !!

بالتوفيق بالقادم .. وان شاء الله الفريق استفاد من اغلاطه وصحصح

السلام عليكم ورحمة الله وبركاته

إقتباس الرسالة الأصلية كتبت بواسطة 10بيانكونيري10 السلام عليكم هارد لكم ياشباب الفريق خسر ثلاث نقاط مهمه صراحه انا ماشفت المباراة لكن واضح من كلام الجميع ان الفريق ماسوى شي بالمباراة وكان فيه كلام كثير على المدرب وتغيراته لكن هذا الي عند رانيري وحنا عارفينه وعارفين تاريخه هو مدرب اعداد فقط لا تطلب منه بطولات وهذا هو المطلوب بالوقت الحالي اعداد الفريق واعادة تاهيله خصوصا بعد قضية الكالتشيو بولي والمشاكل الي تعرض لها الفريق من هبوط للدرجة الثانيه وخسارة بعض النجوم فكان لابد من اعادة تاهيل الفريق وهذا الشي يحتاج وقت اقل شي ثلاث سنين لكن الفريق فاجئ الجميع بمستواه واستطاع ان ينافس على المراكز الاولى وحقق المركز الثالث الموسم الماضي وهذا الموسم يقدم مستوى رائع رغم الضروف الي واجها في بداية الدوري من اصابات وتدهور بالمستوى ولكن استطاع ان يعود الى المنافسه على الدوري ويحقق المركز الثاني وكان قريب من الصدارة ويتصدر اصعب مجموعه بدوري الابطال وينافس على بطولة الكاس واستطاع الفريق اكتشاف مواهب صغيرة مستقبل اليوفي مثل(كيليني/جوفينكو/دي شيلي/ارياودو/ماركيزيو ...الخ)وتدعيم الفريق بلاعبين صغار مثل(سيسوكو/اكيدال/حارس صغير...الخ)كل هذه الانجازات تتحقق خلال موسمين خصوصا هذا الموسم الفريق مرشح الى تحقيق بطولة واحدة كل هذا الشي لم ياتي من فراغ اكيد فيه شغل من الجميع لكن الفريق مازل يحتاج الى عمل اكثر من ذلك لكي يعود الى مستواه الطبيعي ويحتاج على الاقل الى سنه اضافيه ومن ثم نطالبه بالبطولات ..................................... بنسبه لي انا راضي عن مستوى الفريق بالموسم الماضي وهذا الموسم ولسى الدوري باقي فيه 17 جولة ماندري وش يصير فيها وخسارة مباراة ان شاء الله ما تضر بالعكس ممكن نستفيد منها في تصليح اخطاء الفريق واقالة المدرب موب حل لما تقيل مدرب بنصف الموسم خطاء كبير وراح يضر الفريق اكثر من نفعه تحيتي للجميع واسف على الاطالة اخوكم فيصل

كلامك سليم فيصل واوافقك فيه 100%
ولا فيه احد طالب باقالة رانييري , الاستقرار مطلوب ولا خبرنا اليوفي يقيل مدرب بنص الموسم
رانييري مدرب اعداد ولا عنده ثقافة الاول والا لو مدرب غيره ماكان فوت فرصة مباراة لازيو

بس الى الان اللي مقدمه رانييري ممتاز مقارنة بالامكانيات اللي عنده بالاضافة الى امكانياته الشخصية
يعني بيئة النادي ساعدته , وبيئة النادي معروف من زمان وهي الفوز ولا شي غيره وعدم الرضا بالهزيمة ولو الفريق منهزم بفرق هدفين يخربون المباراة اهم شي لا تصير نتيجة تاريخيه
ولا يهونون الحرس القديم واللي للاسف ما يشتغل منهم صح الا دل بييرو
بوفون + كامورانيزي + تريزقيه = اصابات من اول الموسم
ندفد = قاعد يشوه تاريخيه باللي يسويه هالموسم


= = =

حظوظتي <=== كيف الدلع بس

إقتباس الرسالة الأصلية كتبت بواسطة حظيظ السلام عليكم !! ناصر .. يا علك ما تشووف يوزري بس اليوفي يفووز كل مباراة ودام تريزي رجع .. راح نرجع ونقول .. تريزي بخير اليوفي بخير .... اماوري لاعب جيد لكن مشكلته وصل لدرجة الغرور قبل وقتها .. وباختصار لاعب برازيلي حتى لو تجنس ذيل الكلب عمره ما يتعدل .. ولو يملك موهبة التمركز عند تريزيقيت .. كان غطى عليه من زمان .. للكن للأسف ان جت كوره عرضيه تحصل اماوري على القوس .. ليه ما يدخل ما ادري !! ولا عنده ارتقاء ماهو صاحي بس مو عارف يستفيد من هالميزه .. انا اتفاءل ومعجب بتريزيقيت .. لأنه يعطيك كل ماعنده حتى لو المباراة بحوش بيتهم !! بالتوفيق بالقادم .. وان شاء الله الفريق استفاد من اغلاطه وصحصح

انا رديت قبل يومين مدري ثلاثة وقلت كلام كثير عن تريزقيه
اماوري برغم اعجابي بطوله وارتقائه ودقة ضربات رأسه , الا انه يحتفظ بالكورة كثير وبشكل زايد عن اللزوم , هدف دل دل على مدريد في تورينو جاء بعد ما ناول اماوري كورته , يعني مشى اللعب , لكن من تالي صار يقتل اللعب بشكل كبير
تريزقيه ماعنده اي مهارة ولا يقدر ياكل اي مدافع , بس مايقتل اللعب وعلى طول يمشي كور ويفتح خانات ويربك ام الدفاع طول المباراة
فيه سلبية في اماوري واكيد لاحظتوها / احتجاجه على اي مناولة غلط او اي احتكاك , لازم يرفع يدينه ويتحطم ويهز راسه وحالته حاله ,

طبعا هالانتقاد كله مو تقليل باماوري بالعكس اهدافه كلها حاسمة وانقذ الفريق قدام تورينو وكالياري وليتشي باهدافه اللي جابت 9 نقاط لليوفي
بس احقاقا للحق واظهار سلبياته حاله حال اي لاعب

شكرا شباب وابشركم اشغالي خفت يعني ابرجع للترجمة بس الاهم هو التفاعل مع الاخبار والنقاشات

][.. بوفون يرحب بدييجو باليوفي ..][








تم ربط لاعب وسط فرد بريمن دييجو لانتقال لليوفنتوس في الشهور الماضية . في الحقيقة , العديد توقعو ان يصل دييجو الى تورينو في صيف 2009 .
ومع فترة انتقالات الشتاء , عاد الكلام مرة اخرى للحديث عن انتقاله لليوفي ولكن احدى المخاوف الرئيسيه كانت عدم ملائمة دييجو لخطة اليوفي .
على اية حال , يعتقد بوفون ان اليوفي يجب عليه ان يوقع مع البرازيلي -23- عام ويعتقد ان بامكانه ان يكون لاعبا مميزا .
وفي مقابلة مع الكوريوديلو سبورت قال بوفون " يجب ان لا اخوض في الامور التكتيكيه . انا سعيد لاني لاعب وان هذه المعضلات يحلها المدرب فلذلك لن اتحدث عن أي شيء . ولكن الشيء الوحيد الذي استطيع قوله انه يوجد لاعبين قليلين في العالم يستطيعون ان يجعلون فرقهم تفوز بواسطتهم . مثل ماردونا وبيليه وبلاتيني فهم من نفس النوعية . لذلك , دييجو قريب من هذا المستوى , سأقول نعم لاحضاره الى تورينو "

ويسعى البيانكونيري للبحث عن بديل لندفد والذي سيتعتزل نهاية هذا الموسم .

إقتباس الرسالة الأصلية كتبت بواسطة WENER والله يا عليكم فريق ومدرب

السلام عليكم

:: القائمة المستدعاة لمباراة كالياري ::



1 Buffon
3 Chiellini
4 Mellberg
6 Zanetti
8 Amauri
9 Iaquinta
10 Del Piero
11 Nedved
12 Chimenti
17 Trezeguet
18 Poulsen
19 Marchisio
21 Grgyera
22 Sissoko
28 Molinaro
29 De Ceglie
30 Tiago
32 Marchionni
33 Legrottaglie
42 Pinsoglio


JUVENTUS.COM

هذا اللي كنت بقوله وشاكرلكم ..

السلام عليكم ورحمة الله وبركاته

إقتباس الرسالة الأصلية كتبت بواسطة هواوي الزعيم : : احول لـ ناصر اللي وحشتنا نقاشاته كثيرر اسمع هـ الكلام كثير بس لو حقق الكالشيو هـ الموسم وش يصير وضعه ؟ وماتدري يمكن يصير هالشيء فـ الدوري لا يزال طويل ولانستعجل .. اللي بوصله لك ومن وجهة نظري مو شرط تكون صحيحه ان رانييري ما سوا شيء خالف التيار فيه وسبّب الهزيمه بالعكس تشكيلته كانت مثاليه ومناسبه بس اللاعبين ماقدموا ربع مستواهم واستحقوا الخساره وعن مباراة لاتسيو مايتحملها لوحده , الجميع يتحملها من ادراة ولاعبين وجهاز فني لانهم فرطوا فيها وكانت مهمه جداً لهم ,, هذا اللي كنت بقوله وشاكرلكم ..

والله يا فهد اني انتظر أي مشاركة لك بالمنتدى
ياليت ماتحرمنا من وجودك ولا يهونون الشباب

عني انا اتمنى الرابطة تكون كلها نقاشات ولا نجيب طاري الاخبار ابد , يا زين النقاشات يا هي طرب
فما بالك لو فيه اخبار ونقاشات كان اللي يمرض يجي يشوف الرابطة ويطيب <== اقرب تشبيه في بالي

المهم بخصوص رانييري
فهالمدرب اعرفه من ايام تشيلسي وفالنسيا , طبعا ماراح اتكلم عن تاريخه لان ماهو مجال لكذا


انا غير مقتنع بتكتيك رانييري من ايام البلوز والخفافيش
بس مع اليوفي يمكن قدم اداء افضل واتوقع ان بيئة النادي ساعدته كثير
فريق متعود على البطولات +جماهير مهي صاحية وشعبية جارفة + لاعبين من نوعية الاساطير + بالاضافة الى انه بلده الاصلي

بس رانييري مع يوفنتوس يستحق الاعجاب ماقلنا شي
فريق توه طالع للدرجة الاولى وعليه العقوبات , يحقق المركز الثالث باسماء متواضعه فهذا انجاز بحد ذاته
وهالموسم وبالرغم من عدم وجود المادة : الاول بمجموعته ومنافس على الصدارة فهذا شي باهر وخالع
بس المشكلة ان اغلب الجماهير متعودة على الاول وعلى البطولات , واليوفي الحين في مرحلة بناء وسبق واعلنت الادارة هالخطة اول ماتقرر الهبوط والخساير
5 سنوات والفريق يرجع لسابق عهده وافضل لان الملعب الجديد راح يكون دعامة عظيمة للنادي
الادارة ما اخطت بالتعاقد مع رانييري لان اسلوبه يماشي اسلوبهم

مدرب يرضى بالقليل ولايطلب الكثير ( ديشامب طلب 3نجوم سوبرستار وهالشيء مستحيل عند الادارة الحالية )
مدرب يهتم بالنواحي النفسية وهذا شي معروف عنه
مدرب رخيص ( 300 الف اول موسم والموسم الثاني 900 الف )
مدرب عنده خلفية عن الاسلوب الانجليزي والاسباني لانه سبق ودربهم

وارقامه مع اليوفنتوس توقف بصفه شي اكيد ولا ينكرها احد

بس مانقدر نخفي عيوبه والاهمها الاصرار على ندفد
يعني مهما كان , الاعمى بيقول ان اليوفي لابد انه يجيب بديل لندفد في صيف 2008
وللاسف خلص صيف وشتاء 2008 و 2009 ولا يوجد في اليوفي اي بديل لندفد
غير كذا قراءته الغريبة لمجريات المباريات وتغييراته الاكثر غرابة في المباريات
وبرضة كرفه لندفد كل مباراة 90 دقيقه رغم ان الجاهل والامي والاعمى يعرفون ان شخص عمره 36 مستحيل يعطيك نص ساعه صح وهو مرتاح فمابالك بواحد ينكرف كل اسبوع مرة او مرتين !


يعني عنده ايجابيات وعنده سلبيات
بس ايجابياته حساسه
مدرب يلعب بعاهات مثل الموجودة في اليوفي ويجيب هالارقام فهذا شي اكيد يحسب له ويشكر عليه

اخر نقطة بخصوص عشق البطولات , رانييري طول عمره ماذاق البطولات الكبيره
فطبيعي انه ما يطالب فيها بشدة مثل المدربين المتعودين عليها
شوفو كابيلو الساحر مع مدريد كيف قدر يخنق برشلونه للرمق الاخير لانه مدرب تعود على البطولات
بس رانييري ماتعود والمركز الثاني بالنسبة له انجاز
والادارة ماضغطت عليه وطالبته بالاول , طالبته بمجاراة الخصوم لين تتعدل الاوضاع

وبس <=== لا ياشيخ

عيال تكفون لا احد يهيضني ترا ما اقدر اوقف على الردود
اتحدى احد يقرا الرد ويستوعبه كله

يا شباب دل بييرو شفيه مالعب ؟
لا يكون متوقف بعد مباراه الفيولا طلع و هو زعلان ووقفه المدرب او مصاب ؟