صور من لقــاء " اليــوفي و اودونيــــزي "

مرحبتين هلا والله باليوفنتيين

ألف مبرروك الفوز اللثمين على الأودينيزي وتتكرر الإنتصارات بإذن الله ..
بوفون اليوم ما أختبر كثير لكن البطل يبقى له ثقله وهيبته وصحوته ..
ما أروع ( دي تشيلي يا قمالو الصراحه لساني يعجز عن التعبير ..
والحديث والمديح عن هذا النجم القادم وبقوه .. وينك من بدري يا المزيون !!
أنساني مولينارو السخيف الله لا يرده بإذن الله تشيلي راح يضل على مستواه الي شفناه اليوم يا روعتك يا قمالك يا دلالك ..
الدفاع اليوم كان متماسك كليني وملبيرغ وقيرقيرا ..
مع أن الشبهه ملبيرغ كان بينكبنا بس الحمد لله ربنا ستر ..
وبولسن وسيسوكو محاور من حديد ..
ندفيد كالعاده متحرك ومتحمس ومبدع ..
والكامو مسكين انهد حيله كرفه رانييري كرف
وياكونتا كان ممتاز ولكن سؤ الحظ حرمه الهدف ..
أما أماوري البطل المقدام
يا متعتك يا أخي أيه اللمسات أيه الحركات دي
بعد الهدف زحف بلمساته السحريه ..
وماركينوي نقدر نقول رجع لمستواه بس برضه باقي له وقت ..
اما دخول تريزي ودل دل بآخرر 5 دقايق فهاذي شطحه من شطحات هالمدرب

شبيه الذيب : وين صورة المزيون دي تشيلي

ألف مبروك مره أخرى للجميع على هالفوز الرهيب ..

تحياتي لكم .

ألــــف ألـــــــــف مبروك الفوز وعقبـــال الكالتشيو إن شــــاء الله



سيسوكو من هنـــا إلى ليفربول وتدوير إلى مالي وترقى إلى تورينو وترجع الى هنـــا

وربي وحش وغطى مكان فييرا ومع الوقت راح يكون أفضل منه تذكروا كلامي وكل اللاعبين اليوم ماقصروا ولكن سيسوكو لـ هالوه

على فكرة تراي مو إنتراوي عشان اليوزر لكني ( تشلساوي و يوفاوي )

ملـــخص لـ مبــاراة Juventus vs Udinese

youtube

تقييم لاعبي اليوفي من موقع قول

JUVENTUS

Buffon: 6 .

Grygera: 6.5

Chiellini: 7

Mellberg: 6

De Ceglie: 7

Camoranesi: 8

Poulsen: 7

Sissoko: 8

Nedved: 6.5

Iaquinta: 6

Amauri: 7

Substitutes

Marchionni: 6

Del Piero: n

Trezeguet: N/A

المصدر

مبــروك الفوز ,,

ندفيــد يلعــب تقــل عمره 20 ما شاء الله

ياكونتا أفظل من أمواري .. !

السلام عليكم ..

ألف مبروووووك .. فوز هام جدا ً لليوفي على فريق عنيد الاودني ..


ثلاث نقاط مهمة جدا ً .. خصوصا ً بعد خسارة روما المفاجئة من باليرمو بـ 3 .. وتعثر الميلان بـ 2 -0 اما جنوى وخسارة الفيولا من نابولي 2-1 ..


يعني اليوفي اقرب منافسيه على بعد 3 نقاط منه ..!!

وتعادل مع الانتر في النقاط بعد فوز الانتر الغريب امس ..

والفرق بينه وبين لاتسيو المتصدر مؤقتا ً نقطتين ..

صدارة مؤقته للاتسيو بالتأكيد ..!!


هذي بالنسبة للجدول ..


اما بالنسبة للمستوى ..

صراحة يوفينتوس اليوم اعجبني كثير ..

الحظ ما كان معنا كثييير ..


لكن ربك فرجها بالهدف ..



تشكيل ممتازة بدأ فيها رانييري ..


غلطة ياكوينتا وأماوري بأنهم واقفين على خط واحد .. المفروض ياكوينتا يتحرك واماوري يصير في المقدمة وكذا يخلق ثغرات بين السناتر .. وهذي مشكلتنا اليوم ..

اغلب هجماتنا جت من كور عرضية ورأسيات .. العمق يبغاله تحرك احد المهاجمين و ثبات الاخر .. واعتقد لو ديل بييرو كان مكان ياكوينتا لو في اخر 20 دقيقه من الشوط الثاني كان غير هالوضعيه .. وكان اليوفي انفرد بالحارس اكثر من مره ..

عموما ً اعتقد ان هذي لازم ينتبه لها ياكوينتا المره الجايه ..


تغييرات رانييري ممتازه .. ولكن تمنيت اني اشوف سيبا وانشاء الله في مباريات كثيره قادر انه يثبت نفسه فيها ..




تقيييمي للاعبين ..


بوفون 7/10 ماجته اختبارات حقيقيه ..

ميلبيرق 7/10 كان طول المباراه ممتاز ولكن بغا يجيب العيد اخر اللقاء ..

كيليني 9/10 وحش كالعاده ..

قريقيرا 8/10 .. ممتاز

دي تشيلي 7/10 .. ممتاز جدا ً هجوميا ً جيد دفاعيا ً وافضله على مولينارو .. وتحس فيه انسجام بينه وبين اللاعبين مع انها اول مباراة له اساسي ..

سيسوكو 10 /10 بطل الثورة يا مامادو .. تستاهل وسام الاسد الذهبي ..

بولسن 10 / 10 .. ممتاز جدا ً .. واعتقد على زانتي ان ينتبه لمكانه ..

نيدفيد .. 8,5 /10 .. لا تعليق كالعاده ..

كامو 7 /10 .. مزاجي في هاللقاء .. يمكن كثرة المباريات مؤثرة عليه ..

اماوري 9/10 .. ممتاز

ياكوينتا 7,5 /10 .. جيد

ماركيوني 6/10 .. ما امداه لكن كويس ..





اعجبوني المحاور الليله ..


اعتقد ان اودينيزي كان له دور كبير في ظهور اليوفي بهذا المستوى القوي .. حيث ان اودينيزي لعب بـ 5 مدافعين ولاعبين في الوسط و3مهاجمين ..

وكان في فراغات كبيره بين الخطوط وسيطر اليوفي على الوسط بالكامل .. وهذا اللي جعل اليوفي ضغط بشكل متواصل ..

خروج دي نتالي اراح اليوفي كثيرا ً .. فلم يعد هناك خيارات هجومية للاودني الا كوارياريلا .. وبيبي السيء ..



مباراة ممتازه اتمنى نستمر على هالمستوى ..

السلام عليكم ورحمة الله وبركاته

لا يا جماعه هذا فريق غير عادي يا جماعه

والله متعه مع اليوفي غير طبيعيه بالمباراة

كل الفريق كان عسل بس رانييري كان بصل
مو بصل بصل بس رفع ضغطي شويتين

اخليكم مع تحليل المباراة :
<=== صح يا نبيل معلول


بوفون

اللوك الجديد حلو عليك يا حلو
ما جاه اختبار الا بذيك الهجمة باليسار وردها ببراعه على العادة



دي شيلي

بطل , رفعاته بالملي وبداخل المنطقة وتفاهمه مع ندفد رائع جدا
بس باخر الدقايق اتضح ان يبغاله يتثقف دفاعيا اكثر
هجوميا عال العال دفاعيا يبغاله شوي

جرجيرا

ما قصر اليوم كان فاتح طريق سريع يمين ولا يرده الا باب اودنيزي
ياليت يثبت على هالمستوى على الاقل ولا يدحدر مثل العادة


ميليرج & كليني

وحوش في الدفاع ولا جاهم اختبار الا باخر الوقت لكن واضح ان ميللبرج بدا يوثق بنفسه زيادة والكالشيو يبغاله شغل صعب

سيسوكو & بولسون

تفاهم غير طبيعي
سيسوكو اذا تقدم يدعم الهجوم بولسون يجلس ورا
والعكس صحيح
بولسون يثبت انه صفقة ناجحة وتمريراته اغلبها صحيحه سواء جانبية او امامية , حتى التمريرات الطولية صارت تخصص له
سيسوكو ماشاء الله تبارك الله ابداع في الوسط وقود باي يا فييرا الكلب


كامورانيزي & ندفد

تفاهمهم ممتاز لكن كامو اقل من مستواه المعهود لانه لعب مبارتين كاملة مع المنتخب ومباراة الفيولا فالارهاق أثر عليه
ندفد كان عمره 20 سنة وكان حليو اليوم قياسا بعمره

ياكونتا & اماوري

ثنائي قوي في الكالشيو وصراحة اشوفه الثنائي الثاني بالجودة بعد الملك وتريزقيه
حماس وطول وارتقاء وبثارة وسرعه , اماوري كل يوم يزين بعيني عن اليوم اللي قبله


رانييري

يحسب له مغامرته بدي شيلي , لكن كرفه لكامورانيزي غلط وهذا اللي خفت منه قبل المباراة وفعلا كامو لعب واجد والله يستر لا يدج قدام زينيت , على الاقل دخل حسن مكانه او ماركيوني

بالنسبة للتبديلات فحطيت يدي على قلبي !! متقدم وقاعد يستهبل بتديلات الهجوم
توقعت ندفد وكامو يطلعون لكن علاقة الحب بينهم للحين ما انتهت ولازم يكرفهم
كامو طلع بعد الثمانين بعد ماراح فيها
دخول الملك وتريزقول زي البروفة قبل زينيت , ودخول ماركيوني اعتقد تهيئة له والظاهر انه بيكون اساسي على حساب كامو المرهق .
اعتقد ان رانييري يبغى يضمن 3 نقاط بالدوري وبعدين يشوف حل لدوري الابطال


الفريق ككل كان ممتع وللمرة المليون , فريق رانييري يمتع اكثر من فريق كابيلو , واسمعني يا كابيلو <== وش عنده الحربين






خارج النص

=========================






الاحمق الاخرق , قد استملناه انا واليوفي وبس وضد التيار ومبارك على ما اعتقد هنا زمان
سفلت فيه هنا لانه كان حايق ايطاليا بــ 98 وقاعد يتفلسف باالجزيرة
باجيو عمره 28 يعني عز توهجه ووصيف هدافين الكالشيو ويحطه احتياط
والاصرار على دل بيييرو التائه في كأس العالم

قبل المباراة قال كلمة حق وكلمة باطل

كلمة الباطل

قال ان اليوفي صرف ميزانية طائلة هالموسم ولا عرف يتصرف بالفلوس ووو
يا نصاب اليوفي دفع 22 باماوري و 12 ببولسن
لكن من باعو واعارو ؟ مليون لاعب وماطلع من جيب اليوفي الا حول 17 بس في ميركاتو كامل وهذا يحسب للعقلية الاقتصادية للادارة
وبرضة قام يدافع عن ميلان والهزيمة , انا ما شفت المباراة لكن الشباب برابطة ميلان ينتقدون فريقهم انه داج

كلمة الحق

يوم قال ان اليوفي عكس الميلان والانتر , الادارة والملاك مالهم دخل في التعاقدات , الحرية للمدرب بشكل تام
وقال ان هالشي في اليوفنتوس من زمان
وكلامه سليم : موجي باع باجيو رغم انه يبيه, بس لان ليبي ما يبيه
وتاكيناردي طلع لان كابيلو ما يبيه
والان التعاقدات على كيف رانييري هو اللي يختار
طبعا ما يمنع ان فيه حالات شاذه بس توجه اليوفي هذا هو بالشكل العام


هذا ما عندي وآسفين على الاطالة ورده