صباح الخير للجميع

من فترة وانا الاحط صحفي معين في جريدة الحياة بما اننا مشتركين فيها تخبرون ارخص اشتراك

المهم في صحفي ينقاله عبدالعزيز العمر بصراحة مدري وش قصته ..

كل اخباره مشاكل بين ادارة الهلال وكوزمين او مشاكل بين كوزمين والتايب او مشاكل بين كوزمين والجابر

طيب بعدين يعني ونهاية الكلام هذا وش ..؟

يعني لاهو الصحيح علشان نقول يلا مو مشكلة انفضحنا ولاهو اللي مهدي الله يهديه شغال نصب صارله شهر

فاللي ابي اسأله وش يبي هو بالظبط يقولنا اذا بغوا يسوقون للجريدة مو مشكلة يعلمونا بس وحنا نشترك فيها

تراها رخيصة ولا وش المطلوب بالظبط او ان السالفة يبي يصعد على اكتاف الهلال مثل العجلان والشلة

والله وانا أخوك ياكثر اللي يبون الشهره والتسلق على كتف الزعيم

بس ان شاء الله يطيحون من فوق الكتف على رؤسهم .

القافله تسير والزعيم من مجد الى مجد بإذن الله .

دمتم بود .

واللـــــــــــــــــه انك صادق انا ملاحظ هذا الشي من فترة

العمر كل أخبـــــــــارة مشاكل وفتن

ولايهون الصحفي الثقيل أيضا"

موضوع مميز وفي وقته

شكرا" لـــــــــــك

سبحان الله
توني مكمل قراءة خبرة البايخ بالجريدة حول خلافتة مع الادارة وتحميلة لهم مسؤولية اخفاق فشل تعاقداتهم مع اللاعبين ...!!!

اخوي
هناك طريق صعب وتقليدي للوصول للشهرة
وهناك طريق ياتيك بضربة حظ للوصول
وهناك طريق بسيط جدا للشهرة ولكنة من بوابة التلفيق وعيبة انة نفسة قصير واللي خلاك تكتب موضوع عن هذا الصحفي واكيد سيكون عشرات زائرين او مشاركين يتساءلون عن هذا الاسم المغمور واكيد هذا ماارادة

لذا افضل حل لاولئك هو التجاهل

على فكرة هذا الصحفي سيكون هو قبل غيرة سيكون مطلع على موضوعك ومتحمس لردود الفعل من العامة وتداول اسمة حتى ولو كان من بوابة الاثارة التي فشلت معة كل محاولاتة السابقة في تلفيق خلاف سامي مع كوزمين بخصوص الكادر الطبي وفشل موضوعة الثاني بخصوص عدم رغبة كوزمين بطريقة لعب التايب وموضوع ثالث نسيتة كما سانسى مواضيعة الاخرى قريبا لانها تذهب كالغبار
دمت بخير

اصطدم المدير الفني لفريق الهلال الروماني كوزمين بإدارة ناديه عندما أبلغها بعدم تحمله مسؤولية اختيار لاعبي الفريق الأجانب، خصوصاً في حال إخفاقهم، مرجعاً ذلك إلى عدم رغبته في خدماتهم الفنية لعدم توافقها مع رؤاه وطموحه التكتيكي، مبيناً لإدارة ناديه رغبته في لاعب بديل لليبي طارق التايب نظراً لأسلوب الأخير الفردي، موضحاً لهم أنه غير راض عن اللاعبين الآخرين البوليفي والتشيلي كونه غير مطلع على مسيرتهم الفنية ولا على سيرهم كلاعبين، ملمحاً إلى كونهم جاءوا عن طريق وسطاء ووكلاء أعمال وليس عن طريق الأسلوب الفني في الاختيار. ( جزء من كلامه اليو م)

فعلا كلامه غريب يمكن الرجال صاحب كوزمين الروح بالروح ويجلسوا يسولفوا مع بعض عن احوال الفريق

اثركم ملاحظين مثلي ان الرجال شغال هلس

على العموم فعلا مثل ماقالوا الاخوان التجاهل افضل حل لكن حنا نبي تصرف من الادارة علشان يلزم حدوده لانه زودها

اكثر من صحفي يحاول يتسلق على الزعيم ومحاولة اثارت الفتن ولاكن
القافلة تسير و...........................

اقصــر الطرق للشهرة هــو ان تسب وتشتم
وتلفق معلومات في الهلال

فعلا اخوي كلامك مظبوط لدرجه اني ما صرت اقرأ هذي الجريده ومن وجهت نظري افضل طريقه نستخدمها حنا الجمهور الهلالي هي المقاطعه
ودمتم سالمين

الصحافة كلها ضد الهلال لان الهلال حارق اعصابهم



=--=المبدع999-==-