][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا || - صفحة رقم 677 - نادي الهلال السعودي - شبكة الزعيم

S U L A I M A N · #10141 15/04/2009, 02:46 PM

إقتباس


	السلام عليكم ورحمة الله وبركاته .. في البدايه اشكر كل من عزّاني في وفاة الوالدهـ رحمت الله عليها .. والله لا يوريكم مكروهـ جميعا" .. واخص بالذكر اخوي تركي ( مستر قول ) وبالتوفيق الليله للفريق وان شاء الله نتأهل بدون اصابات او ايقافات .. دمتم سالمين

أوه !

لا حول ولا قوة الا بالله .. احسن الله عزاك يزيد والله يغفرلها ويرحمها ! يشهد الله إني مادريت بالخبر الا اللحظه هذي !

العذر والسموحه

كان ودي أوجّب وأصلي عليها لكن تخبر السفريه ومارجعت الا أمس الصباح وماعندي نت طول وقت الرحلة صراحة ..

والله يسلمك ويعافيك ياخلفهم

PUYOL Carles · #10142 15/04/2009, 03:21 PM

نقول الف مبروك ترليون زليون شليجيون على التأهل لمربع كبار اوروبا .. كلمة تيتو فيلانوفا تستاهل الوقوف دقيقة صمت عندها وبعدها ممكن نتحرك شوي ونعمل حركات ارخاء وشد للعضلات وبعدها نرجع نوقف دقيقة صمت عندها قبل مانتكلم عنها ..

بداية الموسم كنا في الادوار التمهيديه .. طموحنا كان ضبابي .. لدرجة انه كان اول شئ نقاتل عليه هو ابقاء ميسي في البارسا بدلا من ذهابه للاولمبياد .. و الآن نحن ضمن مربع كبار اوروبا ..

الموسم ذه خبال يعيال .. مادري .. شئ صعب اتخيل نهايته .. كرة القدم عالم وقح

يمكن الحكم يكون حاط الصفاره في بوزه وبالغلط وهو يتنفس يصفر .. ماتشوف الا جاي عليك بلنتي

.. أي شئ ممكن يصير .. وللأسف فيه ناس كثير تتصيد على عثرات الآنديه ..

بلاش نروح للأنديه الثانيه .. وبلاش نروح لمشجعي الانديه الثانيه .. خلنا نبقى في نادينا شويتين .. اخشى مااخشاه على هالفريق من مشجعي برشلونه نفسهم .. جزء كبير منهم مازال ينتظر عثرته للانقضاض مره أخرى بنظراتهم وآرائهم اللي اتخذوها في وقت سابق وماكانت عندهم الشجاعه للتراجع عنها ..

الوضع الا وصلنا له حاليا يحتاج تركيز كبير وبرودة دم كبيره .. نحتاج صبر .. كل الا سويناه في الشهور الماضيه يتحدد في دقائق معدوده في الاسابيع القادمه ..

الريال موراضي يوقف .. بلباو عنده طموح خيالي في نهائي الكوبا ديل ربي .. وتشيلسي فريق صعب ..

يعني قابل نخسر كل شئ او نفوز بكلشئ في ظرف شهر ممكن ..

مادري شئ صعب اتخيله .. والله يعين بيب وتيتو ..

مباراه كانت بدايتها صعبه جدا .. بايرن ميونخ يمتلك كرامه عظيمه ويبغا يستردها .. فريق يعاني في الفتره الأخيره من ضعف المردود البدني للاعبيه .. وافضل شئ ممكن يسويه انه يدخل بكل قوه وشراسه مع اول ثانيه من اللقاء لأجل الخروج باشياء ممكن تبني له روح قتاليه جديده ..

الفريق ارتبك بشكل محرج .. مهارات وسرعة ريبيري اربكت اللاعبين .. كان شئ عجيب صراحه هالفرنسي

لكن ولله الحمد تم احتواء هالمحاولات الخطره بافضل صوره ممكنه وباقل الاضرار ..

عموما .. هذا الارتباك طبيعي جدا .. ولايدعو للهلع

امتلاك الكره شئ لازم نستغله مع الخصم الا بمثل حالة البايرن .. تدوير الكره يرهق المنافس .. وممكن مع الوقت وبحسب النتيجه العامه للقاء ممكن تقتل الشراره الا عند الخصم وتدخل في نفوس لاعبينه الاحباط ..

الفريق امتلك في الشوط الثاني برودة دم وخبث تكتيكي تمكنو من خلاله تسيير المباراه الى بر الأمان بافضل صوره ممكنه ..

صعب صراحه نعطي الأفضليات ونميز لاعبين عن لاعبين .. من يريد ان يتاهل يجب ان يعمل بجهد كبير .. جميع اللاعبين لعبو بقتاليه ..

لكن ممكن اكثر ثلاثه احب اشيد بهم .. هم [ بيكي - ابيدال - توريه ] .. وعلشان لايزعل علينا الخبل اضيف معاهم [ الفيس ]

بيكي بامكاني القول لايمكن ان اتخيل دفاع برشلونه حاليا بدون اثنين [ الفيس وبيكي ] .. الباقي لهم فترات صعود وهبوط في الاداء .. لكن رقم 3 ورقم 20 يعتبرو الاثبت في المستوى ..

توريه يايا نعمه .. لاعب يمتلك عقليه جميله جدا .. " قد يكون الأثقل والأكبر حجما .. ولكن هو الأسرع في ردة الفعل " .. هالجمله كانت تعليق ايتو حول توريه يايا في مقابله .. وبالفعل اراها منصفه بحق العملاق الايفواري .. احيانا احسه ناطحة سحاب او برج طبي صعب ان يتحرك من مكانه .. ولكن فجأه نشوف تحركه اسرع من تحرك لاعبين كثار في برشلونه

..

ابيدال .. وعوده جدا ممتازه .. لكنها ماترضي غروري .. انتظر منك اكثر وتركيز اكبر ..

حاليا .. لازم نرجع لنظام المداوره .. [ ميسي - الفيس - انييستا - توريه - تشافي - ايتو - هنري ] .. هاللاعبين لازم يتم الحفاظ عليهم باكبر قدر ممكن .. ومايدخلهم بيب الا اذا كانو في حاله بدنيه تسمح لهم ..

ادري الجدول صعب والضغوطات كبيره .. لكن لازم نؤمن بكامل الفريق ..

خيتافي فريق بثر امام كبار الليقا .. الاسبوع الماضي ومن بعد فترة فراغ طوييييييله .. عاد بالفوز من امام اشبيليه .. وهالاسبوع مادري وش محضر لنا ..

علشان لاحد يقرا هالكلام ويقول بداو يصيحو ويخافو

.. كلامي واقعي لا اقل ولا اكثر .. سواء حققنا شئ او ماحققنا شئ .. في النهايه لازم نؤمن بجملة لكل مجتهد نصيب .. فريقنا يقدر يجيب شئ مميز هالموسم .. لكن ماندري وش المكتوب .. وانا فخور بالفريق هالموسم ..

سلامي واشواقي وتحياتي وقبلاتي الحاره لجميع البرسانوليستا والكوليز في العالم السفلي والعلوي من الكره الأرضيه .. وحتى اشعار آخر .. الى اللكاء

PUYOL Carles · #10143 15/04/2009, 03:32 PM

سليمان ولكم باك ياوقح .. كيف السفره .. هاااا وش جبت لنا .. عادي قول لاتستحي

حمدا لله ع سلامتك يا حلو

اكشخ واحد · #10144 15/04/2009, 03:36 PM

إقتباس

الرسالة الأصلية كتبت بواسطة PUYOL Carles


	سلامي واشواقي وتحياتي وقبلاتي الحاره لجميع البرسانوليستا والكوليز في العالم السفلي والعلوي من الكره الأرضيه .. وحتى اشعار آخر .. الى اللكاء

عساك طيب بس ياحسين

مافي كلام ينقال بعدك ياحضرة الباشا .. الا نقطه واحده

البرشا يملك قاذفات ار بي جي .. من نوع فتاك .. يايا توريه سيدو كيتا

لكن للاسف مااشوف فيه استخدام فعلي لهذا الشي .. ماادري المدرب محذرهم من هالشي وخايف عليهم من العين

او الخوال انفسهم مايملكون المبادره ويخافون تطلع برا الكوره ؟؟

اكثر من مره اشوف الفرصه مناسبه ليايا توريه او كيتا في التسديد بش اشوفهم يتراجعون بالتمرير او المراوغه .. من غير مااشوف فيه سبب

التسديد من بعيد سلاح فتاك .. ويجب الاستفاده منه .. خصوصاً بوجود هالخوال التوووحفه.

قفله

لاعاد اشوف احد يقول مليون ترليون زيليار لي و للاغا بس

اكشخ واحد · #10145 15/04/2009, 03:38 PM

السلمي ولكم باك .. اجل توك راجع من سفر هاه

طلعت تحب الختخته

برشلوني مميز · #10146 15/04/2009, 03:47 PM

الحمدلله على السلامه يـ سليمـآن ,,

شكلك راايح للمباراهـ ولا علمتنا .. ~

على العموم ولكم بااكَـ ,, ..~

..

PUYOL Carles · #10147 15/04/2009, 03:56 PM

ما اختلف معاك فيها .. عندنا ناس شويتات

لكن ممكن الفكره العامه لطريقة لعب الفريق محت هالمواهب من عندهم

برضو ممكن نقول .. قلة الفرص الايجابيه لهالنوع من الحلول .. معظم الانديه تلعب برقابه لصيقه وبتقوقع في الخلف في معظم فترات المباراه .. بالتالي الفراغ الا بتسدد منه وين بيكون .. وحتى لو سدد الواحد وين بتروح في جسم لاعب او برى ..

عموما .. انا معاك .. حل التسديد من خارج منطقة الجزاء نحتاج نحسنه مستقبلا ..

قبل اسبوع .. شاهدت مقطعين لايام برشلونه كرويف .. برشلونه ومانشستر وكانت نتيجتها 4 صفر لبرشلونه .. وبرشلونه واظن اوساسونا وكانت النتيجه 8 - 1 ..

بس لما نشوف الشغل الا كان يسويه كومان .. يخلينا نستغرب

قلب دفاع في الاساس لكن جرأته الهجوميه ودقته في التسديد كانت خياليه

لو قلنا بيب يحاول ينسخ ذاك الفريق

من وين نجيب قلب دفاع يشوت مثل كومان

مافيه الا دانييل اقير حق الليفر

والف ترليون ومادري ايش

بسرقها منك

أسيــ الزعيم ــر · #10148 15/04/2009, 04:12 PM

إقتباس


	الاحد 26/ 4 : فالنسيا - برشلونة الثلاثاء 28 / 4 : برشلونة - تشلسي الاحد 3 / 5 : ريال مدريد - برشلونة الاربعاء 6 / 5 :تشلسي - برشلونة الاحد 10 / 5 :برشلونة - فياريال

اللهم زد و بارك

ألف مبروك يا شباب التأهل .. تستاهلون

كنت متشائم بصراحة من مباراتنا معكم مع اني واثق في فريقي .. لكن بعد هالجدول الطيب بديت أتفائل

بس الاتحاد الاسباني لو يكمل حركاته المضبوطة

مع البرسا و يخلي مباراة فالنسيا على موعدها يصير أفضل اتحاد كرة قدم باللاعب و يدعم انديته بالتساوي

السلمي

حسين

أنس

ابوسلطان

يزيد

و الجميع

ألف مبروك

بالتوفيق في الدوري

L.Messi-10 · #10149 15/04/2009, 05:50 PM

الاحد 26/ 4 : فالنسيا - برشلونة

الثلاثاء 28 / 4 : برشلونة - تشلسي

الاحد 3 / 5 : ريال مدريد - برشلونة

الاربعاء 6 / 5 :تشلسي - برشلونة

الاحد 10 / 5 :برشلونة - فياريال

أمــام برشلـــونة خمسة نهائيات

تفـوز في خمسه

تحصــل على

الليقـــا

+

دوري ابطال اروبــا

تحصل على هديه

كأس الملك

PUYOL Carles · #10150 15/04/2009, 08:49 PM

إقتباس


	كنت متشائم بصراحة من مباراتنا معكم مع اني واثق في فريقي .. لكن بعد هالجدول الطيب بديت أتفائل بس الاتحاد الاسباني لو يكمل حركاته المضبوطة مع البرسا و يخلي مباراة فالنسيا على موعدها يصير أفضل اتحاد كرة قدم باللاعب و يدعم انديته بالتساوي

هلا يا دب

هالجدول كما هو متعارف عليه يالغالي انه قبل الموسم محطوط .. فـ مباراة تشيلسي تعتبر عارض ..

ايضا .. هي تحدد قبل الجوله باسبوع او ما يقارب هالفتره .. ما اذا كانوا بيلعبوها سبت او احد .. يعني هي من قبل مبرمجه على انها الجوله الفلانيه .. بس مومثبته بدون اي نقاش على يوم معين ( اتكلم على مرحلة الاياب ) ..

اتحادات الكره اعتقد تعطي اولويه في هالحاله للتشامبيونز على كاس الاتحاد الاوروبي وكذا ..

فـ اتوقع يغيرو يومها .. ماادري ..

عموما .. هي خاربه خاربه

برشلوني الى النهاية · #10151 15/04/2009, 09:04 PM

][ تحديد موعد مباراة برشلونة× اشبيلية ][

أصدر الإتحاد الإسباني لـ كرة القدم مواعيد مباريات الجولة 32
من عمر الدوري الإسباني و سيلعب " برشلونة " ضد " إشبيلية"
على ملعب " الكامب نو" .

المباراة ستكون يوم الأربعاء 22 أبريل على الساعة
22:00 بـ توقيت كتالونيا و 23:00 بتوقيت مكة المركمة
و بالنسبة لـ " ريال مدريد " سيلعب ضد " خيتافي " يوم
الثلاثاء على الساعة 22:00 بتوقيت مكة المكرمة .

السبورت

برشلوني الى النهاية · #10152 15/04/2009, 11:47 PM

من جديد البرشا يقع بين ثلاث فرق انجليزية

لكن البرشا قادر على الوصول

Hilali 3asal · #10153 16/04/2009, 12:07 AM

إقتباس

الرسالة الأصلية كتبت بواسطة برشلوني الى النهاية


	من جديد البرشا يقع بين ثلاث فرق انجليزية لكن البرشا قادر على الوصول

سواها الميلان قبل سنتين واخذ البطولة من بين ثلاث فرق انجليزية ، وان شاء الله برشلونه قادر هالموسم يكررها من جديد .

Hilali 3asal · #10154 16/04/2009, 12:28 AM

وابتدأت مرحلة الحسم بالنسبة لبرشلونه في بطولتي الليغا والشامبيونز ليغ .

ثلاث مباريات راح يلعبها برشلونه قبل مباراة تشيلسي ومثلها للمطارد ريال مدريد ، ثنتين منها امام الفرق الكبيرة في الليغا هما اشبيليه وفالنسيا .

شي ممكن تنظر له من ناحيتين واحدة ايجابية والثانية سلبية ، الناحية السلبية اكيد هي الارهاق اللي يصيب اللاعبين من ضغط المباريات وهنا يبدا دور جوارديولا في تطبيق مبدا المداورة بين اللاعبين بشكل ايجابي يخدم الفريق .

الشي الايجابي انك توصل مباراتي تشيلسي وبينها مباراة الريال وانت عارف وضع منافسك قبل الكلاسيكو ، الفارق ست نقاط حاليا وهناك تسع نقاط قبل مباراة الريال ، يعني لما يأتي موعد الكلاسيكو يكون الفارق النقطي معروف بين الفريقين لو بقي على ماهو عليه او زاد وهذا اللي نتمناه تكون الفرصة كبيرة لبرشلونه انه يركز على مباراتي الشامبيونز حتى لو يضحي بنتيجة مباراة الريال لانه سيبقى في الصدارة لو حصلت الخسارة لاسمح الله ويكون متبقي فياريال على ملعب الكامب نو والفرصة جيدة للبرسا يفوز بالنقاط الثلاث ونكون انهينا المباريات القوية ومع التركيز في مباراتي تشيلسي ممكن ياتي تاريخ 7 مايو والفريق ينتظره نهائيين وزيادة على كذا متصدر الليغا .

هو سيناريو ممكن واتمنى انه يصير وبالتوفيق للبلوجرانا ، وفيي النهاية لكل مجتهد نصيب ،،،