السلام عليكم
ألف مبروك الفوز الغير صراحة .. صحيح ماشفت المباراة بسبب النوم كل شوي نايم قايم > ما أقصد يوزر شمردوخ سابقا ترى لكن أبو سلطان هابيب آنا ماقصر ولو انه شلخ قلبي يوم يرسل لي رسالة الحرّاس الي يبدعون قدام برشلونة وواضح من الرساله المغثه الي بقلبه عاد قلت بس انهزمنا .. بس الحمد لله ماقصروا العيال .. عاد مادري متى إعادة المباراة لكن ما اتوقع انه بتصير الليل .. احيانا المغرب ولا العصر ولا الظهر بعد .. كذا كذا بتفوت علي للأسف .. ياليت تدبروننا بالإعادة ياشباب .. بالنسبه للمباراة أنا شفت هاي لايتس منها باليوتيوب كالعادة طبعا .. وحسب كلام الشباب برضو استنتجت ان بويان داخل الملعب يحتاج شوية ثقه .. يعني اذا لعب لحاله صحيح يحوقها أحيانا لكن حاول معه مره مرتين ثلاث لين يجيب نتيجه .. امس مافيه مهاجم الا هو وشوية ميسي .. لكن الضغط الهجومي عليه كان كبير شوي .. لو معه إيتو ماراح يسجل بويان بإعتقادي لان اذا سجل إيتو راح يخف جدا حماس بويان وممكن يفقد الثقه بنفسه .. لكن هالمباراة ممكن تكون اعطته ثقه كبيره بنفسه والمستفيد الأكبر هو البارسا
تمنيت لو ان نص مبارياتنا في الشهر الصعب هالاسبوعين .. يعني الشهر الصعب راح يتخللها مباراة ممكن تكون قوية بل ممكن تكون صاعقية من ناحية الأداء المفترض عمله من قبل البارسا .. مثلا اننا نقابل خيتافي والفياريال والباقين نمزمز عليهم بعدين ..
بيب اليوم على رغم معرفته بتقليص الفارق بينه وبين الريال الى 3 نقاط الا انه غامر بهالمباراة بالعناصر الي لعب فيها والعناصر الي حيّطها .. لكنه أثبت انه واثق من نفسه أولا وواثق من فريقه ثانيا .. العامريه من جاء هوقو سانشيز ما انهزموا على أرضهم .. تجي بهالتشكيلة وتلعب تمارين بملعبهم اعتقد هالشي مميز نوعا ما ويحسب له ..
مادري عن الدفاع اليوم هل هو سيء ولا يمشي الحال لكن على كلام الشباب انه سيء للأسف .. وياقلب لاتحزن ..
فرحت صراحة لما عرفت ان ألفيس كان احد نجوم اللقاء والاكثر نجومية يبدولي من خلال كلام الشباب .. فرحت لأنه بصراحة طوّل حبتين بإبتعاده عن مستواه الخرافي الي كان يقدمه وخفت ان ارهاقه مهب مثل العالم والناس .. ارهاقه يكون راعي طويله زي نادر من اللاعبين يبدع فتره وتنساه .. صحيح انه كان يادي كويس في المبايات الي مايبدع فيها لكن انا أبي ألفيس السيكل لا اله الا الله .. لكن الحمد لله على كلام الشباب انه رجع للمستوى المبهر الي عودنا عليه ..
دايم نقول ان الوسط اذا كان فيه اينيستا وزافي وتوريه وكيتا راح يكون فيه ابداع منقطع النظير ماشاء الله .. أشوف كيتا كذا مره يطلع قدام ويهاجم لا ويهدد بعد .. وبخصوص زافي واينيستا تكفي طقطقة الكعوب ..
إينيستا يثبت يوم بعد يوم ومباراة بعد مباراة انه لاعب اسطوري .. الون تو الوايرلس الي سواه مع ميسي في الهدف الأول ينم عن فكر راقي عند هاللاعب ..
فالديز .. وش مطلعك بالهجمه المرتده الي كان توريه ماشي مع المهاجم ! طالع لين منطقة القوس أبو الحرّيف !
مبروك اقين ياشباب .. عندي احساس ان الاسبوع الجاي بنوصل للـ +9 بإذن الله