وش صاير في موبايلي اليوم - نادي الهلال السعودي - شبكة الزعيم

أبوأثيل · #1 16/07/2008, 05:30 PM

بعد العصر لهذا اليوم الإربعاء لم أجد شبكة موبايلي وحاولت ولكن دون جدوى وكذلك لدي خط ثاني ونفس المشكلة وأتصلت من الهاتف الثابت ويعطي مشغول وأتصلت على 6 من الي أعرف عندهم موبايلي وكلهم مشغول المشكلة مافيه أي شبكة ولاتقدر تتصل على 1100 لا من الجوال والثابت يقولك أن هذا الرقم غير صحيح
من عنده خبر يعلمنا

الحربي2004 · #2 16/07/2008, 05:48 PM

ماعندي خبر.........
لكن انقل خطك الى افضل شبكة بالمملكة.........اعلانه

تقبل تحياتي

_ricardo_KAKA · #3 16/07/2008, 06:18 PM

والله أنا مثلك,,, اخوي الصغير ياصايح علي اشحنلي وأنا اقول ما فيه ابراج وياليت يفهم .. يقول ووش دخل الأبراج ... اقول الله يستر كم واحد بتضيع عليه صفقه وكم واحد محتاااج لمكالمه الحين لموضوع خطير مثلا ,,, وكم واحد نسا جواله وينه فيه ويبي يدق عليه علشان يسمعه أذا رن <<موب أنا

SAM 6 وبس · #4 16/07/2008, 06:20 PM

انا مثلك يالغالي ,, واتوقع انه مشكلة كبيرة صايره مع العلم ان عندي خطين وكلها نفس المشكلة ,,,

واذا بغيت تدق على الدعم الفني لموبايلي من الجوال او التلفون الثابت هذا هو الرقم 0560101100 >> لكن لاتتعب نفسك لان الرقم مشغول من كثر اللي يدقون..

كان هنا · #5 16/07/2008, 06:45 PM

حتى آنآ آليوم بعد آلعصـر رفعت ضغطي موبآيلي :@
آول مرة تصيـر هآلمشكلة مع شبكة هآتف متنقل

،،

t.r.k911 · #6 16/07/2008, 06:49 PM

والله انكم صادقين

توي الحين أبدق على خويي جواله موبايلي يقولي الشبكة مشغولة

لي ساعه وانا ماسك الجوال وعلى هالحال

Hilali88 · #7 16/07/2008, 09:27 PM

كنت أحسب المشكلة بس عندي

طلع الشعب كله يعاني

موبايلي عالم من اختياري

abo_nasser · #8 16/07/2008, 09:43 PM

هلا وغلا خيوو..ورده

والله موبايلي لها اسبوعين ما ادري وش تبي ..ما يمسك الخط ابد..

(==

اتمنى يشوفون لهم حل قبل ما احول رقمي..

سلاااااااااااااااااااااااااام

المهندس الهلالي 999 · #9 16/07/2008, 09:55 PM

كنت أحسب المشكلة بس عندي

طلع الشعب كله يعاني

موبايلي عالم من اختياري

الدنيا بلوووو · #10 16/07/2008, 10:02 PM

اللي صاير انه عطل كبير في الشبكة

والسبب يعود على اقتحام مخربين للشبكة

وهذا الكلام وكالة ( يقلون )

والوضع راح يرجع افضل بعد 24 ساعه

A S D · #11 16/07/2008, 10:09 PM

نفس المشكله و الحين عندي مكالمه ضروريه بس مافيه شبكه

’,

LBa your heart · #12 16/07/2008, 10:24 PM

الرياض (سبق) :
تعاني شبكة "موبايلي" من عصر اليوم إلى تعطل شبه كامل ، مما أدى إلى توقف الهواتف المحمولة في نفس الشبكة عن التواصل مع الآخرين سواء داخل أو خارج الشبكة .

وعلمت (سبق) أن انقطاعاً في كيبل الألياف البصرية الخاصة بشبكة موبايلي داخل السعودية أدى إلى توقف الهواتف المحمولة في جميع أنحاء المملكة وخصوصاً المنطقة الوسطى والتي كانت الأكثر تأثراً .

وأشارت معلومات من داخل شركة "موبايلي" أنه من المتوقع إصلاح الكيبل خلال 48 ساعة ، في ظل وجود أنباء عن تعويضات للمشتركين .

تحديث (9.15) مساء :
اصلاح جزئي سريع لشبكة موبايلي في الشرقية والقصيم .. وتوقعات المحللين بخسارة موبايلي لعشرات الملايين خلال فترة التوقف

وشهدت فروع موبايلي ازدحاما شديداً من قبل العملاء للاستفسار عن أسباب التعطل .

بقايا عطر ياســر.. · #13 16/07/2008, 10:26 PM

ما حدث لشبكة موبايلي بعدم وجود ابراج في الهواتف النقالة من الساعه الثالثة عصرا تقريبا هو وجود اصلاحات لشبكة موبايلي الخاصة بالشركة وسيتم الاصلاح والتحديث في غضون الساعات القادمة علما بأن العطل في الابراج قد حصل في اكثر مناطق المملكة وكانت بداية العطل في منطقة الرياض والمحافظات القريبة منها ..

منقول من منتدى الجمهووور الهلاااالي

وشككككككر لكم

!. مجنون في زمن العُقلاء .! · #14 16/07/2008, 11:18 PM

ياهلا فيك
بالنسبة لي أنا في الشرقية - الدمام
ولحد الحين لا صار إصلاح ولا تغير شي
الظاهر أنها حوبة أختي

اليوم أول مره تطلع رقم وقالت ابي موبايلي
تبي تدعم الهلال

جابت النحس على الشعب التابع لموبايلي

tntn707 · #15 16/07/2008, 11:28 PM

نفس المشكله عندي أخوي مسافر وجالس اتصل ويقول الشبكه مشغوله ....

الجوال ..................... وبس