السلام عليكم ورحمة الله وبركاته


صبــــاح / مســـــاء الـــورد

ورده ورده

أول موضوع لي في هذا القسم



المهم

من يومين كنت امشي وشايله معاي لاب توبي وكان الشاحن مشبوك فيه وانا ماشيه وطيت سلك شاحن

اللاب توب وطاح على الكرسي بعدين على الأرض <<رخاام الأرض

كان اللاب توب مشغل بس مسكره الغطا يوم فتحته حسب ما أذكر كان مكتوب النظام تالف أو شي زي كذا

شغل ما أدري ايش للمساعده اخترت موافق ما أذكر بالضبط وش كان مكتوب من الروعه ابي يشتغل بسرعه

وطفيته ولا حظت انه شوي انفك وركبته مو مره انفك بس يعني انفتح

جا من بكرا اشغله مايشتغل << ايه وش بعد مطيحته وتبينه يشتغل

والله اني احبه كل ملفاتي وخرابيطي فيه مااقدر اوديه اصلحه



تتوقعون اقدر ارجع الصور والمقاطع والملفات الموجوده فيه؟؟!! <يـــــــــــارب اقدر

يالله بصيييح كل يوم اقول بنقل ملفاتي للهارد دسك او فلاش بس اقول بكــره بكــره

داايم لين شافني ابوي مسويه كذا يقول ارفعي الأسلاك عن الأرض بس ما أسمع الكلام

,,,,,,,,,,,,,,,,,,,,,,,,,,,,,,,,,,,,,




بالنسبه للعنوان مالقيت الا اللي انتو شايفينه الحين

يوووه الله يعينك والله ..
احيانا الواحد ما يتحسف عالجهاز كثر ما يتحسف عالملفات
اتوقع بتقدرين ترجعينها .. كذا اتوقع والله ما عندي علم واضح لكن ان شاء الله يفيدونك الزعماء ..
بالتوفيق لك والله يعوضك خير ان شاء الله

الله يعينك بس تقدرين تودينه للمحلات اللي قدام مركز صحارى الرياض فنااانين مرة

شوفي يمكن تفقدين بعض الملفات

هذا اللي اكتشفته من دراستي وحوستي بالاجهزه <<< قامت تتفلسف

بس انتي اذا وديتيه وصلحتيه انشاء الله ماتضيع كل الملفات بس اتوقع من تجاربي لازم يروح شي


بس الله يعينك

الله يعينك على بلواك
...................................................................................................

الله يعينك وحاولي ترا يمكن تقدرين ترجعين الملفات ونصيحه إذاكانت الملفات خاصه حاولي انك ماتنطلينه عند اي محل

أولآ السلام عليكم جميعآ
ثانيآ معليش هذه نتائج الاهمال وانشاء الله ماتكرر في اي شي
ثالثآ والأهم انه فيه واحد في حراج الكمبيوتر في العليا مصري ينقاله الدكتور وهومتخصص في الهارد دسكات وارجاع الملفات
انشاء الله ينفع ويصلحه
بس لاتنسين تدعيلي وابشوف وش الدعوه

شوفي إذا كان الهارديسك ما صار له شيء تقدر تودينه عند (محل معروف ) و ينقلك البيانات من الهاردسك بس مو أي محل
أما إذا الهارديسك انخرب الله يعينك !!!!!

اي شي بجهازك من ملفات وغيرها ماراح تنمسح الا اذا انتي مسحتيها لك اذا كانت موجوده بكل سهوله يطلعونها لك

والاحتملات الحين كثيره

1- احتمال الجهاز فيه مشكله وممكن يتصلح بدون فقد المعلومات

2- احتمال الجهاز فيه مشكله وما يتصلح الا لزم انك تفقدينها

في الحاله هاذي اطلبي من المحل انه يفك الجهاز ويفك الهاردسك ويحطه في كيس خارجي وانقليها لجهاز ثاني او هاردسك

3- تكون المشكله بنفس الهاردسك وانمسحة البيانات يعني لو حطيته بكيس خارجي ماراح توظح لك الملفات او انك تحصلينها لكن مايقبل انك تنقلينها فيه محلات يحلون لك المشكله هاذي

وبالتحديد حراج الكامبيوتر في الرياض الدور الثاني تحصلين محلات مخصصه للهاردسكات يضبطونه لك انشالله

معاذ بن فهد


احتمال الجهاز فيه مشكله وممكن يتصلح بدون فقد المعلومات


ياااارب هذا الاحتماااال هو الصحيح يااااااااااارب


شكــــــــــــــــــــرا لك على الافاده والمرور

الله يعطـــــيك العافيه ويوفقك

ورده ورده ورده


بسألك حراج الكمبيوتر هو نفسه اللي في العليا؟!!

ايه نعم هو الي في العليا بجانب فندق الهوليدي ان